25.08.05
Vondu nördarnir hjá Google hafa sett fram ókeypis
forritið Earth sem er ansi massíft
heimskort. Maður getur svifið um jörðina og látið
sig svífa ofan í bílaumferðina í New York
og þaðan til Tonga eða eitthvað. Nokkuð glæsilegt
hjá þeim en mun eflaust fara batnandi. Núna eru Bandarískar
stórborgir betri en annað. Svo er örugglega stutt í
að heimurinn allur verði í boði læf. Maður
situr heima hjá sér og svífur í tölvunni
heim til sín og kíkir inn um gluggann hjá sér
og skoðar sjálfan sig að skoða sjálfan sig skoða
sjálfan sig... Þá fyrst verður gaman að vera
til, eða þannig.
---
Samt galli á þessu Earth forriti að leitarorðið
"Kopavogur" skilar engri niðurstöðu! Eflaust bara tímabundinn
galli hjá þeim.
---
Jón Gnarr toppar sig í leiðindum í Fréttablaðinu
í dag. Ef hann skrifaði þetta þá. Finnst
líklegra að Jóna Hrönn miðbæjarpresturinn
hafi skrifað þennan mærðarlega vælupistil. Ég
vona samt að Jón hafi ekki alveg tapað húmornum þótt
hann hafi fundið Jesú. Tvíhöfði birtist víst
aftur á Stöð 2 í kvöld. Vona innilega að
Sigurjón hafi ekki gerst trúaður líka. Margir
spyrja sig hvort hægt sé að vera trúaður vísindamaður
(rétt svar: Nei), en það má líka spyrja
hvort hægt sé að vera trúaður grínisti.
---
Ég vil samt hafa þann vara á þessu bloggi
að ef svo ósennilega vill til að Guð er til og ætlar
eitthvað að fara að hegna mér fyrir þetta á
hinsta degi að þá var ég bara að djóka
og trúði á hann allan tímann. Ókei?
24.08.05
Annars virðist Dús Bígaló Europian digalo
vera algjört rusl.
Meira að segja Ebert
hefur sjaldan verið svona neikvæður og gefur myndinni O.
Vilji menn karlagrín um kynlíf os.frv. virðist The 40
year old virgin vera miklu betri kostur. Sú mynd er að fá
fína dóma (sjá
/ hér).
Reyndar leikur hann í þessu sýnist mér gaurinn
sem lék í hinni almisheppnuðu amerísku útgáfu
af The Office, en gefum honum séns.
---
Hér
hefur einhver tekið saman þegar erlendar stjörnu gera sig
að fífli í japönskum auglýsingum. Mæli
sérstaklega með Michael Jackson.
---
Lufsan sá hinn hæfileikaríka Robb Snæder
á Leifsstöð. Þrír ljósmyndarar tóku
á móti honum. Lufsan heldur því fram að
Robb hafi verið ljótur og asnalegur. Sjálfur sá
ég Vigdísi í Melabúðinni.
---
Menn hafa á orði að Össur
sé orðinn hressasti pólitíski-bloggarinn og það
er alveg satt. Hann er með þrumublogg um Geir Haarde í
líkamsrækt. Meira svona, minna kjaftæði!
---
Nýjasta hugmyndin hjá Lufsunni er að kaupa í
nýju strandhverfi í Garðabæ. Keyrði þarna
í gær og þetta leit nokkuð flott út allt
saman. En samt... Garðabær? Hvað hefur komið þaðan
af viti? Mér dettur ekkert í hug nema eðalbandið
Jonee Jonee. Lufsan sagði að ég væri þröngsýnn
og fastur í fortíðinni þegar ég nefndi þetta.
Best að vera jákvæður...
---
Hallgrímur Helgason og þetta lið er alltaf að
mjálma yfir því hvað 101 R sé æðislegt.
Veit það ekki. Jú jú kannski. Svona fyrir utan
mávana og rónana. Samt sér maður miklu fleira
fólk í Smáralind eða Kringlunni en niðrí
bæ, þannig séð, ef það er einhver mælikvarði
á gæði umhverfis. Lufsan fór í Iðu og
sá mann á nærbuxunum, með fráhneppta útælda
skyrtu á einum sokki væflast fyrir utan.
---
Sit hér annars alveg stjarfur að skrifa 9 Popppunktsþætti
sem teknir verða upp á næstunni. Konan á bílnum
komin í skóla og ég heimavinnandi. Dagbjartur á
leikskóla á milli 8-15.30 svo það er vinnudagurinn
minn. Nokkuð gott bara. Skil ekki þetta endalausa vinnubrjálæði
í landanum. 48 tímar á viku er víst normið.
Er ekki í lagi? Ókei, kannski þarf að vinna fyrir
öllum ofurjeppunum sem fólk er búið að planta
undir rassgatið á sér.
---
Joe Cocker er auglýstur upp sem "besti hvíti soul-söngvarinn".
Ég vil nú ekki vera með nein leiðindi en er þetta
ekki eins og að segja að "besti dvergvaxni körfuboltamaðurinn"
sé á leiðinni?
22.08.05
Sá
mynd. Hún var sæmileg. Sá líka Silvíu
Nótt. Hún var að gera eitthvað Skjás eins
plögg eins og við Felix. Popppunktur í loftið á
ný 4. sept. Silvía aftur í gang í lok sept.
Svo var ég að enda við að glápa á eitthvað
best of úr þessum Lost þáttum sem ég hef
aldrei séð áður. Gott að taka 20 þætti
á 3korter. Nú getur maður horft á restina af þessu
en er búinn að spara sér 20 tíma gláp.
---
21.08.05
Alltaf það sama á sunnudögum: Vinaleg áminning
til lesenda um að hlusta á Tónlistarþátt
Dr. Gunna í dag kl. 16 og svo kemur Topp 5!
Buck
65 - Devil's eyes: Kanadískur fyrrum tilrauna-hipp hoppari,
en núna smá Tom Waits í honum. Besta lagið af
nýjustu plötunni hans, "Secret House against the world".
Brian
Eno - Some of them are old: Áður en Sonic Youth komu á
svið á Nasa á miðvikud var fyrsta sólóplata
Enos, Here Come the warm jets, spiluð í heild. Mögnuð
plata og langt á undan sinni samtíð (1974). Annars var
giggið gott, Sonic mun agaðri og skemmtilegri en í þessi
tvö skipti sem ég sá þau (New York 14/7/1989 -
Hér spiluðu líka Mudhoney, Laughing Hyenas og barnabandið
Old Skull. Ég man smá eftir barnabandinu og að Sonic
voru leiðinleg. Og San Fransisco 31/10/1990 - man bara að það
var ekkert skemmtilegt. Kannski var ég bara þunnur.) En ég
var mjög sáttur við Sonic núna. Gömul og góð!
Eilert
Pilarm - In The Ghetto: Sænski Elvisinn! Ertu til í smá
geðveiki!?
Supersystem
- Born into the world: Bandarískir og minna á LCD Soundsystem,
!!! og svo framvegis. Af nýrri plötu sem er nokkuð góð.
Franz
Ferdinand - Do you want to: Nýja lagið frá væntanlegum
Íslandsvinum (2. sept). Hér er dúddinn sem bandið
er nefnt eftir.
---
Svo má benda á tvo staði á alnetinu sem bjóða
upp á mússikk: Heimasíða
Kania Tieffer, belgíska kvennatríósins sem er að
gera allt vitlaust, og á heimasíðu Shitmat eru 100
Rolf Harris rímix. Kan jú teik it, pönk, kan jú?
Að lokum: Nokkrar flottar myndir
frá ferli Eyþórs Þorlákssonar gítarleikara.
17.08.05
Mannleysan Brian Jones var víst ægilega góður
sundmaður. Því var það skrítið að
hann hafi drukknað í sundlauginni sinni. Nú er að
koma í ljós að iðnaðarmaðurinn hans drap
hann. Púff, þessir iðnaðarmenn! Nei nei. Fínt
lið.
---
Brasilíumaðurinn sem breska löggan skaut átta
sinnum í andlitið var víst ekkert svakalega dularfullur
heldur bara að flýta sér í lestina. Vá
bömmer fyrir stressuðu lögguna sem skaut hann.
---
Er Davíð Oddsson geðveikur í hefndarhug með
lögguna og lögin í vasanum? Eru Baugsmenn svakalega geðveikir
svindlhundar? Þessum spurningum verður svarað í fréttunum
í svona ár í viðbót og sitt sýnist
hverjum. Æðislegt. Þeir eru góðir, mjálmar
láglaunafólkið, skítapakk hrópar Sjálfsstæðisflokkurinn
sem vill versla í Nóatúni. Æi ég veit
það ekki. Rússland? Jú bett.
---
Mér skilst að Sonic Youth hafi verið geðveikir og
æðislegir í gær. Enn eru til miðar á
giggið í kvöld og ég ætla að skella mér.
---
Þurrkað lambakjöt, einskonar íslenskt beef jerky,
er komið á markaðinn frá Fjallalambi
á Kópaskeri og heitir Græningi. Ég mæli
með því. Gott að tönglast á þessu
og maður styrkir landsbyggðina um leið.
15.08.05
Æði langt er síðan ég fór í
bíó. Ástæðan er einföld: Ekkert nógu
gott í boði til að maður leggi á sig það
kostnað og erfiði samfara bíóferð. Til dæmis
í dag, þá gæti ég valið um þetta:
Herbie: Ertu ekki að kidda mig?
The Island: Í mesta lagi videó-mynd.
The Perfect Man: Hillary Duff!
Batman Begins: Í mesta lagi videó-mynd.
Fantastic Four: Videó í mesta lagi.
Wedding Crashers: Videó.
The Longest yard: Nenni ekki að sjá enn eina hundleiðinlega
mynd með Adam Sandler.
Sin City: Bara sýnd á nóttunni. Tek hana á
videó.
War of the Worlds: Ég legg það ekki í vana
minn að horfa á geðveika trúarofstækismenn.
Ég veit líka hvernig hún endar (bakteríurnar).
Kannski á videó.
Dark Water: Videó kannski.
Hostage: Karlmannlegt rusl með Bruce Willis.
---
Rotið úrval semsé. Og búið að vera
svona í allt sumar. En þetta skánar. Haustið er
blessunarlega að skella á. Fyndið til þess að
hugsa að sumarið í ár var ein vika.
---
Get huggað mig við að ég tók seinni partinn
af Hitleri upp í gær. Kíki á hvað það
leiðindagerpi er að vesenast.
---
Hér eru mataruppskriftir
í boði Einsturzende Neubauten. Ekki hefði mér dottið
þetta í hug þegar okkur í S.H.Draumi var vísað
út úr búningsherberginu á Safarí af
því Blixa og félagar þurftu að dópa
sig með 16 ára bahnhof zoo stelpunum sem þeir komu með
sér.
---
Svo er Baggalúturinn
kominn aftur, eiturhress og eðlilegur.
14.08.05
Sunnudagur: Tónlistarþáttur Dr. Gunna kl. 16, sneisafullur
af eðalstöffi. En nú: Topp 5: Einfarar. Hvað er Outsider
music? Fræðimaðurinn Irwin Cushid hefur svarið.
Ég skrifaði honum og ætlaði að senda honum Gunnar
Jökul, Gissur, Jóhann R. Kristjánsson, GGGunn, Hallbjörn,
Gylfa Ægisson, Hjört Geirsson og fleiri snillinga en fékk
bara til baka standard bréf þar sem hann segir að vegna
þess að hann fái svo margar svona fyrirspurnir víðsvegar
að úr heiminum afþakki hann boðið. O jæja.
Allavega, hér eru fimm meistarar.
Shooby
Taylor - Lift ev'ry voice and sing: Vann í póstinum í
Harlem, stamaði og söng "skat". Kallaði sig "The Human Horn".
meira
Pip
Proud - Albatross: Ástralskur 60s gaur. Keypti plötu með
honum sem einhver fékk lánaða og skilaði aldrei.
Minnir endilega að þetta hafi verið langbesta lagið.
Magnaður drungi! meira
Jóhann
R. Kristjánsson - Tilfinningar: Meistari sem minnir mig á
snillinginn Wreckless Eric. Ég skrifaði smá um hann í
Eru ekki allir í stuði: Ekki er hægt að fara frá
Austfjörðum án þess að minnast á Jóhann
R. Kristjánsson. Hann hafði fundið út að hann
gat samið lög og eftir hvatningu frá strákunum í
Eglu gaf hann sjálfur út 4-laga 12" plötu um vorið
1982. Platan hét þeim óheppilega titli Er eitthvað
að? og þjóðsagan segir að hún hafi fengið
stystu gagnrýni sem sést hefur: "Já!!!".
Jóhann var niðurbrotinn maður og talaði um "viðbjóðslega
gagnrýni" -- Gunnlaugur Sigfússon í Helgarpóstinn
hafði t.d. skrifað: "Ég kæri mig ekki um að eyða
meiru af dýrmætu plássi í þessa vitleysu.
Ég vona bara að þetta sé eitthvert meiriháttar
grín, því ef svo er ekki er þetta ákaflega
sorgleg plata." Þó Jóhann væri á bömmer
og að auki stórskuldugur því platan seldist illa,
lofaði hann endurkomu og því að "næsta plata
verði góð". Jóhann er í dag kennari á
Egilsstöðum og hefur því miður ekki ennþá
efnt loforðið.
Bruce
Haack - Song of the death machine: Gamall í hettu svuntaþeysaranna
og svipaður fýr og Gershon Kingsley og Raymond Scott. Varla
mikið utangarðs lengur enda kvikmynd um hann komin út og
tribjút-plata með Eels, Stereolab og vísindakirkjufríkinu
Beck á leiðinni. Þetta lag kom út á konsept-plötunni
The Electric Lucifer 1972. meira
myndin
M.A.Numminen
- Ei edes Elvis loistossaan: Einn finnskur og góður í
lokin. Held hann hafi m.a.s. komið og spilað í Norræna
húsinu. Örlí stöffið hans er sérlega
spennandi. Hér er lag af Swingin kutsu (1970) – ómþýð
og þægileg söngrödd? Ha? meira
---
+
= ?!
Sá The Aviator sem er fín þótt hún
sé Hollywood-lýgi og ég kaupi ekki hinn smábarnalega
De Caprio í hlutverkinu. Hann fór reyndar merkilega lítið
í pirrurnar á mér. Þeir hefðu átt
að nota fullorðislegri og mannalegri mann til að leika Howard
Hughes. T.d. Clooney. Vigdís Grímsdóttir tjáir
sig um sögufölsunina hér.
12.08.05
Ó nei! Þeir eru aftur farnir að tala um línuívilnun
í fréttunum. Plís...
---
Það eru allir farnir að blogga, rétt einu sinni.
Ástsæl eiginkona mín: Lufsan!!!!
Helga
hans Trausta og annar karlinn
(Leó) sem var með Laugarásvideó (besta leigan).
Hann er víst búinn að selja sinn hlut en vonandi fara
menn ekkert að slappa af samt. Leó segir m.a. frá því
þegar hann lék með Hauki Morthens. Á Kleppi. Erfitt
að toppa það. Ef Leó stofnar aðra leigu getur
hún heitið Vidleó. Hér
er svo svaka músiknörd. Ég veit ekki alveg hver þetta
er.
---
Annars áttu þeir í Laugarásvideó
ekki mynd Louis Malle Ascenseur pour l'échafaud, sem ég
las einhvers staðar að væri rosalega góð og ég
ætlaði að leigja.
11.08.05
Þegar Írafár byrja að meika það í
útlöndum geta þau kallað sig I Ran Far.
---
Fyrsti þátturinn í Popppunkti Stjörnumessu
verður
sýndur sunnudagskvöldið 4. september. Það verður
sérstakur "forleikur" þar sem 4 hljómsveitir keppa
um þátttökurétt í Stjörnumessunni.
Fjögur lið keppa um 2 laus sæti. Fyrri leikurinn er Brúðarbandið
- Nylon, sá seinni Hjálmar - Jan Mayen. Böndin 14 sem
bætast svo í pottinn eru Ný dönsk, Rokksveit Rúnars
Júl, Geirfuglarnir, Ensími, Ske, Ham, Fræbbblarnir,
Í svörtum fötum, Írafár, Papar, Spaðar,
Vínyll, Kátir piltar og Milljónamæringarnir...
Sem sé (næstum því) öll bestu liðin
úr umferðunum þrem sem þegar hafa farið fram
og ég get ekki séð annað en það verði
ótrúleg spenna í öllum þessum leikjum.
Magnaður andskoti.
---
Einu sinni þoldi ég ekki auglýsingu sem endaði
einhvern veginn svona: "Fyrir fólk sem hefur vit á osti",
kannski vegna þess að ég hafði ekki vit á osti.
Nú, í miðaldra hugsunarhættinum sem hellist yfir
mig, hef ég lært að meta osta. Keypti osta fyrir stórfé
í Ostabúðinni Bitruhálsi í fyrradag. Þ.á.m.
svissneskann Emmenthal og hinn hollenska Prima Donna sem slær flestu
við í ostakrásum. Þessi ostaáhugi er ekki
nýr því einu sinni, svona 1982, datt mér í
hug að mennta mig sem ostaspesíalisti. Því miður
gerði ég það ekki vegna pönksins. Það
væri nú munur ef ég væri þekktur í
dag sem helsti ostasérfræðingur landsins. Kæmi kannski
einu sinni í viku í Íslandi í bítið
og kynnti nýjasta ostinn, svona eins og þarna Einar læknir
sem er rauðvínsspesíalistinn. Kannski væri ég
búinn að finna upp nýja tegund af osti og væri
milljarðamæringur. Kannski er þetta ekki of seint? Hvar
verður maður ostasérfræðingur?
08.08.05
Bráðum höldum við Lufsan upp á leðurbrúðkaupið
(3 ár). Hún fær leðurstígvél en ég
er að íhuga möguleikana:
Leðurbelti
Leðursvunta
Leðurgríma með rennilás
Leðurbuxur
Leðurjakki (Ramones stæl)
eða toppurinn á tilverunni:
Leður lazyboy (svartur)
---
Annars er "Leðurhulsa" eitt fallegasta orð sem til er í
íslenskunni.
---
Voðalega var Hitler leiðinlegur gaur, a.m.k. í leikgerðinni
í sjónvarpsþættinum í gær. Hvernig
komst þetta leiðinlega kríp til valda eiginlega? Jæja,
það þarf ekki alltaf menn með mikla útgeislun
til að ná langt... George Bush, Halldór Ásgrímsson,
Ólafur Ragnar?
---
Jónsi í Sigur Rós er orðinn eins og versti
gangstarappari og blótar á Takk. Í "Heysátunni"
syngur hann bæði "fjandans" og "andskotann". Hvað næst?
Dúettaplata með Árna Johnsen og Sverri Stormsker? Annars
eru Sigur Rós í Ástralíu. Hér
má t.d. sjá myndir af gigginu þeirra í Sydney.
07.08.05
Sunnudagur og ekki veður til að fara út að hjóla
með fjölskyldunni eða gera yfirhöfuð nokkurn skapaðan
hlut úti við. Væfluðumst því til Mosfellssveitar
þar sem Mosfellsbakarí er staðsett, besta kaffihúsið
tvímælalaust. Þaðan í Kringluna til að
drepa tímann. Maður nennir nú ekki endalaust í
Kolaportið, en ég hef það bakvið eyrað næstu
helgi að þau eru með einhvern grænmetismarkað þarna
í Mosfellsdalnum og svo eru einhver krútt með tívolísýningu
í Hveragerði sem má eflaust kíkja á.
---
Göngufélagið Blómey fór á Heiðarhorn
í gær, eða Skarðsheiði eins og það heitir,
sem með Akrafjalli er "fjólublár draumur". Var Sigurður
Þórarinsson á sýru þegar hann samdi Vorkvöld
í Reykjavík? Gaman er að liggja útglenntur í
mosa og líka að henda sér á lækjarbakka
og sulla í sig ísköldu fjallavatni. Ahh... Ísland
er fínt, mar, svo ekki sé talað um Árbæjarlaugina
sem var tekin til að hita beinin eftir hnjaskið.
---
Mig langar til að nota þetta tækifæri til að
minna á Tónlistarþátt dr. Gunna kl. 4 í
dag - á milli 5 og 6 verða eingöngu samkynhneigðir
á dagskrá, þ.á.m. frumflutningur í heiminum
á nýrri smáskífu Sigur Rósar, Glósóla.
Ha, er það ekki voða flott?
---
Sá nokkra þætti í viðbót af "Wonder
Showzen" á MTV og verður að segjast að þetta
stöff er geðveikt gott. Mikil ádeila, mikið pönk,
mikil sýra. Mæli með þessu og verð snöggur
að fá mér dvdið ef það kemur einhvern tímann.
---
Tónlistamaðurinn Caribou var að svara mér spurningu
um hvaða lög væru á tour mix cd sem hann gaf út.
Sagðist vilja spila á Íslandi. Innipúkinn 2006?
Caribou er með eina alþéttustu plötu ársins
só far, The Milk of Human Kindness.
---
Ef þú nennir ekki að bíða eftir Takkinu
með Sigur Rós má "stríma" plötuna hér
(í boði Scenestars mp3-bloggsins).
Það er líka eitt lag á þessari plötu
með textanum "Ég er sæljón". Það verður
þó ekki af strákunum skafið að þeir eru
unaðslegir og platan miklu skemmtilegri en ( ) þótt hún
nái kannski ekki Ágætis byrjun, enda hafði sú
plata nýjabrumið með sér. Eins og send af himnum
og englarnir gráta í bleikfjólubláu skýji
ástarinnar þegar jökulbreiðan rennur fram í
lostafullum takti með þroskaheftum manni sem hefur skitið
í sig (sýnishorn úr væntanlegum dómi
í útlendu blaði).
06.08.05
SS pulsur (SS pulsur – "ekki fyrir skítuga útlendinga")
og hnefaleikafélag Árna Johnsen kynna með stolti: Topp
5 – Hinsegin og hýr í tilefni dagsins.
Glen
Meadmore - Do me: Eini kristni og hýri kántrí-pönk
tónlistarmaður heimsins. Jello Biafra sendi mér plötuna
Chicken and Biscuit ('87) og var þetta lag mjög vinsælt
í partíium upp úr því. Byrjaði jafnan
kvöldið og setti tóninn. Veit annars mjög lítið
um þennan tónlistarmann.
Esquerita
- Sweet Skinny Jenny: Er þetta ekki glæsilegasti poppari
sem þú hefur séð? Samtímamaður Little
Richard og sláandi líkur á marga vegu, spilaði
á píanó, gólaði rokk og lúkkaði
hreint geðveikt með kerlingasólgleraugu og eitt geðveikasta
dú sem um getur.
Skatt
bros - Walk the night: Skatt Bros voru Village People með bullandi
standpínu. Eða eins og segir í texta þessa lags:
"He's
got a rod beneath his coat / gonna ram right down your throat / make you
grovel on the floor / spit, bump, and scream and beg for more".
Riton
- Killing an arab: Gamli Cure-slagarinn fær sílikon. Af
annarri plötu Englendingsins Riton, "Homies and Homos".
Jayne
County & The Electric Chairs - Fuck me: Gamla pönkamman og
kynskiptingurinn Jayne (áður Wayne) rekur lestina með úrvals
hommapönki. If you don't want to fuck me baby, baby fuck off.
+
Extra extra! 60 ár í dag síðan nokkrar Kanar
í flugvél drápu nokkur hundruð þúsund
Japana og því kemur hér glimrandi góður
80s slagari (sem er náttúrlega líka gay).
OMD -
Enola Gay
---
Í tilefni dagsins langar mig að segja skemmtisögu af
hinum karlmannlega Steina sleggju, sem sló í gegn með
horn sitt í DV og Herði Torfasyni, trúbador. Steini var
húsvörður í Austurbæ þar sem Hörður
var að halda tónleika. Um daginn var Hörður að
sándtékka eins og vera ber, en Steini var við karlmannleg
störf og var í hnéhlífum að því
tilefni, svona hnéhlífum eins og iðnaðarmenn nota.
Þegar Hörður mætti á svæðið og
mætti Steina á hnéhlífunum varð trúbadornum
að orði: "Það er naumast að það er tekið
vel á móti manni".
05.08.05
Fór í Nexus í dag. Athygli vakti að annar
hver maður var að kaupa hausinn af Svarthöfða. Sjálfur
keypti ég blaðið hans Hugleiks,
Very nice comics, sem ber nafn með rentu fyrir utan að nokkur strippin
hafa þegar sést í Grapevine.
Keypti líka bókina hans Ómars (sem er hættur
í Kvarasí (eða: Bandið er hætt (eða allavega
þangað til kombakkið verður 2011)) og þarf því
væntanlega á peningunum að halda) um Óla píku.
Hér er dæmi úr þessari þéttu bók:
---
Skrapp á Þverfellshornið í 5 skipti í
sumar. Það er segin saga að þessi 3 tíma ferð
þýðir 2 kílóum minna á vigtinni.
Brjálaðist nefnilega í gær, tók gott gigg
á Ruby Tuesday og kórónaði svo gleðina með
því að slátra Chubby Hubby dollu með konunni.
Ben og Jerry eru alveg að gera sig og Chubby Hubby er viðurstyggilega
gott og bara 1320 hitaeiningar dollan. Varð því að
skokka á Esjuna til að ná striki í hinu eilífa
aðhaldi. Hætti ekki fyrr en ég er orðinn venjulegur,
normal, þ.e. bæði hættur að vera óbís
og of feitur skv. hinni heilögu BMI
töflu. Er ennþá óbís skv. þessari
fasistatöflu, þ.e. bmi-ið mitt er 31.4 en um leið og
ég fer undir 30 er ég bara of feitur en ekki óbís
líka. Þess má geta að þegar mælingar
hófust og átaksverkefnið var bmi-ið 35.4. Alvenjulegur
og í engu frábrugðinn öðru fólki verð
ég svo einn góðan veðurdag eftir sirka 2 ár
þegar ég fer undir 25 bmi-ið. Það er nauðsynlegt
að hafa eitthvað að stefna að. Göngufélagið
Blómey stefnir svo á Heiðarhorn á morgun og má
fastlega búast við að það púl skili sér
í 1-2 kg til viðbótar, þ.e. ef ég læt
ísdollur vera í kvöld.
---
Fyrir utan að missa 2 kg á Esjunni samdi ég líka
nýtt lag sem gengur undir vinnuheitinu "Ó nei, ég
er á forsíðunni á DV".
---
Annars er megrunarkjaftæði á bloggsíðum
vitaskuld hundleiðinlegt og ég bið forláts.
---
Sigur Rósar Takkið er komið á Soulseek, eða
meirihlutinn af því. Léttara stöff heyrist mér,
eða svona sirka mitt á milli Ágætis og (
). Lufsan spáir því að þetta sé síðasta
plata bandsins. Fyrst kom Ágætis byrjun, svo ( ) og nú
Takk, er þá ekki tríólógíunni
lokið og bandið á leiðinni að hætta?
02.08.05
Hvaða poppara lemur Árni Johnsen á næstu Þjóðhátíð?
Þetta er æsispennandi. Skiljanlegt svo sem hann hafi danglað
í Palla og Erp, en Hreim... er það nú ekki eitthvað
skrýtið? Fyndið að Árni skuli kalla þetta
"misskilning". Hreimur svaka harður í viðtalinu – "Hann
hefur ekki beðist fyrirgefningar hingað til" og eitthvað. Æsispennandi.
---
Glatað að allir þessir gaurar með 4 eða 12 millur
á mánuði séu yngri en ég. Vekur upp í
manni lúseratilfinningu. Afhverju drullaðist ég ekki
til að halda áfram í bankanum eða fara í viðskiptafræðina?
---
Þess má geta að ég sótti ekki um lóð
á Vatnsenda, en hefði auðvitað fengið hefði
ég sótt um. Skil ekki hvað allir eru æstir í
að byggja (og það á fokking Vatnsenda!), er ekki nóg
af húsum sem hægt er að búa í? Eða eru
Íslendingar allt í einu orðnir 400 þúsund?
---
Keyrði Jonathan Richman á flugvöllinn í gær
og Tommy trommara sem var alveg búinn á því
eftir fyllirí með Cat Power kvöldið áður.
Fór með Jónatan í Árbæjarlaugina
frekar en í Bláa lónið (sem er rusl) og var meistarinn
gríðarlega ánægður með Árbæjarlaug
(hvernig er annað hægt?). Fór líka með hann
á Mokka sem sló í gegn. Mikill meistari og útlit
fyrir að hann komi hingað aftur og spili í vor. Aldrei of
mikið af honum. Á flugvellinum voru Raveonettes að tékka
sig inn líka og ægilega framlág og rokkuð eitthvað.
Svona grindhorað lið í pípubuxum með sólgleraugu.
Þarna var líka Billy Childish að tékka sig inn,
hann ku nokkuð merkileg fígúra þó ég
hafi aldrei skoðað hann vel. Hann var víst með eitthvað
blúskjaftæði á ljóðahátíðinni.
Annars var ég of fjölskylduvænn til að nenna að
hanga á öðru kvöldi Innipúkans, sá samt
hluta af Heiðu og Elvari (aka Hellvari) sem voru að gera ágæta
hluti. Næsta mál á dagskrá er Sónik Júþþ
16-17 ág og Kúpper þann 13. Ekkert að drepast af
spennu yfir þessum giggum... Myndi samt frekar nenna á Kúpper
held ég, hef séð Sonik þrisvar sinnum og það
var alltaf frekar leiðinlegt.
---
Ég þarf endilega að fá mér blaðið
Tíbrá-Dulræn
málefni. Sérstaklega er ég spenntur fyrir greininni
Líf
og afkoma huldufólks, en þar skráir höfundurinn
Þórunn Kristín Emilsdóttir, "upplifun sína
og kynni af verum, sem ekki lifa í sömu vídd og við".
Margskonar spurningar vakna í smabandi við álfana, t.d.
eru þeir hættir að vera í álfafötum
og komnir í eitthvað kúl? Er mikið atvinnuleysi í
álfheimum? Hvernig er dagskrá álfasjónvarpsins?
Ég er viss um að Þórunn er með öll þessi
svör og ég trúi ekki öðru en að álfarnir
hafi þróast og séu orðnir nútímalegir.
Varla enn eins og einhverjir afdankaðir Færeyingar með rímnakjaftæði
og hestarugl.
31.07.05
Það er Tónlistarþáttur á eftir
kl. 16 en nú, eftir 2 vikna frí; TOPP 5!:
Jonathan
Richman - I was dancing in the lesbian bar: Það er
frábært að Íslendingum sé nú orðin
ljós snilli þessa megameistara. Giggið hans á Innipúkanum
var vægast sagt tryllingslega skemmtilegt og hér er lokalagið,
upphaflega kom það á plötunni I, Jonathan 1992. Sá
líka Rass, sem voru skemmtilegir þótt sándið
hafi tottað fyrir allan peninginn, Cat Power (gaman að sjá
litlu indíkrakkanna stjarfa yfir þessu rugli, einhver hafði
á orði að þetta hljóti að hafa verið
falin myndavél), Reykjavík! sem voru svínslega lausir
í sér en dúndurhressir, Bob
Justman sem kann að semja góð lög, Ampop eru Mezzóforte
pönksins og gera það vel og Þórir var fínn.
Fór heim áður en Mugison byrjaði (fjölskyldan
beið í óþreyju eftir húsbóndanum).
Í dag er svo meira stuð (Innipúkinn).
Andreas
Dorau - Strasse der traume (Dorau Rossknecht Remix): Þýskur
indípoppari sem gós vei bakk og átti fyrsta hittarann,
"Fred vom Jupiter", 1981. Veit ekki hvað söngkonan heitir, en
þetta er eitt af fjórum mixum af nýlegri sínglu.
Eðal Can-grúf í þessu.
Hanne
Hukkelberg - Little girl: Norsk stelpa, skandópopp sem er 50/50
Cardigans og Architecture in Helsinki. Platan heitir Little Things og er
ekki amaleg.
Tommy
James & The Shondells - Draggin' The Line: Bartagrúf í
þessu. Síðasti smellurinn sem þessir áttu
(1971) en þar á undan röðuðu þeir inn hitturum,
eðal stöffi eins og Crimson og Clover, Mony Mony og I think we're
alone now (sem Billy Idol og Tiffany tóku upp á "arma" sína
in ðe 80s). Úrvals stöff og flott dú.
Mice
Parade - Warm hand in farmland: Krútt festivalið á
Lýsuhóli næstu helgi (sjá götuauglýsingar).
Mice Parade er trompið í ermi krúttsins og hér
er lag af nýjustu plötu sveitarinnar (sem var aðallega
Adam Pierce til að byrja með en nú eru fleiri í bandinu),
"Bem-Vinda Vontade".
28.07.05
Það er algjörlega uppselt á Innipúkann.
Sprungið. Ætli þetta fari ekki eitthvað stærra
næst, eða svona þangað sem Grímur nennir. Hlakka
til að sjá þetta stöff. Jónathan náttúrlega
alveg sérstaklega enda er það poppari sem maður hefur
vitað af og hlustað á síðan 1980 eða eitthvað.
Hann verður á laugardaginn og svo á Grand Rokki á
morgun líka, kl. 23. Við munum spila 4 ný lög þarna
kl. 17:40 á laugardaginn. Vonandi að það verði
einhver í húsinu. Svo held ég svei mér þá
maður reyni að kýla á eina megahráa plötu
fyrir jólin.
---
Djöfull eru þessar pulsuauglýsingar allar að
hræra upp í manni pylsulistina. Annars búinn að
vera á landsbyggðinni. Fórum nokkrar fjölskyldur
í tjald yfir nótt á friðsælan stað fjærri
öllu liðinu í Þjórsárdal. Tók
þar mitt árlega fyllirí sem var fínt. Það
var svo heitt að hægt var að busla og vaða nakinn í
ánni. Hafði líka tvisvar hægðar í kjarrinu
sem var frekar klesst ástand. Gott hjá forfeðrum okkar
að finna upp klósettin. Í annarri ferð fórum
við fjölskyldan um Eyrarbakka, Stokkseyri og svo til Strandarkirkju
þar sem kirkjuvörðurinn var með svaka fyrirlestur og
röflaði heil öskup. Svo T-bær sem er kaffihús
þarna í kríuvarpinu. Fínt fínt. Annars
ágætt að þetta rosalega góða veður
sé búið í bili. Maður getur ekkert hugsað
eða gert í þessum hita.
---
Popppunktur byrjar aftur 4. september (á sunnudögum núna)
og verður "STJÖRNUMESSA" í þetta skiptið, "All-stars"
ef við værum í útlöndum. Fyrsti leikurinn
er sérstakur "forleikur" þar sem 4 hljómsveitir berjast
um 2 sæti sem eru laus í PP-STJÖRNUMESSUNA. Miklu meira
síðar.
---
Eru Íslendingar ekki, hva, 293.000 eða svo? Bakkabræður
keyptu Símann á 67.000.000.000 og því ætti
hvert mannsbarn nú að fá 228.668 kall í pósti.
Ég gæti alveg notað það.
---
Jæja fokk itt. Everybody Loves Raymond, það eina sem
ég nenni að horfa á af úrvalinu í kvöld,
er að byrja.
23.07.05
Jú jú einmitt, Tónlistarþátturinn
á morgun fullur af gegnsýrðu góðgæti.
Annars fór ég og gekk á tvö fjöll í
gær (fell öllu heldur), glæsilegt landslag þarna
í Hafnarfirðinum, Húsfell og svo á Helgafell.
Þriggja og hálfs tíma labb í hrauni og svaka
stuð. Glampandi sól allan tímann. Á fimmtudaginn
horfði ég á fræðsluþátt um Jungfrau-leiðina
í Ölpunum og er að hugsa um að skella mér við
tækifæri. Það er einhvað mjög spennandi
við svifkláfa
og lestir í Ölpunum, eða bara kláfa
almennt.
---
Ferðamöguleikar: Reyna að komast í eins marga svifkláfa
og maður getur, taka myndir af því og setja á netið.
Eða: Fara á eins marga staði á Heimsmynjaskrá
Unesco og maður getur. Hægt er að byrja á Þingvöllum.
Eða bara eitthvað!
21.07.05
Er að lesa hnausþykka ævisögu Keiths Moon, Dear
Boy. Mikið þrekvirki og stuð. The Who náttúrlega
meðal bestu banda samtímans og líka Beach Boys: The
Who Boys er því glæsileg niðurstaða einhvers
"mash-up"-ara og platan Tales of Townsend and Wilson fæst ókeypis
hér.
---
Talandi um línka þá er Eins
manns safarí, Fundnar
ljósmyndir, Bátavögguvísur
ekki verra en hvað annað þótt maður eigi náttúrlega
að vera úti í sólinni, ekki hanga inni í
tölvu.
---
Sumir virðast alveg missa sig ef þeir fá að rasa
út undir dulnefni á netinu. Ég var orðinn svo
leiður á nafnlausu skítkastinu að ég tók
gestabókina út hérna enda pirrandi að liggja undir
rassgatinu á dulbúnum fávitum. Meistari Guðbergur
varð fyrir meinlegu skítkasti en mér sýnist það
hafa verið tekið út og kúkandi fífl láta
Egil
Helgason heyra það annað slagið. Svo ekki sé
nú talað um hraunverkið á Málefnin eða
"kaffistofan á Kleppi" eins og ég kýs að kalla
þann umræðuvettvang. Jú jú auðvitað
er gaman að vera kjaftfor í leynum. Einu sinni datt ég
óvart inn á símtal tveggja kerlinga þegar ég
tók upp símtólið, hlustaði á þær
um stund en fór svo að klæmast af alefli, eða því
alefli sem ég réði við 15 ára hreinn sveinninn.
Þetta var unaðsleg útrás og kerlingarnar urðu
fúlar. Ég hef því miður ekki haldið
áfram að klæmast í kerlingum í gegnum símann
(vonlaust verk nú á tímum símabirtana) en ég
ætti kannski að skrá mig á Málefnin og byrja
að ausa skít hægri vinstri undir nafninu Bruno Ganz II,
til dæmis. Örugglega voða gaman.
17.07.05
Klukkan 16, Talstöðin: Tónlistarþáttur
Dr. Gunna. En nú, það sem ég kýs að
kalla
Topp fimm: Safnplötur minninganna
Þetta var fyrir tíma mp3-dánlódanna. Þetta
var meira að segja fyrir tíma cd-anna. Ungur tónlistarsveltur
ég sótti í safnplötur til að tékka
á því hvað var að ske. Helst keyptum á
útsölum því plötur voru dýrar þá
eins og nú. Ein fyrsta platan sem ég eignaðist er þessi
glæsilega plata:
20 pönklög með flestum þeim helstu þó
hvorki Clash né Sex Pistols, en allskonar öðru plús
nóboddís sem hafa ekki fengið þá pönkreisn
æru sem þeir eiga skilið. Ein þeirra er hljómsveitin
The
Boys sem hér er mætt með slagarann First
time.
Önnur frábær mótunarplata er þessi –
Business Unusual - sem var einskonar katalók plata fyrir þá
miklu grasrótarútgáfustarfssemi sem var í gangi
á þessum tíma (1978) - "Gerðu það sjálfur"
og allt það. Á fyrri hliðinni var skítapönk
úr ýmsum áttum með nóboddíböndum,
en á hinni hliðinni var "þróaðra" efni m.a.
Cabaret Voltaire og Throbbing Gristle. Sýnishornið er af pönkhliðinni:
The
Outcasts - Just another teenage rebel.
Enn erða enskt og frá 1978. Guillotine er safnplata frá
Virgin Records en á þessum tíma var Richard Branson
ekki orðinn milljóner ennþá og gaf út pönk.
Það voru ekki nema 8 lög á þessari plötu
enda var hún 10" sem þótti nokkuð raríte.
Sýnishornið er úrvals kerlingapönk: Penetration
- Don't Dictate.
Um 1988 var ég haldinn ástralskri þráhyggju
og hélt uppi nokkrum plötubúðum í Ástralíu
með því að senda þeim tékka og fá
plötur í staðinn. Útgáfufyrirtækið
Black Eye var nokkuð sniðugt og gaf út hrákúk
eins og þessa safnplötu, Wasted Sausage. Meðal hljómsveita
á vegum Black Eye voru Lubricated Goat (sem ég átti
eftir að sjá á tónleikum í San Fransisco
2 árum síðar sem voru einna helst eftirminnilegir fyrir
það að tveggja metra blökkumaður ætlaði
að drepa Grím Atlason), Salamander Jim, Purple Vulture Shit,
The Poofters, Real Fucking Idiots og fleiri stórbönd. Tex
Perkins (sem lítur út og hljómar eins og Toggi
í Rass) virtist vera í flestum þessum böndum (hann
er/var líka í Beasts og Bourbon og The Cruel Sea, sem voru
of meinstrím fyrir Black Eye og því gefnir út
á Red Eye, sem var poppaða deildin). Tilraunabandið Thug
slapp þó á Black Eye hrákúkinn og hér
eru þessir óbótamenn með sumarsmellinn Fuck
your Dad.
Að lokum er það sýnishorn af safnplötunni
It's a Kave-in. Á þessum tíma (9. áratugnum)
var mikil lenska í safnplötuútgáfu að grafa
upp bílskúrsbönd frá 7. áratugnum. Má
nefna plöturaðir eins og Pebbles, Back from the Grave og Nuggets
- allt saman áhugavert og kúl. Á þessa plötu
hér var hrannað einhverjum áströlskum nóboddíböndum
og margt skemmtilegt í boði. Til dæmis: The
Lebrechauns - Rain, sem eru einhverjir 13 ára guttar frá
Melbourne með frumsamið lag. Í bæklingi segir að
þetta sé það sem bílskúrsrokkið
gangi út á. Sammála.
15.07.05
Hrökk heldur betur í kút þegar ég sá
Peter Jackson 30 kg léttari. Hann mun hafa farið á múslí
og jógúrt-kúrinn. Líst annars ekkert sérstaklega
vel á þessa King Kong mynd hans enda var það leiðindar
api.
---
Baggalútur er kominn
með gott og grúví nýtt lúkk sem gleður
alla sem flett hafa gömlum dagblöðum.
---
Þessi snekkja kostar 2.495.000 $ – eða 162.175.000 kr. Hvað
þarf að selja mörg Bónusbrauð til að eiga
fyrir snekkjunni ef sérstakur snekkjutollur (5 kr) hefur verið
lagður á hvert brauð? Rétt svar: 32.435.000 brauð.
Það eru helvíti mörg brauð!
---
Annars er blússandi góðæri og örugglega
hægt að fá lán fyrir snekkju í einhverjum
bankanum. Hér má
t.d. kaupa sér eitt stykki snekkju.
14.07.05
Loksins almennilegt veður svo ég fór enn einu sinni
á Esjuna (Þverfellshorn). Á leiðinni sá
ég gítarleikarann Þórð Árnason í
stuttbuxum, ólemstraðan að sjá þótt
hann orðið fyrir fólskulegri árás rustans
Egils Ólafssonar nýlega. Á toppnum var hins vegar
fyrir Haukur Hólm fréttamaður í sinni árlegu
Esjuferð. Annars var auðvitað allt vaðandi í liði
þarna. Þegar ég kom niður var fjöldi manns
að paufast með strák í hjólastól. Mér
sýndist ferðin sækjast mjög seint. Þeir voru
bara rétt komnir af stað en ætla víst á
toppinn fyrir miðnætti. Öryrkinn óstöðvandi
kallar hann sig strákurinn í stólnum sem hafði
það gott. Að labbinu loknu gældi ég við
braðlaukana, fékk mér jógúrtíssmoothie
hjá Álfheimaísbúðinni (Penut Butter – megasnilld)
og síðan McDonalds máltíð sem ég át
eins og hver annar útilegumaður á bílastæði
við Húsdýragarðinn.
---
Mikið sem þær nenna þessu þessar femínistastelpur
(eða þessi eini sem er send í viðtöl). Nú
síðast eitthvað væl um úrkynjunarræfilinn
hann Snoop Dogg og meistari Egill iðaði í skinninu að
fá hasar út úr þessu. Allt þykir niðurlæging
á konum, eins og konur séu upp til hópa þroskaheftar
hópverur sem er ekki sjálfrátt og eru hreinlega neyddar
til að hrista á sér rassgatið í ófrumlegum
myndböndum hjá útúrreyktum saurlífisseggjum.
Ef ég myndi hrista á mér rassgatið í nýjasta
myndbandinu með Dúkkulísunum væri það
þá niðurlæging á körlum? Væri
það ekki fyrst og fremst "niðurlæging" sem ég
hafði sjálfur kallað yfir mig af því ég
hef vilja sem einstaklingur? Þessir femínistar hérna
eru með svo kristileg og gamaldags kærleiksgildi að leiðarljósi
að það er ekki fyndið. Næstum eins og nunnur en
samt að því er virðist beisiklí húmorlaust
og leiðinlegt lið sem ég nenni ekki að tala um lengur.
Þetta
eru aftur á móti almennilegir femínistar. Konur sem
fagna því að vera konur og sleppa minnimáttarkenndinni
og því að kenna alltaf öllum öðrum um hvar
þær standa í lífiinu.
12.07.05
Gummi í Ske var hinn reffilegasta og tók í nikkuna
þegar stuðsmellurinn "Bubbi Morthens" var frumfluttur. Kvöldþátturinn
er tekinn upp á daginn en ég verð þarna með
lagið og spjallið kl. 22:45 eða svo.
---
Peningarnir hrönnuðust inn í dag enda Stef að borga
út mekanísk gjöld af plötusölu fyrir 2004.
Hróplega lélegt upp úr eigin plötum að hafa
(dæmi: Abbababb 47 eintök, Stóri hvellur 8 eintök)
en Nylonið reddar þessu (7219 eintök seld) og Lög unga
fólsins var líka á Pottþétt 35 (4762
stk). Arður af laginu dugar því fyrir rekstrarleiguafborgun
af Toyotunni eða svo. Sé að Prumpufólkið hefur
verið á einhverju sem heitir Söngvaborg 3 sem seldist í
9000 eintökum (= leikfimisbuxur á Lufsuna + máltíð
fyrir fjölskylduna). Ef þú ert að lesa þetta
Sigga Beinteins þá væri ég nú alveg til
í að fá eintak.
---
Freyr á Rás 2 sagði mér fyndna sögu af
Davíð Magnússyni gítarleikara Bubbleflies sem
situr í minninu. Davíð hafði misst augað og var
með glerauga. Nokkru síðar í partíi voru menn
í grettukeppni. Davíð átti sína grettu
eftir og fór inn á klósett að undirbúa
sig. Var heillengi. Kom loks fram með ekkert auga heldur sáu
menn inn í hauskúpu. Þetta var ekki allt heldur girti
gítarleikarinn knái nú niðrum sig og tók
skaufann út. Var gleraugað komið undir forhúðina
og horfði rannsakandi á partíið. Engum datt í
hug að halda keppninni áfram.
11.07.l5
Fátt er betra á hjólinu þessa dagana en
nýja System of a down platan. Geðveikt góð. Hvenær
kemur þetta annars í World Class: Pönkara
líkamsrækt? Gummi í Ske hringdi og ég fer
í þáttinn hans á Sirkus á morgun að
tala um Innipunginn og eitthvað. Frumflyt lagið Bubbi Morthens.
Svei mér þá.
10.07.05
Tónlistarþáttur Dr. Gunna í dag kl 16: Allskonar
+ vönduð umfjöllun um megasnillinginn Jónatan Richman.
En nú: Topp fimm – Jonathan Richman special auðvitað:
The
Modern Lovers - Road runner: Nauðsynlegt lag. Jonathan er frá
Boston og fæddur 1951. Hann varð ga ga yfir Velvet Underground,
elti bandið á röndum og fór eitthvað fyrir 1970
til New York til að reyna sig með frumsamin lög. Það
gekk ekkert, hann snéri aftur og stofnaði Modern Lovers með
mönnum sem síðar áttu eftir að vera í
Talking Heads og The Cars. Bandið var undir miklum VU-áhrifum
og auðvitað í hróplegri andstöðu við
aðra músik á þessum árum. 1970-1973 var
fólk almennt í laidbakk fíling, reykjandi hass og
hlustandi á útþynnt hippavæl eins og Jesus Christ
Superstar og Hárið. Jonathan kaus að vera stutthærður
og spila rokk með persónulegum textum. Bandið tók
upp demó með bransahundinum Kim Fowley*, sem alltaf var á
höttunum eftir því nýjasta. Kim reyndi að
afla bandinu samnings í Hollywood en ekkert gekk. Demóin
komu loksins út 1981. Næst reyndi gamli Velvetinn John Cale.
Tók upp fyrstu (og einu) plötu Modern Lovers (reyndar ekki
tekin upp sem albúm heldur er platan bara safn ýmissa demóa)
og fékk loks samning fyrir bandið hjá Warner bræðrum.
Þar höfðu menn þó ekki meiri áhuga en
það að setið var á upptökunum í mörg
ár og loks var samningnum rift. Þetta frábæra
stöff sem tekið var upp á árunum 1972-73 kom loks
út 1976 hjá litlu merki en hljómaði þá
algjörlega í takt við það sem var að gerast,
Ramones o.s.frv. Plötuna ættu allir að tékka á
en önnur frábær lög á henni eru t.d. I'm
Straight, Pablo Picasso og She cracked.
* Sem dæmi um það hversu Kim Fowley var
á tánum og viljugur að uppgötva "það nýjasta"
má geta þess að þegar Sykurmolarnir voru að
slá í gegn í kringum 1988 kom viðtal við þá
í Rolling Stone og neðanmáls var gefin upp addressan
hjá Erðanúmúsik sem nýlega hafði gefið
út Snarl 2 með 2 Sykurmolalögum og öðru íslensku
bílskúrsstöffi. Kim sendi bréf og bað um
spólu. Ég held ég hafi því miður
ekki orðið við bóninni enda hafði ég þá
aldrei heyrt um Kim Fowley. Hugsa sér, 16 eyrnahlífabúðir
hefðu hugsanlega getað orðið risastjörnur...
Jonathan
Richman & The Modern Lovers - Hey there little insect: Jonathan
hélt Modern Lovers nafninu á tveim næstu plötum
("Jonathan Richman & the Modern Lovers" og "Rock 'n' Roll With the
Modern Lovers" komu báðar út 1977). Tónlistin
var að megninu til barnalegt stuðpopp og eiginlega eins og barnaplötur.
Textarnir barnalegir og mikið stuð í gangi – alvarlegri
pælingar þó inn á milli. Lög sem fólk
ætti að tékka á af þessum plötum: Here
Come the Martian Martians, Abominable Sonwman in the Market, Ice Cream
Man og hið ósungna Egyptian Reggae, sem var notað sem kynningarstef
í íþróttaþætti á Ríkissjónvarpinu
á 9. áratugnum). Báðar þessar plötur
ásamt Modern Lovers plötunni eru þó möst
í heild sinni.
Jonathan
Richman - I was dancing at a lesbian bar: Jónathan losaði
sig við Modern Lovers nafnið og hefur gert fjölmargar sólóplötur
í gegnum tíðina. Hann spilar mikið og á harðan
aðdáendahóp. Ekkert stenst fyrstu þrem plötunum
snúning að mínu mati, en þetta er allt saman gott
og enda maðurinn algjör snilld. Þetta lag er af plötunni
"I, Jonathan" frá 1992.
Jonathan
Richman - There's something about Mary: Conan O'Brien er aðdáandi
og Jonathan sést oft í þættinum hans. Farrelly
bræður eru það líka og Jonathan tróð
upp í Kingpin og síðan í There's Something about
Mary þar sem hann og trommarinn virkuðu sem sögumenn. Hann
verður einmitt með þennan trommara með sér þegar
hann spilar á Innipúkanum.
Jonathan
Richman - Not So Much To be Loved As To love: Titillag nýjust
plötunnar sem kom út í fyrra.
---
Annars hef ég verið að skoða gítara. Þarf
alltaf að kaupa mér almennilegan rafmagnsgítar en spurningin
er Fender, Gibson, Gretsch, kannski Mosrite? Ed
Ramon er stærsta gítarbúð í heimi. Blautur
draumur hvers gítarleikara. Verst að hún er í
Las Vegas. Þetta fann ég svo líka: Daisy
Rock, stelpugítarar! Ef einhver á almennilegan gítar
sem hann vill losna við væri gaman að heyra í honum.
Annars er leiðinlegt að engin þessara hljóðfærabúða
hérna séu með notuð hljóðfæri. Það
var nú munur þegar búðir eins og Tónkvísl
voru starfandi. Þeir áttu m.a.s. Kissbassa, minnir mig, að
ógleymum Change bolunum. Hvílíkt fífl að
maður skyldi ekki fá sér bol, en hvað vissi maður
1980?
09.07.05
Hinn leyndi heimur léttvínsins er að ljúkast
upp fyrir mér. Hægt. Allt byrjaði þetta þegar
ég sá snillarverkið Sideways,
sem er einhver besta auglýsing fyrir rauðvín sem hugsast
getur. Áður en ég sá hana fannst mér rauðvín
ógeðslegt, fékk alltaf hausverk og fannst það
ótvírætt merki um að vera miðaldra ef maður
ætti vínrekka. Nú á ég vínrekka
og fæ ekki í hausinn. Spurði strák í Ríkinu
í gær, hann sagði að ekkert af þessum vínum
sem er talað um í myndinni sé til á Íslandi.
Ég er að reyna að fatta þetta með þrúgurnar.
Strákurinn sagði að það væru til einhverjar
10 aðaltegundir af þrúgum en svo óendanlega margar
tegundir innan þeirra og blandanir og ég veit ekki hvað
og hvað. Maður getur því verið að pæla
í rauðvínstegundum eins og Miles Raymond í myndinni
til dauðadags. Í myndinni kemur fyrir þrúgan Pinot
noir, uppáhaldsþrúga Miles af því hún
er svo viðkvæm. Strákurinn sagði að það
væru bara til 3 tegundur af vínum úr þessari
þrúgu í Ríkinu, allar franskar. Keypti eina
(Francois D'allaines 2003). Miles hatar Merlot-vín. Strákurinn
sagði að þetta væri skot á amerískt þjóðfélag
af því að til skamms tíma kölluðu Ameríkanar
allt rauðvín Merlot. Keypti nokkur áströlsk vín,
valdi eftir þrúgunum -- eina Merlot (Wombat Hill), eina Shiraz
(Jindalee), eina Cabernet Merlot (Bear Crossing). Góðir tímar
í vændum hjá okkur Lufsunni og ég get sameinað
gamlan Ástralíuáhuga við nýjan rauðvínsáhuga.
Drakk annars bara kalt hvítvín í gær -- Morandé
frá Chile -- ágætt, varð hálf fullur og
horfði á skítsæmilega bíópic um Peter
Sellers. Langaði í nokkur augnablik að detta íða
fúll tæm og fara út á lífið en harkaði
af mér. Sá pakki er löngu búinn - húrra!
07.07.05
Helvítis andskotans mennirnir að gera þetta!
---
Heyrði Stefán Mána nágranna minn segja á
Bylgjunni að á Alþingi væri a.m.k. einn kókaínneytandi
sem hann vissi um. Ég tel það sé augljóst
að það er þessi:
Augnaráðið og glottið segir allt sem segja þarf.
---
Ég er annars hættur í hlutastarfinu á DV
og farinn að vinna heima að næsta Popppunkti sem Skjár
einn ætlar að byrja að sýna í haust. Mun þó
skrifa eitthvað lítilræði fyrir DV áfram, pistla
og svona eithvað.
05.07.05
Rass - Kárahnjúkar myndbandið.
---
Þá erða Innipúkinn 2005 - Í fjórða
skipti held ég svei mér þá. Grímur, alias
DDR, er með þetta á sinni könnu enda forfallinn skipuleggjari
og plöggari (Antony etc) og því gagnslaust að væla
í mér yfir einhverju. Hátíðarhöldin
fara fram á Nasa. Fram koma:
Blonde Redhead (US), Cat Power (US), Raveonettes (DK), Jonathan Richman
(US), Hjálmar, Trabant, Mugison, Apparat, Hudson Wayne, Dr. Gunni,
Skátar, Reykjavík!, Rass, Dr. Spock, Brim, Singapore Sling,
Bob Justman, Vonbrigði, Lake Trout (US), Ampop, Helgi Valur, Lára,
Úlpa, Tonic, Donna Mess, Dýrðin, Norton, Bacon, Hellvar,
Kimano, Þórir, NineElevens, KGB og Bibbi.
Ekki amalegt þetta, ha?
Úr plöggbréfi Gríms:
Miðasala á hátíðina hefst föstudaginn
8. júlí kl. 10 í verslun 12 Tóna við Skólavörðustíg
og í verslun Hive við Grensássveg. Einnig er hægt
að kaupa miða í gegnum hive.is
og midi.is. Dagskrá hátíðarinnar
verður kynnt á www.innipukinn.com
og verður þar hægt að sjá uppröðun
atriða þegar nær dregur.
Hægt verður að kaupa miða á alla hátíðina
eða einstaka dag. Miði á alla hátíðina
kostar 3.900 kr. en miði á stakan dag kostar 2.900 kr.
---
Ég strengi þess heit að þurfa aldrei aftur að
borga sekt í bókarsafninu.
03.07.05
Dagur útbreiðslu ófrumleika í almenningstónlist
er liðinn. Þetta var eins og að sjá sveitafólk
koma út úr dalalæðu og heyra það syngja
endalaust Vertu hjá mér Dísa á útihátíð.
Dísa samtímans fékk þó hærri glym,
heimsathygli, hjúpuð ljósadýrð: Björgum
Afríku! Hverju getur frægðarsjúkt, sjálfsánægt
fólk bjargað, týnt í tilfinningavell, svo hræðilega
miðaldra að það hefur enga hugmynd um hrukkur sínar
á sál og líkama? Það gæti ekki einu
sinni dáið fyrir geisladiskana sína. Tvær nunnur
og ein hjúkrunarkona gerðu meira gagn í Afríku
en milljónirnar sem hefðu bara átt að vera heima
og reyna að runka sér í frjálsum takti fyrir framan
sjónvarpið.
Blessaður gamli maðurinn, stórsnillingurinn Guðbergur
Bergsson, hugsar upphátt á hverjum degi hér.
Loksins eitthvað til að skoða á þessu hundleiðinlega
interneti!
---
Hei hei gamla grey! Hér er Topp 5!
Dr.
Dog - The World May Never Know: Einhverjir gaukar frá Fíladelfíu
sem byggja á gömlum grunni eins og heyrist. Af plötu 2,
"Easybeat".
Baxter
Dury - Francesca's Party: Sonur Ian Dury. Smekklegur og klár.
Af plötu 2, "Floorshow".
Ian
Dury - What a waste!: Hér er svo pabbi gamli. Dáinn úr
krabba en var dálítið heitur á pönkárum
fyrir að vera pöbbarokkandi kripplingur með nokkra ágætis
hittera (m.a. Hit me with the rhythm stick, sem ég man að Ási
bróðir fílaði sem er vissulega viss viðurkenning,
bæði fyrir Ian og mig því það var ekkert
svakalegur stuðningur úr umhverfinu fyrir þeirri músik
sem maður var að hlusta á. Flestum fannst þetta bara
garg. En enívei): Sá karlinn á Hróarskeldu
og hef sjaldan leiðst eins mikið. Kannski bara ekki í stuði.
En þetta er allavega klassískt lag.
Ölvis
- Tímahylki: Ölli, kenndur á árum áður
við þeramín, hér mættur með plötu
2 - The Blue Sound. Bítsbojsvíbrar mínus meiriháttar
lagasmíðar, fljótandi og soft en gott engu að síður.
Gefur út hjá enska smámerkinu Resonant
sem verður með sérstakt kvöld á Gauki á
stöng 20 júlí (fram koma: Sk/um - Ölvis - Stafrænn
Hákon - Blindfold - Plat).
Kippi
Kanínus - Purer Softer Deader?: Kippinn kippir í kinnar
og kynfæri og er mættur með pípuorgelþrúngna
plötu Happens Secretly sem er læðuleg og lúmsk og
góð í vatnsrennubrautum jafnt sem á rómantískum
kvöldum með kvikfénaði. Þokkalega amalegt það.
---
Minni svo á best of 2005 só far í Tónlistarþættinum
í dag kl. 16...
02.07.05
Það verður að segjast að ég tapaði
þræðinum í miðjum klíðum hjá
þessum Jóni Gerald Sullenberger í Kastljósinu
í gær enda var maður að skipta á milli stöðva
og svona (ný syrpa af Simpsons - Húrra!), en þetta
er svaka svaka eitthvað og verður glymjandi á okkur næstu
3 mánuði eða svo, þ.e. hvort Baugsliðið sé
hörku glæpahyski eða hvort þessi Sullenberger sé
svona fúll og bitur eins og Jónína. Samt er ég
ekki endilega að segja að Jónína sé bitur
og fúl en það er samt einhvern vegin þannig lykt
af þessu öllu og maður spyr: Í þessu máli,
sem lítur út eins og þáttur af Leiðarljósi
(sérstaklega þessi kanaseraði Sullenberger, hann gæti
nú bara verið beint úr Leiðarljósi), maður
spyr, altso: Hvað skeði eiginlega á snekkjunni og afhverju
var Davíð Oddsson alltíeinu farinn að rugla um að
menn væru að múta sér kaupandi vínber í
London? Og hverju á maður svo að trúa? Fjölmiðlum
sem eru í eigu Baugs eða hinna sem virðast í nöp
við Baug -- Sturlungaöld part II? Svo er líka bara hægt
að segja: troðið þessu máli upp í rassgatið
á ykkur, tippamælingakarlfauskar, ég er farinn að
grilla. Eða: Á morgun er stór stund í Tónlistarþætti
Dr. Gunna (sem er í eigu Baugs) því litið verður
yfir farinn veg og leikin músik af því sem staðið
hefur upp úr af plötum ársins 2005 (því
árið er hálfnað, okei). Fyrri helmingur (16-17:)
íslenskar plötur, seinni helmingur (17-18:) erlendar plötur.
Það held ég moðerfokking nú.
30.06.05
Var á ferð á landsbyggðinni. Sauðárkrókur,
Hofsós og fleiri ból á hinum undursamlega stað
Skagafirði voru sótt heim. Fáir á ferli, lítil
hús með skrýtna klæðningu, fimm plaggöt
af Audda Blöndal í glugganum á bókabúðinni
á Sauðárkróki. Þeir reisa honum styttu fyrir
rest. Hofsós er nú bara ekki neitt. Lónkot var snoturt.
Svona markaður í gangi, dularfull spákona seldi harmóníkudiska
og las í lófa. Ég forðaðist að líta
í augun á henni. Karl með bækur um hesta í
kassa. Þarna er líka kaffihús og að mér
skildist sýning á verkum Sólon Íslandus sem
fæddist þarna. Svo voru þetta bara eftirprentanir. Jæja.
Svo gott stuð á Akureyri. Fór á Súlur,
eða öllu heldur Ytri-Súlu ásamt Oddnýju systur
sem var strembið en gefandi labb. Át Brynju ís x2 sinnum
og það er rugl sem haldið hefur verið fram að ísinn
á Hjarðarhaga sé eins og Brynjuísinn. Ok, hann
er svipaður, en ekki eins. Brynjuísinn er betri þótt
Hagaísinn sé frábær líka. Mér
skilst að karlinn sem á Brynjuís sé svo nískur
að hann tímdi ekki að nota rjóma í ísinn
og var með einhverja tilraunastarfssemi með undanrennu og eitthvað
og þetta endaði sem Brynjuísinn. Fórum á
Mývatn, fórum í Lystagarðinn, Kjarnaskóg
og Jólalandið, og keyptum hinar unaðslegu Salt Water Taffy
Toffees frá Salt Lake City sem jólalandið flytur inn.
Reyndi að fylgjast spenntur með "Stóra Bubba-málinu"
sem minnir mig roslega mikið á fyrstu blaðsíðurnar
í bókinni Tinni og Pikkarónarnir -- þarna þegar
hersforinginn var að æsa Kolbein kaftein upp. Bráðskemmtilegt
og sprenghlægilegt, en nístandi bjánalegt líka.
Kommon! Hvaða geðsjúki ofuráhugi er þetta á
nærbuxunum á Bubba Morthens? Eiríkur og Bubbi virðast
gó vei bakk, sbr. textann Klóakkrossfarar frá 1988.
Samt er þetta dót náttúrlega almennilegur fjölmiðlasirkus
og meira spennandi sjónvarpsefni en endursýndir Friends þættir.
Gæti verið úthugsað plott eins og Sigurjón
bendir á í dag -- en það er auðvitað enginn
nógu útsmoginn til að hugsa svona atburðarrás
alla leið.
25.06.05
Árið að verða hálfnað og því
gráupplagt að tékka á stöðunni. Bestu
plötur ársins stöðunni það er að segja.
Nenni ekki að pæla of mikið í þessu svo hér
eru bara tveir haugar.
Bestu ísl plöturnar-haugurinn:
Emilíana Torrini - Fisherman's Woman / Hudson Wayne - The Battle
of the Banditos / Trabant - Emotional / Ölvis - The Blue Sound / Blindfold
- Blindfold / Rass - Andstaða / Seabear - Singing Arc ep / Ég
- Plata ársins
Bestu erl plöturnar-haugurinn:
Art Brut - Bang bang rock n roll / System Of A Down - Mesmerize / The
White Stripes - Get behind me Satan / Kaiser Chief - Employment / Caribou
- The Milk of human kindness / Andrew Bird and the mysterious production
of eggs / Chemical brothers - Push the button / M.I.A - Arular / Edan -
Beauty And The Beat
Svo er náttúrlega helmingurinn af árinu eftir.
En ef það væri ekki helmingurinn eftir og ég myndi
þurfa að ákveða hvað væri besta plata ársins
byggt á því hvað ég hef hlustað oft
á plötuna yrðu fyrsta plata hvers haugs "plata ársins",
Emma og Art Brut, þ.e.a.s.
---
Sá Gumma Steingríms með þáttinn á
Sirkus. Alveg ágætt. Jafn sillí og álíka
þættir. Hann er skemmtilegri en Leno, ekki eins góður
og Conan, en hei, þetta var nú bara fyrsti þátturinn.
Það eina sem ég hló af var innslag Pink Lloyd.
Hvaða frík er þetta eignlega? Sigtryggur Baldursson? Annars
var það áberandi að allir sem komu fram í þættinum
iðuðu í skinninu eftir að komast í opnunarfylliríið
í Iðnó.
---
Jamm. Minni á Tónlistarþáttinn á
Talstöðinni kl. 16 á morgun (sunnudag, hvað annað),
en hér TOPP FIMM! og ekkert rugl:
Duran
Duran Duran - I hate the 80's: Breakcore rugl frá USA sem segir
sig nokkurn veginn sjálft. Ég fer samt á Duran Duran
giggið enda þroskaður eins og eldgamalt mangó. Hataði
þá þó auðvitað jafnmikið og Wham
á sínum tíma og hef allsengan húmor fyrir þessu.
Jú ok, smá.
The
Zutons - Don't ever think (Too much): Hefur alltaf þótt
þetta lag hörku töff. Líka ægileg froðufellt
hvernig saxófónstelpan tjáir stuðtilfinningar
sínar með kynæsandi gjuggi í videóinu. Nú
er bandið á leiðinni á Icelandairwaves en ég
hem mig enda hamingjusamlega giftur.
System
of a Down - Radio/Video: Hata þungarokk en þessir meistarar
skera á öll bönd. Nýja platan er að svínvirka
á hjólinu. Svo fjölbreytt að það minnir
á ungversku hljómsveitina Bikini! Með slettu af Dead
Kennedys. Eða bara gott rokk!
Ég
- Evrópukeppnin: Róbert Örn Hjálmtýsson
er snillingur og Plata ársins með Ég er skemmtileg. Eins
og Spilverk þjóðanna á sýru með pönk
í rassinum. Platan ku væntanleg og Róbert væntanlegur
gestur í Tónlistarþáttinn, en eins og lesendur
geta væntanlega sagt sér er myndin hér að ofan
ekki af Róberti.
Stump
- Buffalo: Hef verið að lesa John Peel: A Life in Music
e. Michael Heatley, þokkalega ævisögu JP, en hann
reyni ég aumlega að hafa sem fyrirmynd í útvarpsmennsku
og jafnvel fleiru í lífinu. Allskonar fáránleg
bönd skjóta upp kollinum sem maður hlustaði mikið
á sem yngri maður en var eiginlega búinn að gleyma.
Helst eru það bönd frá miðjum 9. áratugnum
sem minnið hefur týnt, eins og t.d. hljómsveitin Stump,
sem var hluti af spastísku bylgjunni. Sveitin var í hverju
einasta tölublaði af NME á tímabili en hvarf svo
jafn snögglega og hún birtist. Þannig vill þetta
vera í poppinu. Þetta lag var að mig minnir það
næsta sem bandið komst hittara. Bíð annars spenntur
eftir annarri ævisögu sem John var sjálfur byrjaður
á en ekkjan kláraði. Hún heitir Jesus Wasn't
Made of Fish og kemur í október.
22.06.05
Ég heyrði brandara: Hvað segirðu við konu með
glóðarauga?
Ekkert. Það er búið að tala við hana.
---
Reitt fólk er skemmtilegt. Eins lengi og það lemur
mann ekki. Gaman að þættinum um Kristjaníu í
gær. Reiðu matjurtahipparnir. Það fylgdi ekki sögunni
þetta Rokkara/Hells Angels-stóð sem hangir þarna.
Leit út fyrir að vera eintómir lífrænt rætkaðir
hippar. Annars er ég enginn sérfræðingur í
málefnum Kristjanu og myndi sjálfur ekki nenna að hanga
þarna og reykja hass allan daginn. Bölvaður aumingjaskapur.
---
Til að tryggja að enginn steli hugsunum mínum þá
eru hér nöfn á nokkrum nýjum lögum:
Bubbi Morthens
Skipulagðri leit hefur verið hætt
Glætan
Kókaín, arðsemi, ríða í rass
BSÍ
Hvert ert'a fara
Laugardalsvöllur 5. júní 1975
19.06.05
Sunnudagur og skúrir. Topp 5 er allavega hér:
Maximo
Park - Apply some pressure: Enn eitt breska bandið í dag
sem byggir á gamla njú veif grunninum. Gaman að þessu.
Warp - af öllum - gefa út.
Bertie
Blackman - You kill me: Ég hef löngum reynt að fylgjast
með því hvað er að ske í Ástralíu.
Þessi rokkkona frá Sydney er að gera góða hluti
í þessu nýjasta lagi sínu.
Urge
Overkill - Empire Builder: Hljómsveitin Bless var leidd í
partí til þessara glaumgosa í Chicago 1990. Hljómsveit
sem átti síðar vonn-hitt-vonderið Girl u'll be a
woman soon í Pulp Fiction (reyndar lag eftir Neil Dianond). Bandið
gerði heilan haug af fínum plötum, þetta lag er af
"Americruiser" frá 1990. Var hampað gríðarlega á
tímabili en það var ekki nóg. Skilst þetta
hafi verið heróínsjúklingar.
The
Triffids - Place in the sun: The Triffids er gamalt uppáhaldsband,
ástralskt. Sérstaklega er fyrsta efnið gott, en bandið
átti til að að vera alltof slikk og sjæní í
pródöxzjóininni þegar lengra dró. Hér
er lag frá 1982.
Simon
& Garfunkel - The Only living boy in New York: Enda topp5 á
ægilega fallegu lagi frá stubb og krulla. Ekki hægt
að kvarta yfir þessum.
15.06.05
Fékk hugmynd að pistli: "Síðasta tabúið",
átti að fjalla um það eina sem eftir er að leyndarmálum
okkur: Hvað við höfum í kaup. Önnur tabú
eru dottinn upp fyrir eins og að raka á sér punginn eða
taka í rass. Sé að einn alskemmtilegasti blöggarinn,
Magga Best, fékk nákvæmlega sömu
hugmynd. Læt það þó ekki stoppa mig.
---
Loksins búinn með bókina
um Joe Meek.
12.06.05
Fór á Hátind Esju. Hitti Ara Trausta. Ég
sagðonum að það væri ekkert að marka þessa
fjallabók hans. Hann hló nú bara. Hér er Topp
5. Nenni ekki að vera með einhverjar ritgerðir enda ansi þreyttur
eftir labbið:
Fat
Freddy's Drop - This Room: Frá Wellington, Nýja Zjálandi.
Þar er mikið að ske í raggíinu. Ljómandi
kósí. Minnir á hitabylgju og ströndina. Allt
frumbyggjalið eitthvað.
Datarock
- Computer Camp Love: Ofsa fínt uppþvottagrindarpopp frá
Bergen í Noregi.
Oh
No Ono - Fat Simon Says: Helíumrokk frá Álaborg,
Damörku.
Yat-Kha
- Love will tear us apart: Albert Kuvein (þessi sem er fremst
og lítur út eins og Björn Blöndal) var stofnmeðlimur
í Huun-huur-tu en stofnaði Yat-Kha sem er aðeins minna þjóðlaga
og meira rokk. Nú hefur hann gert heila plötu, Re-Covers, með
túvu-barkasöngsútgáfum af hinum ýmsu rokkslögurum.
Hér er dæmi. Ian Curtis snýr sér í hringi
í gröfinni af hamingju.
Trinity
Roots - Egos: Meira frá Wellingtonska raggístóðinu.
Sama og áðan (þ.e. ströndin og sólin).
11.06.05
Fór í rauða tvöfalda útsýnisstrætóinn
í gær með Dagbjarti. Ég var að sofna en hann
fílaði þetta í botn. 1500 kall fyrir klukkutímaferð
um Rvk. Held að túristarnir ættu að fíla þetta
líka.
---
Ég lamaði starfssemi DV í gær. Rak mig í
vatnsflösku, vatnið á gólfið í fjöltengið
og skömmu síðar fór öryggi og það
slökknaði á flestum tölvum fyrirtækisins. Ég
var ekki vinsælasta stúlkan í fyrirtækinu í
gær. Sjálfur var ég nýbúinn að seifa.
Er hættur að drekka vatn í vinnunni.
---
Unnið er nú hörðum höndum að því
út í bæ að redda mér VIP passa á
tónleika Pauls McCartney í Minneapolis í okt. Af að
verður kemst ég bakksteitz í photo-tækifæri.
Þetta verður afmælisgjöfin mín til mín
í ár. Verð fertugur 7. október. Það
er auðvitað ekki kúl og ekki heldur að fara á
Paul McCartney en hver nennir að vera kúl endalaust? Ég
tek miðaldraskeiðinu fagnandi og er þegar byrjaður að
æfa mig upp í gráum fiðringi. Glápa á
eftir menntaskólastelpum og svona. Sleppi samt golfinu.
---
Samþykkti í gær að koma fram sóló
á Innipúkanum. Ég hef verið að hlusta á
Damien Rice mikið upp á síðkastið og ætla
að koma fram einn með kassagítar. Djók!
05.06.05
En allavega, minni á Tónlistarþáttinn kl.
16 sem verður eins og vanalega brot úr ýmsum áttum
í soðnu mauki ástarinnar. Hér er svo vitanlega
sólbræddur TOPP5! Það segir sig sjálft enda
sunnudagur...
Hallbjörn
Hjartarson - Trukkarinn: Hinn mikli meistari á Skagaströnd
er sjötugur í dag! Til hamingju öll sömul. Hér
er snilldarlag eftir karlinn af plötunni Kúreki á suðurleið
(1985). Þessi mynd prýðir umslag "Kántrý
5". Takið eftir katlinum í vinstra horninu. Segir allt sem segja
þarf um sjarma þessa mikla alþýðuskálds.
Hudson
Wayne - Jerome: Fyrsta fullskífa HW kemur út á
morgun, "The Battle of the Banditos". Bara helv gott hjá strákunum.
Mættu samt syngja á íslensku. Ég veit það
er gömul tuggu en þetta gagnrýnislausa enskutextasoð
sem flestir eru hugsunarlaust í er að gera mann sköllóttan
(segi svona). Ef það væru nú bara íslenskir
textar um einhvern raunveruleika sem þessir strákar búa
við (taka strætó í Breiðholtið, vera fullir
á Sirkus, æfa í Klink og Bank...) þá væri
þetta bara ennþá betra. Ímyndið ykkur ef
ísl kvikmyndagerðarmenn gerðu myndirnar sínar þannig
að leikararnir töluðu alltaf saman á ensku. Væri
verulega glatað. Get ekki séð að þetta sé
neitt öðruvísi með plötur. Á meðan
fólk talar ekki ensku hérna sé ég ekki hvað
það meikar sens að vera alltaf með þetta rugl.
Davy Jones & the Lower Third - You've Got A Habit Of Leaving: Flestir
telja fyrstu lög Bávís það ómerkilegasta
á ferlinum. Mér finnst þetta gott stöff, sérstaklega
þetta flotta lag sem ég var hálfvegis með á
heilann á leiðinni upp á Þverfellshornið í
gær. Ég var fyrstur upp þann daginn, skráði
mig inn 09:07, en á leiðinni niður mætti ég
svona 50 manns.
Alice
Cooper - Ten minutes before the worm: Af fyrstu plötu Alice Cooper
(sem þá var nafn bandsins en ekki söngvarans). Bandið
var í flippaðri sækadelíu og hvergi að finna
horror/slís rokkið sem síðar kom. Ætli maður
verði ekki að sjá karlinn... er það ekki rétt
sögulega séð?
Jonathan
Richman & The Modern Lovers - Pablo Picasso: Nú virðist
næstum pottþétt að sá mikli meistari Jónatan
Richman spili á Innipúkanum um Verslunarmannahelgina, líkast
til þá einn eða með trommara með sér. Frægastur
er hann fyrir að vera "gaurinn með gítarinn í There's
Something About Mary". Spekingslega séð er hann þó
virtastur fyrir fyrstu plötuna sína með hljómsveitinni
Modern Lovers, samansafn demóa sem voru tekin upp 1972 en platan
kom ekki út fyrr en 4 árum síðar. Platan er pönk
áður en pönk var til, Velvet Underground skotin á
tíma þegar engin fílaði VU og eiginlega bara langt
á undan sinni samtíð og vin í eyðimörkinni.
Næstu tvær plötur eru líka í miklu uppáhaldi
og haugur af plötum síðan hefur alltaf innihaldið eitthvað
gott stöff. Jónataninn er barnalegur sérvitringur og
er möst sí. Hér syngur hann um Pablo Picasso af áðurnefndri
frumraun, mikill VU bragur á þessu. Meira af Jónatani
síðar...
04.06.05
Fórum á fund hjá leikskólanum sem Dagbjartur
fer á. Ægilega fínn leikskóli sem kennir upp
úr Reggio Eitthvað stefnu frá Norður Ítalíu.
Mér skildist að við útskrift verði Dagbjartur
rannsakandi sérvitringur með mikinn sköpunarkraft og tónlistaráhuga.
Mjög gott!
---
Beit harkalega í löngutöng hægra megin. Var
að gráðka í mig harðfiski og gætti ekki
að mér. Kom bitfar og allt. Eins gott að ég beit
ekki puttann af.
---
Sá Voksne mannesker eða Dark Horse, nýju myndina
hans Dags Kára. Miklu betri mynd en Nói Albínói
og ljóst að strákkvikindið er að verða algjör
meistari.
---
Annars er ég nú bara farinn aftur upp á þetta
moðerfokking Þverfellshorn enda þriggja stjörnu fjall
og veðrið slefandi gott. |