Nöldur
Árekstur!
29/10/07 19:18 |
Beinn
tengill
Frænka mín lenti í árekstri um daginn og nú er farið
með hana eins og hún hafi verið í órétti. Ökumaður
ökutækis A heldur því fram að hann hafi ætlað að taka
vinstri begju þegar frænka mín, ökumaður B, reynir að
taka fram úr og skellur í vinstri hliðina á bíl A.
Frænka mín tekur ekki einu sinni fram úr traktorum
þegar þeir eru á undan henni, svo það er eitthvað
bogið við þetta.
Lítum nánar á myndirnar sem teknar voru á vetvangi:
Ef bíll B var í raun að taka fram úr bíl A þegar áreksturinn átti sér stað, hvernig stendur þá á því að báðir bílarnir eru á HÆGRI vegarhelmingi?
Líklegra þykir mér að ökumaður A hafi beygt út af til hægri og komið aftur inn á í veg fyrir ökutæki B. Þá sennilega verið að taka U-beygju.
Hér að ofan sést teikning eftir ökumann A af undanfara árekstursins, ég teiknaði feril ökumanns B inn á með rauðu til að sýna hvernig áreksturinn hefði þurft að vera, fengist þetta staðist.
-Takið eftir því hversu vandlega er merkt inn á að ökumaður A hafi sýnt stefnuljós (rauða línan yfirstrikar þá tilkynningu reyndar).
Hér að ofan hef ég teiknað feril ökumanns A með rauðu og feril ökumanns B með bláu eins og ég tel að þetta hafi verið skv. vettvangsmyndunum... En eins og málin standa í dag þá ber ökumaður B kostnað af öllu tjóni.
Lítum nánar á myndirnar sem teknar voru á vetvangi:
Ef bíll B var í raun að taka fram úr bíl A þegar áreksturinn átti sér stað, hvernig stendur þá á því að báðir bílarnir eru á HÆGRI vegarhelmingi?
Líklegra þykir mér að ökumaður A hafi beygt út af til hægri og komið aftur inn á í veg fyrir ökutæki B. Þá sennilega verið að taka U-beygju.
Hér að ofan sést teikning eftir ökumann A af undanfara árekstursins, ég teiknaði feril ökumanns B inn á með rauðu til að sýna hvernig áreksturinn hefði þurft að vera, fengist þetta staðist.
-Takið eftir því hversu vandlega er merkt inn á að ökumaður A hafi sýnt stefnuljós (rauða línan yfirstrikar þá tilkynningu reyndar).
Hér að ofan hef ég teiknað feril ökumanns A með rauðu og feril ökumanns B með bláu eins og ég tel að þetta hafi verið skv. vettvangsmyndunum... En eins og málin standa í dag þá ber ökumaður B kostnað af öllu tjóni.
|
Topp 20 hlutir til þess að verða leiðlinlegur
viðskiptavinur í húsgagnaverslun...
25/01/07 19:02 |
Beinn
tengill
-20: Fáðu lánað húsgagn heim... Gerðu svo allt sem í
þínu valdi stendur til þess að komast upp með að
skila því aldrei aftur.
-19: Drekktu þig ofurölvi ásamt nokkrum vinum áður en þú mætir í verslunina.
-18: Búðu á efstu hæð í lyftulausri blokk og fáðu eitthvað þungt sent heim til þín. Eldaðu skötu, kæstari en jafnvel kölski sjálfur myndi kæra sig um, áður en lafmóðir starfsmennirnir koma með húsgagnið til þín.
-17: Fáðu eitthvað gríðarlega þungt sent heim til þín, en hagræddu húsgögnunum sem fyrir eru þannig að hvergi sé hægt að láta nýja stykkið niður. Ef starfsmennirnir spyrja hvert þetta eigi að fara, gerðu þér þá upp heyrnarleysi.
-16: Flyttu í hús sem hefur stofuna í kjallaranum, sem aðeins er aðgengilegur um sérlega þröngan hringstigagang... Málaðu veggina á hringstigaganginum á meðan þú býður eftir stóra, þunga sófasettinu þínu sem á að fara niður í stofu... Tímasettu þetta þannig að málningin verði enn renblaut þegar sófinn kemur.
-15: Steldu útstillingarmununum í versluninni.
-14: Taktu góðan tíma í að skoða alla verslunina og kláraðu á meðan heilan tyggjópakka, eitt stykki í einu. Klíndu því sem þú ert búinn með undir sófaborð, borðstofuborð, lista á skápum eða undir sófasett.
-13: Mættu með ofvirka krakkann þinn, vopnuðum dekkjalausum Matchbox™ bíl og láttu svo eins og ekkert sé þegar hann ekur honum eftir öllum sófaborðunum í versluninni.
-12: Keyptu þér háklassa leðursófasett... Fáðu það sent heim og þvoðu það svo hressilega upp úr Ajax gluggahreinsi eða öðru sterku þvottaefni. Mættu svo bálreiður í skapinu í verslunina og öskraðu að ef þú fáir ekki nýtt sett í staðinn fyrir þetta gallaða drasl þá munir þú kæra verslunina fyrir neytendasamtökunum.
-11: Mættu með sígeltandi púðluhundinn þinn og gríptu reglulega fram í fyrir starfsmanninum með því að tala smábarnalega við hundinn.
-10: Vertu fúll í skapi og uppstökkur.
-9: Náðu athygli starfsmanns og fáðu hann til þess að sýna þér eitthvað húsgagnið, en leyfðu honum bara rétt að byrja og farðu svo að tala í símann í a.m.k. korter áður en þú leyfir honum að halda áfram.
-8: Keyptu eitthvað sem þú getur komið fyrir í bílnum þínum, en fylltu hann af alls konar drasli áður en þú leggur af stað í húsgagnaverslunina svo starfsmaðurinn þurfi að hafa sem mest fyrir því að koma þessu inn í bílinn.
-7: Flyttu á efstu hæð í lyftulausri blokk sem ekki er hægt að keyra sendibíl upp að (eins og þessar í fellunum í breiðholtinu) og keyptu eitthvað stórt og þungt sem passar ekki inn. Kórónaðu þetta með lið nr. 6 hér fyrir neðan:
-6: Keyptu eitthvað þungt og stórt og fáðu það sent heim til þín... Skiptu svo a.m.k. þrisvar sinnum um skoðun og skiptu húsgagninu út í hvert skipti fyrir eitthvað svipað stórt og þungt.
-5: Mættu í verslunina og talaðu hátt, svo allir aðrir viðskiptavinirnir heyri, við starfsmanninn... Kynntu þig sem smið og ráfaðu um búðina og kallaðu allt illa smíðað drasl.
-4: Farðu í verslun með evrópsk húsgögn og haltu því statt og stöðugt fram að allt sem þú sérð í versluninni sé í raun framleitt af litlum börnum í Kína.
-3: Pantaðu í sérpöntun eitthvað furðulegt sem sennilega enginn annar kaupir, hættu svo við þegar þetta er komið til landsins.
-2: Berðu verðin í versluninni saman við verðin í Ikea og Rúmfatalagernum. Kallaðu starfsmennina gráðug svín fyrir þessa rosalegu álagningu... En taktu samt þinn tíma í að skoða alla verslunina.
-1: Prúttaðu eins og enginn væri morgundagurinn, en farðu samt fram á sérþjónustu sem annars myndi kosta aukalega (t.d. að fá ósamsetta vöru samsetta heim, fría heimsendingu út á land o.s.frv.).
-Og já, ég hef séð þetta allt... Athugið að "smiðurinn" í lið nr. 5 kallaði m.a. einn sófann í versluninni "illa smíðað drasl", sem annars er þekktur fyrir vandaða smíði og a.m.k. 15 ára endingu í daglegri notgun á stóru heimili... Ég bara næ ekki svona fólki.
P.s. Liðirnir eru ekki í neinni sérstakri röð.
-19: Drekktu þig ofurölvi ásamt nokkrum vinum áður en þú mætir í verslunina.
-18: Búðu á efstu hæð í lyftulausri blokk og fáðu eitthvað þungt sent heim til þín. Eldaðu skötu, kæstari en jafnvel kölski sjálfur myndi kæra sig um, áður en lafmóðir starfsmennirnir koma með húsgagnið til þín.
-17: Fáðu eitthvað gríðarlega þungt sent heim til þín, en hagræddu húsgögnunum sem fyrir eru þannig að hvergi sé hægt að láta nýja stykkið niður. Ef starfsmennirnir spyrja hvert þetta eigi að fara, gerðu þér þá upp heyrnarleysi.
-16: Flyttu í hús sem hefur stofuna í kjallaranum, sem aðeins er aðgengilegur um sérlega þröngan hringstigagang... Málaðu veggina á hringstigaganginum á meðan þú býður eftir stóra, þunga sófasettinu þínu sem á að fara niður í stofu... Tímasettu þetta þannig að málningin verði enn renblaut þegar sófinn kemur.
-15: Steldu útstillingarmununum í versluninni.
-14: Taktu góðan tíma í að skoða alla verslunina og kláraðu á meðan heilan tyggjópakka, eitt stykki í einu. Klíndu því sem þú ert búinn með undir sófaborð, borðstofuborð, lista á skápum eða undir sófasett.
-13: Mættu með ofvirka krakkann þinn, vopnuðum dekkjalausum Matchbox™ bíl og láttu svo eins og ekkert sé þegar hann ekur honum eftir öllum sófaborðunum í versluninni.
-12: Keyptu þér háklassa leðursófasett... Fáðu það sent heim og þvoðu það svo hressilega upp úr Ajax gluggahreinsi eða öðru sterku þvottaefni. Mættu svo bálreiður í skapinu í verslunina og öskraðu að ef þú fáir ekki nýtt sett í staðinn fyrir þetta gallaða drasl þá munir þú kæra verslunina fyrir neytendasamtökunum.
-11: Mættu með sígeltandi púðluhundinn þinn og gríptu reglulega fram í fyrir starfsmanninum með því að tala smábarnalega við hundinn.
-10: Vertu fúll í skapi og uppstökkur.
-9: Náðu athygli starfsmanns og fáðu hann til þess að sýna þér eitthvað húsgagnið, en leyfðu honum bara rétt að byrja og farðu svo að tala í símann í a.m.k. korter áður en þú leyfir honum að halda áfram.
-8: Keyptu eitthvað sem þú getur komið fyrir í bílnum þínum, en fylltu hann af alls konar drasli áður en þú leggur af stað í húsgagnaverslunina svo starfsmaðurinn þurfi að hafa sem mest fyrir því að koma þessu inn í bílinn.
-7: Flyttu á efstu hæð í lyftulausri blokk sem ekki er hægt að keyra sendibíl upp að (eins og þessar í fellunum í breiðholtinu) og keyptu eitthvað stórt og þungt sem passar ekki inn. Kórónaðu þetta með lið nr. 6 hér fyrir neðan:
-6: Keyptu eitthvað þungt og stórt og fáðu það sent heim til þín... Skiptu svo a.m.k. þrisvar sinnum um skoðun og skiptu húsgagninu út í hvert skipti fyrir eitthvað svipað stórt og þungt.
-5: Mættu í verslunina og talaðu hátt, svo allir aðrir viðskiptavinirnir heyri, við starfsmanninn... Kynntu þig sem smið og ráfaðu um búðina og kallaðu allt illa smíðað drasl.
-4: Farðu í verslun með evrópsk húsgögn og haltu því statt og stöðugt fram að allt sem þú sérð í versluninni sé í raun framleitt af litlum börnum í Kína.
-3: Pantaðu í sérpöntun eitthvað furðulegt sem sennilega enginn annar kaupir, hættu svo við þegar þetta er komið til landsins.
-2: Berðu verðin í versluninni saman við verðin í Ikea og Rúmfatalagernum. Kallaðu starfsmennina gráðug svín fyrir þessa rosalegu álagningu... En taktu samt þinn tíma í að skoða alla verslunina.
-1: Prúttaðu eins og enginn væri morgundagurinn, en farðu samt fram á sérþjónustu sem annars myndi kosta aukalega (t.d. að fá ósamsetta vöru samsetta heim, fría heimsendingu út á land o.s.frv.).
-Og já, ég hef séð þetta allt... Athugið að "smiðurinn" í lið nr. 5 kallaði m.a. einn sófann í versluninni "illa smíðað drasl", sem annars er þekktur fyrir vandaða smíði og a.m.k. 15 ára endingu í daglegri notgun á stóru heimili... Ég bara næ ekki svona fólki.
P.s. Liðirnir eru ekki í neinni sérstakri röð.