10.11.04
Allt var við það sama á
Akureyri. Jólahúsið alveg hreint frábært,
Brynjuísinn og Greifinn í toppformi. Nonnahús á
sínum stað.
---
Ég og Barði létum Magna í
Á móti sól og Þröst 3000 fá verðlaun
á Gullkindinni fyrir versta lag ársins. Eitthvað "Sólstrandagæi"
með FM allstars og Pöpum. Hef nú bara aldrei heyrt þetta
blessaða lag. En þeir voru voða kátir að fá
verðlaun. Sumir mættu, aðrir ekki. Hálfdán
landsins snjallasti og Kalli Bjarni hvergi sjáanlegir. Simmi og
Jói mættu ægilega hressir.
---
Finnst þessi nýi borgarstjóri
óspennandi. Mjög óspennandi. Einhver dugleg varaskífa
sem verður slátrað fyrir næstu kosningar. Útilokað
að R-listinn hafi hana í framlínunni 2006. Sjálfsstæðisflokkurinn
myndi valta yfir þetta í næstu kosningum. Jafnvel ég
myndi kjósa Sjallana með Gísla Marteinn eða einhvern
í framsætinu frekar en þetta glataða R-lista lið.
Maður er búinn að fá leið á þessu
liði. Alfreð Þorsteinsson! Gimmí a fukking breik.
Það er ekki spurning um innihald heldur umbúðir. Enginn
munur á þessu drasli hvort eð er. Jú kannski. En
allavega, gott að skipta þessu bara upp næst. Leyfa Sjöllum
að fá borg, láta Samfylkingu og VG taka landið. Setja
Framsókn á ís. Helst að leggja flokkinn niður
með lögum. En hver nennir annars að spá í þessu?
Ekki ég. Nema annað slagið í fruntalegum athugasemdastíl.
Og varla það.
---
Sá mynd með sæta ógeðinu
þarna, Aston Kusher eða hvað hann heitir. Ágæt
mynd meira að segja. Og át á Perlunni. Nóg að
gera. Er í smá Serge Gainsbourg fíling núna
enda að lesa ævisögu um hann. Vildi ég kynni frönsku
almennilega og gæti velt mér upp úr textunum. Maðurinn
var algjör snillingur.
05.11.04
Þessi padda:
Fannst í kartöflupoka áðan
og hefur tryllt mannskapinn í allt kvöld. Ku vera klaufhali
og er helvíti ógeðslegt. Eitt af þessum sjaldgæfu
skordýrum sem fyrirfinnast á Íslandi. Spurning um
að fara í mál við Þykkvabæjarbændur.
Heimta milljón í tilfinningauppnám.
---
Útvarpsþátturinn DRDR á
morgun auðvitað, nú eyrnakonfekt úr ýmsum
áttum, m.a. nokkur lög sem heita FUCK OFF, og síðan
óskalagasjúklingarnir gítarparið úr hinni
fínu sveit JAN MAYEN. Ætti að vera gegnumsneitt nýbylgjustuð.
---
Nýjasti
kjallarinn...
---
Heimildarmyndin PÖNKIÐ OG FRÆBBBLARNIR
er alveg sérlega frábær og það er alger skyldumæting!
Fjórar stjörnur! Að sýningu lokinni rabbaði
ég aðeins við Jónatan Garðarson sem var nokkuð
á pönktánum í denn og sagðist hafa skipt
úr framúrstefnudjassi í pönk þegar sprengjan
sprakk og það þótt vinir hans héldu að
hann væri orðinn geðveikur. Við vorum sammála
um að 1979 væri líklega það versta í
íslenskri rokksögu og hann ku hafa skrifað einskonar dauðadóm
yfir árið í Þjóðviljann. Við það
megadiss varð ónefndur Brunaliðsmaður svo reiður
að hann lamdi Jónatan. Hinn geðþekki Jónatan
er því einn að örfáum íslenskum gagnrýnendum
sem hafa verið lamdir fyrir skrif sín og verður það
að teljast góður árangur, nokkurs konar hámarks
viðurkenning fyrir vel unnin störf.
---
Hinir mögnuðu tónleikar Heilbrigð
æska í apríl í Kópavopsbíói
voru eftir á að hyggja neistinn sem kveikti bálið.
Ég man sáralítið eftir frammistöðu Dordingla
sem voru að koma þarna fram í fyrsta skipti nema hvað
ég hafði verið með sviðsskrekk og drullu allan morguninn
á sándtékkinu. Ég hélt myndi líða
yfir mig á sviðinu en við komumst þó í
gegnum prógrammið, 3 lög, 2 instrúmental "Ferða-lag"
og "Diskó-drull", og "Ég
er aumingi" sem var sungið. Nokkrum dögum síðar
kom gagnrýni Jónatans í Þjóðviljanum.
Nú kemur úrklippubókin sér vel:
04.11.04
Svarti
listinn er alveg á sínum stað þótt ég
nenni hreinlega varla að standa í að uppfæra hann.
Lífið er einhvern veginn of stutt til að maður nenni
að fylgjast náið með því hvað þessir
örvitar eru að vesenast. Svo ef einhver vill ættleiða
svarta
listann þá er það mér að sársaukalausu,
endilega bara hreint.
---
Lífið er hugsanlega of stutt líka
til maður nenni að hafa Búss eitthvað á heilanum
næstu mánuðina. En hér er samt sitthvað gott
varðandi það:
Zúri
gæinn birtir t.d. þetta kort á síðunni
sinni:
Maður hefur einmitt verið að pæla í því
hvort þetta sé ekki bara málið...
---
Jósi
er svo með þessi skilaboð:
Dear Majority of Americans
Fuck you too.
Sincerely, the rest of the world.
---
Bússi sjálfur er svo hér
í eigin veldi. Gríðarlega traustvekjandi að hafa
svona hálfvitalegan íþróttahelmút sem
merkilegasta mann í heimi.
03.11.04
Þá erða bara næsta kosning
og þessi er mun áhugaverðari:
---
Íslenskar plötur koma nú út
í haugum. Sumar eru með sérlega illa heppnuðum umslögum:
Glaðlegur ungur drengur hann Kalli... Var ekki hægt að
fresta myndatökunni þangað til hann væri búinn
að jafna sig á þynnkunni?
Jón Sig er vissulega jákvæður, en náðist
virkilega engin mynd þar sem hann leit ekki út fyrir að
vera vangefinn?
Jesús ert þetta þú?
En þetta er nú tvímælalaust
sigurvegarinn í ár:
Já, mig grunaði alltaf að Björn Thoroddsen væri
geislavirkt Zombie.
---
Nei auðvitað hafði ég ekki
rétt fyrir mér (nema eitthvað kraftaverk gerist). En
það er þá bláköld staðreynd sem
þarf ekki að ræða frekar: Meirihluti Bandaríkjamanna
eru hálfvitar. Gaman að heyra að Davíð og Halldór
virtust glaðir með þessi úrslit. Gaman hvað þeir
eru alltaf sammála þjóðinni. Nú verð
ég vinna í að sannfæra sjálfan mig að
þetta skipti ekki máli. Þetta skiptir ekki máli.
Þetta skiptir ekki máli. Michael Moore verður allavega
vinsæll áfram.
02.11.04
Ég ætla að leyfa mér
að vera bjartsýnn. Nýr forseti Bandaríkjanna gjöriði
svo vel:
Kannski ekkert svo æðislegur, en ég
bara meika ekki að hafa hitt ógeðið fyrir augunum í
4 ár í viðbót.
01.11.04
Ljósmyndasafn Rvk er með grúví
ljósmyndavef. Þar má sjá allskonar bítl
og hippa og fleira flott. Hér er t.d. Gunnar Jökull með
Trúbrot um Hvítasunnuna 1972 í miklu stuði:
---
Hugsa sér það. Maður var
bara einu sinni með Bonnie & Clyde í líkamsrækt.
Ég er að tala um Kristinn og Sólveigu. Við þrjú
vorum einmitt einu sinni alltaf á sama tíma í góðærisræktinni
Planet Pulse. Það var lítil hola en átti að
vera hi-klass, enda nuddarar af erlendur bergi sem nudduðu mann í
heitum potti eftir æfingar, og verðið himinhátt nema
maður væri að vinna á Skjá einum. Þetta
var pínulítið og maður alltaf utan í næsta
manni, annað hvort Dorrit Mússajeff, Björk eða þeim
þarna bensínglæpons. Auðvitað litu þau
aldrei í áttina til manns þó pungurinn á
manni sveiflaðist fyrir framan nefið á þeim, nema
Sólveig heilsaði einu sinni óvart. Kristinn ægilega
gullið boddí með diskólokkinn sinn og vondu samviskuna,
en Sólveig í sokkabuxum, fölnað diskóblóm
sem var strítt með pappalöggum og gullklósetti.
Hamingjan skein nú ekkert af þeim, enda alkóhólistar
að mér skilst, og a ha, einmitt, trúlegt að Sólveig
hafi bara ekkert vitað um "hundsbit" karlsins. Auðvitað þarf
svo engin að gjalda fyrir glæpi sína – samtrygging, Þórólfur
í hinu liðinu í kafi í þessu líka
og því er gerður díll: Við ráðumst
ekki á Þórólf ef þið haldið kjafti
um Kristinn, allir stjórnmálaflokkarnir veikir fyrir í
þessari ormagryfju – og fara ekki einu sinni til helvítis,
því það er ekki til. Ég held Atlantsolía
ætti að setja upp nokkrar bensínstöðvar í
viðbót því maður hunskast þangað
þar til einhver verður lokaður inni út af þessum
40.000.000.000 sem búið er að stela af þessari 290.000
manna þjóð. Það eru víst 137.000 kall
á kjaft, eða svona 34 fullir tankar á fólksbíl.
Og það bara ef miðað er við að hver einasti kjaftur
á landinu eigi bíl, sem er svona nokkurn vegin staðan
en þó ekki alveg. Hvenær verður "Ókeypis
vikan á Shell, Essó og Olís til að bæta
upp fyrir glæpi okkar"?
31.10.04
Eintómar Peel-sessjónir á
topp 5 þessa vikuna:
David
Bowie - Oh! You pretty things
White
Stripes - I'm finding it harder to be a gentleman
Sykurmolarnir
- Delicious demon
The
Fall - Clasp hands
Joy
Division - She's lost control
---
Fór að dæma hljómsveitarkeppni
í FVA (Tæfurokk) á föstudaginn með miklu rokkgengi;
Arnar E, Smára tarfi, Kiddu rokk, Óla Palla og Eiríki
Guðmundssyni trommara Tíbrá. Kvennahljómsveitin
Skaðrót bar sigur úr bítum. Bjögga-sagan
var á sínum stað: Einu sinni gekk Björgvini illa
að fá borgað eftir ball. Dansleikjahaldarinn spurði
hvort Bjöggi ætlaðist til að fá borgað undir
borðið og þá á Björgvin að hafa sagt:
Undir borðið, yfir borðið, til hliðar við borðið,
ég fann upp helvítis borðið. Einnig var slúðrað
um hljómsveitir sem hingað eru væntanlegar á næsta
ári og bera þar AC/DC, U2 og Rolling Stones hæst, en
einnig ættu dauðarokkarar að gleðjast því
bæði Cannibal Corpse og Obituary ku á leiðinni. Gríðarmikið
rokk.
---
Þá var það fyrirsögnin
sem einn var að spá í að nota á dóm
um Kalla Bjarna-plötuna: "Háseta vantar pláss"...
28.10.04
Smávægilegar minningar #1:
Tryggvi Þór Tryggvason, gítarleikari Fræbbblana
og söngvari F/8, spurði mig einu sinni hvort það væri
ekki betra að tannbursta sig upp úr heitu vatni en köldu.
Fólk þvoði jú upp með heitu vatni en ekki köldu
og því hlyti það sama að gilda um postulín
tannanna. Mér dettur þetta alltaf í hug þegar
ég læt óvart renna heitu vatni á tannburstann
minn, sem gerist nú reyndar ekki oft.
---
Doktor Doktor er að vanda á dagskrá
Skonrokks FM90.9 á morgun, laugardag, á milli 12 og 15. Þáttinn
verður að þessu sinni tileinkaður útvarpsmanninum
John Peel sem lést sl. mánudag, 65 ára gamall. Peel
var
kunnur fyrir einn víðfeðmasta
músiksmekk sem um getur og var ákaflega opinn fyrir nýjungum
og upprennandi hljómsveitum. Margar af stórstjörnum
dagsins í dag fengu sitt fyrsta breik í þáttum
hans á BBC. Þeir sem hlustuðu á hann gátu
ekki annað en hrifist með fjölbreytninni og því
hversu gaman hann hafði af þessu öllu saman. Hann var ferskur
fram á síðasta dag, spilandi brjálað spíttmetal
við hliðina á gabbageðveiki, framsæknu rokki,
tölvupælingsmúsik, slögurum og eldgömlu stöffi
af 78 snúninga plötum. Það besta við þættina
hans var að maður vissi aldrei hvað kom næst, en keypti
það allt.
Sjálfur nýtti ég hvert tækifæri
sem gafst til að hlusta á karlinn. Náttúrlega
notaði maður tækifærið þegar maður var
í Englandi og þegar BBC World service náðist hér
um tíma mátti heyra samantekt úr þættinum
á
sunnudögum. Með blessuðu internetinu
opnuðust svo allar dyr og loksins var hægt að hlusta almennilega.
Það tottar "fyrir allan peninginn" að þáttur
Peel sé dottinn úr loftinu, en svona er þetta. Menn
deyja. Skerí.
Peel verður minnst með því
að spila eitthvað af músik sem tekin var sérstaklega
upp fyrir þættina hans (hin frægu Peel sessions) og einnig
með því að spila eitthvað af því
efni sem hann fílaði hvað mest og birti m.a. í sérstökum
Peelennium-lista um aldarmótin. Þar tók hann saman
bestu lög síðustu aldar, 4-6 lög á hvert einasta
ár.
Að vanda verður svo óskalagagestur
í þættinum Doktor doktor, nú er röðin
komin að Ómari Swarez úr Quarashi og verður gaman
að heyra hvað hann dregur í hús.
---
Nýr háspekilegur kjallari
birtist í DV í dag.
26.10.04
John
Peel, útvarpsmaðurinn frábæri, látinn,
65 ára. Fékk hjartaslag í Perú, ömurlegt
rugl. Hvað á maður þá að hlusta á?
Var einn ötulasti aðdáandi The Fall og með einn glæsilegasta
tónlistarsmekk sem um getur.
---
Edduruslið ákvað að sniðganga
Popppunkt í þetta skiptið og tilnefna Pop Idol frekar.
Pop Idol! Síðan hvenær eru kóverplötur tilnefndar
til íslensku tónlistarverðlaunanna? Æ jú,
Björgvin síðast. Bót í máli að
nú þarf maður ekki að mæta á þetta
glataða Eddupartí. Tvíhöfði ætlar annars
að efna til Gullkindarinnar og verðlauna það besta af
því versta. Trúi að það verði mun
meira sannfærandi keppni.
25.10.04
Bingóið á S1 er eins og Kolaport
sjónvarpsþáttana. Alþýðlegt, væt-trass
og á spítti. Frekar mikið antíklæmax þó
að fyrsti vinningshafinn hafi unnið málningadós.
Ég hafði nú bara prentað út 3 spjöld
fyrir mig en Naglbíturinn var á svo hörðum efnum
að ég hafði ekki undan að merkja við. Kúl
it mar. Kannski vinnur maður sér upp bingóhraða,
en það er allavega næsta pottþétt að ég
glápi á eitthvað á þetta rugl í framtíðinni.
Fá mér kannski tattú. Mér skilst að 250.000
kall sé hámarkið sem tattúdraslið má
kosta. Einn vildi fá sér tattúið "bjórflaska
x100", semsé 100 bjórflöskur (verðmæti 16.000).
Eru engin takmörk fyrir því hvað fólk eru
miklir fávitar? En ég væri svo sem alveg til í
að eiga tvöfaldan ísskáp með klakavél
og myndi það ekki líta vel út á kálfanum
á mér?
---
Fyrir nokkrum mánuðum fannst mér
Ingvi Hrafn ömurlegur en nú finnst mér hann bara fyndinn.
Líka Hannes Hólmsteinn og allt þetta lið maður.
Hvað ætli maður nenni að finnast eitthvað fólk
ömurlegt þó það sé það kannski.
Þetta endar allt í gröfinni hvort eð er og iðrast
og sér kannski sannleikann á grafarbakkanum. Þótt
það sé náttúrlega engin sannleikur til.
Allavega, Ingvi var með þáttinn Bingó lottó
og Unun spilaði einu sinni hjá honum. Fannst það frekar
lélegt að Ingvi heilsa ekki upp á okkur fyrir sjóið
(hann var þarna á vappi), en í staðin sáum
við framan í gaurinn sem "lék" Bingóbjössa,
lukkudýrið hans. Súrt.
---
Uppgötvaði um helgina hvað ég
er orðin mikill karlfauskur. Nennti nefnilega ekki út úr
húsi til að glápa á dýrðina á
Iceland Airwaves en sá tvær videómyndir í staðin.
Sorglegt en satt.
---
Það er orðin hefð að fara
á brettið á sunnudögum og horfa á Egil stjórna
liði að tuða. Finnst tuðtíminn á S1 mun meira
óspennandi. Egill er framúrskarandi tuðmeistari og skemmtilegur
penni eins og sjá má hér.
Össur að tuða við Guðna tottaði samt, svoddan
helvítis klisjur í gangi. Á leiðinni úr
WC mætti ég Össuri. Hann strauk sér um magann
og sagði að við myndum báðir verða æðislegir
eftir allar æfingarnar í WC. Ég hrósaði
honum fyrir að vera ekki jafn spikfeitur og hann var en hann sagðist
ekki vera á Atkins, heldur á kommon sens kúrnum. Össur
og Ingibjörg eru nú eiginlega skást af þessu liði,
held ég, bara verst að þau ráða engu. Það
er verið að segja að lýðræðið í
USA sé skítt út af þessu þingmannaræði,
eða hvað það er kallað, að þar sem 30 þingsæti
eru í boði og staðan er 16/14 þá fá
þessir sem eru með 16 alla 30, en þessir með 14 fá
ekki neitt. En er þetta ekki nákvæmlega eins hér?
Stjórnarandstaðan sem var kannski með 14 á móti
16 hinna gera lítið nema tuða og nöldra en hafa engin
völd og engin áhrif. Það mætti eiginlega bara
senda þetta lið heim og spara fyrir skattgreiðendur. Lýðræði
er rugl. Allavega þessi tegund. Ekki það ég hafi
lausn eða hafi hugsað mikið um þetta. Síðan
kom Jón Baldvin í settið hjá Agli og kom fyrir
eins og voðalegt séní. Bara verst að hann er alkóhólisti.
Og var þar að auki hundleiðinlegur þegar hann var í
stjórn, minnir mig, og því varla nein framtíðarvon.
Þetta eru allt asnar. Guðjón.
24.10.04
Topp5! þessa vikuna:
Fræbbblarnir
- CBGB's: Af nýju fræbbbla-plötunni DÓT (3ja
stúdíóplatan). Kemur út eftir helgi. 16 hressandi
stuðlög - allir út í búð.
The
Go! Team - Junior Kickstart: Spennandi 6tett frá Brighton. Fyrsta
platan heitir Thunder, Lightning, Strike og er nýkomin.
Bow wow
wow - c30, c60, c90 go!: Eðal örlíeitís og yrkisefnið
tímabært þótt með öðru sniði
sé í dag. Í þessu lagi var fólk hvatt
til að taka upp á kasettur en nú brenna menn. Félagsskapur
sem kallar sig Netfresli
er kominn í málið.
Aberfeldy
- A friend like you: Frá Edinborg. Poppað stuð. Af fyrstu
plötunni, "Young Forever".
Deep
Dish - Flash dance (Original mix): Smá hlaupabrettateknó.
22.10.04
Í svona súperveðri eins og
í gær var ekki hægt að húka inni fyrir framan
tölvuna. Fór því upp á Helgafell í
Hafnarfirði sem er dúndurstuð. Þarna uppi er eins
og maður sé að labba á bráðnu súkkulaði.
Sandsteinninn er þannig, bylgjast um brúnn og rennisléttur.
40 mín upp, 60 mín niður því ég þjáist
af jafnvægisskorti á niðurleiðum. Skrifa það
alfarið á ökklabrotið 95/96.
---
Hinn dýrmagnaði músikþáttur
DR
DR er á dagskrá
Skonrokks
á morgun á milli 12 og 15. Villt og galin dægurtónlist
fyrir magnað stuðfólk eins og þig. Óskalagasjúklingur
þáttarins verður engin annar en Valli í Fræbbblunum
að gefnu tilefni: Ný Fræbbbla-plata (Dót), heimildarmynd
og svo innflutingur á Stranglers í desember.
20.10.04
Hættulegustu djobb í heimi: 2. Hjálparstarfsmaður
í Írak. 1. Ritstjóri DV. Ég ætla rétt
að vona að Mikki sé að fá eitthvað fyrir
þetta.
---
The
Fall gera upp við fyrstu Íslandsheimsókn sína...
---
John Kerry var einu sinni bassaleikari í
sörfbandinu The Elektras. Meira hér.
18.10.04
Fáðu útrás og buffaðu
Bush (og Kerry).
---
Það er kominn vetur. Til hamingju með
það.
---
Valli í Fræbbblunum að flytja
inn Stranglers. Glæsilegt.
16.10.04
Topp 5 kynnir: Iceland airwaves spezíal:
Æla
- Magnarinn: Æla eru ekki með stæla heldur æla
út úr sér háfræðilegu pönk eins
og þessu. Einar Örn beware.
Hot
Chip - Take care: Stebbi stóð á ströndu var
að troða strý o.s.frv. Tjillí skakk-orama. Breskt.
Unsound
- Devote your life to a lost cause: Ein birtingarmynd popppunktsfræðingsins
KGB, helv gott hjá stráknum. Hvenær kemur fokking platan?!
Þórir
- Canada oh Canada (version II): Þórir hinn ungi frá
Húsavík. Plata á leiðinni hjá 12 tónum.
Mikill meistari.
Kid
Koala - Annie's parlour: Kanadískur plötuspilari. Grænmeti
oná svínahaus.
---
Það styttist í tónlistarrisagrautinn
Iceland
Airwaves og því verður DRDR
lagður undir herlegheitin í dag. Til að kóróna
stuðið mætir svo aðaldúddi Erveis, Þorsteinn
Stephensen, um 14 með óskalögin sín. Í þættinum
verða einnig kynnt tvö dönsk bönd, Epo555 og Powersolo
sem spila á Grand Rokki í kvöld. Þau eru
gefin út af Crunchy
merkinu, sem hefur gert garðinn frægan með Junior Senior
og The Ravonettes.
---
Auðnuleysingjaðist upp á Móskarðahnúka
í gær (XXX)
og svo í Árbæjarlaug (XXXX).
Ljótan punkt setti ég síðan yfir i-ið með
því að halda framhjá Krúa tæinu mínu
og fara á Mekong (X)
í staðinn. Það voru vond býtti. Spilaði
síðan á Ísfirsku nýbylgjunni þar
sem gestir höguðu sér eins freðnar ýsur.
13.10.04
Popppunktsspilinu var blastað í Fréttablaðinu
í dag. Til að það sé nú alveg á
hreinu þá kemur spilið ekki á almennan markað
fyrr en um miðjan nóvember.
---
Það eru 621 skilaboð í gestabókinni
og í því tilefni er hér lagið 6:21
með hljómsveitinni S.H.Draum. Það var tekið upp
í bílskúrnum (Eðlueyra) árið 1983 á
öðru starfsári sveitarinnar. Greinileg Birthday Party áhrif
enda platan Prayers on Fire þá nýkomin í hús.
Ég gæti ekki munað textann þó ég stæði
fyrir framan aftökusveit, en þetta er örugglega einhver
unglingabölsýni sem á einfaldar rætur í
þá staðreynd að stelpurnar höfðu hverfandi
áhuga á samræði við mig. Ég svaf með
útvarpsvekjara mér við hlið og þarna um sumarið
vaknaði ég ískyggilega oft upp klukkan 6:21. Það
oft að ég fór að hafa áhyggjur af þessu.
Enn þann dag held ég að talan 6:21 muni tengjast dauða
mínum á einhvern hátt (algjör steypa auðvitað).
Að ég muni t.d. deyja kl. 6:21, eða farast með flugi
númer 621, eða klukkan á brettinu verði 6:21 þegar
ég hníg niður af því með slag, eða
teljarinn á gestabókinni verði 621 þegar ég
hrekk upp af. Bið gesti því um að afstýra þessu
og bjarga lífi mínu.
---
Lagið er annars þróað upp
úr djammi með hljómsveitinni The Birdiemen, sem var eiginlega
ekki hljómsveit heldur eitt djamm í Eðlueyra 1981. Í
bandinu voru ég (bassi, á þessum tíma kunnur
sem Gunnar Infra) og æskuvinur minn Halli (söngur, gítar),
Palli (trommur) sem bjó við hliðina á honum á
Auðbrekku og strákur sem uppnefndur var "Böddi Bína"
(Af því hann líktist "Bínu", sem var lögð
í einelti eins og hann – Böddi var alls óskyldur Böbba
dúfu, sem var ekki lagður í einelti – Böddi gerði
reyndar ekkert á einu æfingu sveitarinnar en fékk að
vera með í bandinu v/ eineltis (sem hét reyndar ekki
einelti á þessum tíma því félagsfræðingar
höfðu ekki fundið hugtakið upp)). "Hljómsveitin"
djammaði nokkur spontant "lög" inn á kasettu og hljómaði
ekki ósvipað og Captain Beefheart í gaggó eða
hljómsveitin Fire Engines. Hvoruga sveitina vissu meðlimir um
á þessum tíma. En hér er sem sé lagið
The
Birdiemen - Bruninn.
---
Ísfirska Nýbylgjan!
– tónleikar í Iðnó
annað kvöld (föstudagskvöld):
Lænöppið í heild lítur
svona út (leikar standa frá um 20oo-02oo):
Spaztízkur
raunveruleiki
Bmx
Eiríkur
Örn Norðdahl
Skúli Þórðarson
7ói
The 9/11's
Reykjavík!
Dr. Gunni
Mugison
Sign
Fjörinu lýkur svo með balli ísfirsku
kántrýsveitarinnar Unaðsdals, sem gerði garðinn
frægann á "Aldrei fór ég suður" hátíð
sl. vor. Þess má geta að sérstakur verndari hátíðarinnar
er enginn annar en fulltrúi og framherji "gömlu" Ísfirsku
Nýbylgjunnar; goðið Helgi Björnsson. Hugmyndin er tilkomin
m.a. í kjölfar samræðna nokkurra vestfirskra vina
og tónlistarunnenda sem þótti furðu sæta
að svo margir frambærilegir
menningarpostular skuli streyma úr Skutulsfirði
þessi misserin; það er í raun einstakt fyrir bæjarfélag
sem telur vart 4.000 íbúa. (úr fréttatilkynningu)
---
Á morgun (kl. 10) hefst svo forsala á
FALL giggið miðvikudaginn 17. nóv í Austurbæ.
Vonbrigði og Dr. Gunni hita upp. Helvíti magnað helvíti!
Forsalan er á Midi. Kostar 3200
kall.
---
Keypti 2 miða á Shadows fyrir tengdó
í gær. Í sæti kostar miðinn 7500 kall, 6500
á palla.
---
Nú er Brian Jones dauður í
Stones-bókinni sem ég er að lesa (Old gods soon dead).
Hann var orðið ægilegt brak en samt lítur út
fyrir að iðnaðarmaður sem var að vinna í húsinu
hans hafi drekkt honum í sundlauginni. Iðnaðarmaðurinn
játaði meira að segja á dánarbeði sínu
("I did Brian"). Í bókinni kemur Maríanna Feiðfúl
fyrir eins og alger gála. Ríðandi öllum og út
úr dópuð öllum stundum, missandi fóstur og
ég veit ekki hvað og hvað. Þetta með Mars-súkkulaðið
í klofinu á henni í dópböstinu er hins
vegar uppspuni. Reyndar eru þetta allt frekar sjeikí karekterar,
nema helst Charlie Watts, sem kemur fyrir sem maður skynseminnar í
ruglinu öllu. Vona að Ragnheiður Hansen láti nú
drauminn rætast á næsta ári og taki bandið
hingað. Myndi borga 7500 fyrir það. 12.000 jafnvel.
---
Hér
er hægt að kjósa í Bandarísku kosningunum.
Eins og þetta lítur út eru þetta valkostirnir:
Bush: Heimsendir / Kerry: Heimsendi frestað.
12.10.04
Ég er nú bara að horfa á
fréttirnar á Stöð 2 og þar er sagt frá
"landsleiknum": 0-1... 0-2... 0-3... Er nú ekki bara kominn tími
til að hætta þessu og einbeyta sér að smáþjóðarleikunum?
---
Dópsalar
er hinn áhugaverðasti staður. Bæti hér nokkrum
sem ég kannast við við (við?):
Nonni stubbur sala/rukkari
Dóra stóra
Jóhann Risi innfl/sala
Doddi draugur
Simbi skítur sala (dóp/sígarettur)
Gunni rokk
Eddi hnífur
Kalli klessa
Tóti tuðra
Ziggi zóza
Systa sjóræningi sala/innfl/rukkari
Kiddi kindabyssa sala/innfl/rukkari
Óli hundaóli sala
---
Það er ókeypis í Þjóðminjasafnið
á miðvikudögum. Þetta er hið vænsta safn
og minnir á eitthvað erlendis, minjagripasala og kaffihús
og allur pakkinn. Gamla safnið var nú ósköp þunglamalegt
(eina þokkalega skemmtilega var beinagrindin) en þetta nýja
svarar kalli tímans og poppar feitt. Gamla draslið í
Þjóðó tók maður á fleygiferð
(leiðinda kirkjurusl mest) en skemmtilegast var færibandið
með nýjasta draslinu. Þar hópaðist líka
fólk og gat bent og sagt "svona átti Dodda systir" og "manstu
eftir þessu". Flestir vilja geta tengst við dótið
sem þeir sjá. Kringlan og Smáralind eru auðvitað
nýjustu deildir Þjóðminjasafnsins, þannig
séð.
11.10.04
Í "dægurmálaþáttum"
þoli ég ekki tvennt: a) Þegar fólk með hunda
er dregið í stúdíó til að sýna
kvikindin. Ísland í bítið er með þetta
atriði að jafnaði einu sinni í viku. b) Eitthvað
fólk er að elda eitthvað í stúdióinu
á meðan einhver umræða fer fram og svo endar prógrammið
á að fólk étur afraksturinn. Frullu dokking leiðinlegt.
---
Prótótýpan af Popppunktsspilinu
er komið til landsins en upplagið sjálft leggur af stað
til landsins í vikunni. Vorum að spila þetta áðan
og sá ekki betur en að þetta verði geðsjúkt
spil. Ógeðslega mikið af spurningum, popphjól og
allur pakkinn.
---
Blessaðir mennirnir mega náttúrlega
hafa þetta eins og þeir vilja, en ég er orðinn frekar
leiður á þessu endalausa jesúvæli í
eðal mönnum eins og Bubba Morthens, KK og Jóni Gnarr. Kannski
er ég bara svona fúll af því ég hef aldrei
getað aulað mér niðrá það plan að
trúa á "æðri" máttarvöld (eða aldrei
verið það desperat v/ óreglu?) og þar af leiðandi
ekki fundið þá andlegu fullkomnun sem sagt er að trúin
veiti. Að maður sé hreinlega vaðandi í villu
og svima og eiginlega bara andlegt hálfmenni verandi ekki lesandi
einhvern eldgamlan og hundleiðinlegan doðrant daginn út
og inn og farandi eftir honum trúandi í blindni á
gamalt andabull. Pirrandi tuð halelúja. Amen.
10.10.04
Topp 5 er hörku töff stöff að
vanda, banana:
The
Cops - Street panther: Hörku kúl stöff frá
Sydney, Ástralíu. Nýtt band, þetta minnir á
slagarann Hey Ya!, hitt stöffið virðist rokkaðra. Moðerfokking
spennandi.
Jan
Mayen - On a mission: Hörku flott lag af mjög fínni
plötu þessara stráka. Platan heitir Home of the Free
indeed og er til í öllum plötubúðum. Moðerfokking
rokkandi.
TV
on the radio - Walking the cow: Hörku svöl kóverútgáfa
af þessum Daniel Johnston slagara. Af nýrri tribute plötu
þar sem Beck og Flaming Lips og allskonar lið fara í geðfötluð
spor meistarans. Moðerfokking strokkandi.
Brian
Wilson - Roll Plymouth rock: Talandi um geðfatlaða þá
er hér kominn einn á grensunni. Skemmdur er hann en með
góðri hjálp er SMILE loksins komin út (sjá
fjölmiðla). Hörku geðveik plata og skyldueign kröfuharðra.
Moðerfokking japlandi.
Van
Dyke Parks - The All golden: Hörku sýrt stöff frá
textahöfundi Smile. Af plötunni Song Cycle sem var dýrasta
plata í heimi þegar hún kom út 1968. (sjá
nánar hér).
Ef einhver getur sagt mér hverjir sömpluðu byrjunina á
þessu lagi fá þeir vegleg verðlaun. Moðerfokking
vætlandi.
---
Er annars að hugsa um að tileinka mér
ögn flippaðri stíl í skriftum, vanilla. Með
því móti, Ú É, get ég skapað
mér moðerfokking sérstöðu í CRAZY heimi
þar sem allir eru að doddi litli jarmandi eitthvað út
um allt um fokking rassgatið á sjálfum sér. Pillaðar
rækjur.
07.10.04
39. Þokkalega gamalt eitthvað. Þegar
ég var tólf ára fannst mér stelpurnar í
gaggó algjörar kellingar. Nú finnst mér allir
fótboltamenn miklu eldri en ég. Hvað er það
og hvar endar þetta eiginlega? Mun mér finnast sextugar kellingar
rosa hott þegar ég verð sjötugur?
---
Fór annars á Gljúfrastein
í tilefni dagsins. Gekk reyndar upp á Helgafell fyrst. Gaman
að þessu Laxnesssafni. Ljóst að hann spókaði
sig um eins og greifi á meðan Auður þrælaði.
Ég þarf að fá Lufsuna inn á þetta
sístem. Halldór var að vesenast út í móa
og í matartímanum fór Auður út á
tröppur með málmgjöll til að kalla karlinn inn
eins og eitthvað smábarn. Voða mikið af bókum
og myndum og heilögum anda. Gott útsýni. Laxi var góður.
Sjálfan dreymir mig um svona púlt eins og hann var með.
Gott að geta valið um að sitja á rassgatinu eða
standa við púlt. Ætla líka að fara að hengja
eitthvað upp af þessum myndum sem eru enn í geymslu.
---
Svo fór fjölskyldan á Thank
god it's Friday sem er nú bara besta hamborgabúllan í
bænum. Punktur.
---
Hér
má sjá lík rotna. Afar upplífgandi.
---
ps. Þórhallur miðill er svikahrappur.
06.10.04
Hljómsveitin Dr. Gunni ætlar að
þykjast vera frá Ísafirði (sem hún er reyndar,
Kristján og Gummi ísfirskir, Grímur á ættir
að rekja til Súðavíkur og ég til Ísafjarðar,
auk þess sem konan mín er ísfirsk) og röknum því
lítillega úr rotinu til að spila á voðamikilli
Vestfjarðarveislu í Iðnó föstudaginn 15 okt.
Þarna verða m.a. Mugison og The 9/11s, líklega eitthvað
úr Grafík og sjálf Birgitta Haukdal, skilst mér,
en hún vann í lúgusjoppunni Krýlið á
Ísafirði fyrir heimsfrægð. Hljómsveitin Dr.
Gunni mun síðan lítillega rakna aftur til að spila
á undan Vonbrigði og The Fall í Austurbæ 18. nóvember
(minnir mig). En annars er það óstaðfest.
---
Best að fara þá að ná
í magnarann sinn í viðgerð.
03.10.04
TOPP 5 á sunnudegi:
The
Concretes - You can't hurry love: Eðalfínt kúlpopp
frá Svíðþjóð. Minnir á Shangri-las,
St Etienne og Cardigans. Plata góð. Heimasíða.
Nouvelle
Vague - Too drunk to fuck: Franskt kóverlaga próject.
Gamlar nýbylgjulummur í kaffihúsastemmingu. Endingargott.
Heimasíða.
Klaatu
- California Jam: Kanadískt 70s rokk. Voru með lagið
"Calling occupants of Interplanetary crafts", sem Carpenters tóku
síðar. Þetta er af fyrstu plötunni "3:47 EST" ("Klaatu"
í Ameríku) frá 1976. Verulega gott stöff. Blaðamenn
fóru að halda því fram að Klaatu væru
Bítlarnir endurvaktir. Skapaðist nokkur spenna um bandið
af þeim sökum en spennan lognaðist út af þegar
hið sanna kom í ljós. Fín plata engu að síður.
Veit ekki um hinar 4 sem bandið pumpaði út þar til
það hætti 1981. Eru nokkur legend á Toranto svæðinu.
Heimasíða.
The
Human League - Being boiled: Fyrsta síngla þessarar Sheffield
syntara (1978). Funheitt og stórkostlegt. Heimasíða.
The
Delgados - Everybody coming down: Dreymið Glasgowpopp. Fínt
stöff í dagsins önn. Á samningi við Flugleiðir.
Heimasíða.
---
Austurlensk áhrif eru alsráðandi
í Kolaportinu. Öðruvísi mér áður
brá. Nú hvernig brá þér þá?
Svona: Búh!
02.10.04
Baggalútur
er nú kominn í loftið á ný á netinu,
sem er húrrandi fínt. Þótt skömm sé
frá að segja er netið mun betri "vettvangur" fyrir karlana
því í útvarpinu var þetta einum of he
he eitthvað.
---
Það er nú alveg ótrúlegt
hvað tölvan er orðin spræk eftir yfirhalningu hjá
Tölvuvirkjanum í Kópavogi. Þetta er nú
bara ekki sama tölvan, segi ég. Annars er hinn dúndurmagnaði
DRDR í dag, en bara til tvö því þá
er moðerfokking fótboltaleikur. Engin gestur í dag en
þess meiri mússikk, og hvílík snilldarmússikk,
segi ég. Ég mun líka heiðra lítillega afmælisbörn
dagsins sem eru ekki af verri endanum: tveir bestu trommarar landsins Biggi
Baldurs (41) og Sigtryggur Baldursson (42), Phil Oakey (49) (Sá
Human League í höllinni, man bara eftir því þegar
mynd af Ramones kom á tjald fyrir aftan bandið og man líka
hvað mér fannst söngkonurnar lélegar, en annars
eru fyrstu lög bandsins mikil snilld), ruslapönkarinn John Otway
(52), Sting (53, var góður með Police) og Richard Hell (55,
fyrsti pönkari í heimi?). Innilegar hamingjuóskir öllum
til handa!!!
29.09.04
Nenni ómögulega að æsa
mig yfir þessu með Jón Steinar. Svo held ég að
hann sé ekkert ómenni og meira líf í honum
en þessum fúnu slyttum sem voru í boði. Gamli nágranni
minn Hjördís hefði svo sem alveg mátt fá
þetta djobb mín vegna.
---
Allt í steik á eyjunni Pitcairn.
Mæli með þessum
lestri og þessum
ef menn hafa á annað borð áhuga á lífi
45 hræða á afskekktustu eyju í heimi.
---
Er loksins byrjaður að lesa sögu
Rolling Stones, Old Gods Almost Dead, eftir Stephen Davis. Algjör
snilld eins og saga Aerosmith sem hann ritaði einnig. Þá
er bara að loka hringnum og fá sér bókina sem
hann skrifaði um Led Zep.
26.09.04
TOPP 5, góðan daginn:
The
Knockout Pills - Target H: Þessir rokka eins og rófulausir
hundar. Eru frá Arizona og svaka töff. Heimasíða.
The
Zombies - Changes: Svimaaukandi stórsnilld af meistaraverkingu
Odessey and Oracles. Ein besta plata sixtísins. Heimasíða.
The
Brunettes - I Miss My Coochie Coo: Dúett frá Nýja
sjálandi. Hafa gefið út tvær LP (2002, 2004) og
eina EP, Boyracer (2003). Þetta lag er af henni. Heimasíða.
The
Birthday Party - Cry: Nick Cave er búinn að gera nýja
plötu. Hlustum á þetta að því tilefni.
Af Prayers on Fire, 1981. Gaman þegar æskan og heróínið
leggjast á eitt.
Mousse
T feat. Emma Lanford - Is it cos I'm cool? (Original Mix): Þrælgott
hnakkapopp. Heyrði þetta í ræktinni á bretti
og linnti ekki látum fyrr en ég vissi hvað þetta
var og hafði niðurhalað.
25.09.04
Ceres 4 verður óskalagasjúklingurinn
í DRDR í dag. Meiriháttar! Brjálað veður
svo það er ekkert betra að gera en að hafa stillt á
Skonrokk á milli 12 og 15.
---
Skrifa kjallara í DV á föstudögum
uns annað kemur í ljós. Birti þá svo hér.
Á sama stað hef ég sett inn teiknimyndasögurnar
sem ég gerði á árum áður og birtust
í Gisp!
23.09.04
Þeir eru nú meiru paranojuvitleysingarnir
þessir Kanar. Mig dauðlangar að lofa sjálfum mér
að fara ekki til Ameríku fyrr en Bush er farinn frá,
en er einum of sjálfselskur fyrir svoleiðis loforð. Allir
hafa heyrt þetta með Cat Stevens (sá eðalmaður,
hef verið að hlusta á Catch Bull at Four í morgun),
en það fer minna fyrir því að progghljómsveitin
Marillion var líka um borð og tjáir sig um málið
hér.
---
Tilkynning til sjófarenda:
21.09.04
Fór á nasistamynd. Það
var leiðinlegt.
---
Japönsk trommuheilakennsla.
"This is Rock n Roll". Möst sí!
20.09.04
Taska bítlarótarans Mal Evans sem
fannst á flóamarkaði í Ástralíu
og komst í fréttirnar nýlega virðist bara hafa
verið feik. Eða svo segir allavega hér...
---
Kvikmyndasafnið er með bíósýningar
í Bæjarbíói í Hafnarfirði og ég
er að spá í byrja að setja þetta inn í
prógrammið. Annað kvöld er t.d. víðfræg
kynningarmynd Leni Riefenstahl á starfssemi Nasistaflokksins og
ég er að hugsa um að láta heilaþvo mig þannig
að ég komi gæsagangandi út síg hælandi
úr í eitt. Hér
má lesa sér til um hið dúndurþétta
prógramm.
---
Hvernig er annars hægt að gleyma strigaskónum
sínum í líkamsræktinni?
---
Það var kominn tími til að
Kattakonan yrði aðalmálið á forsíðu
á DV. En hvar er Moli flugustrákur?
---
Er að hugsa um að byrja að kynna
mér blús, þ.e. orginal gamlan blús en ekki Vini
Dóra. Tók mér Robert Johnson og Elmore James á
bókasafninu. Held ég sé í góðum
málum.
19.09.04
Topp 5, góðan dag:
Ceres
4 - Savannah: Heilsupönkarinn Ceres 4 mættur aftur með
nýja og góða plötu. Öll lög eftir Frey
Eyjólfsson en Ceres gerir texta. Hér er handþvalur
ástaróður til ógæfukonu.
Taugadeildin
- Guðir hins nýja tíma: Stórfengleg nýbylgjuhljómsveit
sem var hætt áður en Rokk í Rvk var gerð og
missti því af eilífðinni. Gerði 4-laga 7" 1981
sem er mögnuð. Í draumum mínum handleik ég
LP-plötu með Taugadeildinni. Þetta ætti að kenna
böndum að gera albúm áður en þær
hætta, hvar er t.d. platan með Náttfara?
Kas
Product - Never come back: Franskur nýbylgjutölvudúett.
Últra svalt og sjarmerandi. Kom út 1982 á einu plötu
sveitarinnar, "Try Out".
Sons
and Daughters - Johnny Cash: Skoskur kvartett í hráu
deildinni. Af fyrstu plötu þeirra, "Love the Cup" (2004).
Stevie
Wright - Evie: Stevie er legend í ástralíu.
Söng með Easybeats (þeirra Hljómar), en meikaði
það feitt 1974 með þessari stórfenglegu epík.
Lag í þrem hlutum og segir allt sem segja þarf á
11 mínútum. Kaflarnir heita 1: Let Your Hair Hang Down, 2:
Evie og 3: I'm Losing You. Stevie hefur verið í tómu
rugli (heróín etc) en er þurr annað slagið
og fer þá á tónleikatúra. Mikill sjó-maður
er sagt, rokkari mikill.
Flýttu þér svo að niðurhala því
þetta verður horfið eftir viku!
18.09.04
Er ekki verið að gera grín? Er Beach Boys að koma
til Íslands?! Eða öllu heldur Beach Boys að nafninu
til. Beach Boysið sem Mike Love starfrækir ásamt sessionliði
og Bruce Johnston, en sá gaur tók við af Brian Wilson
sem bassaleikari á tónleikum þegar Brian snappaði
1965? Þetta er nú álíka frábært
og ef The Beatles ættu að spila í Laugardalshöll
og þar væri trommarinn Pete Best á ferðinni með
sessionliði. Nei í alvöru talað, afhverju ekki frekar
að fá Brian Wilson með sitt geðveika sjó hingað
en ekki þetta útvatnaða nostalgíurúnk Mike
Love? Ég hef lesið nokkrar biografíur um Beach Boys og
allstaðar kemur Mike Love fyrir eins og fyrirlitlegur skúrkur,
hæfileikalaust fífl sem væri að vinna á bensínstöð
í dag ef Brain Wilson, frændi hans, hefði ekki dregið
hann frá dælunum og í þetta vinsæla band.
Mike Love samdi einhverja texta og söng slatta af lögum, en virðist
aðallega hafa haft áhuga á að græða á
þessu og vildi t.d. alltaf hjakkast í gamla stuðfarinu
á meðan Brian Wilson var að fara út fyrir sólkerfið
í sinni sýrulegnu poppsnilld. Mike virðist þó
hafa vélað út réttinn á nafninu og túrar
nú um með The Beach
Boys Band. Annar orginal meðlimur, Al Jardine, túrar líka
um með sína útgáfu, en Brian Wilson, sem var bæði
Lennon, McCartney og Harrison Beach Boys, túrar undir eigin nafni
með 20 manna hljómsveit. Ég veit ekki hvað ég
á að segja. Auðvitað mætir maður á
þetta og svona, og ég vil ekki vinna gegn hagsmunum þeirra
sem standa að þessu, en vitanlega hefði verið nær
lagi og tímabærara að fá Brian Wilson hingað,
sérstaklega þar sem hið óútgefna meistaraverk
hans Smile kemur út e. 10 daga, hafandi legið óklárað
sem stærsta mistería rokksins í 37 ár.
---
Í DRDR í dag (milli 12-3 á
Skonrokki) verður úrvalsstöff í boði og óskalagasjúklingarnir
tveir að þessu sinni, tveir Hjálmar (raggae-hljómsveitin
góðkunna). Dúndur þáttur í aðsigi.
---
Meistararnir í Hagkaup gleðja mig
nú með "Amerískum dögum", flagga fána heimsveldisins
í hyllunum sínum og bjóða uppá dótið
sem gerir þjóðina þá feitustu í heimi.
Þeir auglýsa: "Nú þarftu ekki að fara til
Bandaríkjanna," sem er auðvitað rugl, en þetta er
engu að síður auðvitað æðisgengið
framtak. M.a. er boðið upp á nýja rótarbjórstegund,
A&W, sem er enn ein lágvörutegundin, en alveg þokkaleg.
Annað geðveikt er Starbucks kaffi sem svoleiðis smakkast eins
og milljón bökks. Magnþrungið. Það er skemmtilegast
að versla í Hagkaup.
17.09.04
Voðalegt dauðavesen er þetta á
mönnum. Nú er Johnny Ramone dauður og því
engin séns á kombakki. Johnny Ramone, 1948-2004, enginn stóð
gleiðari.
---
Það er því stórfengleg
fregn sú að útigangsmaðurinn Tryggvi "Róni"
sé ekki dauður. Ég hafði ekki séð hann
árum saman, en sá hann svo á strætóstoppistöð.
Ég hélt það væri draug-sýn, en svo
sá ég líf hans staðfest í blaði. Vinur
minn hélt því fram að ógæfa Tryggvi
væri tilkomin af því hann er ekki með neina höku
en ég sel það ekki mjög dýrt. Ég sá
fallega sýn einn morguninn er ég var að fara til vinnu
á DV Fókus, eitt sumar fyrir fimm árum síðan,
eða svo. Maður var alltaf mættur eldsnemma (best þótti
að mæta á undan Jónasi, en hann mætti þetta
kl. sex) og því var sólin nýkomin upp og varpaði
sér yfir borgina. Á Rauðárstígnum sá
ég aftan á Tryggva á hjólinu með gettóblaster
á stýrinu sem út kom þessi rosa háværa
óperutónlist. Þetta var eins og ógleymanlegt
atriði í klassískri ítalskri bíómynd,
nema í lit.
---
Talandi um róna, þá bjó
einn alveg við hliðina á mér einu sinni, hálf
áttræður maður sem hélt stanslaus amfetamínpartí.
Það var ekkert sérlega mikið ónæði
af honum eða hyskinu sem partíaði með honum, fyrr en
hann var dauður. Þá hætti reyndar partíið
en einn gamall róni mætti samt á hverjum degi og oft
á dag og vildi komast í partí. Barði þá
allt utan og æpti nafn dána rónans ámátlega.
Svona gekk þetta í margar vikur. Einu sinni bankaði hann
meira að segja upp á hjá mér og þá
missti ég stjórn á mér, snaraðist út
á náttsloppnum og bar karlgarminn æpandi út
á götu (ég bjó í bakhúsi). Ég
hringdi á lögguna í fimmtu vikunni, en það
var alveg saga hvort ég eða löggan segði honum að
vinur hans væri látinn, alltaf mætti hann samt og vildi
komast í partí. Einhver partíþyrstasti maður
sem ég hef kynnst. En svo gufaði hann bara upp, hefur líklega
fundið vin sinn í amfetamínpartíi í "næstu
vídd" (é ræt).
---
Í næsta húsi bjó svo
enn annar róni, sem enn er að og alltaf í góðu
stuði. Hann gengur undir nafninu "Óðinn" og snýkir
oft af manni smáaura. Ég sá einu sinni og heyrði
gullfallega rónasýn þegar krakkar í hverfinu
bönkuðu hjá honum og sungu eitthvað og hann kom út
og söng á móti. Eitthvað í áttina
að "Hver er að banka?" - "Krakkarnir banka" og einhver steypa.
Gullfalleg sýn, en ég er ekki viss hvort mig dreymdi þetta
eða ekki.
16.09.04
Fékk hita og lá sveittur í
heilan sólarhring. Fékk nokkrar sæmilegar sýrumartraðir
á meðan eins og vill henda. Er bæklaður í vinstri
hendi af sílegu. Best að drattast í WC eins og fáviti.
13.09.04
Topp 5 en nú með örlítið
breyttu og bættu sniði. Í stað ram-fæls sem
hafði öll lögin fimm er nú hægt að dánlóda
einu og einu lagi og það í geisladiskabrennandihæfum
mp3-gæðum. Lögin munu þó eingöngu liggja
á netinu í viku (eða þar til næsti Topp5-listi
er settur upp) svo það er um að gera að dánlóda
strax.
The
Fall - Contraflow: Fallarar í Austurbæ 18 nóv og
því mikið kynningarátak framundan. Hljómsveitin
er stórkostleg! Hér er lag af nýjustu plötunni
- The Real New Fall Album (Formely Country on the Click) - sem er ein af
þeirra bestu plötum. Jamm og jes!
Black
Keys - 10 A.M. Automatic: 2 gaurar frá Akron, Ohio, Af glænýrri
plötu, Rubber Factory. Lepur ekki dauðan úr skel rokksins,
þetta sparkírass.
Daisy
Hill - Crusher: Hér er lag af 12" frá 1989. Jói
Daisy (Dís, Apparat) var hjá mér í síðasta
Dr Dr og því finnst mér rétt að bjóða
upp á gamla sjaldheyrða snilld með fyrsta bandinu hans.
Blonde
Redhead - Magic Mountain: Þau verða í Austurbæ
eftir viku. Það er uppselt á giggið á sunnudaginn
en miðar til á mánudagsgiggið. Massaband. Lag af
síðustu plötunni þeirra.
Guðmundur
Haukur - Fjallajurt: Setti þetta á stafrænt að
gamni mínu og þetta var fyrsta innslagið í dagskrárliðnum
Úr glatkistunni í DRDR. Platan kom út 1971-72 og er
sólóplata þessa manns, sem var í hljómsveitinni
Roof Tops á þessum tíma. Síðan kenndi hann
mér íslensku í kringum 1980 og skipaði mér
að þrífa Don Martin teikningar af skrifborði. Veit
ekkert hvað hann er að gera í dag, en sólóplatan
(útgefandi Scorpion Records) er ágæt.
11.09.04
Uppfærði hlekkjasíðuna.
---
Sé í DV að Jakobi Grétari
tókst að draga það út úr Grími
Atlasyni að
The FALL
eru að koma til landsins og spila hér í nóvember.
Þetta eru stórfengleg tíðindi enda heilt 21 ár
síðan bandið spilaði hér síðast. Sá
bandið bæði þá og 1981 og bæði giggin
voru einmitt í Austurbæ og bæði algjörlega
frábær. Nýjasta platan með þeim (eða
honum öllu heldur, því Mark E Smith er allt í
öllu og eini orginal meðlimurinn) er líka frábær
svo það er engin ástæða til annars en að
búast við geðveikri snilld á þessum tónleikum.
10.09.04
Ætli flestir eigi sér ekki hetjur
í lífinu. Ég á nokkrar og hef á ákveðnum
tímabilum í lífinu "tekið æði" í
sambandi við þetta fólk. Hér koma nokkrar af mínum
hetjum í tímaröð, en vissulega er fullt af öðrum
hetjum...
Halldór Pétursson
Ég var sex ára þegar Fischer
Spassky geðveikin reið yfir íslenskt samfélag og
vitaskuld varð ég gargandi spenntur yfir þessu öllu
saman eins og þjóðin öll. Mest þótti
mér til teikninga Halldórs Péturssonar koma og hafði
miklu meiri áhuga á þeim en sjálfu skákdrullinu.
Ég fór að stæla teikningar Halldórs í
skóla og gekk undir nafninu "Litli Sigmund" meðal kennara Kópavogsskóla
(sýnir nú bara hvað þeir voru vel með á
nótunum). Halldór er stórfenglegur snillingur og ég
er ennþá að safna í mig kjarki til að hringja
í ættingja hans og falast eftir orginal teikningu.
Hergé / Tinni
Hvaða 8 ára strákur fellur
ekki fyrir ungum blaðamanni sem hefur aldrei verið kenndur við
kvenmann og bestu vinir hans eru drykkfelldur sjóari, þroskaheftir
tvíburar og kolgeðveikur prófessor? Ég á
Tinna-komplett og eitthvað af rándýru aukadrasli. Langtíma
markmið er að komast á Tinnasafnið í Belgíu.
Svo hef ég heyrt að Hergé hafi eitthvað fengist við
abstrakt málun og væri nú aldeilis til í að
sjá það stöff.
Bítlarnir
Fyrsta hljómsveitin sem ég féll
gjörsamlega fyrir, líklega svona 10-11 ára. Eldri systkini
mín áttu einhverjar litlar plötur sem ég hékk
yfir og svo stal ég litlum bítlaplötum frá eldri
systkinum vina minna. Ég hafði ekki efni á öðru
en litlum plötum og man ég fór á milli plötubúða
í Reykjavík og spurði hvort það væru
til litlar bítlaplötur. Því var ekki að fagna
á þessum tíma. Mikill fengur var í tvöföldu
"rauðu og bláu" safnplötunum, sem ég eignaðist
fljótlega. Síðan hef ég auðvitað komplíterað
safnið og er ekkert að flækja þetta: Bítlarnir
eru besta hljómsveit í heimi. Vissulega mjög ófrumleg
skoðun. Stefni á að sjá Paul McCartney á sviði.
Don Martin
Tók æði fyrir Mad og teiknarinn
Don Martin var í miklu uppáhaldi. Fór ekki ófáar
ferðirnar í fornbókabúðir borgarinnar að
kaupa bækur og blöð. Stældi Don Martin-kallana í
tíma og ótíma, t.d. í skóla. Man að
kennarinn Guðmundur Haukur rak mig til að þvo skólaborðið
sem ég var búinn að útata í blýantsteikningum.
Guðmundur Haukur var annars í poppinu (Roof Tops, Alfa Beta)
og hver veit nema það heyrist í honum á morgun
í þættinum Doktor Doktor. Á annars ekkert af
þessu Mad dóti lengur.
Andy Partridge
Tók æði fyrir hljómsveitinni
XTC en Andy þessi er aðalgaurinn í þeirri sveit.
Man ég keypti fyrst litla plötu með þeim á
Steinars-útsölu í Iðnaðarmannahúsinu,
Hallveigarstíg, ca 1979, og þá var ekki aftur snúið.
Bandið var stofnað 1977 í Swindon á Englandi og er
enn að. Hafa aldrei slegið almennilega í gegn en næst
komust þeir því með lögunum Senses Working
Overtime og Dear God. Kannski er aðalástæðan fyrir
þessu sláígegn-leysi sveitarinnar að Andy er kvíðasjúklingur
og hætti snemma á ferlinum að geta komið fram. Ég
á allar plöturnar, en get ómögulega sagt að
ég bíði spenntur eftir næstu plötu með
sveitinni, þó ég fái mér hana eflaust
af gömlum vana.
Nick Cave
Tók mikið æði fyrir Birthday
Party, hljómsveitinni sem Nick leiddi, eftir að ég keypti
plötuna "Prayers on Fire" í Safnarabúðinni (Þökk
sé Allah fyrir Safnarabúðina). Var síðan þokkalega
sáttur við fyrstu sólóplötur Nicks, en svo
minnkaði áhuginn og ég nennti ekki einu sinni á
hann þegar hann spilaði hér nýlega. Er á
því að það hafi verið mistök og myndi
fara ef hann kæmi aftur. Mun eflaust athuga nýju plötuna
hans.
Guðbergur Bergsson
Fékk mikið æði fyrir Gubba
djöfli, eins og ég kalla hann, á fyrri hluta 9. áratugarins,
ætli bókin "Sagan af Ara Fróðasyni og Hugborgu
konu hans" hafi ekki kveikt neistann. Ég met Guðberg aðallega
á húmorískum forsemdum og hvað hann er alltaf
fruntalegur og nákvæmlega sama um ríkjandi skoðanir.
Hann er eini núlifandi snillingurinn á Íslandi, segi
ég óhikað. Bíð spenntur eftir næstu
bók til að lesa og setja svo upp í hyllu við hliðina
á allri hinni snilldinni.
John Waters
Sökk mér í heim þessa
snillings á tímabili, sá allar myndirnar og las bækur
og viðtöl. Fáir eru jafn skemmtilegir í viðtölum.
Reyndi meira að segja að safna eins yfirvaraskeggi en það
gekk auðvitað ekki, enda með allt öðruvísi
skeggrót. Sá nokkrar gamlar myndir aftur nýlega og
það hefur nú ekki allt staðist tímans tönn.
Bíð þó spenntur eftir næstu mynd.
Alfred Hitchcock
Tók langt æði og sá flest
sem kallinn gerði. Las bækur og svona, keypti spólur í
útlöndum. Er enn á því að North By
Northwest sé besta mynd sem gerð hefur verið.
Steve Coogan
Nýjastur "inn á lista" er þessi
breski grínari, eða öllu heldur týpan Alan Partridge,
sem er hans hugarfóstur. Fyndnara stöff er vandfundið.
Ég mæli með að fólk pæli sig í
gegnum dvd-diskana "The Day Today", en þar sást fyrst til
Alans. Kannski ekkert spes stöff samt þeir þættir.
Næst erða svo gervi-sjónvarpsþættirnir Knowing
Me, Knowing You, algjör snilld frá upphafi til enda, en bara
6 þættir í allt. Næst erða I'm Alan Partridge
– 6 þættir. Nú er Alan búinn að missa sjónvarpsslottið
á BBC og orðinn útvarpsmaður í Norwich. Geðveikislega
gott stöff. I'm Alan Partridge önnur sería, 6 þættir
líka, er svo enn í sama klassa, hróplega hlægilegt
stöff. Vonandi kemur meiri Alan frá Steve Coogan, en hann hefur
svo sem staðið sig ágætlega í 24 Hour Party
People og í Coffee & Cigarette. Ég dauðöfunda
þá sem eiga eftir að tékka á Alan Partridge,
hvílík gleði sem þeir eiga framundan!
---
Það er vandæðalegt að
á þessum hetjulista er engin kona. Sorrí Femínistafélag
Íslands, ég get bara ekkert að þessu gert.
---
Það er annars að frétta
að á morgun verður útvarpsþátturinn
DR DR að vanda. Gestur verður Jóhann Jóhannsson,
eða Jói Daisy, sem nýlega gerði sándtrakkið
í Dís. Jói mætir með skilyrtu óskalögin
og svo verður bara heljarinnar stuð, m.a. tékkað á
íslandsför I'm Being Good sem rokka hér úr sér
lifur og lungu um helgina, t.d. í 12 tónum kl. 17 í
dag.
09.09.04
Fiskar eru leiðinlegir. Allavega þessir
fiskar sem svamla hér í nágrenninu. Nema djúpsjávarfiskarnir;
þeir eru ljótir og kúl. Þegar koma fréttir
um fisk og afla í sjónvarpinu frýs á mér
heilinn og ég dett út. Mér er alveg sama hver á
þennan helvítis kvóta eins lengi og það er
borgaður af honum skattur.Ýsa er líklega leiðinlegasti
fiskur í heimi og óétandi með öllu, bragðlaust
drasl sem er eins og blautur pappír undir tönn. Það
er í mesta lagi hægt að éta þetta í
tómatsósubaði. Ýsan er fiskur kynslóðar
foreldra minna. Mamma og pabbi elska ýsuna og mamma hefur margsinnis
lýst yfir að hún væri til í að éta
ýsu á hverjum degi. Sem betur fer er ýsan á
útleið og allskyns nýbreytni að koma inn í
fiskheima. Ýmsir snillingar hafa rutt nýbylgju fiskanna braut,
Rúnar Marvinsson, Úlfar í 3 frökkum og hvað
þeir heita þessir meistarar, og nú verð ég
sérstaklega að minnast á búðina Fylgifiskar
á Skólavörðustíg og Suðurlandsbraut.
Þeir eru eins og Sigur Rós við hliðina á Steina
spil annara fiskibúða. Fer stundum í hádeginu
og fæ mér allskonar fiskmeti í dós og ét
kalt. Frábært stöff. Réttirnir sem maður hitar
eru líka góðir. Fylgifiskar, gott mál.
---
Kínverskir verkamenn hamast nú
við að framleiða Popppunktsspilið, borðspilið sem
slær öðrum við. Ég sé að Friends-spilið
er að monta sig af 1200 spurningum: pffftttt, það verða
4500 í PPPPspilinu. Spilið kemur vonandi á markað
í lok október. Í staðinn fyrir að hafa þessa
týpísku lúdókarla til að spila með
verður hægt að velja úr hópi íslenskra
popp og rokkara til að "vera" í leiknum. Ég þurfti
því að hringja á línuna og fá leyfi.
Allir vildu vera með, Birgitta Haukdal og Jónsi í svörtum
fötum ekkert mál, en Bubbi gerir víst ekkert nema tala
við lögfræðinginn fyrst og hann náði ekki
að tala við löffrann í tæka tíð til
að fá lögfræðilegt álit á þessu
stórmáli. Það verður því ekki
hægt að vera Bubbi í spilinu, sem tottar vissulega, en
svona er þetta bara.
---
Er að dusta rykið af skáldsögunni
MMÚH sem ég ætlaði að klára fyrir jólin
í fyrra. Í staðinn er nú stefnan sett á
að gera MMÚH að metsölubók fyrir jólin
2005. Einnig þarf ég að fara að spá í
barnasöngleik fyrir vorið. Líka nýja rokkplötu,
hugsanlega lófæ-plötu, upptökulega séð
í anda Pop Kings.
Dr. Gunna bandið hefur lítið gert í allt sumar, en
fer kannski aðeins á kreik í haust, sérstaklega
ef hingað kemur gamalt frábært band sem gaman væri
að hita upp fyrir, en það er í vinnslu. Gott að
nota tímann meðan Popppunktur er ekki í loftinu. Við
förum ekki aftur í gang fyrr en eftir áramót.
Jáááááá, Hemmi minn, það
er svo mikið svoleiðis.
07.09.04
Topp 5 í seinna lagi:
MC5 - High School: Hélt alltaf
að þessir væru aðallega hippadjammsgítarsólórúnkarar
en hef nú komist að því að platan Back in the
USA er algjör rokkþönder og glæsilegt millibil Stooges
og iðnaðarrokksins.
Pop Levi - Rude Kinda Love: Nýbyrjuð
hljómsveit frá Liverpool skipuð bassaleikara Ladytron
með einn síngul undir belti. Bíð spenntur eftir heilli
plötu, samt ekki eins spenntur og eftir SMILE.
Mylo - Sunworshipper: Mylo er frá
Isle of Skye og ólst upp í músiklegri einangrun. Var
að gefa út plötuna Destroy Rock N Roll sem er full af svona
þrælfínni auglýsingastofu-elektróníku.
Paul Revere & The Raiders - I had a Dream:
Alltaf
á vinsældarlistanum in ðe sixtís, en flestum gleymdir
í dag. Fínt rokk/bít/popp band engu að síður.
Kannski voru það búningarnir...?
Rufus Wainwright - Oh what a World: Vandræðagemsi
en syngur sín ljúfsáru lög eins og engill. Þrjár
plötur komnar, þetta er opnunarlagið á þeirri
síðustu.
05.09.04
Á þessum síðum má
finna faglega gagnrýni á sund
og fjöll, menningarafurðir
og veitingahús.
Nú hef ég tekið upp nýtt stjörnukerfi á
þetta sem er eftirfarandi:
XXXX=Snilld
(t.d.
Fahrenheit 9/11, Tapasbar og Hengill)
XXX=Fínt
(t.d.
Kerhólakambur og Hótel Holt)
XX=La
la (t.d.
sundlaugin á Varmalandi og Goodbye Lenin)
X=Drasl
(t.d.
Elephant og Grábrók)
0=Viðurstyggilegur
viðbjóður (t.d.
versta mynd samtímans, Joe Dirt)
Bannað er að gefa hálfar stjörnur
enda eru hálfar stjörnur bara fyrir fólk sem á
að glíma við víngulshátt.
---
Við konan fórum alla leið í
bestu videóleigu borgarinnar, Laugarásvideó, en enn
og aftur varð maður svo yfir sig á úrvalinu og við
enduðum með Paycheck, sem við hefðum alveg eins getað
leigt hér beint á móti. Maður á auðvitað
aldrei að taka myndir með gúmmísmettinu Ben Rassfleck
og gekk sú speki eftir enda vorum við bæði sofnuð
hálftíma inn í myndinni. Besti 450 kall sem ég
hef eytt. Björgólfur var að skila mynd á Land Rovernum
sínum (hann, Jón Ásgeir og Bubbi keyra allir á
eins bílum) og var Bjólfi, eins og ég kalla hann,
alþýðlegur að vanda með slaufuna sína.
Maður gleymdir alveg að hann á hálft Ísland
og er eiginlega alveg sama. Já já, Bjólfi minn, hugsar
maður, þú mátt alveg eiga þetta allt, viltu
ekki bara verða forseti líka? Eins og Gubbi djöfull benti
réttilega á í Fbl þá eru þessir
nýju millar mun alþýðlegri en gamla hyskið,
sem var nú í alla staði fyrirlitlegt, grátt og
með útstæð augu eins og feitir gollumar. Nefni menn
eins og Hörð í Eimskip og Þórarinn Vaff, sem
maður verður eiginlega að kasta upp af vanþóknun
við að nefna. Niður með gamla pakkið – Lifi nýju
millarnir!
---
Sonur minn hefur týnt úrinu mínu.
Láttu mig vita ef þú veist hvar það er. Ég
er alveg hættur að vita hvað klukkan er eða jafnvel hvaða
dagur er. Í gær var samt sunnudagur. Stórkostlegt prógramm:
Ikea/Bónus: Engin bílastæði fyrir zunnudagz-zombíum
svo við fórum á Smáratorg. Allt full af zunnudagz-zombíum
þar líka, eins og þetta væri sunnudagurinn sem
enginn hafði neitt annað að gera nema fara í Bónus.
Allir að troðast og ryðjast. Ég tók þátt
og ók innkaupakerru yfir gamlingja sem skoðuðu ferðatösku
í Rúmfatalagernum. Þröngir gangarnir þar
maður. Í Hagkaup á Seljarnarnesi var hins vegar ró
og friður. Lang besta búðin.
---
Fortíðin liggur hér: |