---
Kosningar smosningar. Ég hef útbúið
rokk-skala á flokkana sem hér segir:
XD - SJALLAR
1. Björn Bjarnason:
Björn hefur sýnt fálæti
og leiðindi í garð rokksins og ekki gert neitt fyrir það
í 8 ár. Í staðinn hefur hann mokað undir konuna
sína, Rut Ingólfsdóttur, innsta kopps í búri
Kammersveitar Reykjavíkur. Björn fílar ekki rokk, en
fílar hasarmyndir, svo hann er ekki alveg glataður.
-8 rokkstig
2. Vilhjálmur Þ. Vilhjálmsson
Vilhjálmur fílar ekki rokk, það
sést nú bara á honum. Hans uppáhald er auðvitað
nafni hans, sérstaklega lagið "Bíddu pabbi".
-4 rokkstig
3. Guðrún Ebba Ólafsdóttir
Illa kynnt. Ekki með.
4. Hanna Birna Kristjánsdóttir
Fýluleg létt fm-dama með allt
á hornum sér. Gæti þó fílað
Rammstein og menn með leðurgrímur.
-2 stig
5. Guðlaugur Þór Þórðarson
Kaffibarshangsari. Etv hefur eitthvað slæðst
með í hausinn á honum þaðan. Fílar þungarokk
í kynlífinu, en Celine Dion er þó í mestum
metum.
+2 stig
6. Kjartan Magnússon
Á bróður sem fílar þungarokk
og gæti því hafað spillst. Samt væminn og
taugaveiklaður náungi sem fílar nýaldartónlist
best.
-1 stig
7. Gísli Marteinn Baldursson
A-ha! Eini poppari sjallanna. Stuðmannaaðdáandi
og kann vel við allt sem íslenskt er. Topp gaur í glötuðum
félagsskap.
+8 stig
8. Inga Jóna Þórðardóttir
Hlustar á Létt fm til að slappa
af en er sérstök áhugamanneskja um týrólamúsik.
-6 stig
XD - SJALLAR: -11 rokkstig samtals
XR - ERR
1. Árni Þór Sigurðsson
Hætti að hlusta á rokktónlist
1985. Hafði mest gaman að þungt og þróað
hljómsveitum á borð við Yes og Genesis, en hefur
nú fært sig alfarið að klassík.
-4 stig
2. Alfreð Þorsteinsson
Það jafnast ekkert á við
harmóníkuna, segir Alfreð og dregur augað enn lengra
í pung
-10 stig
3. Stefán Jón Hafstein
Eini maðurinn með viti þegar Rás
2 fór í loftið og hafði þar áður
verið með frískandi næturútvarp á Gufunni.
Kannski ekki enn með puttann á púlsinum, en lengi lifir
í gömlum glæðum.
+7 stig
4. Steinunn V. Óskarsdóttir
Bob Dylan, Tom Waits og Leonard Cohen týpan.
+1 stig
5. Anna Kristinsdóttir
6. Björk Vilhelmsdóttir
Illa kynntar - ekki með.
7. Dagur B. Eggertsson
Er of "vandaður maður" til að geta
hugsanlega fílað annað en gáfumannapopp. Prefab Sprout
er í sérstöku uppáhaldi.
+3 stig
8. Ingibjörg Sólrún Gísladóttir
Setur gamla hipparokkið og mussupopp Spilverksins
oft á fóninn og tjúttar við Pops. Er of upptekinn
af leiðinlega djobbinu sínu til að hlusta mikið á
nýtt stöff, en hefur lúmskt gaman af Rottwæler
- hún skilur a.m.k. af hverju þeir eru svona vinsælir.
+2 stig
XR - ERR: -1 rokkstig samtals
Þar hefurðu vísindalega niðurstöðu,
hvorugum flokknum tekst að komast í rokkplús. Þitt
er valið!
13.03.02
Ég vil minna á útvarpsþáttinn
Alætuna á Rás 2 annaðkveld (fimmtud. kl. 22:10-00:00).
Þátturinn, sem unnið hefur sér sess í hugum
tónlistaráhugafólks sem einn af sjö merkilegustu
útvarpsþáttunum á Íslandi í dag,
verður að vanda í góðu lagi.
Helst ber til tíðinda að um kl.
23 mætir rafvirkinn Kippi Kanínus með óskalög.
Kippi gaf í fyrra út hina gríðarlega eigulegu
frumsmíð Í SÍÐDEGISKAFFINU SÍGILD HLJÓMLIST,
sem fæst í 12 tónum.
Kynntar verða fimm LP-plötur sem þáttarstjórnandi
keypti á kr. 500 samtals í húsgagnabúðinni
EINURÐ á Akureyri (notað rusl). Til að halda spennu
verður hér ekki gert opinbert hvaða plötur þetta
eru.
Einnig verður spiluð gæðatónlist
með Beige, Sýrop, Birgitte Bardot og Gissuri Birni Eiríkssyni
svo eitthvað sé nefnt. Hér er hugsanlega um frumflutning
á verki eftur Gissur að ræða í ísl.
útvarpi, en hann er gríðarefnilegur jaðarlistamaður
með aðsetur þjónustuíbúð í
Hátúni. "Hamfarir" Gunnar heitins Jökuls verða sem
Tubular Bells (I OG II!!!) við hliðina á verkum Gissurar.
Góða skemmtun.
12.03.02
Gífurlegrar hnignunar gætir nú
í grínmenningu Íslands. Ekki er nóg með
að Tvíhöfði sé hættur og engar blikur
á lofti með nýja Fóstbræðraseríu,
heldur berast þær fréttir að Spaugstofan eigi að
byrja aftur á Rúv. Æi æi æ. Með fullri
viðringu, þessi stofa var fersk fyrir 10 árum eða
eitthvað þegar Ragnar og Kristján mættu fyrst á
skjáinn, en nú fær maður bara þunglyndiskast
á að hugsa til revíusöngleikjanna og rónagrínsins
sem bíður manns.
---
Gleymdi í Akureyrar-pistli mínum
að minnast á frægt lókal djönkfúdd:
Brynjuísinn var þrumugóður að vanda, en djúpsteikt
pulsa með frönskum kartöflum, hamborgarasósu, bræddum
osti og kartöflukryddi var ekkert spes. Konunni fannst þessi
blanda þó alveg stórkostleg.
11.03.02
"Dr. Gunni er mun skemmtilegri penni enn tónlistarmaður..."
stendur á Tilverunni í
línk hingað. Hvaða vatnshaus sér um þessa Tilveru
spyr ég nú bara.
Ég var á Akureyri og komst í
feitt í búðinni Einurð, Fjölnisgötu 6,
eins og hlustendur á næstu Alætu munu heyra á
fimmtudaginn. Þar ætla ég að spila lög af þeim
5 notuðu vinílplötum sem ég keypti í Einurð,
sem selur auk þess gömul húsgögn og allskonar drasl.
Maður er frekar fljótur að klára það sem
blessaður höfuðstaður Norðurlands hefur upp á
að bjóða - eftir 2 daga er maður búinn með
þetta. Við átum á Greifanum, fórum í
Hjálpræðisherinn, Einurð, notuðu bókabúðina
Fróða, kaffihúsin Karólínu og Bláu
könnuna, löbbuðum niður göngugötuna, kíktum
í Amaro og nýja mallið, fórum upp á skíðabrekku,
keyrðum út í jólahús (sem var lokað
vegna vatnsskemmda en mun opna aftur eftir sirka 2 vikur) og að kirkjustaðnum
Grund. Einnig talaði ég við Rögnvald "gáfaða"
og vin hans (Klængur?) og ég bókaði mitt fyrsta
gigg í mörg ár í Listagilinu á Listahátíð
Akureyrar hinn 13. júlí. Þar mun ég koma fram
ásamt hljómsveit.
Akureyri er samt ægilega krúttlegur
bær og Eyjafjörður er fegurstur fjarða. Ég get
vel hugsað mér að búa þarna einhvern tímann.
07.03.02
Umhverfisráðherra Finnlands, Satu
Hassi (50), kom nakin fram á dögunum. Mér þætti
gaman að sjá Siv leika þetta eftir. Kannski ekki "gaman",
því nógu er hún ógnvekjandi í
fötum.
Sumar alþingiskonur eiga nebblilega
miklu betur heima í leðri og með svipu.
TOPP 5 LEÐUR-ALÞINGISKONUR:
01 Valgerður Sverrisdóttir
02 Þorgerður K Gunnarsdóttir
03 Þórunn Sveinbjarnardóttir
04 Siv Friðleifsdóttir
05 Jónína Bjartmarz
bubblandi undir: Sólveig Pétursdóttir
...oooooh, sláðu mig, ég er
bú'nað vera vondur.
---
Margir eru fúlir vegna bókar minnar
Eru
ekki allir í stuði? Aðallega eru þetta popparar
sem finnst slæmt að ég skyldi ekki tala meira um þá,
en svo finnst öðrum ég hafa verið full harkalegur í
lýsingum mínum á þeim. Íslenska fámennið
gerir það auðvitað að verkum að það
er á mörkunum að það sé hægt að
skrifa jafn opinskáa bók og mína. Glætan að
Paul MacCartney eða Mick Jagger færu að skammast yfir þeim
smámunum sem fljóta upp í bókinni minni.
En jæja, Sigurður Kr. Sigurðsson
sem söng m.a. með Eik og á hinni frábæru hljómplötu
Íslensk kjötsúpa, hringdi í mig í gær
og var síður en svo hress yfir að ég skyldi nefna
hann Sigga "Píku" í bókinni. Hann kannaðist ekkert
við það viðurnefni, en Siggi "Sæti" eða Siggi
"Súpa" sagði hann að hefðu verið notuð. Ég
vil því nota tækifærið og biðja Sigga
afsökunar á að hafa kallað hann þessu viðurnefni,
sem ég hélt í fávisku minni að hefði
loðað við hann. Mér finnst þetta viðurnefni
- "Píka" - þó ekkert skammaryrði heldur beinlínis
hól og á undan sinni samtíð, sbr. vinsældir
Píkusagna í dag.
Siggi er síður en svo einhver píka
heldur einn af krafmeiri söngvurum landsins og ég vona að
endurkoma hans í poppið sé framundan, nú þegar
þetta viðurnefnamál er komið á hreint.
02.03.02
Ég er enginn sérstakur áhugamaður
um samsæriskenningar, en þetta
finnst mér mjög dularfullt.
Ég mæli annars með mjög
flottri ljósmyndasýningu Guðmundar Ingólfssonar
í Grófarsal (efst í Bókasafni Rvk). Hún
stendur til 24. mars. Fullt af sirka 15 ára gamalli nostalgíu,
sjoppum í Reykjavík og mjög íslenskum landslagsljósmyndum.
Einhvern veginn meiri "sannleikur" í þessum myndum en þessum
venjulegu rjómasúpumyndum af Íslandi.
01.03.02
Jæja, þetta var þá satt
og 2höfði er allur. Kannski það besta í stöðinni;
Nonnó orðinn hundleiður á þessu en Sigurjón
vill meira - ætlar að halda áfram. Vonandi verður
þetta ekki sama sindrómið og þegar Ham hætti.
Ekki það að Olympía hafi verið svona leiðinleg
hljómsveit - ágætt band og allt það - það
hafði bara alls ekki sama slagkraft og Ham. Bíðum og sjáum
og vonum það besta. Það er ótækt að
maður hafi ekkert almennilegt í eyrunum á morgnanna.
Maður verður kannski bara að fara að hlusta á eitthvað
í útlöndum í gegnum Netið?
28.02.02
Tvíhöfði er hættur - segja
pungsvitaritin Nulleinn og Undirtónar. Djísús kræst!
Hvað á maður þá að hlusta á á
morgnanna? Ótalandi vitleysinga að bulla milli þess sem
pleilistatölvan slefar út úr sér endurteknum
leiðindum? Nei nei nei. Nú getur maður sleppt því
að opna útvarp fyrr en Óli Palli fer í loftið
á Rás 2. Ef þessi frétt um lát Tvíhöfða
reynist rétt fer ég nú bara að gráta. Bú
hú.
Ég minnti Stebba Fræfil á
að mæta í Alætuna í kvöld. "Mig hefur
alltaf langað til að vera með 300 punda homma í búri,"
sagði Stebbi og átti þá við útvarpsbúrið
og mig (sem er þó hvorki hommi né 300 pund). Þetta
ætti að verða gott viðtal!
Dadda-ra... Myndu 1.000.000 kr aukalega á
mánuði í þrjú ár breyta einhverju?
Ég endurtek: á mánuði. Starfslokasamningar Sjálfsstæðisflokksins
- X-D borgar sig.
27.02.02
Ég hef aldrei lesið bók eftir
Ólaf Jóhann Ólafsson. Einu sinni byrjaði ég
á fyrstu bókinni hans, Níu lyklar, en gafst snarlega
upp. Maðurinn lítur út fyrir að vera leiðindapúki
og ég hef ekki séð eða heyrt neitt af honum sem gefur
annað í skyn. Ef Ólafur ynni í öskunni og
skrifaði þessar leiðinlegu bækur sínar myndu
fáir nenna að lesa þær - ef svo ólíklega
vildi til að þær væru gefnar út. En Óli
vinnur ekki í öskunni heldur er hann einhver voða ríkur
bla bla Sony bla bla Michael Jackson bla bla - með 5.000.000 + á
mánuði og eitthvað. Þess vegna er hann metsöluhöfundur
á Íslandi. Ég ætla ekki að ganga svo langt
að segja að allir sem höfðu gaman að síðustu
bókinni hans séu hálfvitar - þó vissulega
sé það freistandi - en bendi þeim á að
lesa dóm
sem Sniglaveislan hans Ólafs fékk í útlöndum.
Í þætti mínum, ALÆTAN,
annað kveld verður að öllum líkindum leikin tónlist
með listamanninum Hr Múzak
og hljómsveitinni Ég. Einnig lettneskt döbb, japanskt
raf o.fl. Í "Óskalög trommara" mætir sjálfur
meistari Stefán K Guðjónsson, trommari Fræbbblanna,
segir frá pönkinu og velur að sjálfssögðu
óskalög. Ég myndi ekki missa af þessum þætti!
25.02.02
Fór á ball með harmóníkuleikaranum
Steina Spil. Fór í hringdans og hélt utan um kerlingar.
Svo tóku kerlingar í stuði völdin, ráku Steina
niður af pallinum og settu Abba á fóninn. Ég reyndi
að fara á fyllirí en mistókst hrapalega. Er greinilega
búinn með þann "pakka". Feginn er ég.
22.02.02
Mér finnst kominn tími til að
gapastokkar verði teknir aftur í notkun. Það mætti
t.d. stilla þeim upp í Austurstræti og lögreglan
mætti vera á vakt til að hindra æstan múginn
í að sparka í rassgöt.
21.02.02
Birgir Baldursson trommaraséní
úr S.H.Draum, Bless og Sálinni etc. ræðst fram
á fúnum síðum MBL í dag og dissar kristnina
og einhvern Jón Dalbú prest. Gott hjá honum! Tékk
itt.
Að panta pítsu er eins og að fara
í rússneska rúllettu. Í gær pantaði
ég hjá kúkakompaníinu Pizzahöllin og var
lofað ilvolgri pítsu eftir 45 mín. Eftir 90 mínútur
kom svo pítsan, skítköld, helmingurinn af henni fastur
í lokinu og þar að auki vitlaus pítsa! Æðisleg
þjónusta! Ég æsti mig við eitthvað krakkagrey
á vakt, sem hefur líklega snýtt sér á
pítsu nr 2 sem kom 45 mín síðar - eða 135
mín eftir að pantað var - amk smakkaðist pítsan
þannig. Þetta var reyndar gráðaostapítsa.
Það skipti auðvitað engu máli því
ég var orðinn svo glorhungraður. Pizzahöllin fer nú
í flokk með Dominos (sjá betur í veitingahúsagagnrýni)
á boycott listanum.
20.02.02
Bjánar notuðu orðin "mannlegur
harmleikur" þegar upp komst um Árna fokking Johnsen í
fyrra. Firra! Mannlegur harmleikur er þetta morð á Víðimelnum.
Það er hins vegar kjaftæði að maður þurfi
að fyllast einhverri móðursýki og ekki þora
út úr húsi á nóttunni.
Gott að vera laus við þá
bakkabræður Helga (leiðindi) og Hrannar Bé (kattamorðingi).
Nú getur maður næstum því kosið R með
góðri samvisku.
Stefán Jón er ágætur,
held ég. Hann lítur út eins og karlarnir á
plaggötunum á rakarastofunum, en þess ber reyndar að
geta að ég fór síðast til hárskera
um 1985.
Sharon! Ertu ekki til í að drepa alla
Palestínumenn. Ég er búinn að fá leið
á fréttum.
Arafat! Ertu ekki til í að drepa alla
júða í Ísrael. Ég er búinn að
fá leið á fréttum.
17.02.02
Júðarnir Óli, Gísli
og Hörður hirða upp Palestínu Palla sem sprengdi sig
í morgun.
Sáuði Leno í gær? spyr
Óli. Nei, en djöfull var Milli himins og jarðar slappt
á laugardaginn, segir Gísli og Hörður tekur undir
og bætir við að djöfuls Rúv hefði nú
frekar átt að sýna HM en borga undir það rusl.
Er Radíó X búið að
missa allt rokk?, spyr þá Óli og í því
heyrist ærandi hvellur úr bakaríinu á horninu.
Ég pant ekki fá vinnu í
bæjarvinnunni í Jerúsalem.
16.02.02
Ræktin, Seltjarnarnesi, hefur það
fram yfir margar líkamsræktarstöðvar að vera
ekki í eigu kvenna með stórmennskubrjálæði.
Þó ýmis stórmenni á borð við
Bubba, Geir Haarde, Ólaf R. Grímsson, Ómar Ragnarsson
og mig stundi þar líkamsrækt er Rætin fremur öreigaleg.
Til vitnis um það má nefna að í morgun fór
rafmagnið af 15 sinnum á 2 klukkutímum. Þetta er
sérstaklega pirrandi þegar maður er að hlussast á
hlaupabretti.
Á leiðinni heim reiknaði ég
út hversu mikið Þórarinn V er að fá
frá mér persónulega og miðaði ég út
frá öllum Íslendingum, sirka 280.000. Þetta eru
nú ekki nema 132 krónur sem hann er að fá frá
kjaft og hvað er fólk að væla yfir því?
Ekki sé ég eftir þessum krónum til Þórarins
V sem er með svo fallegan munnsvip og er svo mikið krútt.
Það lýsir beinlínis af honum manngæskan.
15.02.02
Hver þarf aðrar heimsálfur þegar
hann hefur Sælkerabúðina? Ég fór þangað
enda finnst mér fátt skemmtilegra en að skoða exótíska
matinn sem fæst þar. Dálítið pirrandi að
vita varla hvað neitt er en þá er bara að kýla
á eitthvað fríkað því Hr. Nings er nú
ekkert að okra. Stundum er sumt sem maður kaupir ógeðslegt,
eins og allskonar nammi sem lítur út eins og lambaspörð
eða gosdrykkir með myndum af óskiljanlegum ávöxtum.
Ég er alger sökker fyrir gosdrykkjum og er meira að segja
ný búinn að fá mér bók um málið:
En allvega, ég geri roknakaup hjá
Nings. Kaupi 3 tegundir af gosi sem allt er ógeðslega vont,
en eins og ég segi þá er ég sökker fyrir
soda. Svo kaupi ég tvær tegundir af einhverjum fræjum
sem ég ætla að éta sem snakk en það er
ógeðslega vont og maður á kannski að baka úr
því eða eitthvað - það var samt í
snakkdeildinni. Ég er amk búinn að henda því
öllu. Ég keypti líka mjög framandi núðlusúpur
og nú bíð ég gífurlega spenntur eftir að
smakka þær. Ein er með "ferskum" núðlum sem
eru linar. Hin tegundin er í risastórri skál og heitir
UFO Noodles, en annað er skrifað á kínverksu. Ég
veð út í óvissuna með Fljúgandi furðuhlutanúðlunum
og læt að sjálfssögðu vita hvernig fer. Ég
býst við miklu af UFO því pakkinn kostaði 420
kall, sem er rosalegt verð, amk á núðlusúpu!
13.02.02
Ennþá hor út um allt. Það
er þó allavega skárra en að vera í gifsi,
hoppandi um eins og aumingi.
12.02.02
Húndleiðinlegt að vera kvefaður
með hor niðrá herðar. Spæni um vefinn og sé
ekkert nema vælandi hælbíta. Vælt er um að
Radíó-X sé orðið drulla því Þossi
er hættur að spila fávitalegt pungsvitarokk. Með fullri
virðingu fyrir hr. Þossa, sem mig rámar í að
hafi haft ágætan tónlistarsmekk fyrir nokkrum árum,
þá er mér drullusama þó Staind og Linkin
park (sem Þossa finnst æðislegt) heyrist aldrei aftur í
útvarpinu. Sem sagt: Radíó X getur ekki orðið
verri og auðvitað erða jákvætt ef einhver stelpa
með aðeins minni pungsvita sé þar yfir. Tvíhöfði
er hvort sem er það eina að viti á stöðinni.
Hælbítarnir eru nú vælandi
um íslensku tónlistarverðlaunin sem hr Einar Bé
stóð í að sjá um. Ókei, jú jú,
2900 kall er útíhött mikið að borga sig inn
og atriði Svölu greyisins var sorglega hallærislegt, en
að öðru leyti var gaman að þessu og XXX áttu
þetta allt skilið. Hættið nú að væla
kæru hælbítar og takið til í eigin garði
áður en þið drullið í garð nágrannans.
Ókei, kannski er ég með óráði.
10.02.02
Konan fór í kvennaklúbb
í gær og skildi mig eftir heima. Ég náði
ekki í neina vini mína og þurfti því að
tortýmast enn heima yfir rusli í tv. Helv videóið
sprakk um daginn svo ég fæ ekki einu sinni geðfró
í að glápa á spólu. Á meðan
þessi ömurlega Madonnu-tík er á skjánum
(í myndinni "Hommi barnaði mig") horfi ég í gaupnir
mér því ég hafði lofað sjálfum
mér því þegar myndin kom fyrst í bíó
að horfa aldrei á hana. Ekki tekur betra við, Treat Williams
í myndinni "Substitute 2 - Schools out". Ég er allur að
vilja gerður að fylgjast með þeirri C-mynd, en sofna
slefandi í sófanum. Þannig kemur konan að mér
kl. 01:30.
08.02.02
Hver bað um þennan ömurlega snjó?
Ekki ég. Er að taka upp ný lög og svona. Plata á
árinu.
01.02.02
MR var með söngkeppni í Loftkastalanum
í gærkvöldi og ég sá um dómnefndarstörf
ásamt Láru úr Funerals og Þorgeiri Andréssyni
söngkarli. Þarna stigu ein 19 atriði á svið og
sigraði feykiefnileg söngkona, Hrund, sem tók hið hundleiðinlega
lag Stairway to Heaven en sýndi mjög örugga takta. Hressar
og góðar stelpur voru númer 2 og 3 líka, og því
til viðbótar voru fullt af öðrum efnlegum söngkonum.
Þegar strákar stigu á svið voru þeir hins
vegar með "flipp" atriði, svona eins og þeir þyrðu
ekki að vera "einlægir" og vanda sig. Kannski þess vegna
séu svona fáir almennilegir poppsöngvarar karlkyns á
Íslandi? Í Músiktilraunum snýst þetta
hins vegar alveg við - þar eru næstum því
aldrei stelpur á sviðinu, en fullt af strákum að
baula rokk. Einhverjir strákar ættu nú að næla
sér í hana Hrund í MR á hljóðnemann
því þar væri komið þrusuband!
30.01.02
Gemsa-diskurinn er kominn og rokkar sílspikað,
já! Sá myndina í gær í fyrsta skipti
í heilu lagi og á breiðtjaldi. Ég var djúpt
snortinn og hló eins og fífl. Helvíti hlý mynd
frá Mikka kúk þó á yfirborðinu sé
þetta hart og hrátt. Sá sem hlær ekki að
bullinu í Gulla og strákunum og vorkennir ekki Dodda er með
hjarta úr galvaniseruðu stáli og ætti að fara
að læra innanhúsarkitektúr.
23.01.02
Eftir sirka viku kemur út á vegum
Skífunnar diskurinn með tónlistinni úr Gemsum.
Ég sá um þetta verkefni og samdi 5 af lögunum
- "T" sem ég syng sjálfur, "Fokking frelsi" sem Stefán
Hilmarsson samdi textann við og syngur auk þess sem ég
gjamma smávegis með, "Gemsar" sem Heiða syngur, "Súra
Reykjavík" sem Hreimur úr L&S (eða Streamer) syngur
og "Gangar" sem Halla Vilhjálmsdóttir, ein aðalleikonan
úr myndinni, syngur. Á þessum frábæra
disk eru líka lög með Afkvæmum guðanna, Maus,
Skyttunum, Ensími, Bmx, Coral, Drep, Dj Grandpa, Justin Simmons,
Jet Black Joe, XXX Rottweiler hundar, Skurken og Smarty pants. Allir út
í búð!
18.01.02
Eftir gönguferð á milli Grafarvogs
og Mosfellsbæjar hef ég tekið ákvörðun
um að reyna að gefa út einn sólódisk og eina
skáldssögu á árinu. Meira um það síðar.
04.01.02
Ha? Bara komið nýtt ár? Hvaða
fokkings geðveiki er það. Skaupið var fínt.
VAR
EITTHVAÐ AÐ GERAST 2001?
