ER EITTHVAÐ AÐ GERAST?
31.05.02
Alætan rann sitt skeið í gærkveldi
þegar þætti nr. 49 lauk. Mér, eins og Zúra,
PZ, Kronik og þessum meisturum öllum, var skipað að
taka sumarfrí. Nú vonar maður bara að nýi
útvarpsguðinn, Jóhann af Austurlandi, verði í
stuði fyrir mann í haust. Ég verð nú að
segja það að hann Jóhann hefur löngum verið
uppáhalds fréttamaðurinn minn og hann verður án
efa hreint stórkostlegur í þessu nýja djobbi.
---
Allt þetta dæmi var samt alveg fáránlegt
rugl hjá honum Bjössa vitlausa. Vá, svaka gott fyrir
landsbyggðina að Sigurður Salvarson flytji frá Akureyri
og Jóhann flytji frá Egilsstöðum til Akureyrar.
Klapp klapp klapp, Bjössi meganörd.
---
Fór á sígauna-giggið
og skrifaði um það í DV. (Hér
má lesa það). Þorði reyndar ekki að minnast
á það í greininni að ég hélt
þéttingsfast um veskið mitt alla tónleikana - ekki
nóg með að salurinn væri fullur af sígaunum
- heldur sat Árni Johnsen á næsta borði ásamt
vinum sínum og var í svaka stuði. Ég minntist
heldur ekki á það að klóak-rör fyrir ofan
gesti sprakk í miðju giggu svo nokkrir glæstir fulltrúar
íslenskrar menningarelítu urðu rennblautir. Mér
fannst fyndið þegar þjónarnir á Broadway
afsökuðu þetta í bak og fyrir og buðu fólkinu
boðsmiða á eitthvað sjómannadagsball.
---
Íþróttadeild Ríkissjónvarpssins
hlýtur að vera vesælasta ríkisstofnun heims. Daginn
fyrir frábærustu íþróttaveislu í
heimi - HM2002 - minnast þeir ekki einu orði á það
heldur rövla heil ósköp um einhverjar siglingar og að
lesbískar kerlingar hafi verið að hlaupa um á Laugardalsvelli.
Hvílíkir lúserer, kallgarmarnir.
---
Slappur þessi nýji sjónvarpsþáttur
með Villa naglbít og Rósu, sem ég skildi aldrei
hvað var að gera í Mósaík. Þau tvö
eitthvað að þykjast vera sniðug. Ekki beint að gera
sig, a.m.k. ekki þessi fyrsti þáttur. Þó
skömminni skárri en versti sjónvarpsþáttur
sögunnar, Íslendingar. Nota 33%, 44% eða 55% Íslendinga
meira en átta blöð þegar þeir skeina sig? Hú
kers?
29.05.02
Ég er ekki hlynntur bókabrennum,
en ef það er einhver bók sem mætti mín vegna
henda í hrönnum á snarkandi bál erða lygaskrydda
sú er Biblía heitir. Hún er mest selda bók
allra tíma (sem segir sitt um vonlausa framtíð hinnar
illa sköpuðu dýrategundar Homo Sapiens) og þetta
gæti því orðið gott bál. Einhverjir forpokaðir
karldurgar hafa sett þennan mannskemmandi þvætting saman
í aldanna rás og er ruglið enn í dag notað
af þeim trúuðu (les: geðbiluðu) til að réttlæta
ýmiskonar viðbjóð og siðleysu. "Við kristnir
menn stöndum með Ísrael," segir Jón Guðmundsson
í Velvakanda í dag og bætir við: "Biblían
segir okkur að þeir sem ekki geri vilja guðs geti ekki kallað
sig bræður eða systur Jesús Krists og það
er ekki við mig að sakast því ég skrifaði
ekki bókina." Hvernig væri þá að hætta
að lesa þennan saurbleðil og taka hausinn út úr
rassgatinu, þið þarna trúuðu fífl.
---
Gönguklúbburinn Blómey fór
í ferð í undra- og ævintýradalinn Reykjadal
(ofan við Hveragerði, sem ég væri alveg til í
að flytja til). Þarna er mikið af bullandi hverum og reglulega
flott um að litast, gilið þarna gæti verið sett
úr stórmyndinni Blú Lagún. Einnig: heitir lækir
sem hægt er að stríplast í og fleira. Ég
var með nýju Laki-göngustafina, sem reyndust góð
búbót fyrir hné og læri. Hér
má sjá gullfallegar ljósmyndir sem Trausti Kúl
tók (að vanda á digital vélina sína).
---
Úrslit kosninganna, búslit roslinganna
- Hverjum er ekki sama, og ég hef bara eitt að segja: Helga
Seljan (yngri) á þing! Gaman að sjá góðan
meðbyr Samfylkingar, en þetta verður aldrei hægt að
endurtaka með sama karli í brúnni. Ekki það
að Össi brjálaði sé slæmur karl, það
er bara löngu útséð um að hann verði klárinn
sem getur dregið vagninn. Verst að eini klárinn sem getur
það er sá sem er borgarstjóri í dag. Ætli
við sitjum því ekki bara uppi með gamla settið
enn og aftur eftir ár.
---
Ég fór á hina stórglæsilegu
sýningu á Hrafnagaldri Óðins-verksins og skrifaði
um giggið í DV. Það má lesa hér.
23.05.02
Frekar fyndið þetta Húmanista-lið
- að ráðast inn á Silfur Egils með Ástþór
Magnússon í eftirdragi og lummast svo út í
lögreglufylgd eftir að smínka spreyjaði framan í
kauða hárlakki. Einhvern veginn ber Ástþór
af sér þann "þokka" að um leið og hann tengist
einhverju máli þá verður það slísí.
Bjargar heiminum með einni hendinni og selur ólöglega happdrættismiða
með hinni - ekki beint traustvekjandi. Og húmanistar... aftur
og aftur og aftur fara þeir í framboð eins og það
sé kækur og fá sömu 200 atkvæðin og
síðast. Til hvers ó æ og ó? Ég veit
ekki hvort þetta er sætt eða sorglegt. Líklega bæði.
---
Hjólreiðamenn kvarta yfir hestamönnum
í blöðunum. Ég hef smá reynslu af hestaliði
í Elliðarárdalnum og get staðfest að þetta
getur verið skítapakk. Einhver forheimsk forstjórahelvíti
úti að ríða með eintóman kjaft á
þessum hundleiðinlegu hestum sínum.
---
Hestamenn eru þó skömminni
skárri en ökumenn, það er a.m.k. aðeins minni
hætta á að maður drepist í umgengni við
þá. Ef ég ætti hundrað kall fyrir öll
skiptin sem ég hef þurft að klossbremsa á göngubraut
til að breytast ekki í blóðuga klessu gæti
ég verið á fylliríi í London í dag.
Tillitslaust saurpakk upp til hópa.
---
x-Err á laugardaginn, krakkar. Megi sá
minnst viðurstyggilegasti vinna.
22.05.02
Grein mín og viðtal við Sigur
Rós fer með eldingshraða um heiminn, hefur birst í
fleiri netmiðlum eins og Billboard – endar m.a.s. sem smælki
í Fréttablaðinu þar sem Biggi í Maus sem
vissi ekki betur hélt að þetta væri allt úr
NME komið. Þetta sýnir að sjálfssögðu
ekki hvað ég er góður penni heldur hvað Sigur
Rós er komin hátt í poppinu.
---
Ég fór á kúbanska
Vocal Sampling og skrifaði gagnrýni fyrir DV. Sjá hér.
---
Önnur ferð göngufélagsins
Blómeyjar var farin sl. laugardag. Fyrst voru mynjar athugaðar
á Hellisheiði þar sem Óskar og Blómey höfðu
búið í 9 ár (sjá betur hér að
neðan). Var fremur dapurlegt að sjá allt niðurfallið
og eyðilegt en svona er nú bara lífið: Tönn
tímans hamast á öllu og fyrr en síðar verður
allt ekkert og þannig koll af kolli. Allt sem er flott og frábært
í dag verður dautt og gamalt á morgun og ekkert stendur
að eilífu. Eftir að við ferðafélagar höfðum
kíkt á niðurfallna kotið og hugsað djúpspakar
hugsanir (sjá hér að ofan), töldum við okkur
hafa fundið reiðhjól Óskars við aðra niðurfallna
bæjarþúst. Á þessu forneskjuhjóli
fór karlinn í vinnuna í bæinn á hverjum
degi í 9 ár í hvaða veðri sem er - 70 km á
dag. Svo var verið að birta frétt af einhverjum lækni
á Blönduósi sem fer til Skagastrandar daglega á
einhverju 100-gíra nútímahjóli í latex-galla
og tilheyrandi. Jú jú, það er svo sem gott hjá
honum, en túr Óskars var bara mun erfiðari og stappar
nærri algerri geðveiki að nenna þessu. Bjartur í
Sumarhúsum hvað?
Loks lögðum við á stað
áleiðis í Reykjadal upp af Hveragerði. Þar
var hitamolla en því miður þurfti Birgir snemma
í bæinn. Við höfðum þó tíma
fyrir ís í megapleisinu Eden, sem er menningarverðmæti
á heimsmælikvarða og ætti að setja á
fjárlög. Myndir úr ferðinni má sjá
hér.
20.05.02
Ég sem hélt að kristilegur
fasisimi væri liðinn undir lok á Íslandi. Nei nei,
nú er það heilög Hvíta Sunna sem er öllu
öðru yfirsterkara og allt lokað og læst nema fokking
KFC sem ég asnaðist til að éta hjá. Fitugir
kjúklingar frá helvíti. Afhverju þarf ég
- trúlaus maðurinn - að borga hátíðartaxta
í leigubíl? Þetta er ekkert annað en mannréttindabrot!
---
Á Vestfjarðarsýningunni í
Perlunni um daginn komu Bolvíkingar sterkir inn með lítinn
bækling þar sem bærinn er kynntur.
Mig skortir orð yfir snilldinni, en hver
getur hugsanlega staðist þá freistingu að flytja beinustu
leið á Bolungarvík þegar hann sér forsíðu
þessa líflega bæklings!
---
Annars fór ég á gargandi
fyllirí í fyrsta skipti í ár eða meira.
Nokkuð gaman bara og eftirsóknarverð víma svona einu
sinni á ári eða svo. Glamraði heil ósköp
á kassagítar og söng eins og fífl. En þynnkan
var agaleg en lagaðist þó aðeins eftir ferð í
Bláa lónið. Ég er enn slappur - sólarhring
síðar. Brennivín er lang öflugasta dópið,
maður.
17.05.02
Á miðvikudaginn hjólaði
ég í Mosfellssveitina og heimsótti Sigur Rós
í sundlaugina. Ég skrifaði heljarinnar viðtal og
grein um þetta sem má lesa hér.
Þetta er "breikþrú" viðtal og nú þegar
eru Pitchforkmedia, Rolling
Stone og NME búin að segja
frá því markverðasta úr því.
Vitleysingarnir hjá Rolling Stone hafa reyndar ekki fyrir því
að segja hvar þeir stálu upplýsingunum.
---
Hann Hr.
Muzik bendir á afar skemmtilegar teiknimyndir á heimasíðu
sinni. Þær eru eftir snilling sem heitir Don Hertzfeldt. Ein
er hér,
hin er hér.
Ég sá fyrst mynd eftir þennan Don hjá Páli
Óskari þegar ég droppaði við á "videóleigu
Palla". Hann sýndi mér stuttmynd eftir Doninn þar sem
ungabörnum er misþyrmt af blöðrum. Reglulega skemmtilegt!
Bitterfilms
er heimasíðan hans Dons.
---
Ég veit ekki hvort ég sé
að verða vitlaus eða hvað en mér finnst þetta
"Flowers in the window" með Travis fínt popplag. Einnig fannst
mér gamla Rod Stewart-lagið "Handbags and Ragrats" eða hvað
sem það hét ágætt með hinni annars ömurlegu
Steríófóniks hljómsveit. Segja vinsældir
þessara laga manni ekki að rokkið og poppið er nú
orðið ansi staðnað fyrirbæri? Þetta Travis
lag gæti a.m.k. auðveldlega verið eitthvað með Hermans
Hermits frá árinu 1966.
---
Rakst óvart á efni með frábærri
hljómsveit, Deerhoof.
Mæli eindregið með að þú náir þér
í lag, kannski "Sunny side" - frábært viðlag í
því: "Siggi siggi siggi siggi...". Tékkaðu á
Audigalaxy - frábær þessi tölvubransi.
15.05.02
Einhver maður út í bæ
var að bjóða mér að gerast miðlari hjá
nýrri íslenskri klámsíðu, Gamna
sér punktur kom. Ja, nei ég nenni ekki að vera með
einhvern banner hérna þó ég fái 5000
kall á mánuði en ég fór á þessa
síðu og það er ekki af þeim skafið að
nöfnin eru nokkuð skondin - eða hvað? Hnefaleikar, viðvaningar,
konuhnýtingar... nokkuð gott. Innihaldið sýndist
mér þó vera fremur hefðbundið og óspennandi.
---
Hitti vin sem stóð á Hagatorgi
í gær kl. 17. Það var nú lítil aksjón
í þessu, Siggi pönk
var mættur, Varði (sem fór á vertíð),
Gubbi Bergs gekk smælandi hjá, og þetta var allt voða
sætt og krúttlegt. Innan við þessa hallærislegu
hænsnagyrðingu stóðu svo þumbaralegir varðhundar
úr löggunni í leðri og fannst þeir ábyggilega
rosa kúl. Hafa örugglega verið að vonast til að
brjálæði hlypi í mannskapinn svo þeir gætu
komist í nánari snertingu við litlu hippastelpurnar sem
gláptu á þá handan vírsins. "Það
þarf að kenna þessum hippatussum lexíu," hugsuðu
þeir og lagfærðu lók í leðurbuxum.
---
Annars er þetta sorglegur fundur. Typpakarlar
að mæla typpin á sér. Hér er falleg mynd
sem HC á Akureyri sendi þættinum.
14.05.02
Hér
má sjá glæsilega myndasyrpu úr fyrstu vorferð
Göngufélagsins Blómeyjar. Myndirnar tók Trausti
Kúl sem er ekki á þeim. Á myndunum má
hins vegar sjá mig, Stenna Bazol (þessi ófrýnilegi
með skeggið) og Birgi Bix.
---
Er nema von að hér sé önnur
hver 16 ára stelpa ólétt? Hvernig er annað hægt
þegar smokkar eru seldir á þessu okurverði? Hér
að ofan er pakki með 2 smokkum sem kostaði 650 kall í
apótekinu við Hringbraut, djísús kræst!
Þetta er að vísu einhverjir ofursmokkar úr glænýju
efni - "the most natural feeling"... Hvílíkt kjaftæði
- þetta er algjört drasl sem enginn ætti að snobbast
til að kaupa (eins og ég). Ég hefði alveg eins getað
vafið drengnum í sellófón eða plastpoka. Það
var nú allt undraefnið - samskonar plast og notað er í
ókeypis plastpokana í mörkuðum. Avanti = 0 stjarna.
---
Ráðið hefur verið í
allar stöður í nýja Dr. Gunna bandinu. Skilaboð
hér að neðan ber því að skoða sem úrelt.
Fyrsta æfingin var á sunnudag og rokkar bandið feitar
en ég þorði að vona. Fyrsta gigg er eins og áður
segir á Akureyri 13 júlí.
---
Fékk hugmynd að skáldsögu
í gær. Ég segi ekki orð og vonandi kemur bókin
í jólabókarflóðinu 2003.
13.05.02
Smekklaust! Viðbjóðslegt! Mannhatur!
Já, nú getur þú líka verið sjálfsmorðssprengjukall.
Spilaðu
leikinn!
Ertu hommi? Taktu
prófið!
12.05.02
Fólk hefur ekki talað mikið um
Árna í sjónvarpinu - það eru greinilega
allir of smekklegir til þess að vera að velta sér
upp úr þessu. Mér finnst þetta eiginlega eins
og hann hafi mætt í sjónvarpssal, gyrt niðrum sig
og skitið á gólfið, klínt skítnum í
fötin og hárið á sér og öskrað allan
tímann ÉG ER SNYRTILEGUR! ÉG ER SNYRTILEGUR!
---
Já, ég veit að ég er
ósmekklegur að minnast á þetta. Ég skal
ekki gera það aftur.
---
Göngufélagið Megas fór
í sína 1stu vorferð í gær og var ætlunin
að finna bústað Óskars og Blómeyjar á
Hellisheiði (sjá mynd hér að ofan). Eftir yndislega
stund í kaffihúsinu Litlu kaffistofunni (eini almennilegi
trökk dræver staður landsins?) var haldið á heiðina
og gengið á fjöll. Við höfðum ekki staðarákvörðun
á hreinu en sáum nokkrar bæjarrústir. Það
var svo sem ekki mikið að sjá en úsýni af
fjallinu var tignarlegt. Í morgun hef ég kynnt mér
lítillega sögu þessa fólks en það má
gera með því að smella hér
og vista acrobat-skjal. Þessi Óskar var bróðir
Sigurðar A Magnússonar lofthana og skálds og hjónin
áttu son sem hét Hallmar Stálöld. Af honum var
alltaf fúkkalykt og drengurinn lést úr vosbúð
23 ára.
---
Af heiðinni lá leiðin til Eyrarbakka,
sem er eitt fegursta kauptún landsins með krúttlegum
húsum í hrönnum. Þaðan heim yfir Krýsuvík.
Veður var slæmt, rok og kalt. Vonandi verður stutt í
næstu Megasar-ferð og þá verður skipulagið
betur á hreinu.
09.05.02
Sjálfsstæðismaðurinn Johnsen.
Maður vorkennir honum næstum því að láta
draga sig í þessi viðtöl. "Fjölmiðlar eru
í samkeppni um að totta hver annan," er maðurinn orðinn
alveg galinn?
---
Hér er ég og skrifa og skrifa án
þess að hafa fengið krónu fyrir það. Best
að stela einhverju. Jólaseríu kannski.
---
Fréttatilkynning Alætunnar:
Jæja, þá er kominn Alætu-dagur
- hinn hressi þáttur hefst kl. 22:10 í
kvöld og stendur til miðnættis.
Ég er dauðþreyttur eftir hinn einróma
japanska þátt í síðustu
viku og hleyp því út um allt í kveld eins og
sturluð belja á vori. Ég ætla
að spila slatta af íslenskri tónlist:
Unsound, Rúnk, Tonik, Frank Murder, Castor,
af væntanlegu Múm plötunni
og gestur kvöldsins er trommarinn í
Rými, Tómas Young, sem mætir um kl.
23 og velur nokkur óskalög. Rými
er einmitt nýbúin að gefa út hina ágætu
breiðskífu "Unity, for the first time".
Svo ætla ég að segja ykkur frá
tveim merkum fundum í rokksögunni:
Þegar Bítlarnir hittu Elvis og þegar
Johnny Rotten hitti Ramones-strákana í
fyrsta skipti. Svo vona ég að það
verði líka tími til að
ég geti spilað Zero Zero, Bobby Conn, Beige, Cat
Stevens, Yellowman, Elliot Smith og eðalbandið
Victoria Abril frá
Argentínu.
Þess má geta að þetta er
næst síðasti þáttur Alætunnar. Næstu
tvo
fimmtudaga verður eitthvað helvítis
leiðindakvabb út af þessum
drepleiðinlegu kosningum, en síðasti
þátturinn er 30 maí. Það heitir
víst að ég sé að
fara í sumarfrí og núverandi dagskrárstjóri
Rásar 2
vill endilega fá Alætuna aftur í
haust. En hvað veit maður um þetta
þegar Rás 2 á hlut? Er ekki
verið að leita að Akureyringi til að taka
við þessu og hvað er hægt
að stóla á að sá vilji hafa almennilega
dagskrá?
Ef hlustendur vilja óskalög eða
hafa hugmyndir varðandi síðasta þáttinn
(í bili?) þá er slíku
tekið fagnandi.
---
HC á Akureyri hafði þessa framtíðarhugmynd
varðandi hina ráðvilltu og gjörsamlega út í
hött hugmynd um að yfirmaður Rásar 2 verði að
vera Akureyringur:
ég held að það verði
bara 4 starfsmenn hjá rásII eftir "breytingarnar" (= niðurskurður).
ætli starfsmanna"crewið" líti
þá ekki svona út einhvern veginn:
1. stjórnarformaður sigurður salvarson
2. framkvæmdastjóri sigurður
salvarson
3. þáttagerð, viðtöl
sigurður salvarson
4. óskalagaþáttur, sigurður
salvarson hringir í gest einar og býður honum að
velja creeeedence lag vikunnar...
(birt í óleyfi)
---
Ömurlegt ömurlegt ömurlegt. Ætli
Bjössa vitlausa takist að eyðileggja einu útvarpsstöðina
sem eitthvað er varið í? Ætli einhver Akureyringur
fáist til starfans (ath að búið er að framlengja
umsóknarfrestinum)? Fylgist spennt með...
---
Annars er það furðulegt hvernig
Norðurljós geta verið með 8 útvarpsstöðvar
(eða hvað það er) og það er óhlustandi
á þær allar. Bylgjan er eins og Rás 2 var verst
fyrir sirka 12 árum, FM er fyrir hnakka, Létt fyrir vankaðar
kerlingar og Radíó-X fyrir fermingabörn í aðkeyptri
unglingaangist (AUA tm) - nema auðvitað þegar snillingar
eins og S.Kjartansson og A.Karate taka völdin. Meira að segja
barnarásin (þ.e.a.s. tölvan sem spýtur út
úr sér barnaefni) er ömurleg. Ég fylgdist spenntur
með Glámi og Skrám í bíl um daginn, en
í miðri sögu hixtaði tölvan og Hemmi Gunn brast
á. Það er svo sem vel skiljanlegt að Norðurljósadjönkið
sé eins og það er á meðan
litli bróðir Patricks Bateman er við
stjórnvölin, eftir Xta Brian Tracy námskeiðið
og Xta námskeiðið í amerískri útvarpsmennsku
verða menn endanlega steiktir og voru svo sem ekki sérlega hráir
áður. Herra Jón Ólafsson, ég veit að
þú ert að lesa þetta: Hvernig væri að
reka þennan ferlega staðnaða Jón Axel og fá
einhvern af viti í staðinn, eins og t.d. mig.
08.05.02
Mig vantar GÍTARLEIKARA / HLJÓMBORÐSLEIKARA
í hljómsveit, sem mun að öllum líkindum sigra
heiminn á næstu misserum. Þorirðu? Sendi línu
________________
Tilveran
stælir gamla apadjókið með George Bush og hefur
sett Bjössa á leigubílnum í staðinn. Aumingja
aparnir. Hvers eiga þeir að gjalda að vera líkt við
þennan mannapa?
06.05.02
Hin ágæta tónlistarsíða
Junkmedia
hefur birt lista minn yfir átta íslenskar hljómsveitir
sem útlendingar hafa aldrei heyrt um en ættu að tékka
á.
---
Djöfull er ég ógeðslega
pirraður yfir þessu handboltahelvítiskjaftæði
sem nú gusast yfir mann hvort sem maður vill eða ekki. Öllu
öðru er vikið til hliðar til að hægt sé
að baula á mann lýsingum af einhverjum þumbaralegum
strákbjálfum að henda bolta sín á milli.
Um daginn mætti ég á Rás 2 með nákvæmlega
útreiknaða dagskrá af japanskri eðalmúsik,
en nei nei, þá var Bjarni Fel einhversstaðar í
rassgati að segja "bylmingsskot" og "lúta í gras" og
tafði mig um 10 mínútur. Nú er þessi Samúel
ÖÖÖÖ alveg tjúllaður einhvers staðar
yfir einhverjum gjörsamlega lítilfjöllegum hendaboltasínámilli-leik,
og barasta ekkert á dagskrá í skíta-TV nema
þetta rugl. Afhverju að vera að hafa heila deild og svo einhverja
endalausa úrslitaleiki ofanílagt? Samkvæmt vísindalegri
könnun hefur mikla fleira fólk áhuga á músik
eða ballet og ekki riðlast nú allt til fjandans ef Mínus
og Botnleðja halda tónleika. Og þessi djöfulsins
íþróttamanía - eða öllu heldur íþróttaofbeldi
- gengur svo langt að einhverjar stelpudruslur mega ekki henda bolta
sín á milli nema fokking Ingólfur Hannesson eða
Samúel ÖÖÖÖ séu mættir á
staðinn með beina lýsingu og skiptir þá engu
hvað er á áður auglýstri dagskrá, nei
nei, burt með það og inn á með djöfulsins
íþróttaviðbjóð. Og svo þegar loksins
kemur eitthvað sem maður hefur smá áhuga á
- eins og HM í fótbolta með mönnum sem geta eitthvað
- þá er búið að eyða öllu í
beinar lýsingar frá kvennablaki og sjöhundruð handboltarúnkmótum
sem enginn annar en geðveikt eða vangefið fólk hefur
áhuga á. Ég er alveg brjálaður!
05.05.02
Maður fer nú að brjálast
úr leiðindum út af þessum borgarstjórnarkosningum.
Illskást er Errið, þó það sé ekki
til annars en að Dé-viðbjóður fái á
baukinn. Hvað er þetta lið að rembast, þarna hinir
flokkarnir? Vinstri-hægri snú? Bíddu, átti það
ekki að vera fyndið? Og Óli Eff, sem er enn eitt dæmið
um karlpung í fýlu af því hann hélt ekki
sætinu sínu. Óli Eff með eitthvað fríkgengi
með sér, Gísla blinda og Hrönn Sveins? Afhverju
var mér ekki boðið sæti á lista, spyr ég
nú bara? Og hvaðan kom þessi A-listi? Jú og svo
öreigalýðurinn í Húmanistum. Hvaða veruleikabrenglun
dregur það aumingjans fólk eiginlega áfram kosningar
eftir kosningar? Annars er þetta allt hlægilega forgengilegt
og það skiptir litlu máli hvaða fólk situr
í ráðhúsinu. Þið munið öll
- deyja!
---
Stærsta blóm í heimi lyktar
eins og sambland af saur og rotnandi holdi, samkv. Mbl. Hvaða djúpa
sannleik vilja menn leggja í það?
---
Það var líka rigning á
Þingvöllum í dag.
---
"Skipulögð hamingja" heitir sýning
á plakötum frá Útópíunni CCCR,
sem gekk ekki upp afþví Homo Sapiens er mislukkuð tegund.
Ég var mjög spenntur fyrir þessari sýningu enda
plaköt um alla Reykjavík. Kom svo í ljós að
helvítis sýningin er á Akureyri. Hvaða sjúku
misyndismenn hengja upp plaköt í Rvk um atburði á
Ak? Það ætti að hýða þá duglega.
---
Fór á sýninguna í
Perlunni, þarna frá Vestfjörðum. Það var
hrikalega vel mætt, svoleiðis hundruðir fólks mætt
og maður flaut bara stjórnlaust áfram með straumnum
framhjá borðum með eitthverju Vestan-dóti. Sá
ekki neitt, en Vestfirðir rúla biggtæm. Það
þurfti ekki að segja mér það.
02.05.02
Útvarpsþátturinn ALÆTAN
er á dagskrá í kvöld kl. 22:10 á Rás
2. Í kvöld verður sérstaklega vandað til verka
og ég er búinn að skrifa allt niður sem ég
segi. Ég ætla nebblilega að segja sögu japanska poppsins/rokksins
með mörgum tóndæmum. Um kl. 23 mætir Ómar
Swarez úr Quarashi með bland í poka. Fveiii!
---
Djöfull er þetta kosningaþvaður
leiðinlegt. Le Pen-málið segir manni þó að
maður á að mæta og kjósa það skásta,
ef það er ekkert almennilegt í boði. Og fyrr myndi
ég éta úr eigið rassgati en kjósa Sjálfsstæðisflokkinn
svo það verður að vera Err þó það
sé andskotalegt að þurfa að styrkja þann myglaða
kerfiskúk A.Þorsteins. En hvað heldur Björn Bjarna
að hann græði á því að hafa Thor
fokking Vilhjálmsson í auglýsingunni sinni? Þekkir
Björn kannski einhvern sem hefur klárað bók eftir
þennan hrútleiðinlegasta rithöfund sem landið
hefur alið?
30.04.02
Þetta veður hefur verið að
gera mig hálf þunglyndan. Ég gerðist meira að
segja svo þunglyndur og tvístígandi um fjárhagslega
framtíð mína að ég fór í starfsmannahald
Landsbankans og sótti um sumarvinnu (ég vann þar síðast
um sumarið 1993 ef mig minnir rétt). Stúlkurnar sögðu
að ég væri alltof seinn að sækja um svo líklega
fæ ég ekki tilboð um að afgreiða. Áhugasamir
um starfskrafta mína mættu því gjarnan senda
línu.
En nei nei, þetta er ókei. Það er langt í
að ég fari að svelta og ég hefði nú bara
gott af því.
---
Afhverju kostar kíló af osti og
gulli næstum því það sama? Ostur er enginn
helvítis veislukostur heldur bara rándýr ókostur
(sorrí fann ekkert skárra rím).
---
Gestir á heimasíðuna segjast
sakna TOPP 10 hluta hennar og HLEKKJA
síðunnar. Hvort um sig verður nú smá saman
fært hingað. Semsé, hér neimdroppa ég góðri
mússikk og góðum hlekkjum. Bobby
Conn er góður, líka Rúnk (þau eru íslensk
og ætla að gefa út plötu í sumar - þrumu
gleðipopp), Doktor Kosmos
og japanska safnplata Japanese independant music, sem er gefin út
af frönsku merki, Sonore. Að
lokum tvær breskar og góðar: The
Streets, ungur strákur í góði grúvi
og nýja platan hans Elvis
Costello.
26.04.02
Er að peppa þessa heimasíðu
aðeins upp. Glænýtt demó af nýju lagi er
komið hér.
Tékk it mann.
25.04.02
Fyrir utan það að vera gullfallegar
skera keppendur Ungfrú Ísland.is sig út fyrir að
vera sterkir persónuleikar sem eru óþornar við
að koma sínum skoðunum á framfæri, segir
á heimasíðu Ungfrú Ísland.is. Hún
Hrönn hefur líklega skorið sig einum of mikið "út"
og verið einum of "þorin" fyrir smekk kellinganna í fegurðarsamkeppninni
því
lögbannið er staðreynd (og ég sem hélt að
þessi Ragnar lögmaður, pabbi hans Ívars Bongó,
væri góði kallinn). Ég var búinn að
fá boðsmiða á frumsýninguna í kvöld
og allt - fussumsvei! Jæja, ég sendi ilvolgar baráttukveðjur
og vona að myndin verði sýnd á endanum. Fer bara
á The Royal Tenebaums í staðinn.
22.04.02
Hún er sprenghlægileg nýja
sjónvarpsauglýsingin frá Sjálfsstæðisflokknum.
Þar hljómar "Við Bergþórugötuna" í
panpipe-útgáfu á meðan límheilinn Björn
Bjarna röflar eitthvað úr bílstjórasæti.
Hann er nánast nákvæmlega eins og Jón Gnarr
í sketsinum "Leigubíll dauðans" og er einkar gaman að
horfa á auglýsinguna í því ljósi.
---
Það hefur verið það vinsælasta
hjá krökkum í denn að banka upp á hjá
Dóra Lax og fá kaffi hjá karlinum. Alls konar strákalingar
lögðu leið sína upp að Gljúfrasteini, Tómas
Ingi Olrich og Davíð Oddsson og alls kyns lýður,
skils mér. Alltaf var Laxi hress og tilbúinn í tuskið
með strákum.
Sem betur fer mæta ekki strollur af strákum
heim til mín enda myndi ég ekki bjóða þeim
inn. Stundum hringja þó fullir fábjánar um miðja
nótt og vilja vita ýmislegt, t.d. af hverju ekki var talað
um Þuríði Sigurðardóttur í Rokkbókinni
og eitthvað svona rugl. Þó ég skelli bara á
dreg ég þá ályktun að ég sé
á góðri leið með að verða jafn mikill
snillingur og Killi. Persónulega finnst mér þó
Þórbergur
betri fyrirmynd.
19.04.02
Textaferðin til Borgarness tókst frábærlega.
Var í einangrun á hinu frábæra gistiheimili
Bjarg og ruddi út úr mér öllum textunum á
einum sólarhring. Textarnir verða á FLATUS LIFIR!, sem
verður væntanlega að veruleika í haust. Ég
fór ekki lengra inn í bæinn en Kaupfélagið
og sá svo sem ekki mikið af þessum syfjulega stað.
Mér skilst að ég hafi misst af mjög flottri veitingasölu
sem er þarna. Rútuferðin fram og til baka var nokkuð
hressandi, enda fátt hressilegra en að hanga í íslenskri
rútu.
Á FLATUSI verða 18 lög sem hér
segir:
Hvalfjörður með öllu
Konurnar í lífi Errós
Lýs
Mikilvægasti maður í heimi
Fyrir 100 árum
Ný líf #107 & 112
Kviðmágar
Ballaða fyrir borvél og brostnar vonir
Gúmmilak
Stillansar
Stóri hvellur
Skjóðan
Póstkort frá Kvíabryggju
Eftir 100 ár
Ímelda Markos
Síðasta fylliríið
Dána fólkið í Mogganum
Má ég vera með þér
---
Hitti Sjón fyrir framan húsið
mitt. Hann var með tvo hringa frá sýningum Jóhanns
Risa í tösku og sýndi mér. Hringana keypti hann
á Ebay. Báðir voru í réttum stærðarhlutföllum
og voru geypistórir. Annar úr rauðu plasti með mynd
af Jóhanni, hinn úr plasti en meira eins og alvöru hringur
úr gulli. Við Sjón vorum sammála um að bókin
um Jóhann hafi verið illa heppnuð (sjónvarpsþátturinn
var betri). Hvorki í þætti eða bók kemur
t.d. fram að Jóhann var allur stór og naut hann víst
mikillar kvenhylli (þess vegna?) Skáldverk um Jóhann
hlýtur að vera næsta mál á dagskrá
- kannski gengur Sjón í málið?
13.04.02
Fólk er alltaf að senda mér
email og segja mér að skoða myndir að skotnum palestínumönnum
og eitthvað svona - eins og ég viti ekki að þetta
aumingjans fólk er að upplifa helvíti. "Og hvað á
ég að gera?" spyr ég auðvitað eins og þjóðin
öll og aðrar þjóðir - nú, auðvitað
að fyllast kvíðakasti af því Beckham er með
brotna rist. Æ æ aumingja Beckham. Æ æ aumingja
England.
Stundum finnst mér betra ef ég
væri af annarri dýrategund. Við erum mistök náttúrunnar.
---
Við erum eina dýrið með þessa
hræðilegu ranghugmynd um sjálfið. Hin dýrin
pæla minnst í því hvort við förum til
helvítis eða himnaríkis eða hvort þau séu
á annað borð til. Þau eru ekki að flækja
málin með tilgangslausum spurningum eins og "Afhverju er ég
til?," heldur eru bara að pæla í mat, svefni og fjölgun
- hinum þríeina "sannleik". Eins lengi og maður er ekki
fábjáni er gaman að vera homo sap og eiga séns
á öðrum pælingum en éta sofa ríða,
en það virðist sannast á hverjum fokking degi að
heimurinn er fullur af fábjánum og þess vegna er þetta
svona erfitt.
---
Við fengum semsagt "sál" framyfir
hin dýrin, (sál = sjálfsmeðvitund). Dýrin
munu aldrei vita út á hvað þessi sjálfsmeðvitund
gengur - þau eru bara ekki með þann "fítus".
---
Það er líklegt að á
öðrum hnetti séu einhver dýr og hugsanlega hefur
þróast dýrategund svipuð okkur sem er með einhvern
yfirburðarfítus.
Hann getur mjög líklega verið einhver allt annar en þessi
sjálfsmeðvitund sem við erum með og við getum aldrei
skilið út á hvað hann gengur, ekki frekar en dýrin
skilja okkur. Ha? Pæliði í því.
---
Ég hef lokið við að semja
lögin 18 sem verða á plötu minni, , sem kemur að öllum
líkindum út í október. Nú þarf
ég að semja texta við kvikyndin. Er byrjaður eitthvað
og kominn með nöfn á lög, t.d.:
Konurnar í lífi Errós
Borvélaballaðan
Stóri hvellur
Gúmmílak
Kviðmágar
Ímelda Markos
Fyrir 100 árum
Eftir 100 ár
Dána fólkið í Mogganum
Mikilvægasti maður í heimi
Stillansar
National geographic
Má ég vera með þér?
Ég er að setja saman hljómsveit
og munu æfingar hefjast í maí. Fyrsta giggið er
á Akureyri 13. júlí.
12.04.02
"Bændur" er næstum því
sama orðið og "bætur". Pældíðí. Ætlaði
að segja eitthvað annað en ég man ekki hvað það
var. Hef ekki fengið neitt tilboð með uppstoppaðan hrafn
ennþá. Er virkilega enginn þarna úti.....?
05.04.02
Mig langar til að byrja daginn með því
að birta smáauglýsingu (ég vona að DV fari
ekki í mál):
Er einhver sem á uppstoppaðan hrafn
(helst með vængina útglennta) sem hann vill losna við?
Ég er tilbúinn til að borga allt upp í 2000 kr
fyrir slíkan grip því mig langar til að festa hann
ofan á tölvuskjáinn minn. Sendu
línu.
---
Grein mín um 20 bestu plötur á
Íslandi hefur verið birt á hinni fínu síðu
Pitchforkmedia.
---
Gamli 80s hlunkurinn Leif Garrett er "kominn
sterkur aftur" með undirleikshljómsveit sem heitir F8.
Þetta er því miður ekki gamla
pönkhljómsveitin mín!
---
Sigurjón og Kó á Radíó-X
skyldu ekkert í þessari pælingu með ávextina
síðan í gær, og er það skiljanlegt, enda
var það illa unnin dagbókarfærsla. Ég var
að benda á hvað sumt hefur vaxið að umfangi (ávaxtategundir)
og kom með þá hundleiðinlegu vinstri-grænu niðurstöðu
að þó maður hafi "frelsi til að velja" þá
standi valið ekki endilega um svo mikið nýtt heldur bara
fleiri tegundir af því sama. Japanska peran er bara eins og
epli og pepítóið - sem heitir reyndar "pepino" - er bara
eins og bragðlaus melóna. Sé þessu blandað
saman í mixara með undanrennu og sykri þá er niðurstaðan
á bragðið eins og banani = ergó: frelsi til að
velja er prump. Og kannski væri maður glaðastur ef maður
fengi bara epli á jólunum.
---
Þetta er semsagt v-g niðurstaðan
sem ég fékk og hún er ekki endilega rétt. Nei
nei, kæru Heimdellingar, ég er fyllilega fylgjandi því
að gott er að hafa tækifærið til að velja.
---
Önnur sambærileg frjálsræðisþróun
er í sambandi við hunda á Íslandi. Einu sinni
voru allir hundar af sama kyni og þegar ég var svona tvítugur
voru allir hundar nokkurn veginn eins hér á landi á.
Nú er önnur tíð og allar mögulegar og framandi
tegundir ganga um göturnar. Tsjávává eru mexíkóskir
smáhundar og nokkuð kúl, ég væri alveg til
í að eiga svoleiðis. Hins vegar hreinlega þoli ég
ekki smáhundategund sem ég kalla "litlu ógeðin".
Þeir eru eins og brún gólftuska og maður myndi
ekki vita hvort snéri fram eða aftur nema vegna þess að
þeir eru oftast með slaufu framan á sem heldur hárinu
fyrir andlitinu. Þeir eru eins og mini-bolabítar í
framan og sígjammandi út í loftið, hrikalega montnir
eitthvað og leiðinlegir. Ég þori næstum að
veðja að Kristján Jóhannsson á svona hund.
Þar sem snoppan er svo klesst eiga þessir hundar oft við
öndunarerfiðleika að stríða og gjammið í
þeim hljómar því eins og gremlin með bronkítis.
Til að fullkomna viðbjóð og úrkynjun þessara
hunda skilst mér að þeir geti ekki fjölgað sér
nema með hjálp manna. Ég vil ekki einu sinni hugsa til
þess hvernig sú "hjálp" fer fram. Jú, ókei.
Ætli einhver hundaperri rúnki minitippinu í glas og
sprauti upp í kerlinguna með sprautu eða þarf að
tengja hundkvikindin saman og halda þeim föstum á meðan
þau hjakka? Ef einhver hundafræðingur þarna úti
kann skil á þessu mætti hann upplýsa mig.
---
Dagbókarfærsla úr fortíðinni:
5. apríl 1980
"Amma kemur. Skítur og mígur. Kaupi
páskaegg 2 á 4100 kr. Dóla heima. Glápi á
sjónvarpið."
04.04.02
Ég er áhugamaður um exótíska
ávexti. Enda man ég vel eftir því þegar
á Íslandi fengust varla vínber nema um hásumar.
Þegar foreldrar mínir voru ungir voru bara epli á jólunum.
Nú fást exótískir ávextir allan ársins
hring í gæðabúðum eins og Hagkaupum í
Kringlunni. Þar keypti ég japanska peru og pepito ávöxt
frá Ekvador og hugsaði mér gott til glóðarinnar.
Japanska peran smakkaðist eins og sambland af epli og peru og pepítóið,
ja það smakkaðist eins og bragðlaus melóna en
var með mjölkenndri áferð. Það er óþarfi
að nefna það að maður rétt náði
að smakka einn bita af hvorri ávaxtategund. Nú kom töfrasportinn
sér vel og báðum ávöxtunum var skellt saman
auk undanrennu og sykurs. Niðurstaðan var eitthvað sem minnti
á banana. Húrra fyrir frjálsræðinu - það
gerir okkur frjáls!
---
Í hinni frjálslyndu ALÆTU
á Rás 2 verða strákarnir í Búlandstindi,
nei ég meina Búdrýgindum og velja sér óskalög.
Einnig fullt af jarmandi fínu stöffi eins og Nortec-mússikk
frá Mexíkó og gæfugarage frá The Streets.
03.04.02
The Strokes voru alveg eins og ég bjóst
við. Helv. gott sánd en staðurinn (Broadway) er lélegur
til tónleikahalds og það má staðhæfa
að a.m.k. 25% gesta hafi ekki séð rassgat. Það
var svo sem ekki mikið að sjá, þessir strákar
eru bara hefðbundið rokkband og sviðsframkoman var slöpp.
Söngvarinn er þessi heróín-týpa sem rétt
nennir þessu og var alltaf að fá sér bjór
og sígarettur af hlaðborði á trommupallinum - frekar
boring náungi, t.d. ekki sá sviðsgarpur sem Jarvis Cocker
er. Lögin hjá Strokkunum eru fín en einhæf til
lengdar og þetta var orðið gott eftir 8 lög eða
svo. Út um allt voru litlir íslenskir Strokkar með lúkkið
á hreinu: meðalsítt skítugt hár (helst
svart), þröngar mafíósaskyrtur og mittisleðurjakkar.
Helst að vera í framan eins og maður nenni þessu ekki
- sem sagt ógeðslega kúl. Ég ákvað
á leiðinni heim að fara í stranga megrun, kaupa mér
mittisjakka og fara að safna fyrir hárígræslu.
Not!
VAR
EITTHVAÐ AÐ GERAST Í JAN-MARS 2002?