Hólmavík, XXX
Greinilega nýleg laug, stór og flott með nokkrum ágætum pottum. Fínn kostur á leið til og frá Ísafirði.

Hrafnagil, Eyjafirði XXX
Alveg fín laug í nágrenni Jólagarðsins. Laugin kristaltær og rennibraut barnvæn.

Ólafsfjörður, XXX
Fín út á landi laug. Metnaðarfull rennibraut, laugin gruggug.

Sundhöllin Ísafirði, XXX
Það var búið að tala um að þetta væri andstyggilega köld laug, en það voru svo bara ýkjur. Flott lúkkandi fortís laug með mjög góðu sána og ágætum potti.

Bolungarvík, XXXX
Laugin sjálf og pottarnir er nú svo sem ekkert spes en saunað og afslöppunaraðstaðan þar er himnesk.

Breiðholt, XXXX
Síðasta laugin á Rvk-svæðinu sem ég átti eftir. Lúkkar mjög vel, smá austantjalds-eitís-fílingur í henni. Allt virkar vel nema rennibrautirnar sem voru fullar af snjó! Pottar og laugar og sturtur allt unaðslegt. Fullt hús!

Seyðisfjörður, XXX
Allt inni, laug á jarðhæð, 2 pottar og sauna í kjallara. Gamalt, orginal og flott. Góður fílingur.

Sundlaugin Mývatnssveit, Reykjahlíð XX
Sólid en plein.

Höttur, 1106 m XXX
Urð og grjót upp langar brekkur. Síðan sneitt fyrir kletta upp á topp. Fínt útsýni. Ágætis dæmi. Nokkuð hefí harðsperrur v/ æfingarleysis.

Sundlaugin Stöðvarfirði XXX
Ekkert fansí 2007 rugl hér, bara lítil og fín laug með potti og kraftlausum sturtum (enda Austfirðingar með allt niðrum sig heita vatnslega séð). Alúðlegt starfsfsfólk sem lét manni finnast sem maður væri "heima hjá sér".

Sundlaugin Sandgerði XXXX
Sundlaugin í Sandgerði er ódýrasta sundlaug landsins, 200 kall oní, ókeypis fyrir börn. Boðið er upp á eðal saunu, sækadelíska vatnsrennibraut og marga potta. Traust laug sem fær fullt hús vegna eðal verðlags!

Sundlaug Patreksfjarðar XX
Fín og ný (2005) laug með engu veseni, bara 2 heitir pottar, laug og vaðlaug. Það dregur úr upplifuninni að í sturtunni þarf að ýta á takka til að fá vatn á 15 sekúndna millibili og vatnið er alltaf að skipta um hita, svo það er ískalt og brennheitt til skiptis. Algjört rugl. Og já, þarna er líka alvöru finnskt sauna með græjum frá Tyvö.

Sundlaug Garðabæjar XXX
Reist fyrir góðæri og því ekki góðærisleg. Þarna er reyndar fáránlega stór gangur en sundlaugin sjálf er næntís og fín. Stórir heitir pottar og fín laug. Engin rennibraut svo maður er ekkert með hjartað í buxunum út um krökkunum sínum.

Reykjanes í Ísafjarðardjúpi, XXXX
Lufsan hafði löngum sagt sögur af þessari laug og þá helst af þykkri slýmottunni sem þakti alla veggi og gólf. Í vor var hins vegar steypt yfir gömlu laugina sem var farin að molna full mikið. Slýið er því farið en laugin er engu að síður risa stór (50 m löng) og gríðarlega þægilega heit svo þetta er á köflum stærsti heiti pottur á Íslandi. Öreigaleg aðstaðan og gríðarflott landslagið er svo til að kóróna snilldina.

Þingeyri, XX
Nýleg sundlaug í nýju íþróttamannvirki. Stór innilaug og lítill pottur. Í kraftlítilli sturtunni stendur á miða að maður eigi að spara heita vatnið. Ég vissi ekki að heitt vatn væri af skornum skammti á Íslandi, en kannski þá helst á Vestfjörðum. Líklega þess vegna er laugin alltof köld en potturinn er hins vegar ekki nógu heitur.

Álftaneslaug, XXX
Fjölbreytt og nútímaleg og flott laug, m.a. með sjávarföllum sem er svakalegt. Á hálftíma fresti skoppar fólk eins og korktappar í æstum gusugangi. Þó er greinilegt að kreppan var skollin á þegar gengið var frá sturtunum. Þær eru ömurlega kraftlausar (allar nema ein), ekki nógu heitar og vatnið rennur örstutt úr þeim þó maður ýti og ýti. Óþarflega mikið fúsk á lokametrunum.

Laugar í Dölum, XX
Ég segi nú bara um þessa laug eins og margar hér í byrjun sundlaugagagnrýninnar: Þokkalegt, en alveg laust við að vera eftirminnilegt.

Reykjafjörður, nálægt Bíldudal XXX
Enginn gætir þessarar ágætu laugar. Hún er dáldið djúp svo maður gæti auðveldlega drukknað fengi maður slag eða væri fullur. Einhverjir voru fullir þarna skömmu áður en ég kom. Hrá búningsaðstaðan því ennþá hrárri en þyrfti að vera og tvær hálfar bjórflöskur með stubbum á bakkanum. Engu að síður fínt og frábært útsýni. Laugin er einna þekktust fyrir að spila nokkuð hlutverk í mynd heiðurslistamannsins Þráins Bertelssonar Skammdegi, en þar fór Eggert Þorleifsson á kostum í „alvarlegu“ hlutverki sem geðveikur maður („ekki snerta dúkkurnar mínar, ekki snerta dúkkurnar mínar“). Laugin fær auka stjörnu með því að ég ímynda mér að allt hafi verið ógeðslega hreint og fínt.

Húnavellir, nálægt Blönduósi XX
Þokkaleg skólalaug, laug og pottar eru klædd með grænu plastgúmmíi. Kraftlausar sturtur.

Hreppslaug, Skorradal XX
Ágæt sveitalaug í flottu umhverfi.

Drápuhlíðarfjall, 527 m XXX
Ágætt klöngur upp steinaflögur á tvo toppa með góðu útsýni. Fínt!

Ásvallalaug, Hafnarfirði XXX
Dýrasta sundlaug á landinu er öll inni, enda alltaf skítarok þarna á völlunum. Nokkuð ágætt bara, Dagbjarti fannst allavega helvíti gaman í rennibrautinni.

Grettislaug, Reykhólum XX
Laugin aðeins of köld og potturinn aðeins og heitur en að öðru leiti fínt.

Laugavegurinn, XXX
Gönguklúbburinn Kattahryggir fór öfugan Laugaveg í júlí 2008, þ.e. frá Þórsmörk til Landmannalauga.
1. dagur: Rúta í Húsadal, Þórsmörk. Gönguhópurinn Kattahryggir byrja að klöngrast Laugaveginn, leið sem ofurmenni geta hlaupið á nokkrum tímum en við ætlum að taka á 4 dögum, reyndar öfugt við það sem oftast er gengið, sem er erfiðari leið. Meira upp í móti. Ýmsar hindranir á leiðinni. Sú fyrsta er Þverá, straumhörð grugguð jökulá sem þarf að klofa. Mér var ekki um sel. Prófa tvisvar en sný við í harðfylgi. Held að áin muni hrífa mig með sér. Finnum loksins minnst hræðilega vaðstaðinn og vöðum. Gott að vera búinn að þessu. Fólk sem fer "rétta" leið þarf að enda á þessu. Svo áfram gakk. Upp og niður. Nú byrjar að rigna. Þetta var eini dagurinn sem rigndi á okkur. Sé eftir að eiga ekki plastbuxur. Í gili eru skerí brýr. Svo klifra upp kaðal á stórum steinum. Svo upp brekku en þá fer fyrsti skálinn að blasa við, Emstrur. Þar er fínt stuð. Landverðir í miklum fornaldarfíling í víkingafötum og syngja þegar ísl. fáninn er dreginn niður.
2. dagur. Meira labb. Alllöng ganga í eyðilegu landslagi. Fyrst framhjá Hattfelli svo framhjá Stórusúlu. Tvær ár til að vaða sem eru pís of keik miðað við Þverá í gær. Álftavatns-skálinn er sá stærsti á leiðinni. Þar eru 4 klósett og 2 sturtur. Á Emstrum eru bara 2 klósett og 1 sturta.
3. dagur. Nú þarf að fara upp mjög bratta og langa brekku en þegar upp er komið er hægt að horfa yfir allt galleríið og sjá þrjá jökla. Framundan er háhitahverbullandi svæði og amk 3 tíma labb í Hrafntinnusker, síðasta skálann. Þar er bara kamar með ógeðslegri lykt en skálinn mjög fínn að öðru leiti. Fer upp á Söðul sem er auðvelt labb og þaðan sést út um allt.
4. dagur. 4 tíma skokk í Landmannalaugar sem er eins og flóttamannabúðir. Svaml í heitri laug að leiðarlokum og búðin í rútunni skemmtileg. Rúta í bæin.
Niðurstaða: Flott leið en næst fer ég fljótar yfir og gisti kannski bara á einum stað á leiðinni. Það mun þýða meira hefí labb. Að taka 4 daga í þetta er full mikið hangs. Vinsæl leið svo maður mætir mörgum. Á sömu slóðum er Fimmvörðuháls-labbið skemmtilegra, bæði meira kefjandi og flottara og fjölbreyttara landslag. Áfram Ísland!

Lágafellslaug, XXX
Hér er kominn enn ein ástæðan til að flytja í Mosfellsbæ, ný og nútímaleg sundlaug með öllu. Þó full mikið kaos í búningsklefa og kraftleysi í sturtum og einn heiti potturinn mjög asnalega hannaður svo maður rak sig í. Ljómandi gott annars.

Meðalfell, 345 m XX
Tókum Meðalfell endilangt. Nokkuð þokkalegt labb á voða mikið meðal fell.

Búrfell í Grímsnesi, 534 m XXX
Fjallasumrinu 2008 startað með þessaru bungu. Ágætis tölt upp mosa, mela og grjót. Sléttur klukkutími upp á topp. Uppi er lítið vatn og maður labbar hring í kringum það. Gott útsýni inn yfir Þingvelli og Suðurlandið. Alveg fínt bara!

Fimmvörðuháls, 1043 m XXXX
Frá Skógum að Básum í Þórsmörk eru ca. 23 km, sem maður getur farið rösklega á 7 tímum eða 10 tímum á góðu drolli með kaffipásum og miklu glápi. Fyrstu 2-3 tímana er gengið upp með Skógaá þar sem stórglæsilegir fossar eru með jöfnu millibili. Ég hef ekki tölu á þeim en þetta voru allavega 10 stk þar til maður kom loks að vaði þar sem brú er yfir ána. Þá tekur við eins klukkutíma öræfalabb í smá upphækkun allaleið að Baldvinsskála sem er nothæfur þótt í hálfgerðu eyði sé. Enn breytist landslagið enda er maður nú kominn á milli Eyjafjallajökuls og Mýrdalsjökuls. Skítugan snjó þarf að ösla og klakahröngl og smá svell -- létt þó, amk á sumrin. Þetta er klukkutíma brölt upp á hæsta hluta leiðarinnar. Margt í umhverfinu þarna minnir á leiðina upp á Hengil. Mýrdalsjökull á hægri hönd er rosalega flottur að sjá en Eyjafjallajökull til vinstri er mun ljótari, minnir helst á skítugt þakið á Laugardalshöll. Jökladrunurnar eru dulúðlegar. Hæðst uppi utan á smákletti er minningarskjöldur um fólkið sem varð þarna úti 1970, það var illa búið og hreinlega örmagnaðist í vonsku veðri. Veðrið var gott hjá okkur en þarna uppi var þó rok og auðvelt að sjá hvernig þessi blettur getur snarlega breyst í veðravíti. Nú blasir við unaðsfögur sýn yfir hálendið og leiðin er niðrí móti það sem eftir er. Dáldið hefí skriður og svo Heljarkambur sem maður gengur haldandi sér í keðjur. Þetta er svona álíka erfitt og klettarnir í Esjunni. Nú tekur við marflöt Morinsheiði, korterslabb og svo niður Heiðarhorn. Nú heldur maður að maður sé á grænni grein og á góðri siglingu til Bása en fyrr en varir er maður þó kominn í skelfilegasta kafla leiðarinnar, Kattahryggina. Þarna kemur rassinn sér vel til niðurferðar, haldandi í ótryggar keðjur og eitt 15 metra einstigi þarf maður að hlaupa með þverhnýpi til beggja hliða. Best er að fara þetta með því að horfa bara beint niður á skóna sína, en ef lofthræðslan er alveg að fara með mann má hreinlega skríða þarna yfir. Svo er frábært að koma í aðstöðu diskóferðafélagsins Útivistar í Básum, en það er lang flottasti staðurinn af þessum þrem þar sem eru skálar í Þórsmörk (hinir eru Langidalur og Húsadalur, og jafnast ekkert á við Bása í náttúrufegurð.)

Þórslaug, Þórsmörk XX
Lítill og grunnur heitur (eiginlega volgur) pottur með takmarkaðri búningaskiptaaðstöðu en 2 sturtum. Auðvitað magnað að hita vöðva eftir labb, en fyrir utan heppilega staðsetninguna er lítið stuð í Þórslaug.

Vatnaveröld Reykjanesbæ XXX
Nokkuð solid sundlaug með öllu þar á meðal ágætis vatnaveröld fyrir púkana. Helst má setja út á kraftlausar sturtur og vatnaveröldin mætti náttúrlega vera stórkostlegri. Samt fín en maður spyr sig: Við með allt þetta heita vatn, af hverju er ekki svona stöff víðar?

Borg í Grímsnesi XX
Ágæt sundlaug í miðju sumarbústaðahverfi. La la pottar og há rennibraut sem krakkar fíla.

Hestfjall í Grímsnesi, 322 m XX
Hálftíma labb á smátind með góðu útsýni. Gengið yfir draslaralegu jörðina á Vatnsnesi. Ágætt sumarbústaðagutl.

Hafnarfjall, 844 m XXX
14 maí með Bigga. Nú beint upp á Vesturbrúnina, þaðan á Gildalshnúk og svo niður. Um 3 tíma labb í góðu veðri.

Strútur, 937 m XXX
Strútur í Kaldadal rétt hjá Húsafelli er frekar auðvelt uppgöngu enda búið að ryðja veg alla leið upp sem er nóg að fylgja bara. Þokkalega erfið ganga í möl og melum en útsýnið uppi er algjör snilld enda Eiríksjökull bókstaflega framan í manni í panorama og síðan Lang- og Þórisjökull. Mjög magnað.

Djúpavogslaug XX
Þokkaleg innilaug með einum asnalegum potti/laug úti. La la.

Eskifjarðarlaug XXX
Aka Eiturlaugin. Metnaðafull laug með fínum pottum og þrem rennibrautum. Heitt vatn virðist af skornum skammti á Austfjörðum og því eru sturturnar alltaf kraftlausar þarna. Topp skítur að öðru leiti og óþarfi að mæta með gasgrímu.

Reyðarfjarðarlaug XX
Bráðum mun örugglega rísa hér glæsileg állaug en eins og er er boðið upp á öreigalega innilaug sem mér sýnist vera hægt að breiða yfir og breita í íþróttasal með lítilli fyrirhöfn. Heitur pottur einmanalegur. Minnti mig á gömlu Kópavogslaugina og hækkar því upp í 2 stjörnur.

Egilsstaðarlaug XX
Lélegar sturtur en ókei laug alveg.

Dalvíkurlaug X
Þessi laug er nýleg og virðist sérhönnuð fyrir gamalmenni. Er með svaka hjólastólarampi en samt með asnalegum heitum pottum sem voru of kaldir. Alveg þokkaleg laug svo sem þó. Þegar ég var stóð yfir vatnsleikfimi eldri borgara sem hefði svo sem verið ókei en blessað fólkið var pínt með því að yfir það var blöstuð einhver sólóplata með Páli fokking Rósinkrans. Drepleiðinlegt kóversull á hæsta styrki yfir allt og alla, sannkölluð mannréttindarbrot sem lækka þessa laug oní eina skitna stjörnu.

Súlur, 1213 m XXXX
Nú fór ég á þetta í annað sinn og á báðar Súlurnar, bæði Ytri (nær Akureyri - 1144 m) og Syðri-Súlu (1213 m). Aðalleiðindin við þetta er svona 60 mín drepleiðinlegt labb frá bílastæði að rótum fjallsins. Þegar uppáferðin hefst er strax meira stuð. Ég gerði mistök og reyndi að komast upp á kolvitlausum stað. Þurfti að snúa við og finna leiðina á ný - þetta mætti sem sé vera betur merkt. Á milli súlanna er létt labb á skrýtnu eyði (gjóskukennd steintegund) og á bakaleiðinni var ég alveg að drulla í mig. Ég átti eftir 90 mín labb niður. Þar sem enginn var á svæðinu hægði ég á mér í holu á þessu eyði. Óskeindur tölti ég niður sem var ok því um var að ræða harðan og þrifalegan saur. Niðri hringdi Óli Palli og tók mig í símaviðtal v/ færslu CBGBs til Las Vegas. Hann sagði að það væri lítið pönk í mér því ég væri í fjallgöngu. Ég fattaði það ekki fyrr en síðar að ég hefði átt að segja honum að víst væri pönk í mér ennþá, því ég hafði skitið á fjallinu og væri óskeindur og frjáls í fjallasal, enda fátt meira frelsandi og meira pönk en að sleppa því að skeina sér. Vegna þessarar lífsreynslu fá Súlur 4 stjörnur þótt þetta sé bara 3ja stjörnu fjall vegna leiðindanna neðst.

Þelamerkurlaug, Glæsibæjarhreppi XXXX
Þessi laug státar sig af því að vera sú heitasta á landinu. Er svona 34°C sem er mjög fínt. Heitu pottarnir svo enn heitari. Allt mjög gott og fínt. Ég hef skrifað í minniskompu að laugina vanti "magic touchið" og eigi því bara 3 stjörnur skilið, en ég hef fallið frá því og ætla að gefa þessari eðallaug fullt hús.

Kleppsjárnreykjalaug, Borgarfirði XXX
Traust sveitalaug, fínn pottur og laug. Mætti vera meiri kraftur á sturtunum. Þokkalega hreinlegt og blessunarlega fámennt. Gott.

Hafnarfjall, 844 m XXX
Upp Klausturtunguhól sem er drepleiðinleg klöngur að hamrabelti þar sem AT segir að sé með klauf. Fundum hana ekki en fórum samt upp á hæsta tind, Gildalshnúk. Þaðan auðvelt niður. Nokkuð strembin 6 tíma ferð og skemmtileg fyrir utan byrjunina.

Hengill, 805 m XXXX
Nú var tekin leiðin frá bílastæðinu við Dyradal og stikur eltar á topp nema brugðið út af vananum og farið upp skriður efst. Tók nokkuð hressilega á á köflum en hverrar mínútu virði! Útsýni geðveikt að vanda og frábært að svona töff stöff sé í 30 mín fjarlægð frá sollinum.

Scolty Hill, Aberdeenshire, Skotlandi 299 m XXX
Fyrsta fjallið sem ég geng á í útlöndum er þessi hóll í Banchory. Gaman að ganga í gegnum skóg, tilbreyting. Efst sleppti skónum og var þokkalega bratt á flatann toppinn. Þar er 20 m turn reistur 1850 til heiðurs einhvers lókals manns. Löngu seinna flaug þyrla með hringstiga sem hægt er að labba upp. Gott rölt og vonandi byrjun á góðu labbsumri.

Salalaug, Kópavogi XXX
Nokkuð köld og grámóskulaug nýtískulaug í smekklegu úthverfi. Bubblupottur góður svo og mósaík-klætt eimbað. Minnir á Borgarneslaug. Gott stöff en slær ekki bestu laugarnar við.

Skarðsheiði 1053 m XXXX
Tókum hringinn sem Ari Trausti talar um í biblíu sinni. Langt labb upp (3 og hálfur tími) í nokkuð flottu landslagi. Grýtt undir fót. Skarðshyrna 946 m og Heiðarhorn 1053 m. Margmagnað útsýni þaðan. Klöngur og hjakk á grjóti niður. Í allt um 6 og hálfs tíma ganga, 9-10 km. Fínt stöff.

Þjórsárdalslaug XXX
Almögnuð laug í eyðimörk. Búningsklefar frekar hranalegir og lélegt að ekki sé samhliða sturta og búningsklefi. En mjög fínt að öðru leiti.

Húsfell 288 m XXX
Fellið sjálft er ekki neitt neitt en þessi hringur (Kaldárbotnar -- Húsfell -- Helgafell) er flottur í góðu veðri. Hraun og spakir spóar. Íslensk eðalnáttúra í skottúr frá Rvk.

Laugarvatn XX
Þokkaleg sundlaug og pottar en búningsherbergin frekar subbuleg og asnaleg.

Gamla gufan, Laugarvatni XXX
Rosalegt stuð og ekki skemmti fyrir að Heiða og Elvar eru að vinna þarna!

Grænadyngja 402 m XX
Eða "kryppan" sem maður sér úr borginni í námunda við Keili. Trölladyngja ("Keilir 2") skyggir á grænudyngju en umhverfi þarna er allt hitasvæði og flott með miklum litum og geimblæ. Komum við í Spákonuvatni, en labbið á dyngjuna er ekki mjög strembið. Ágætis stuð.

Ytri-súla 1144 m XXX
Annar tindurinn í Súlum, bæjarfjalli Akureyringa. Nokkuð strembið labb án átakabletta þó. Lítur hræðilegar út en það er í raun. Gott stuð.

Jarðböðin Mývatni XXX
Bónusútgáfa af Bláa lóninu, ekki eins flott en ódýrara og alveg eins gott, þannig séð.

Hólar í Hjaltadal XX
Skítþokkaleg laug. Skemmir þó fyrir að það væru full margir prestar á svæðinu enda eitthvað rugl um Guðmund góða í gangi hjá blessuðum vitleysingunum.

Grettislaug, 15 km frá Sauðárkróki XXXX
Stórfenglegur pottur á hjara veraldar. Sirka 2x stærri en stór heitur pottur í sumarbústað. Glæsilegt umhverfi og góðir víbrar.

Hátindur 909 m XXX
Enn ein leiðin á Esjuna. Dálítið hræðilegt að sjá í fjarlægð en rættist úr þessu þegar við fundum "rennuna" upp. Því ver og miður var þoka uppi en engu að síður fín ferð. Mættum Ara Trausta, Tolla og Árni pabba Döggu á leiðinni upp sem var fínt því ég gat suðað smávegis í Ara Trausta, m.a. spurt hann að því hvaða fjarstæða þetta væri í honum að Hátindur og Þverfellshorn væri jafn erfitt. Hann svaraði litlu en benti á að það væri stutt eftir upp.

Grímmannsfell 482 m XX
Það sem Halldór Laxnes hafði út um gluggann. Sæmilega bratt en frekar boring tölt með fram gaddavírsgirðingu á flatan stóran topp með litlu fjöri. Einnota.

Þverfellshorn 782 m XXX
Algengnasta fjallaleið landins og allt vaðandi í fólki. Samt nokkuð fínt bara, skerí sjitt á toppnum svo ég fór út á hægri hlið og upp snjóbreiðu (ok skafl). Fínasta fjallapopp (sæmilega þungt) og útsýni gott í góðu veðri. Framúrstefnulegt gestabókarhylki á tindinum.

Brekkukambur 646 m XX
Þetta fjall hefur maður milljón sinnum keyrt fram hjá án þess að sjá það. Þetta er semsé fjallið fyrir ofan braggahverfið í Hvalfjarðarbotni. Nokkuð Jöfn ganga upp, þokkalega létt, en upp tekur við ein stór slétta og er erfitt að finna hæsta punkt. Ágætt útsýni, en svona í heildina la la, þótt alltaf sé auðvitað gaman að komast út úr húsi og á fjall.

Trölladyngja á Reykjanesi 375 m XXX
Fín ganga á flott fjall í gríðarflottu umhverfi (Höskuldarvellir og Keilir við hliðina). Drjúgt labb upp á topp (gott útsýni). Í næstu lotu verður tekið labb í kringum Spákonuvatn og upp á Grænudyngju.

Móskarðahnúkar 807m XXX
Fórum þetta í hífandi roki. Fyrst upp meli sem var leiðinlegt, en þegar líparítinu var náð varð ferðin skemmtilegri. Útsýni gott og flott umhverfi. Fórum á efsta hnúkinn, en nennti ekki á hina tvo. Frekar auðvelt stuð í nágrenni borgarinnar.

Helgafell í Mosfellsbæ 215m XX
Voðalega lítilfjöllegur hóll en útsýni ágætt og gott sem fjölskyldulabb.

Kerhólakambur 851m XXX
Kamburinn blasir við nánast hvert sem maður fer í Rvk. Því er nauðsynlegt að sigrast á þessu fjallhelvíti. Erfiðast er að komast úr gilinu í hlíðar fjallsins og ekki hjálpar til að þetta er hvergi merkt. Var maður því nokkuð smeikur á tímabili og fór á rassinn á leiðinni niður. Þessi leið ku vera sú næst fjölfarnasta á Esjuna, en ekki sá ég einn einasta kjaft þessa 7 tíma sem ferðin tók. Mikið labb upp hlíðina og ekki svo heví að komast upp á kambinn sjálfan. Útsýni gott til allra átta af tindinum. Djöfulli mikið verkefni en mjög gott að vera búinn að þessu. Nú getur maður horft á kambinn og fundið fyrir karlmannlegu stolti.

Helgafell í Hafnarfirði 340m XXX
Ekki erfitt (í gestabókinni á toppnum var 4 ára stelpa!) en mjög skemmtilegt. Flott sandberg og móberg og skemmtileg leið og flott útsýni.

Vífilsfell 655m XXX
Stutt frá bænum og nokkuð þægilegt allt saman. Engin drápsskilyrði allavega, þótt nokkrir hafi reyndar látist þarna en þá helst á veturna skilst mér. Leiðin á tindinn mætti vera betur merkt, maður væflaðist þarna um í smátíma áður en maður fattaði hvar ætti að fara. Fínt útsýni yfir Suðurlandið.

Kobbi kútur - Sundlaug Selfossi XXXX
Gífurlega barnvæn sundlaug og algjör snilld. Fullt hús!

Grábrók 173m X
Hraunhrúga fyrir alla fjölskylduna.

Þyrill 393m XXX
Auðvelt labb og útsýni nokkuð kúl yfir Hvalfjörðinn af toppi.

Akrafjall 643m XXX
Drjúgt labb á tvo toppa, Háahnjúk og Geirmundartind. Gestabækur á báðum tindum. Glæfralegt útsýni af Geirmundi en dalur milli tinda frekar leiðinlegur.

Skálafell Mosfellsdal 771m XX
Frekar leiðinleg leið á toppinn en draugaleg fjarskiptastöð á toppi vegur upp á móti leiðindunum. Allt í þoku og spúkílegheit allnokkur. Kúl útsýni í gegnum þokuslæðurnar.

Keilir 378m XX
Beint strik upp og beint strik niður. Gestabók á toppi. Þokkalegt labb, fjölfarið og poppað.

Hengill 805m XXXX
Fórum lengri leiðina frá skíðasvæði og gegnum allan Innstadal. Margþætt labb og efsta svæðið mjög spúkí umhorfs, eins og í súrrealískri sæ-fæ mynd. Vorum í algjörri blíðu svo útsýnið á toppnum var algjörlega geðveikt. Sáum eiginlega allt Ísland þarna. Möst labb fjall.

Suðurlaug, Hafnarfirði XXX
Alveg hin fínasta laug og pottar. Gaman að verðinum sem segir "Nú kveiki ég á sveppinum" með ákveðnu millibili.

Seltjarnarnes XXXX
Topplaug! Ódýrari en aðrar laugar og í alla staði pottþétt.

Vesturbær XXX
Klassískt sund ef maður lendir ekki á álagstíma. Alltaf gaman að rekast á Möggu stínu!

Sundhöllin XXX
Heitari potturinn góður. Búningsklefar góðir til Gusgus-videóframleiðslu.

Laugardalur XXX
Ferlíkisflæmi, en aðal-pottur notalegur.

Kópavogur XXX
Annað ferlíkisflæmi, en engu að síður fínt.

Hótel Loftleiðir XX
Ískalt og draslaralegt, en einhver 60s-sjarmi engu að síður.

Grafarvogur XXX
Ægilega fínt, en vantar sérstöðu.

Árbær XXXX
Topplaug! Eðal aðstaða til stríplunar úti og pottar góðir. Mætti samt minnka bubblið.

Bláa lónið XX
Fáránleg okurbúlla og klefa-sýstem út í hött. Maður nær ekki hvítu slikjunni af sér fyrr en eftir eins og 3 sturtuferðir en engu að síður er alltaf "event" að fara í Lónið.

Mosfellsbær XX
Alveg þokkalegt, en án sérstöðu.

Ljósafossvirkjun XX
Þokkaleg lítil laug. Sáum Bessa Bjarnason!

Hveragerði XXXX
Dúndur sundlaug! Næstum því nógu góð ástæða til að flytja til Hveragerðis!

Seljavallarlaug XXXX
Falin ævintýralaug undir hömrum. Skítt með það að hér sé ekki sturta. Upplifun.

Skógar XX
Sæmileg innilaug.

Laugar í Reykjadal XX
Öreigalegur pollur í kjallara, en ku standa til bóta að stækka.

Akureyri XXX
Topplaug með öllu. Stór mínus er þó hið fáránlega vatnstakmörkunarsýstem í sturtunni. Til hvers? Er ekki nógu mikið vatn á Íslandi?

Krossnes XXXX
Ævintýralaug á hjara veraldar (Ströndum). Magnað útsýni, mögnuð laug.

Varmaland XX
Þokkalegt, en alveg laust við að vera eftirminnilegt.

Laugagerðisskóli XX
Þokkalegt, en alveg laust við að vera eftirminnilegt.

Lýsuhóll XXX
Sjabbí og grotnað, en sódavatnið gerir gæfumuninn.

Hvammstangi XX
Þokkalegt, en alveg laust við að vera eftirminnilegt.

Suðureyri XX
Þokkalegt, en alveg laust við að vera eftirminnilegt.

Borgarnes XXX
Metnaðarfull laug og góð.

Kjalanes XX
Lítið og öreigalegt. Heiti pottur ágætur en setlaugin grín.