11.12.05
Í útvarpinu spila ég lög á milli 14
og 16 en kl. 20 erða næst síðasti Popppunktur í
heimi! Milljónamæringar á móti Ske í
svaka leik um það hvort liðið fær að keppa
á móti Geirfuglunum í allra síðasta Popppunkti
í heimi á sunnudaginn eftir viku.
09.12.05
Það var verið að segja mér að veitingastaðurinn
Indian mango á Frakkastíg sé unaðslegur. Hann
er víst svo lítill að það þarf að
panta með margra daga fyrirvara. Djöfull þarf maður
að tékka á því enda aldrei of mikið
étið af inverskum mat.
---
Jólahlaðborð Skjás eins/Xfm var á Hereford
í gær. Maður slafraði þessu í sig af
bestu lyst. Enginn áberandi fullur nema náttúrlega
Doddi litli sem ældi hálfmeltu kjúklingapaté
á Sirrý. Nei ég er að djóka.
---
Bryggjutröllin eru
í rúnkbindindi. Gaman að því. Sjálfur
sé ég ekki tilganginn með rúnk og ríðingarbindindi
enda heldur maður græjunum við með því að
sprauta sem oftast. Alveg satt, spurðu bara þvagfæralækni.
---
Og nú: Plötugagnrýni Dr. Gunna í æsandi
slagorðum sem má nota í auglýsingar...
Benni Hemm Hemm - Benni Hemm Hemm XXX
"Iðandi kátt popp og snjallir textar"
Daníel Ágúst - Gleypti stjörnu XXX
"Vill vera Björk sirka Homogenic, tekst það og meira
til"
Emilíana Torrini - Kona sjómannsins XXXX
"Ljúfsárasta plata ársins, já ég
er kelling"
Hárdoktor - Hársápa XXX
"Glúrinn hárskeri reiðir fram ferskt indípopp
– verður enn betri næst!"
Ég - Plata ársins XXX
"Frábær konseptpakki sem góðir íslenskir
textar gefa aukið vægi – Úrvalsstöff"
Japanskur kvensloppur - Norðurheimskautsdauðaskip XXX
"Sprettharðir poppsmellir í bland við gítarsargandi
langlokur"
Hvaða Jeff? - Dauði á undan diskói XXX
"Vilja vera Franz Ferdinand og kunna vel að semja grípandi
núveifpopp"
Mugison - Lítil ferð XX
"Örugglega gott í myndinni en tilgangslítið
á plötu"
Ormurinn er grænn - Ýttu á spila XXX
"Dimmt og djúsí tölvupopp"
Rass - Andstaða XXX
"Dillandi kímið ellimannapönk"
Trabant - Tilfinningaríkt XXXX
"Dæmalaust fínt sjúskdiskó fyrir sveittar
nætur sem þú vaknar eftir fótbrotinn með
glimmer á rassgatinu"
Megasukk - Hús datt XX
"Þvoglumæltur langhundur. Bæði Megas og Súkkat
voru skemmtilegri á síðustu plötunum sínum
– Ull var snilld – spurning um að gera frekar eina Megasarplötu
og eina Súkkatplötu næst, ha?"
Umpopp - Ranghugmyndir mínar XXX
"Dettur niður í minna spennandi ballads eftir frábæra
poppbyrjun"
Hudson Víðir - Orrusta stigamannanna XXX
"Vilja vera Calexico og tekst það helvíti vel"
Úlpa - Reynd flug vængjaðra manna XXX
"Oft frábært en stundum ekki"
Dikta - Hamingjan veidd XX
"Ofsa metnaðarfullt en frekar óspennandi"
Dr. Spokk - Dr. Phil XXX
"Kraftmikið og spilaglatt dúndurstöff"
Djúpi Jón og loftfarsrjóminn - Djúpi
Jón og loftfarsrjóminn XXX
"Hafa engu gleymt"
Sumarið mitt í Hjálpræðishernum - Stjórnleysingjar
eru vonlausir draumóramenn XX
"Einlægt en einhæft, en vissulega ágætt á
köflum"
Kira Kira - Skotta XX
"Eins og stemmningstónlist í David Lynch mynd, ef hann
væri krútt"
Hermigervill - Svefnvinna XXX
"Spennandi, ferskt, glundroðapopp"
Baggalútur - Pabbi þarf að vinna XXX
"Næstum því eins gott og heimasíðan"
Hjálmar - Hjálmar XXX
"Lopapeysu-raggíið svíkur ei"
Bubbi - Ást / Í 6 skrefa fjarlægð frá
paradís XX
"Ef ég skil set ég þetta á fóninn
meðan ég helli mig fullann - vonandi slepp ég við
það!"
Sigur Rós - Takk XXXX
"Aðeins verri en Ágætis byrjun, miklu betri en ( )
– Sigur Rós eru náttúruundur"
Helgi Valur - Dauði trúarinnar X
"Vill vera Damien Rice. Og sá er hundleiðinlegur".
Heitur fjandi - Stóra illgjarna gróf-ó-mamman
X
"Drepleiðinlegt varðeldapartí"
Siggi Ármann - Tónlist fyrir háða XXX
"Ljúft og brothætt frá geðhverfa risanum sem
kann að semja lög"
Stórsveit Nix Noltes - Orkídeur Hawaí XX
"Sígaunarnir eru komnir og þeir eru í stuði"
Björk - Teiknandi hófsemi 9 X
"Bæði artí og fartí – og síðast
en ekki síst hundleiðinlegt"
---
Þetta eru plöturnar í "Plötutíðindum
2005", sem ég er búinn að heyra. Sumt þarf maður
svo ekkert endilega að heyra heldur getur drullað yfir fullur af
mannfyrirlitningu og almennum vesældómi, til þess eins
að sveittir hælbítar út í bæ geti
glott á kostnað listamanna sem leggja sig alla fram:
Bjarni Ara - Svíng 0
"Ég fann mátt líkamans fjara smásaman út
eftir því sem ég píndi mig áfram í
þessu plötu."
Á móti sól - Hin 12 topplögin
0
"Líklega áhrifameiri aðferð til að ná
sér í skotsilfur en að selja fötin sín í
Kolaportinu"
Bergsveinn - September 0
"Göngutúr eftir stræti minningana og ælt á
hverju horni"
Davíð Smári - Þú
gerir eitthvað við mig 0
"Ahhh... hvað Pop Idol er gott fyrir íslenskt tónlistarlíf"
Heiða - Hluti af mér 0
"Ahhh... hvað Pop Idol er gott fyrir íslenskt tónlistarlíf
– svo er ljótt að stela nöfnum. Þarf nú Heiða
greyið endalaust að burðast með viðurnefnið "í
Unun"? Hei, Unun er löngu hætt!"
Garðar Thor Cortes - Cortes 0
"Vá! Einar Bárðarson hefur breytt þessum væmna
óperupoppbaulandi mömmudreng í gulleggjaverpandi kerlingabana
– látið manninn taka við stjórn landsins!"
Skítamórall - Má ég sjá XXX
"Stórkostlegir meistarar sem kunna að velja kóverlög"
Nylon - Góðir hlutir XX
"Voru nú skemmtilegri síðast enda með svo gott
kóverlag þá"
Hera - Ekki spila þetta 0
"Alveg sjálfssagt Hera mín"
Heitar lummur - Heitar lummur 0
"Úff... það er "heit lumma" í nærbuxunum
mínum eftir að hafa pínt mig í gegnum þessa
plötu"
Helgi Björns - Yfir Esjuna 0
"Helga segist alveg sama hvað fólki finnst um þessa
plötu. Það er eins gott"
Jónsi - Jónsi 0
"Jónsi kominn í sama pakka og Stebbi Hilmars þegar
hann söng "Líf", verst að það er ekkert "Líf"
í/á þessari plötu"
Regína Ósk - Regína Ósk 0
"Platan er jafn photosjoppuð og umslagið"
Matti - Ólýsanleg 0
"Ólýsanleg? Nei nei, "leiðinleg""
Svala - Fuglar frelsins XXX
"Frábært fullorðinspopp (ég vil ekki að
feðgarnir lemji mig ef ég rekst á þá)"
Sálin hans Jóns míns - Undir þínum
áhrifum XXX
"Meistarar fullorðinspoppsins með enn einn pottþéttan
pakka"
Írafár - Írafár XXX
"Birgitta er sæt og Vignir kann að semja iðandi gott
popp"
Jón Sigurðsson - Til þín 0
"Hann lítur alveg eins út og vondi kallinn úr
Trainspotting. Tónlistin? Blessaður vertu, bara eitthvað
kóverlagatros"
Leone Tinganelli - Ég flýg frjáls 0
"Jafn óþægilegt og ef ítalski sjarmörinn
reyndi við mann á flugvélaklósetti"
---
Jæja, er þetta ekki orðið ágætt...
08.12.05
Spinning-böðullinn Jón spilaði m.a. Rock this town
með Stray Cats og mömmufokkandi Metallica Sandman. Mikið vildi
ég að spinning-kennararnir færu nú að spila
SOAD. Um daginn spilaði hin dúndurhressa Bára "Rape me"
með Nirvana og söng hástöfum með – nauðgaðu
mér nauðgaðu mér! Ég lét ekki deigan
síga og pedalarnir fengu að kenna á því.
Sverrir er þriðji spinning-kennarinn sem ég mæti
til. Hann heldur mikið upp á Sálina og U2 en áða
til að blasta Sex Pistols á skrílinn. Svo er það
helvítis Paradise by the dashboard lights með Meatloaf sem er
níu mínútur eða eitthvað og allt á
fullu allan tímann. Annars allt saman úrvals spinningkennarar
það vantar ekki og ágætis músik hjá
þeim öllum.
---
Veður til að drekka vaselín og rispa á sér
úlnliðinn með sandpappír. Og myrkrið maður...
Hvað með að flytja til Madrid?
---
Fór í Ikea. Alltaf sama sagan, það sem á
að kaupa er ekki til. Helvíti er Ikea. Og James Blunt á
hæsta í græjunum...
07.12.05
Lagið dularfulla sem er minnst á hér fyrir neðan
heitir "No Sound" og er flutt af hljómsveitinni 31 knots frá
Portland, Oregon. Þungu fargi af mér létt. Takk fyrir
það Björgvin og Baldur! Og verðlaunin veglegu eru þessi
erótíska mynd:
---
Áhugafólki um furðulega gosdrykki er bent á
drykkinn Sarsi sem má fá í Sælkerabúðinni
á Suðurlandsbraut. Þetta er einhvers konar austurlenskur
rótarbjór (upprunninn í Filippseyjum) en þó
eiginlega ekki eins og rótarbjór heldur eitthvað annað.
Ha? Lúkkið á dósinni er rippoff af Pepsi. Bragið
er alveg einstakt og ég er allavega að fíla það.
Húrra fyrir Sarsi og Sælkerabúðinni!
---
Vandamálið við óheft dánlód tónlistar
á tækniöld er að stundum gleymir maður að
merkja hin dánlóduðu lög og stendur uppi nokkru
síðar með lag sem maður hefur ekki hugmynd um hvað
er. Svo er maður kannski með draslið á shuffle og þá
kemur eitthvað flott lag en maður veit ekki rassgat hvað þetta
er. Þetta er miður. Hér er t.d. eitthvað sem ég
dánlódaði fyrir löngu en hef ekki hugmynd um hvað
er. Því þarf ég aðstoð frá þér,
kæri lesandi. Spurt er: Hvaða lag er þetta?
Hvaða lag er
þetta?
Þetta er nýlegt, amerískt, indí eitthvað
með strengjum. Flott lag, en hver andskotinn er þetta? Fróðleiksfullir
sendi
línu. Vegleg verðlaun!
---
Ef einhver býr svo vel að eiga plötuna SOBS með
Reptilicus má hann endilega rippa lagið "Okkar heili er innsiglaður"
og senda mér. Þetta er stórkostleg lag með Gunnari
í Krossinum sampli.
---
Hér er það sem ég skrifaði í DV
í dag. Ég er svo andlaus eitthvað í skammdeginu
að ég nenni ekki að skrifa eitthvað nýtt.
Ör-, fá- og vanvitar bannaðir
Tungumálið er eldfimt og það sem sjálfssagt
var að segja í gær er alveg bannað í dag og
getur sært svokallaða siðferðiskennd fólks. Ég
man greinilega eftir því þegar yfirkennarinn í
barnaskólanum kenndi okkur krökkunum muninn á mongóla
og mongólíta. "Þessu má alls ekki rugla saman,"
sagði hann. Honum væri stungið inn í dag. Ég
las það í blaði í gær að fávitar
og örvitar hafi verið teknir úr opinberum reglugerðum
og líka vanvitar. Nú má bara segja og skrifa þroskaheftir
eða fatlaðir, annað er talið ofbeldi. Gamla kerfið
var þó nokkuð skilvirkt: Örvitar voru með undir
25 í greindarvísitölu, fávitar með 25-50
og vanvitar með 50-75.
Mjallhvít og fötluðu mennirnir
Það er ljótt að stríða minnimáttar
og náttúrlega búið að nota þessi "-vita"-orð
svo mikið í almennu einelti að löggjafinn þurfti
að bregðast við. "Ertu þroskaheft?!," spyrja nú
gelgjurnar í staðinn hvorar aðrar og ljóst að
"þroskaheftur" getur því ekki gengið endalaust.
Einhvern tímann fyllist mælirinn og nýtt orð verður
tekið upp yfir fólk með skertan andlegan þroska. Á
svipaðan hátt þykir orðið "dvergur" víða
mannskemmandi í dag og spurning hvenær hér verði
fundið upp nýtt orð. Kanarnir eru farnir að nota "vertically
challanged" og "Mjallhvít og dvergarnir sjö" heitir það
ekki lengur heldur "Mjallhvít og verndarar skógarins".
Endanlegt takmark
Í fjölmennasta geira fötlunarinnar, offitugeiranum,
eru eftirfarandi orð notuð: Ofalinn og offeitur. Ofaldir eru aðeins
yfir kjörþyngd, offeitir mikið yfir kjörþyngd,
sumir jafnvel hreinræktaðir offitusjúklingar. Þessi
fötlun hefur það þó framyfir aðra að
hægt er að "af-fatlast" með heilsusamlegum lífsháttum,
sem er vissulega bót í máli því ef maður
er dvergur eða þroskahefur skiptir engu máli hvað
maður fer oft í ræktina eða étur mikið
af gulrótum. Endanlegt takmark allra fatlaðra er að verða
heilbrigður og "venjulegur". Jafnvel þá er þó
björninn ekki unninn því nú þarf að
díla við reikningana, skammdegið, kuldann, kvíðann,
efann, tilgangsleysið... Niðurstaða: Við erum öll
fötluð, æ æ aumingja við.
---
Mér skilst að nú sé hægt að lesa
gömul blöð frá 365 hér.
T.d. DV, Sirkus og þetta stöff allt. Fínn sörvis
það.
05.12.05
The Sushi train, Iða, Reykjavík
XXXX
Loksins! Sushi-færiband
í Reykjavík. Komum í hádegi á sunnudegi
og var nokkuð þétt á færibandinu. Dótið
rann hjá með góðum varíöntum. Verðin
eru 200, 250, 300, 350 og 500 á disk. Nokkuð vel sloppið
bara. Ferskt og gott og svo hægt að sérpanta. Fékk
mér Californiu kramarhús og er enn að sleikja út
um. Pottþétt pleis fyrir sushi frík!
---
Ég ferðast stundum innanbæjar því á
nokkrum stöðum í Reykjavík er hægt að
láta sér líða eins og maður sé í
útlöndum. Í Sælkerabúðinni við
hliðina á Nings er t.d. hægt að loka augunum, opna
þau aftur og ljúga að sjálfum sér að
maður sé kominn í matvöruverslun í Bangkok.
Maður stendur á gati yfir vöruúrvalinu, en tekur
sénsa enda maturinn ódýr og umbúðirnar
fagurlega skreyttar. Sérstaka ánægju hef ég
af því að prófa uggvænlega útlítandi
svaladrykki sem undantekningalítið eru ódrekkandi. Þá
má líka tékka á allskyns exótísku
nammi, sæta þurrkaða hrökkála eða eitthvað,
sem eru í byrjun undarlegir á bragðið en venjast
vel. Frábær búð!
---
Um helgina fór ég til Póllands. Eða á
Hvaleyrarbraut í Hafnarfirði öllu heldur, en þar
er "pólska búðin" Stokrotka. Búðin er vandlega
falin í iðnaðarhverfi og selur ekkert nema pólskar
matvörur og tímarit. Komið hefur verið upp íslenskum
merkingum við vörurnar svo maður er ekki alveg eins og álfur
út úr pólskum hól. Ég fékk mér
súrar gúrkur í kryddlegi, krukku af piparrótarsósu
og glæsilega XXL lifrakæfu, sem minnir ekki lítið
á skoskt haggis. Berjasulta ýmiskonar virðist mjög
vinsæl í Póllandi en mér til furðu er ekki
boðið upp á Prins Póló. Í staðinn
má fá súkkulaðikex sem heitir Princess. Mögnuð
búð!
---
Sá Hallgrín Helgason í þættinum hjá
Jóni Ársæli. Langar að lesa þessa nýju
bók hans og líka að kaupa af honum málverk. Virtist
þurfa nauðsynlega að losna við þetta úr
geymslunni.
04.12.05
Klassískur sunnudagur: Tónlistarþáttur Dr.
Gunna kl. 14 á XFM og Popppunktur í kvöld á Skjá
einum kl. 20. Ekkert slor þar, sjálfir Geirfuglar á
móti spútnik-liðinu Jan Mayen. Mergjað stöff.
Og ekki fariði tómhent héðan því hér
er TOPP FIMM!
Link
Wray & his Ray men - Rumble: Gítarleikarinn Link, sá
sem fyrstur kom fözz-sándinu á kortið, lést
í Kaupmannahöfn þar sem hann bjó síðustu
árin með danskri konu sinni (þau kynntust á indjánanámskeiði
- Link var indjáni að hluta). Link var 76 ára. Hér
er lagið sem hann er frægastur fyrir.
DMBQ
- She walks: Meiri dauði. Trommuleikarinn í þessu
japanska bandi (stelpan China) lést í bílslysi í
USA nýlega. Aðrir meðlimir löskuðust illa. Bandið
hafði verið starfandi frá 1988 og spilað þungt
hávaðarokk eins og þetta dæmi af nýjustu
plötunni þeirra.
Boris -
Fyrsta lagið á nýjustu plötunni Pink: Meira
japanskt. Boris eru eins og heví metal Sigur Rós og þetta
skrýmsli af lagi ætti að koma þér í
annarlegt ástand. Nafnið er eitthvað á japönsku...
Úlpa
- Atlantic ocean: Úlpugalgopar með plötu 2, Attempted
Flight af winged men. Nóg í gangi þar til að halda
kindahjörð á tánum.
Rinôçérôse
- Get ready now: Franskt drulludiskó með Nuuti úr
suicide-kópíubandinu Dead Combo gólandi í frontinum.
Þetta er vitanlega af nýjustu plötu Rinôçérôse,
"Schizophonia".
---
Hér er enn
meira skrípó...
02.12.05
Íslenskt skrípó: Halldór Baldursson er
að gera mjög góða hluti í Blaðinu, en hann
teiknar einn skets þar á dag. Á heimasíðu
Halldórs má finna margt gott stöff, t.d. þetta.
Halldór er tvímælalaust konungur fréttaskrípósins
í dag.............. Þessi
er efnilegur...... Þessi
virðist alveg vera hættur......
---
Útlent skríó: Hér
er sóða og subbulegt grín eftir einhvern Steve Garcia.....
Dan Clowes er alltaf bestur. Virðist ekki vera með síðu,
en það má fletta honum upp á Google og finna allskonar
viðtöl og sjit. Fantagraphics
gefa hann út. Peter Bagge er fínn. Hann er með heimasíðu.
---
Söngleikurinn Soffía leggst vel í lesendur. Ég
fékk ábendingu um þetta
lag á Rokk.is sem fjallar einmitt um Halim Al og er sýnist
mér með hljómsveitinni Mújaffa. Svo fékk
ég aðra ábendingu, reyndar um lag sem ég vissi
af og er alveg stórkostlegt. Ég sá þetta læf
fyrir nokkrum árum en flytjendur eru Ottó Tynes og Karl Ægir
Karlsson, doktor í svefnrannsóknum í Kaliforníu.
Textinn er svona:
Dagbjört og Rúna
hvar eru þær núna
elska þær kannski einn mann?
og hver í andskotanum er hann?
vinnur hann kannski á lyftara
í miðri Ankara
fyrir hvern er hann þá að vinna
kannski Kolbein og Tinna?
en þeir eru bara djók
sem lifa í ævintýrabók
þetta vandamál ég ekki skil,
því Dagbjört og Rúna eru ekki til.
01.12.05
VERÐ GESTUR Í ÞÆTTINUM ROKKARINN Á XFM
KL. 10 Í KVÖLD!
---
Söngleikjagerð. Er ekki málið að koma með
söngleik næst? Frumsaminn rokksöngleik? Rokkóperu...
Bæta við í þá flóru. Eru ekki allir
búnir að fá nóg af Hárinu, Rocky Horror,
JC Superstar endalaust...? Nei kannski ekki. Virðist ganga endlaust.
Fólk vill bara það sem það hefur heyrt þúsund
sinnum áður og treysir og trúir á. Sjáið
bara allar þessar helvítis tribjútplötur. Gömul
sannindi og ný. Mér datt þó einu sinni í
hug söngleikurinn "Soffía", um Soffíu Hansen málið.
Var m.a.s. byrjaður á einu laginu:
Halím Al
a-ha....
Halím skal
börnin taka
Það var ekkert komið lengra.
---
Söngleikur sem gerist á "Rokk í Reykjavík"-tímabilinu
gæti verið sniðugt mál. Kominn tími til að
nostalgían nái þeim tíma. Nóg er nú
búið að juðast á öðrum nostalgíum.
Diskó/pönk togstreitan gæti verið ákjósanlegur
bakgrunnur fyrir slíkt verk. Og svo hefur enginn skrifað bókmenntaverk
og haft þessi ár í bakgrunni. Menn virðast endalaust
geta hjakkað á bítlatímanum...
---
Dauðinn. Það er alltaf jafn lítið að gerast
hjá konunni í See me rot.
Hér má svo finna grafir
hinna frægu. Hér eru látnir
íslendingar.
30.11.05
Prófessor Vandráður er glæsilegur fulltrúi
Þjóðkirkjunnar. Jesús veltir sér eflaust
um í gröfinni, eh, á himnum, þegar þessi
meistari opnar munninn. Mér skilst á Jóni Gnarri,
þ.e. Jóni Gnarr í Tvíhöfða fyrir nokkrum
árum, löngu áður en hann fann fjölina sína
og guð, að þegar Vandráður var kennari í
gagnfræðaskólanum á Digranesi, að hann hafi
kallað smástelpurnar "mellurnar mínar". Nema það
hafi verið "litlu mellurnar mínar". En ergó; Glæsilegur
fulltrúi, glæsilegur fulltrúi. Glæsilegur fulltrúi
kjaftæðis.
---
Var boðið á forsýningu á Walk the Line,
eins og fínum manni. Þetta er mynd um Johnny Cash með
Joaquin Phoneix og Reese Witherspoon í hlutverkum Johnny og June
Carter. Sýnt var í lúxus-sal Smárabíós
sem ég hef ekki gerst svo fínn að heimsækja fyrr.
Á staðnum voru t.d. Krummi og pabbi hans og Óli Palli
og afi hans. Einvalalið sem sé. Lúxusinn var nú
ekki meiri en svo að annað slagið nötraði allt út
af myndinni í næsta sal. En að myndinni (sem hlýtur
að verða tekin í almennar sýningar fljótlega):
---
Walk the line --> bíó XXX
Mjög skemmtileg, feykivel gerð og mjög sannfærandi
leikin bíópikk um meistara Cash: Foreldrar hans eru leiðindar
pakk, eldri bróðir deyr 14 ára, Cash fer í herinn,
kemur heim, slær í gegn, fíknast á spítt.
Fyrri konan hans er fúl og Johnny rennir lengi mjög hýru
auga til Jane Carter. Hún játast honum fyrir rest. Johnny
sparkar spíttinu og lifir hamingjusamlega til æviloka. Lítið
er gert úr sterkri trú Casharans en bókin er byggð
á Men in Black sem ég byrjaði að lesa strax og heim
af myndinni var komið. Mér var gefin þessi bók
fyrir löngu en haf sluxast við að lesa hana til þessa.
Bókin byrjar strax á mjög trúarlegum nótum.
Hún kom út 1975 og þá var JC búinn að
fara 3svar til Ísrael. En sem sé: ekkert meistartaverk svo
sem, bara mjög fín mynd.
---
Hef verið að hlusta á seinni hluta System of a Down
tvennunnar, Hypnotize. Eins og komið hefur fram er ég gífurlega
ánægður með Mesmerize enda fátt betra í
eyrum í ræktinni. Hypnotize er nokkur vonbrigði, ekki
eins góð plata og fráleitt eins sprett-hvetjandi og fyrri
platan.
29.11.05
Á þessum árstíma fást bestu mandarínurnar.
Eftir jól eru þær ekki eins góðar.
---
Ef karlmenn færu á túr væri hægt að
fá túrtappa með Manchester United lógóinu.
Kannski U2 herrabindi líka.
---
Til jóla: þrjár blogg-færslur á dag,
hversu ómerkilegt sem það er.
28.11.05
Það er einhver þynnka í manni þó
Bakkus komi þar lítið nærri. Skammdegis þynnka.
Heldurðu að það væri nú ekki betra, maður,
ef maður væri í sól og sumaryl einhvers staðar.
Það mætti þó ekki vera of heitt, bara svona
20-25°C. Afrekaði það þó um helgina að
fara á rjúpnaskytterí með Steina sleggju sem er
gífurlega heteró. Ég skaut náttúrlega
ekkert en gekk með stafi um holt og hæðir í Hítardal.
Reyndi að finna hænsin sem eru náttúrlega í
felulitum og erfitt að sjá þetta. Það keyrðu
fjórir jeppar framhjá okkur, einn karlpungur í hverjum
bíl. Heyrðist ekki mikið af þeim, kannski 3-4 hvellir,
ég hef hins vegar röntgen-augu og vísaði Steina
á 3 kvikyndi sem voru umsvifalaust plöffuð niður. Hann
sá svo 2 sem plöffuðust niður líka. Semsé
5 rjúpur. Ég er svo tilfinningakaldur að mér var
alveg sama um dauða þessara fugla, þó ég
nenni kannski ekki að leggja það fyrir mig að drepa svona
kvikfénað. Ég hefði getað náð úr
mér blóðbragðinu með því að
sjá Sigur Rós en ég verð að viðurkenna
að ég bara nennti því ekki. Var einhvern veginn
búinn að hugsa mig í gegnum þessa tónleika
og nennti ekki að geyspa á palli undir sefandi himnaríkistónlistinni.
Tek þó það fram að Sigur Rós strákarnir
eru auðvitað stórkostlegir snillingar en maður þarf
vissulega að vera í sérstöku stuði fyrir þá
sem ég var ekki í gærkvöldi.
27.11.05
Tölvukerfið á XFM er alltaf í smá skralli.
Verið að skipta um kerfi og eitthvað. Þátturinn
er nú byrjaður að rúlla. Hva, 20 mín of seint.
Tók hann upp á fimmtudaginn. En...
Hei! Hó! Topp fimm:
Siggi
Ármann - I dive into you: Siggi er mættur með sólóplötu
nr. 2, "Music for the addicted". Jafnvel enn betri en sú fyrsta.
Einlægt og beint í æð.
Tyrannosaurus
Rex - Salamanda Palaganda: Í dag eru liðin 25 ár
síðan Steve Peregrin Took kafnaði á kokteilberi.
Hann var með Marc Bolan í T. Rex á fyrstu þrem
plötunum en var hættur þegar Bolan/T.Rex sló í
gegn. Hefur því verið kallaður Pete Best 8. áratugarins.
Dópruglað grey sem lamdi á bongó.
Wolfmother
- Joker and the thief: Tussugott retrórokk frá Ástralíu.
Af samnefndri frumsmíð Wolfmother.
Tim
Fite - Shook: Þessi framúrskarandi fýr er frá
Brooklyn og spilar ansi hressandi Beckískt popp. Af "Gone ain't
Gone" hans fyrstu plötu.
Bob Log III - Booby
trap #2: Um að gera að plögga þennan meistara enn
einu sinni. Verður eins og áður segir á Grand Rokki
á laugardaginn 3. des.
---
Þess má að endingu geta að Popppunktur í
kvöld er Geirfuglarnir vs. Fræbbblarnir. Öskrandi tjútt.
24.11.05
Komið er út sallafínt virtúal mixteip sem
er hýst á MIXTEIPI.
Þarna er ímyndað mixteip sem ég hefði gert
fyrir tvítugsafmæli mitt 1985. Endalaust eðalstöff
sem hefur staðist tímans tönn og gott betur. Tékk
itt át, maður...
---
Gullkindin slær Eddunni við í flestu. Gullkindin er
í kvöld. Það er enn hægt að kjósa
á heimasíðu XFM. Algjört
möst myndi ég halda.
---
Í morgun svaf ég yfir mig. Ég vaknaði ekki
fyrr en kl. 07:20. Hneyksli. Hundleiðinlegur er þessi skemmtiþáttur
með konunni á Rúv í gær. Fátt er
leiðinlegra en leiðinlegir skemmtiþættir. Reyndar nokkuð
fyndin konan sem er alltaf að bregða en það er það
eina.
---
Eiður Smári keypti einhvern gítargarm á 11
millur á uppboði í gær. Til styrktar fársjúkum
börnum náttúrlega. Gítarinn áritaður
af Rolling Stones. Hann vissi ekki hvaða tegund þetta er. Djöfull
er ég grænn af öfund, nýbúinn að kaupa
Gibson á hundrað þúsund kall. Usss, misskiptingin
í þjóðfélaginu er rosaleg!
22.11.05
Ég vissi að það myndi enda svona. Megas er búinn
að opna heilsulind á Ítalíu: Megas
spa.
21.11.05
Jakóbínarína hitaði upp, spilaði 8 lög
og ólmuðust eins og hundar. Bassaleikarinn minnti á Hilmar
Agnarson úr Þeyr, sami bassi og sömu taktar. Ömurlegt
sánd til að byrja með. Nokkuð gott hjá þessum
pollum – eru þeir ekki að taka samræmdu í vor? Verðskulda
svosem hæpið en nú er að þétta sig enn
betur upp og semja fleiri smelli. Besta lag: "Power to the Lonely". White
Stripes mætti. Jack eins og Michael Jackson. Farðaður? Tóku
mjög gott sett. Smá sambandsleysi í snúrum eða
fözzpetali á tímabili. Ekki nógu pró.
Annars bara helv gaman. En til hvers var þessi marimba?
---
Orðið á götunni: Rolling Stones í Reykjavík
06.06.06. Þú last það fyrst hér.
20.11.05
Við erum að tala um magnaðan Popppunkt í kvöld:
Milljónamæringarnir á móti Vinýl. Dúndurspenna
fram á síðustu spurningu. Tónlistarþátturinn
kl. 14. Helvíti góður. En jæja. Ekkert tvínón.
Hér er topp stöff á fón. Topp Fimm!
Tappi
Tíkarrass - Beri-Beri: Því miður er Tappinn
enn óútgefinn en heildarpakkinn yrði fínn 20 laga
diskur. Hér er lagið sem ég nefndi nýbylgjuhljómsveitina
mína með Siggu Beinteins eftir (hún hét reyndar
Geðfró í upphafi). Af "Miranda" sem fer nú á
um 10.000 kall á Ebay. Björk verður fertug á morgun.
Til hamingju!
Diamond
nights - Destination diamonds: Retrorusl frá New York. Eins
og The Darkness á góðum degi. Þetta lag svínvirkar
á grillið en restin af plötunni er nú svona og svona.
The
White Stripes - I'm finding it harder to be a gentleman: Jamm!
Í kvöld! Mæti snemma til að missa ekki af Jakobínurínu.
Þetta sýnishorn er úr John Peel sessioni en blessaður
gamli maðurinn var aðdáandi og hjálpaði þeim
mikið til að komast á kortið. Hef fengið í
hús ævisögu Peelarans og set í röðina.
Er orðinn þokkalega saddur af rokkævisögum í
bili, langar að taka smá skáldsögutripp núna
eftir að ég komst aftur á blóðbragðið
með satanísku bókinni hans Stefáns Mána.
Megasukk
- Adieu capital: 21 laga diskurinn Hús datt er kominn
út.
geir minn geir með vörtu
grátbólginn klæddur svörtu
kveð ég þitt lúsuga lókal
læði á brott mínum lók al-
vöruþrunginn og þunnur
það þrífst síst nokkur gunnur
mér á sjúku sinni
en seg mér hvað líður hringvöðvabólgunni
í leghálsopinu á langömmu þinni
James
Chance & The Contortions - Dish it out: Rúv sýndi
ágæta pönkheimildarmynd á miðvikudaginn og
rifjaðist þá þessi maníski snillingur upp.
Æpandi hresst nú jork "no-wave" og æðaber snilld
á tittlingi snillinnar. Til dæmis.
18.11.05
Nýja Hugleiks-bókin, BJARGIÐ OKKUR (2000 kr) er síst
verri en fyrri verk. Þessi er þykkari sýnist mér
og með strikamerki. Lufsunni finnst hún samt ekki eins góð
og fyrri verk. Kannski er það bara allt hæpið. Maður
hefur tilhneigingu til að byrja að efast þegar hæp
nær hámarki. Nei nei, fínt bók!
17.11.05
Það er afdráttarlaust að komast á bæði
Væd stræbs og Sigur Rós. Tölvuskjóðan
fór í viðgerð og ég las Stefán Mána
"Túristi" á meðan, enda bæði heila- og handalaus
án tölvunnar. Djöfull væri gaman að sjá
hvernig þjóðfélagið færi aftur um nokkrar
aldir ef allt rafmagn hyrfi snögglega af sjónarsviðinu,
ekki einu sinni batterí myndu virka. Hinar myrku miðaldir aftur.
Kannski kæmist þá á endaleg hamingja? Allavega
nóg að gera hjá þroskaheftum í kertagerð.
Vangaveltur:
Túristi (e. Stefán Mána) --> bók XXXX
Fléttubók og formtilraun, eins tilgerðarlega og það
hjóðar, er best að lýsa bókinni. Uppreisnarseggurinn
og þungarokksaðdándinn Stefán Máni rífur
blóðlausan lim íslenskra nútímabókmennta
út úr rassgatinu á sjálfri sér, heggur
hann af og hendir tægjunum í klósett kaldhæðninnar.
Eitthvað svona. Tekst þetta bara drulluvel, stráknum,
maður nennti allavega auðveldlega að lesa bókina til
enda, sem er meira en hægt er að segja um meirihluta þess
ljóðræna rúnks sem maður er að borga fyrir
óbeint með sköttunum sínum ár eftir ár.
Kannski er hann sár og bitur, fékk ekki jafn mikið úr
lánasjóðnum og hann bjóst við? Það
er allavega eitthvað sem geldhanar í greininni munu halda fram,
ef það verður á annað borð einhver umræða
um efni bókarinnar. Hverjum er ekki sama um nútímabókmenntir?
Þessum sjö sem halda uppi umræðunni á síðum
Lesbókarinnar? Krakkarnir sem eru í bókmenntafræði,
tilgangslausustu tímaeyðslu sem til er?
Sjálfum hefur mér nokkrum sinnum dottið í
hug að skrifa skáldssögu, en þegar ég hugsa
málið sé ég hvers konar martraðarkennt ferli
ég væri að bjóða sjálfum mér
upp á. Fyrst væri að betla, láta ræfla í
nefnd meta drög að einhverri vitleysu sem ég væri
búinn að kokka upp. Ef svo ólíklega vildi til
að ég fengi pening frá ríkinu (eins og hver annar
öryrki) tæki við einmanalegt hangs fyrir framan tölvu.
Hamast í marga mánuði úrillur og vansvefta. Svo
kæmi bókin, ég myndi hamast áfram til jóla
í plögginu, enda myndi ég þá hugsanlega
selja 500 eintök en ekki 300. Lokatakmarkið yrði að vera
þýddur á sænsku og dönsku (önnur 500
eintök) og að um mig yrði gerð heimildamynd (sýnd
einu sinni í Regnboganum og kl. 22:40 á þriðjudagskvöldi
á Rúv). Nei, þá er skárra að öskra
sig hásann fyrir framan 30 drykkjusjúklinga á Grand
rokki. Skemmtileg tilviljun að Stefán Máni virðist
komast að sömu niðurstöðu. Eða hvað? Veit
það ekki. Lestu bara bókina. Hún er HELVÍTI
góð.
Ég var fárveikur (eða þannig) þegar ég
og Heiða áttum að syngja í Hjálpum þeim.
Hún mætti ein. Ég er sloppinn og segi hjúkk.
Það gengur heldur ekkert að semja Eurovisionlag. Ég
hef þetta ekki í mér. Hjúkk. Borga bara undir
mig sjálfur ef mig langar til Grikklands. Önnur Dr. Gunna plata
með bandinu ætti hinsvegar að sjá dagsins ljós
(eins langt og það nær að plötur sjái)
árið 2006 sem er næsta ár og hefst eftir sirka
einn og hálfan mánuð. Vinnutitill plötunnar er "Næsta
plata".
14.11.05
Veeiiii! Baugsmálið er aftur komið í fréttirnar.
Zzzzz....
13.11.05
Þetta er sniðugt: Mixteip.
---
Fór á síðhippíska anarkista súrrealíska
geðveiki í Bæjarbíói í gær:
Themroc --> bíó XXX
Themroc gefst upp á siðmenningunni og segir skilið við
hana. Verður að gamla dýrinu sem forfeður hans voru
fyrir 80.000 árum eða svo, breytir íbúðinni
sinni í helli og hræðir nágrannana. Ríður
systur sinni, nágrannakonunni og fleiri konum (sem hafa sömuleiðis
breyst í apynjur) í hellinum. Fer út og drepur löggur
á nóttunni, dregur þær heim og steikir á
eldi. Löggan mætir á svæðið en fær
lítið að gert. Ægileg ádeila á nútímaþjóðfélagið
(1973). Frekar langdregin á köflum (maður er smitaður
af MTV-klippingum) en fyndin mynd og eilítið Búnuelsk.
---
Þá er það mússikkin, TOPP FIMM:
Kira Kira
- Syngdu svarthol: Kristín Björk lenti í þeim
ömurlegheitum að einhver eiturlyfjasjúklingur stal af henni
fartölvunni. Veit ekki hvort hann hafi séð að sér.
Kira er nýbúinn að gefa út disk sem heitir Skotta
og er fullur af dularfullum hljóðum.
The
Brian Jonestown Massacre - Never Become Emotionally Attatched To Man, Woman,
Beast Or Child: Anton og félagar og einhver stelpa syngur þetta.
Hann fær enga silkihanskameðferð í Dig! en Singapore
Sling strákarnir keppast við að segja að þetta
sé fínn gaur. Þeir benda á að kvikmyndagerðarmennirnir
hafi hætt að fylgjast með honum 1997 á meðan Dandy
var tekinn alla leið. Þetta lag er af fimm laga EP sem kom út
á þessu ári.
Cardopusher
- Caffeine rich kola nut: Brjálað ragga beatbreak frá
Venesúela.
Teen
Anthems - I hate Oasis (and I hate the Beatles): Veilskir skrattakollar
að dissa allt og alla.
Vax - Get on:
Þessir koma frá Austfjörðum og eru hressir og líka
öðruvísi. Það eru allavega fáir í
dag sem minna á Yardbirds og Manfred Mann með farfísuknúið
sixtís popp sem er líka nútímalegt. Þeir
eru búnir að gefa út plötuna "Oh No", sem ég
hef reyndar hvergi heyrt minnst á annars staðar en á
tonlist.is.
---
Þetta og margt margt fleira má heyra í dag kl.
14 á XFM þegar hinn unaðslegi Tónlistarþáttur
Dr. Gunna byrjar að berast um eterinn.
---
Svo má ekki gleyma Popppunkti í kvöld: Ske og Í
svörtum fötum takast á í geðveikri rimmu.
12.11.05
DNA-heilun, vá, eru engin takmörk fyrir því
hvað fólk getur verið miklir hálfvitar? Að því
sögðu er þetta tvímælalaust það fyndnasta
í blöðunum í dag:
09.11.05
Ég mun gaula eitthvað með Heiðu
í nýja Hjálpum þeim, sem nú er verið
að taka upp. Botninum náð? Nei ég á enn eftir
að leika í bílaauglýsingu en bíð mig
fram. Til dæmis ef Egill Ólafs er að verða búinn
með Toyota samninginn þá get ég tekið við.
Líka ef samningur Bubba við B&L er að klárast.
Ég undirbýð Bubba um 50%. Hvað segiði um það
B&L?
---
Kjafturinn á mér er búin að vera tóm
leiðindi. Fyrst var jaxl vinstra megin með stæla en nú
er jaxl hægri megin að bögga mig. Rífa þetta
helvíti allt saman úr og setja harðplast í staðinn.
---
Atlason skorar á
mig í kítl. Ég skoraði á hann í
klukk svo ég á þetta skilið. Bæði er
þetta eitthvað bloggrugl. Ég hef aldrei séð
þetta kítl áður svo kannski var Grímsi að
finna þetta upp. Skiptir ekki máli. Beisiklí er kítlið
að maður á að nefna fimm atriði sem bögga mann.
Só her it góz:
1. Þegar poppmaís-"skinn" festist undir tungunni á
mér og næ því ekki burtu.
2. Vitleysingar sem einhverra hluta vegna hafa fengið vinnu í
dægurmálaþáttum. Nefni engin nöfn enda orðinn
fertugur og allur að mildast.
3. Að vera með ofþornaða putta eftir heitan pott og
ekkert krem í nágrenninu.
4. Ungt fólk með heimskulegar hugsjónir sem það
verður búið að fyrirgera fyrr en varir. Nóg af
þessu liði í dag, teik jor pikk.
5. Fólk sem telur sig hafa fundið "sannleikann". Sömuleiðis
nóg af því út um allt, teik jor pikk.
Þessum samkvæmisleik á svo að halda áfram
og ég kítla Heiðu,
Helgu
hans Trausta, Margréti
Hugrúnu og náttúrlega Lufsuna
mína. Ekki má svo skilja Björn
Bjarnason útundan. Ég kítla þig Björn!
---
Óhætt er að segja að sigur Jan Mayen á
Rúnari Júl og sonum hafi komið á óvart.
Þetta er ótvírætt spútnik-lið keppninnar.
Fullt af óvæntum úrslitum, t.d. að Ensími
og Ham hafi strax dottið út (fyrir Ske og Fræbbblnum).
Kannski nenntu menn þessu bara ekki enda búnir að vinna
einu sinni.
08.11.05
Hælbítandi smámenni! Þetta
er ástæðan fyrir því að ég fór
ekki að sjá Mike Love og Beach Boys líkið sem tróð
upp í Höllinni í fyrra. Þessi gaur væri
að vinna á bensínstöð í dag ef frændur
hans hefðu ekki fengið hann með sér í bandið.
---
Meira rokkstríð. Sá meira á filmfestinu í
kvöld:
Dig! --> bíó XXX
Ég hef aldrei skilið hvað fössið er út
af Brian Jonestown Massacre. Ekkert svakalega skemmtilegt hjakk, finnst
mér. Skil hins vegar alveg afhverju Dandy Warhols meika föss,
enda melódísk rokkhjakk sem hittir oft í mark. Um
þessi tvö bönd er þessi ágæta heimildamynd
sem endar þó full endasleppt, finnst mér. Reyndar er
Anton, aðalgaurinn í bandinu, aldeilis ekki svo ánægður
með myndina eins og má lesa á heimasíðu
bandsins. Þar má líka dánlóda nánast
öllum plötum sveitarinnar, sem er frábær þjónusta.
Verst að þetta er bara ekkert ægilega skemmtilegt (en fólki
sem slefar yfir Spaceman 3, Warlocks og álíka hjakki er eflaust
ósammála). Fín rokkmynd engu að síður.
06.11.05
Sunnudagur og Topp fimm er mixuð skúffa:
Tv-resistori
- Intiaanidisko: Finnskt krúttmelódíupopp frá
Turku. Titillagið af fyrstu plötu sveitarinnar, ég skýt
á að þetta þýði "Indjánadiskó".
Suburban
Kids With Biblical Names - Rent a wreck: Sænskur dúett
með tvær EP undir armi. Hljómar stundum eins og vintage
Cardigans. Sænskt indíkjút svíkur ei.
Drums
and Tuba - Four notes of April: Gamalt en líttþekkt New
York-band með fullt af plötum í rekkanum. Þetta er
af þeirri nýjustu, "Battles Olé".
Television
Personalities - Smashing time: Einhverra hluta vaknaði ég
einn daginn í vikunni með þetta lag frá 1979 á
heilanum. TVP var leitt af Dan Treacy sem fór í fangelsi
síðar og eitthvað rugl. Tónlistin er ekta næft
og kósí indíkrakkapopp og átti eftir að
ganga aftur síðar m.a. hjá The Pastels, Beat Happening
etc.
Keukhot - Datametsä:
Finnski kunningi minn Kake Puhuu
með lag af nýjustu plötunni sinni. Hann kann þetta
strákurinn...
---
Jakóbínarína og Mr. Silla virðast vera það
sem hæst bar á Erveifs. Nokkur lög má finna með
Jakobínurínu á netinu, m.a. hið stórgóða
His Lyrics Are Disasterous. En hvar getur maður eiginlega heyrt í
þessari Sillu? Hún er búin að vera á megablasti
í öllum fjölmiðlum en svo hefur maður ekki heyrt
eitt einasta lag. Magnaður andskoti þetta fámenni hérna.
Annars er meistari er 7oi hér.
---
Þótt skömm sé frá að segja get
ég alveg hlustað á sum kellinga og vælulög
án þess að fá flog. Nú get ég t.d.
alveg heyrt Nine Million Bicycles með Katie Melua, kántrílagið
með Svölu Björgvins og Undir þínum áhrifum
með Sálinni án þess að froðufella og klípa
í geirvörturnar á mér. Helvíti magnaður
þessi andlegi þroski (/doði).
---
Ég mæli eindregið með því að
fólk hlusti á Tónlistarþátt Dr. Gunna
á XFM kl. 14 í dag. Leikin verða frábær
lög af plötum. Meðal annars nokkur lög um fisk og lög
með mönnum sem drápust vegna of myndarlegs heróínsskammts.
---
Popppunkturinn er svo kl. 20 á Skjá einum. Nú
fer að hitna í kolunum því við erum komin í
8-liða úrslitin. Fyrsti leikurinn er Jan Mayen og Rokksveit
Rúnars Júl og er óhætt að segja að þetta
sé munnslaknandi spennandi leikur. |