Á annan veg, bíó XXX
Fyrsta mynd Hafsteins
Gunnars Sigurðssonar í "fullri" lengd sínir að hér er góður talent á
ferð. Virkilega fín mynd, vesfirska landslagið aldrei fallegra í
ljótleika sínum og leikararnir gera mjög góða hluti. Eitís-vinnslan
einföld en árangursrík, fín músík og skemmtilegt sjitt. Hefði mátt vera
feitari söguþráðslega séð og snarpari í klippingum til að vera ennþá
betri. En samt: Alveg ljómandi fín!
The greatest story ever sold, bíó XX
Hann þarna Spurlock með eitthvað svona semisniðugt dót.
Post Everything: Outsider Rock and Roll, e. Luke Haines, bók XXX
Þetta er önnur bók Lukes
um árin í "bransanum" og nú rekur hann árin með Black Box Recorder (og
smá með The Auteurs og bara hvað hann hefur verið að spá.) Hann er
kannski full mikið að reyna að vera ó-ég-er-alltaf-fullur-og-flippaður
fyndinn og skrifar stundum einhvern absúrdisma inn í söguna (talandi
kött og eitthvað), sem mér finnst ekkert svo skemmtilegt. Fín bók samt
sem rann áfram.
Limitless, bíó XXX
Hér er sniðug pæling til
grundvallar, "dóp" í pilluformi (NZT-48) sem gerir notandann rosalega
gáfaðan ("með fjögurra stafa greindarvísitölu") og súper öruggan með
sig. Aðalið er uppurðarlítill rithöfunalúser sem verður hámarks
verðbréfaspaði á pillunni og súper eintak af "fallega fólkinu". Frekar
lummulegt að halda því fram samt að hámarksmarkmið með lífinu sé að
vera farsælasti verðbréfaspaði í heimi. Pælingin er samt góð því
auðvitað ætti "dóp" að virka þannig að maður verði ógeðslega gáfaður og
klár, öfugt við raunveruleikann sem er sá að á dópi er fólk annað hvort
stjórnlausir kjánar eða hættulegir mikilmennskubrjálæðingar. Pillan í
myndinni hefur samt sömu aukaverkanir og annað dóp: Á "niðurtúrnum"
verður allt ömurlegt og því lendir aðalið í nokkru veseni við að redda
sér fleiri pillum, enda er þetta eftirsótt stöff. Ágætis mynd.
How do you know, bíó 0
Hinn viðkunnalegu Reese Whiterspoon og Paul Rudd, skakknefti
sjálfsmorðsreynarinn Owen Wilson og Jack Nicholson, sem mér finnst
líkjast Bjögga Halldórs í ákveðnum birtuskilyrðum, leika í ömurlegustu
"rómantísku gamanmynd" sem ég hef séð. Venjulega lætur maður sig hafa
það að glápa á svona myndir, þær geta verið fyndnar á köflum, en
náttúrlega fyrirsjáanlegri en andskotinn, en í þessari vottar ekki
fyrir fyndni og allir í henni eru ömurlega óspennandi drasl. Fjögur
byrjuðu að horfa á þetta, tvö sofnuðu á miðri leið, en þessi tvö
eftirvakandi hraðspóluðu til að losna undan þessu drasli. Sá fimmti
hafði vit á því að fara strax að sofa.
The next three days, bíó XX
Lala frelsa konuna sína úr fangelsi og flýja til heitu landanna mynd með Russell Crowe.
Cars 2, bíó XX
Miklu slappari en fyrri myndin. Auka X fyrir að vera sýnd í Ísafjarðarbíói.
Hellfire: The Jerry Lee Lewis Story by Nick Tosches, bók XXX
Djúsí bók
um skrautlegt rokklíf snarbrjálaðs trúarnöttara og fíkils. Ef þú sást
myndina með Dennis Quaid er þetta allt dálítið kunnuglegt samt.
Barney's version, bíó XX
Svo sem ágæt en einhvern
veginn tilefnislaus og lágfreyðandi ævisaga uppdiktaðrar persónu sem
helst vann það sér til frægðar að láta kylfu ráða kasti þegar hann elti
dömu úr brúðkaupinu sínu og eignaðist hana að lokum. Manni leiddist
ekkert en var ósnortinn.
Meistarar og lærisveinar, e. Þórberg Þórðarson, Arndalur Vídalín bjó til prentunar, bók XXX
Þórbergur lætur gamminn geysa á frekar blátt áfram hátt. Skemmtilegt og fleiri brot í púsluspiluð.
Transformers 3, bíó X
Þreytandi ofbeldisrúnk í
boði ameríska hersins og bílaframleiðanda, eða Hasbro
dótaverksmiðjunnar. Sá hana í Ísafjarðarbíói sem er þessi eina stjarna.
Bridesmaids, bíó XXXX
Toppklassa
grínmynd sem rúllar upp rusli eins og Hangover og öllum þessum
fyrirsjáanlegu gilli gilli hlæ hlæ myndum. Jamm, myndin er fersk.
Einlæg, nokkuð gáfuleg og helvíti fyndin. Það er m.a.s. atriði þarna
sem minna á vintage John Waters. Fullt af leikurum að gera góða hluti,
þá sérstaklega aðalleikkonan Kristen Wiig, sem skrifaði líka handritið.
Vonandi gerir hún meira gott í framtíðinni. Leikstjórinn Paul Feig
hefur aðallega unnið í sjónvarpi, t.d. leikstýrt amerískum The Office
þáttum (sem eru oft mjög góðir).
Lömuðu kennslukonurnar (e. Guðberg Bergsson), bók XXX
Kaflalaus bók og mikið masað, helst um ríðingar á Ítalíu. Fyrst ég
kláraði bókina fær hún 3 stjörnur, enda klára ég ekki bækur fyrir
minna. Ég hafði það upp úr lestrinum að mig dreymdi að ég væri að vinna
sem nuddari á vafasamri heilsulind (í hvítum slopp). Þangað kom
Guðbergur og ég gaf honum vafasamt nudd. Ég vaknaði því miður áður en
hitna fór í kolunum.
Konur (e. Steinar Braga), bók XXX
Byrjar svona nokkuð skynsamlega eins og bland af Eyes Wide Shut og
þarna Húllembekk eða hvað hann heitir – fyrring nútímans bla bla.
Hryllingsfirring. Nokkuð fínt. Svo fór þetta allt á myrkt og dulmagnað
(og ljóðrænt?) flug og ef maður segir "ég skil þetta nú bara ekki" er
maður fífl og því segir það enginn. Jæja, það var annað hvort það eða
taka Hollywood á málið og láta Evu breytast í einhverja
hryllingsmyndahetju a la Saw. Mér leiddist þó allsekki yfir þessari bók
og ætla að taka annan Steinar Braga með í næsta bústað.
Svar við bréfi Helgu, bók XXXX
Rosa fín bók, eins konar
nostal-SÍS-erótísk saga um graðan bóndadurg sem fellur þó allur ketill í
eld þegar á hólminn er komið. Fyndin og sorgleg og allur pakkinn.
Just go with it, bíó XX
Algjörlega eftir bókinni
klisju rómantísk gamanmynd með Adam Sandler og Jennifer Aniston. Það má
alveg glápa á þetta eins og andlaus kleina í sófa.
Unknown, bíó XXX
Liam Neeson kemst í hann
krappann í Berlín. Fínasta Hitchcock-ísk spenna framan af og er dálítið
eins og Frantic, nema ekki með Harrison Ford í París heldur Liam í
Berlín.
Wrecking Crew, bíó XXXX
Hörku mynd um um stúdíó
sessjón gengið sem spilaði inn á eiginlega allar vinsælustu plöturnar í
LA á gullaldar-árunum. Sonur gítarleikarans Tommy Tedesco gerir
myndina, sem er verulega fín. Viðtöl við allt gamla gengið og fínirí.
Who is Harry Nilsson (And Why Is Everybody Talkin' About Him?), bíó XXX
Fín heimildarmynd um þennan hæfileikaríka en sukkaða náunga, sem virðist hafa verið stilltur á sjálfseyðingu.
Boy, bíó XXX
Nýsjálensk mynd sem
gerist 1984 og fjallar um ungan strák af maoría ættum og fjölskyldu
hans, m.a. ruglaðan pabba sem snýr aftur og ruglar í syninum. Ágætis
mynd, sem ku vera sú mest sótta heimalagaða í Nýja Sjálandi.
Kurteist fólk, bíó XX
Ég
átta mig ekki alveg á titli myndarinnar Kurteist fólk því það er ekkert
kurteist fólk í henni. Bara spillt skítapakk, fyllibytturæflar og einn
aumingjalegur verkfræðingur (Stefán Karl) sem tuskast um á Búðardal. Þetta er þyngslaleg mynd. Til
að manni finnist reglulega gaman að horfa á aumingja og skítapakk þarf
helst að vera einn sem maður heldur með – sorrí, maður bara heldur ekki
með neinum, í mesta lagi verkfræðingnum, en samt ekki, því hann er
eitthvað svo mikill lúði – eða þá að myndin sé alveg ógeðslega fyndin.
Það er hún nú ekki. Ég hef ekki lesið Laxdælu svo kannski var ég að
missa af einhverju. Aldrei þessu vant var hljóð slæmt á köflum eins og
í Dalalífi eða eitthvað svo maður þurfti verulega að leggja sig fram að
heyra (en ég er svo sem heyrnarlaus). Myndin á þó nokkra fína spretti,
Ragnhildur Steinunn er eiginlega best og maður rmyndi jafnvel halda með
henni ef hún væri í aðalhlutverki. Draumasena í sveit til forna er mjög
flott og maður hélt að myndin væri að fara að lifna við þar, sem hún
gerði að hluta. Svo undarlega sem það hljómar þá lifnar myndin fyrst
almennilega við þegar kreditlistinn byrjar í rúlla í lokin, en það er
nú auðvitað dálítið seint í rassinn gripið!
Exit Through The Gift Shop, bíó XXXX
Frábær heimildarmynd um Banksy, eða þetta er samt eiginlega meira heimildarmynd um þessa
veggjalistaverkahreyfingu alla og hvernig hún varð million dollar
bisness. Mr. Brainwash - gaurinn í forgrunni - er algjört nó talent en
tekst með ofurhæpi andskotans að komast í "fremstu röð". Fyndnast
fannst mér að Madonna skyldi fá hann til að gera umslag fyrir sig. Það
segir einhvern veginn svo margt.
Hall Pass, bíó XX
Eftir Farrelly bræður,
sem mér þóttu mjög sniðugur í Something About Mary, en fer nú bráðum að
gefast upp á. Það voru nokkrir kúkabrandarar sem mátti hlæja að, en það
að blanda saman fávitamynd og einhverri midlæf kræsis gráa fiðrings
vangaveltum var ekki alveg að gera sig.
Rango, bíó XXX
Flott og ágætlega skemmtileg (sofnaði samt smá).
Okkar eigin Osló, bíó XXXX
Maður sat brosandi yfir myndinni
allan tímann og hló oft upphátt. Þetta myndi teljast "rómantísk
gamanmynd", en bara í sumarbústað á Þingvöllum og með Þorstein
Guðmundsson í aðalhlutverki. Hann stendur sig mjög vel eins og
Brynhildur, Hilmir, María Heba, Lilja Guðrún og Laddi... já, og allir
hinir. Svo er hún líka eins töff og mögulegt er að vera töff í
eldgömlum sumarbústað. Myndin er líka um íslenskt brennivínsgutl og
almennt rugl á fólki og tekst að vera mjög íslensk í alla staði. Ég
myndi segja að þetta væri íslenskasta og best heppnaða gamanmyndin
síðan Íslenski draumurinn var í bíó. Frábær mynd!
127 Hours, bíó XXX
Strákur festist í holu
og sargar af sér höndina. Góð mynd en í flokknum "strákar lenda í vanda
í útvist" fannst mér nú Touching the Void betri og áhrifameiri.
Gott á pakkið, bók (e. Níels Rúnar Gíslason) XXX
Ævisaga Dags Sigurðarsonar, eftir einhvern Níels
Rúnar Gíslason, bók sem kom út 2008. Ágæt bók. Kannaðist lítillega við
Dag, maður sat kannski með honum á skjálftavaktinni á Mokka undir það
síðasta og svo kom ég nokkrum sinnum í Fagrahvamm þar sem hann bjó með
Einari Melax sirka 1985. Myndirnar og ljóðin hans eru mjög fín og ágætt
að lesa þessa sögu til að fá bakgrunnsupplýsingar um manninn sjálfan,
æviferil og basl. Dagur var mikill meistari og næs gaur, en náttúrlega
helvítis fyllibytta.
Nýdönsk í nánd,
tónleikur, XXX
Meðlimum Nýdönsk
hafði lengi langað til að brjóta upp hefðbundið
starf hljómsveitarinnar. Þeir láta um þessar
mundir verða að því með góðra manna
hjálp í Litla salnum í Borgarleikhúsinu. Í
nánd er tvískipt uppákoma, fyrir hlé býður
hljómsveitin upp á allskonar skemmtilegt rugl í búningum.
Eftir hlé eru Nýdönsk tónleikar sem brotnir eru
upp með löngum og skemmtilegum bransasögum.
Eins og sést á
ferli Stuðmanna gengur það ekki alltaf upp þegar hljómsveitir
vilja vera fyndnar. Í byrjun sýningar Nýdönsk
var ég satt að segja dauðhræddur um að þetta
væri algjörlega misheppnað sjó. Að bandið
væri að rústa orðspori sínu. Sú tilfinning
gekk fljótt yfir því Nýdönsk komst á
hvínandi flug í hverju frábæru atriðinu
á eftir öðru. Þeir skemmtu í gervi dansandi
strákabands, tóku organdi fyndinn vinkil á Idol-ruglið
og Björn Jörundur tróð upp í gervi dauðadrukkins
bingóstjórnanda. Björn ætti að leika miklu
oftar en hann gerir því hann er alveg með þetta.
Húmorinn í sýningunni er græskulaus og einföld
leikhús-trikk notuð til að magna áhrif. Þetta
er mjög skemmtileg sýning, sum atriði þó aðeins
of löng.
Tónleikahlutinn eftir
hlé var frábær. Bandið á fullt af toppklassa
popplögum í fórum sínum og tók þau
flest auk „albúm-trakka“. Áratuga löng samvinna skilaði
vitanlega smurðri keyrslu í fínu sándi og góðum
fílingi. Allar hljómsveitir eiga sögur af ferlinum og
gestir voru mataðir af vel krydduðum bransasögum Nýdönsk.
Það var mjög fyndið og hressandi.
Nýdönsk í
nánd er algjörlega málið fyrir unnendur Nýdönsk,
og þá sem hafa almennt gaman af snjallri popptónlist
og að því að hlæja. Mjög vel heppnuð
nánd. (Birtist í Fréttatímanum 18/02/11)
When we were Romans, bók (e.
Matthew Kneale) XX
Ég er mikill aðdándi
enska rithöfundarins Matthews Kneales, bækurnar English Passengers
og Sweet Thames eru amk mikil snilld, en þessi er nú satt
að segja hálf leiðinleg. Ég las hana á mjög
löngum tíma og var alltaf að spá í að
gefast upp. Fjallar um móðir sem fer með börn sín
til Rómar. Fyrst virðist sem hún sé á flótta
undan eiginmanninum, en svo kemur annað í ljós. Sagan
er sögð út frá sjónarhóli sonarins
og öll á barnamáli og með barnastafsetningu. Jæja,
allavega... vonandi fer hann að gera almennilegar bækur aftur.
Tangled, bíó XXXX
Stórkostlegt meistaraverk
frá Disney. Ég grét, ég hló. Og krökkunum
fannst gaman líka.
The Town, bíó XX
Einu sinni var ég
ægilega á móti Ben Affleck en nú er ég
alveg búinn að taka hann "í sátt". Hann leikur
í þessu og leikstýrir. Eitthvað svona Boston bankaræningja
ble og alveg ágætt en ekkert spes.
Poison Heart, surviving the Ramones,
bók (e. Dee Dee Ramone og XXX
Fín ævisaga
Dee Dee Ramone, sem á meira í Ramones en maður gerði
sér grein fyrir. Hann virðist alltaf hafa verið í
hálfgerðu einelti í þessu bandi og vælir
dáldið mikið. Hann virðist dáldið grey og
ekkert rosalega klár, en það má samt vel hafa gaman
að þessu.
Rokland, bíó XXX
Rokland er fín mynd.
Vel leikin (Elma Lísa og fávitinn bróðir hans
Bödda standa sig frábærlega. Maður keypti þau
alveg 100% á meðan maður var ekki alveg 100% með Bödda
á hreinu. Fannst eins og það vantaði lokaskrúfuna
í að persónan væri trúanleg). Myndin er
mjög flott og hæfilega chic, sagan kannski með smá
skallablettum, en náði samt vel þessum smáplássadrunga
og var bara fín skemmtun og allt það. Ég man að
bókin var góð, þó ég muni svo sem
ekki annað úr henni en að mér fannst endirinn full
mikið Hollywood. Það er aðeins búið að
hræra í endinum í myndinni, sem er til bóta.
Micmacs, bíó XXX
Mynd úr ranni þeirra
sömu og gerðu Delicatessen og Amelie. Það sást.
Leikur í stíl við Glanna glæp og allt voða
skrítið og ruglað. Alveg ágætis fílingur.
Svo kom svaka ádeila á vopnaframleiðendur. Ágætlega
gaman að þessu en ég hló samt aldrei upphátt
en einu sinni gaf ég frá mér hljóð sem
minnti á hlátur. Var alltaf að spá í hvort
liðuga konan væri í raun liðuga leikkonan eða
stöntliðug eða tæknibrelluð.
The Kids are all right, bíó
XXX
Ágæt Volvo-mynd
um lesbíupar og gamlan sæðisgjafa.
Animal Kingdom, bíó XX
Áströlsk glæpamannamynd.
Frekar slyttisleg, en ok.
Lemmy, bíó XXX
Lemmy í nærmynd,
vartan og allt. Rokkarar eru algjör fífl.
Klovn the movie, bíó XXXX
Þrefaldur skammtur
af þáttum. Klovn þættirnir eru einhver mesta grínsnilld
sem um getur en einhvern veginn er þessi mynd ekki jafn æðisleg.
Samt. Jú jú. Snilld líka! Mér fannst reyndar
vanta þemulagið.
Our band could be your life (e. Michael
Azerrad), bók XXXX
Fjallar um ameríska
öndergrándið upp úr pönki og að meiki Nirvana.
Góðar og skemmtilegar greinar um bönd sem maður var
hlustandi á á þessum tíma, t.d. Butthole Surfers,
Big Black, Beat Happening og Sonic Youth. Fúndamental bók,
en mætti svo sem vera fleiri myndir og diskógrafíur
til að seðja nördinn í manni.
Gauragangur, bíó
XX
Vantar dáldið
fúttið í þessa og stuðið. Sá sem
leikur Orm er líka full sætur og bófalegur, svona Christopher
Bale týpa, maður trúir ekkert svaka að hann sé
þessi listaspíra sem hann á að vera. Annars vel
leikið og gert og svona, ekkert út á það að
setja.