31.05.06
Áhugafólk um grín og fríkfréttir
komst í feitt í gær. Fyrst var vitlausa liðið
sem braust inn í sumarbústað, tók það
allt upp á digitalvél sem það skildi eftir svo
löggan gæti bara skoðað myndirnar og handtekið hlutaðeigandi.
Þá var það hvalshræið sem var sprent í
loft upp. Að lokum var það frétt frá Sólheimum
þar sem annað hvort K eða C-listi plötuðu vistmenn
til að kjósa sig.
30.05.06
Ég verð nú að játa að ég er
alveg að fíla LOST. Síðasti þáttur í
annarri syrpu var sýndur í útlöndum á
dögunum og það kom helst í ljós að það
verður enn ein syrpan! Semsé þetta drattast áfram
og verður bara flóknara og dularfyllra. Rúv sýnir
okkur lokaþátt 2. syrpu 10. júlí ef ég
hef reiknað rétt og það borgar sig ekkert að hnýsast
í pakkann fyrr. Hér er þó ágætis
nördasíða
um þáttinn en ég nenni samt eiginlega ekki að nördast
í þessu og leita að vísbendingum og svoleiðis
rugl (ef þú hefur EKKERT betra að gera gætirðu
þó t.d. hangið á Hanso
síðunni). Höfundar þáttanna hafa örugglega
ekkert masterplan hvort eð er og munu bara spinna þetta áfram
á meðan einhver er að horfa. Hér
er einmitt bent á þetta. Og alveg er mér sama. Á
meðan þetta er eins skemmtilegt og það hefur verið
verð ég við tækið.
29.05.06
Eurovision vs Kosningarnar
|
Eurovision |
Kosningarnar |
Það sem var í boði var svo lélegt að
maður varð að kjósa það illskásta. |
já |
já |
Hvað kostaði atkvæðið? |
99.90 kr |
Svo sem ekki neitt |
Úrslitin lágu fyrir um kl. 22 á laugardagskvöldi. |
já |
já |
Það sem tapaði var yfirborðskennt fyrirbæri
sem lét mikið á sér bera. |
já |
já |
Þau sem unnu voru meikuð skrýmsli með hárkollu. |
já |
já |
28.05.06
Og nú leidís og djentlemen, Topp 5imm!
Magyar
Posse - Whirlpool of terror & tension: Finnsk hljómsveit
frá Pori sem veit alveg hver Ennio Moricone er. Af nýrri
plötu frá þeim, Random Avanger.
Kid
Carpet - Brake Beatles: Barnahljóðfæraskrýpli
sem spilar á Reykjavík tropik. Hér bútleggar
hann Bítlaslagara á indælan hátt.
Sleater-Kinney
- One beat: Sunnudagur 4. júní. Suddarokk í kjól
á Nasa. Hér er titillag frá 2002. Mæting!
Prototypes
- Un brin de fierté: Franskt tríó í frískamínrússi
á plötu frá því í fyrra. Ég
er nú alveg slefandi sökker fyrir hinni fögru frönsku
tungu í popptónlist, sérstaklega þegar hún
kemur úr ærslafullum kvenbarka.
Matthew
Sweet & Susanna Hoffs - She may call you up tonight: Þau
mundu sinn fagra fífil á 9. áratugnum en teima nú
upp á ábreiðuplötunni Under the Covers. Þetta
drulluflotta popplag var upprunalega með barrokkpoppbandinu The Left
Banke sem samdi líka Þó líði ár og
öld með honum Bjögga okkar.
---
Ég var alveg að fíla þáttinn hans Ómars
Ragnarssonar í gær. Meira svona! Skrítið að
hinn glæsilegi menningararfur sem Rúv lumar á sé
ekki dreginn upp og viðraður oftar. Skemmtilegast var að sjá
Halla og Ladda flytja Roj Rogers (minningar, minningar) og Pálma
Gunnarsson með tensaða nýbylgju/spítt-fótaburðinn
syngja sitt sigurlag frá 1981.
---
Sem betur fór var allt fólkið í kjördeildinni
minni dökkhært svo það var aldrei spurning hvað
ég kaus. Tónlistarþáttur Dr. Gunna slær
ekki slöku við á XFM kl. 14 í dag.
27.05.06
Ég og Heiða erum gestir Freys Eyjólfssonar í
hinum frábæra Gleymt en ekki gleymt í dag á
Rás 2 laust eftir kl. 16. Til umfjöllunar er platan Ótta
með Unun og við erum öll ofsalega hress.
---
Ég er ekki ennþá alveg búinn að ákveða
hvað/hvort ég kýs þótt ég hafi verið
á einhverri augl hjá S. Kannski kem ég mér
upp kerfi sem miðast við hárafar starfsmannsins sem lætur
mig hafa blýantinn og kjörblaðið. Ljóshærður
= Samfylking, dökkhærður = vinstri grænir, sköllóttur
= Eff, rauðhærður = Dé, Dredlokkar = Bé. Eitthvað
svona. Já, ég held ég þetta verða kerfið
mitt. Í hinu stóra samhengi skiptir náttúrulega
engu helvítis máli hvað maður kýs fyrst maður
er ekki þess vissari í sinni sök og alveg eiturhrifinn
af einhverjum einum. Engar málamiðlanir í kjörklefanum
– ég læt fólkið með blýantana ráða!
---
Sá loksins Brokeback Mountain í gær sem er svaka
fín. Þeir hefði nú átt að fá
Óskar báðir aðalleikararnir og myndin náttúrlega
líka, enda mun betri mynd en Capote, en það er ekki að
spyrja að hommafælninni.
---
Það er ekki búið að senda mér kristal
ennþá. Og ég sem var farinn að hlakka svo til að
vera "þjónað af gellum með líkamsmálningu"...
---
Ætli maður mæti ekki í dag. Ég gef Andra
Snæ orðið:
Mikilvægustu kosningar aldarinnar?
Næstu tvennar kosningar eru einhverjar þær örlagaríkustu
sem fram munu fara á Íslandi næstu áratugi vegna
þess að þær snerta grundvallarákvarðanir
sem munu marka líf okkar, umhverfi og stjórnmál
næstu áratugi. Einmitt um þessar mundir er verið
að tak þá ákvörðun hvort Ísland
verði stærsta álbræðsla í heimi eða
ekki.
Yfimenn Alcan hafa gefið til kynna að verksmiðjunni verði
lokað nema hún fái að vaxa upp í næstum
því 500.000 tonn, það er kallað stækkun
en þreföldun er nærri lagi. Þegar álverið
í Straumsvík hefur þrefaldast
verður það næstum því jafn breitt
og það er langt og það mun fylla upp í svæðið
beggja vegna Reykjanesbrautar. Það á að verða
heill ferkílómeter að stærð og það
tæki rúma klukkustund að ganga í kringum það.
Í blöðum stendur að hlutfallsleg mengun muni minnka.
Ef dulmálið er afkóðað kemur í ljós
að gróðurhúsalofttegundir aukast sem nemur öllum
bílaflota Íslendinga. Heimiluð aukning á brennisteinsdíoxíði
úr 3500 upp í 6900 tonn á ári. Sjónmengun
er ekki hægt að mæla í prósentum en á
kyrrum dögum ætti þessi mengun að verða öllum
ljós.
Fjölmiðlar hafa ítrekað brugðist skyldu sinni.
Álpartíið fræga á Húsavík
var til dæmis skipulagt af Gísla Sigurgeirssyni fréttamanni
RÚV. Hann smalaði fólki saman og fréttin sem virtist
koma í ,,beinni
útsendingu" hafði löngu borist um bæinn. Þetta
var leikrit og Gísli samdi jafnvel slagorðin, ,,álið
er málið" sem fólkið galaði eftir hans leiðsögn.
Jafnvel hörðustu áhugamenn um álver fengu aumingjahroll
við að horfa upp á þetta en þennan dag dó
lýðræðið á Húsavík. Þaðan
í frá töluðu fjölmiðlar um ,,vilja Húsvíkinga".
Þetta ástand var skapað af opinberum
fjölmiðli áður en nokkuð hafði verið
rannsakað eða rætt, áður en arðsemi var ljós,
áður en reynsla var komin af framkvæmdum, ráðningum
eða mengun á Austurlandi, hvað þá hvort Kárahnjúkavirkjun
nái yfirleitt núlli.
Menn fjalla ekki um aðalatriði málsins, að álverið
á Húsavík er aðeins hálft álver.
Það mun þurfa að tvöfaldast í framtíðinni
en enginn vill ræða hvaðan sú orka á að
koma. Jökulsár Skagafjarðar og Skjálfandi hafa
þegar verið eyrnarmerktar verksmiðjunni en það
dugar ekki nema upp í 360.000 tonn. Þrátt fyrir öll
vafaatriði er látið eins og ákvörðun á
Húsavík sé formsatriði og búin er til tímapressa
og neyð. Alcoa stendur fyrir fundum sem höfða til skammtíma
gróðavonar einstakra hagsmunaðila. Þessi skák
hefur verið leikin margsinnis um allan heim: Láttu heimamenn
ná niður orkuverðinu.
Þrátt fyrir að íslenska ríkið hafi
fært Alcoa milljarða í beinhörðum peningum, skattaafsláttum,
niðurgreiddu rafmagni og náttúruverðmætum þá
fær Alcoa að eigna sér þjóðgarðinn
sem á að ná frá Skaftafelli niður
Jökulsárgljúfur fyrir litlar 20 milljónir.
Hér eftir verður allt myndefni af þessu svæði
til reiðu í kynningarefni Alcoa og fyrirtækið getur
sagt heiminum að öll þessi fegurð sé Alcoa að
þakka. Þetta er eins og Bílaverkstæði Bödda
fengi að nota Björk ókeypis í öllu kynningarefni
þrátt fyrir að eigandinn hafi nýlega bakkað
yfir hana.
Fyrirtæki sem stendur í mestu eyðileggingu á
náttúrugersemum á Íslandi verður tákn
fyrir verndun. Írónían er auðvitað sú
að ekkert ógnar þessum svæðum nema einmitt áliðnaðurinn.
Versti markaðsfræðingur í
heimi getur séð að stórfyrirtæki ætti
að borga milljarða fyrir að vera opinber verndari höfuðdjásna
Íslanda og enn meira ef fyrirtækið er þekkt
fyrir mengun og eyðileggingu.
Stjórnmálamenn og fjölmiðlar virðast ekki
hafa ímyndunarafl til að sjá eða sýna okkur
hvert þjóðin stefnir. Leiðin til álnauðar
er vörðuð góðum ásetningi.
Nú þegar stefnir í að ársframleiðsla
verði um 1.5 milljón tonn með álverum á Reyðarfirði,
Hvalfirði, Húsavík og Helguvík og þrefaldri
Straumsvík. En fjögur þeirra munu vilja eða neyðast
til að tvöfaldast í framtíðinni. Það
væri blekking að ímynda sér annað. Rannsóknir
í Skjálfandafljóti, Héraðsvötnum,
Kerlingarfjöllum, Torfajökulssvæði og Langasjó
staðfesta hvert orkufyrirtækin stefna og að tæknileg
markmið eru komin upp í tvær og hálfa milljónir
tonna. Sú staðreynd að Þjórsárver eru
á ís sanna þennan vilja, annars væru þau
sjálffriðuð.
Orkufyrirtækin vilja gera Ísland að stærstu
álbræðslu í heimi, á því leikur
enginn vafi, verktakar vilja það, ASÍ vill þetta,
Sjálfstæðisflokkurinn vill þetta, Framsóknarflokkurinn
vill þetta og Samfylking hefur spilað með um allt land.
Century sem rekur álverið á Grundartanga er örfyrirtæki,
það gæti auðveldlega runni inn í Alcoa samstæðuna.
Þá mun Alcoa eiga fjórar verksmiðjur á Íslandi
sem allur munu þurfa að tvöfaldast. Hvert leitar slíkt
vald og slíkur vilji? Á meðan forstjóri Össurar
þarf ekki að ganga í miðstjórn framsóknarflokksins
til að hanna betri gervilimi og Marel þarf ekki á velvild
ráðherra að halda til að þróa betri vinnslulínu,
á meðan allt hið skapandi afl á Íslandi leitar
í útrás, þá mun ál og orkiðnaðurinn
standa í innrás og leita í pólitík enda
byggist vöxturinn á aðgangi að helgustu véum
þjóðarinnar og þetta vald mun stýra samningagerð
okkar í loftslagsmálum.
Enginn fjölmiðill hefur viljað birta okkur í hvaða
átt við erum að fara. Væri æskilegt að einn
og sami aðili eignaðist fjórar verksmiðjur á
Íslandi sem allar vilja stækka? Og þegar þau hafa
stækkað, munu þau
ekki vilja stækka? Er opið bókhald hjá stjórnmálaflokkum?
Kerlingarfjöll, Þjórsárver, Reykjanesið,
Friðlandið að fjallabaki, Langisjór, Skjálfandafljót
og Héraðsvötnin, allt þetta geta stjórnmálamenn
látið af hendi á næstu árum. Ef valdið
er tafl þá eru venjulegir sveitarstjórnarmenn látnir
glíma við stórmeistara í samningagerð sem
hafa snúið á stjórnvöld og haft áhrif
á lagasetningu í stærstu ríkum veraldar. Á
móti þessum stórmeisturum spila ráðamenn
lúdó. Bisnessvit þeirra verður ekki í askana
látið.
Leiðin til álnauðar er vörðuð góðum
ásetningi. Þótt hver í sínu horni sé
velviljaður er heildarmarkmiðið hrein yfirlýsing um
fjandsamlega yfirtöku á íslensku atvinnulífi
og náttúru. Næstu kosningar eru mikilvægustu
kosningar Íslandssögunnar. Við erum að kjósa
um það hvert Ísland stefnir. Á laugardag ætla
þúsundir Íslandsvina að ganga niður Laugaveg
klukkan 13:00 ásamt mörgum helstu tónlistarmönnum
þjóðarinnar
og mæla þannig með annarri framtíðarsýn.
26.05.06
Skv. áreiðanlegasta tímariti landsins, Hér
og nú, er mér boðið í "flottasta partí
ársins" á morgun ásamt flestum stórmennum landsins
(ég er t.d. mitt á milli Dóru Takefusa og Gillzenegger
á gestalistanum). Boðsgestir eiga að vera búnir að
fá sérhannaðan kristal sem er boðsmiðinn, en
ég er ekki búinn að fá neinn kristal og finnst
það ógeðslega fúlt. Hvar er kristallinn minn!?
Ekki það ég myndi mæta enda skil ég ekki
til hvers þetta partí er. "Valið á boðsgestum
veislunnar virðist vera einfalt, ekki of mikið af strákum
og skilyrðið er að vera kúl," segir H&N og bætir
við: "Um tuttugu gellur með líkamsmálningu munu þjóna
gestum og stelpurnar úr ungfrú Íslandi munu einnig
mæta" (og hvað, verða gestir tottaðir?). Það
væri gaman að vita hvaða grínista datt í hug
að setja mig á listann, enda leitun að hallærislegri
flottræfilshætti en svona smáþjóðamilljónera
og örstirnarugli. Það segir sig sjálft að ef
maður er kúl þá er maður auðvitað of
kúl fyrir "flottasta partí ársins þar sem er
skilyrði að vera kúl".
---
En samt... Hvar er kristallinn minn?! Í mér blundar sá
nagandi efi að kannski sé ég ekkert á boðslistanum
heldur er þetta bara eitthvað klúður í H&N.
(Kannski komust þeir ekki yfir boðslistann heldur í uppboðslista
frá Skattinum.) Þá er ég í djúpum
skít því þó það sé ekki
kúl að mæta í veisluna þá er það
jafnvel enn minna kúl að vera ekki á gestalistanum. Ég
hégómlegur? Aldrei!
25.05.06
Skv. Borat heimasíðunni
er kvikmyndin tilbúin og sýnt á Cannes. Eflaust mynd
árins! Á myndbandalager Google má finna helling
af Borat stöffi. Geðveik snilld, t.d. I'm
Locust, fuck to you... Það er reyndar hellingur
af Borat á Youtube líka, en gæðin eru aðeins
skárri á Google, sýnist mér.
24.05.06
Skúli Helgason fékk mig til að vera með í
"Við kjósum Samfylkinguna" auglýsingu. Ég spurði
hvort ég fengi ekki 8000 kall en hann hló bara. Ég
sem var að meina þetta. Fyrir framan WC voru ungsjallar að
gefa vatn. Ég hugsaði: Ef þeir verða hérna
ennþá og gefa mér vatn þegar ég er búinn
þá skal ég kjósa þá, eða a.m.k.
íhuga það. Þeir voru svo náttúrlega
ekkert á svæðinu þegar spinningið var búið
svo ég slapp við þá dilemmu. Ég hef verið
að hugsa upp ýmsar aðferðir til að gera ógilt.
Það gæti þó verið alltof mikil vinna fyrir
það eitt að einhver ungliði í talningadeildinni
sem gæti ekki verið meira sama sjái útkomuna. Svo
má skila auðu, en það er eiginlega ðe últimeit
fýlukast, eða andstaða, samt dáldið gufulegt
að mæta bara, fara inn í sturtuhengi lýðræðisins
og gera ekki neitt. Pönkbandið Fjölnir, sem skv mínum
heimildum er einhver 17-18 ára gaur, er hér með stórgott
lag um það að skila
auðu. Tékkið líka á hinum
lögunum þeirra/hans.
23.05.06
Í framhaldi af símhlerana-skandal Bjarna Ben (sem er
pabbi Björns Bjarnasonar, kids) hefur verið sýnt viðtal
við gamlan komma, Kristján eitthvað. Hann er vörpulegur
og sagði að þessir njósna-wannabe-gaurar hefðu
bara verið "aumkunarverðir". Flott. Svo sagðist hann ekkert
ætla að fá peninga þótt hann færi í
mál því hann ætti nóg af peningum og þyrfti
ekki meira. Flott. Það er alltaf frábært þegar
fólk gefur skít í peninga á þessum tímum
þegar þeir eiga að vera upphaf og endir alls og undirstaða
hamingju og eiginlega bara eini hvatinn til að draga andann á
annað borð. Þess vegna finnst mér myndin af Palla
sem var einn í heiminum að henda klinki í göturæsið
vera ein flottasta myndin í þeirri flottu bók.
---
Ógnvekjandi og "Jaws"-leg auglýsing frá Exhummerbé
er í Blaðinu í dag. Mynd af ísjaka og gefið
í skin að það sé nóg af fábjánum
í felum sem muni kjósa þennan flokk. Hver á
eiginlega að kaupa svona rugl? Ertu með?! Nei ég er fokking
ekkert með!!!
---
Nú er tími endurnýjunar. Keypti umgang á
bílinn hjá Nesdekk. Það er ekki í frásögur
færandi nema að í afgreiðslunni voru ekki þessi
hefðbundnu leiðindatímarit heldur hrúgurnar af tónlistarblaðinu
Mojo,
besta tímariti í heimi. Ég hefði grúft
mig yfir þetta væri ég ekki áskrifandi. (verð
umgangs: 30.950 kr). Svo var ég orðinn heyrnarlaus og fór
til heimilislæknis til að láta skola út. Hann sprautaði
volgu vatni í eyrun á mér og drulla á stærð
við eyrnatappa valt út (verð skoðunar: 700 kr).
---
Hvað á að kjósa? Ég er tvístígandi
að vanda en hallast að sjálfssögðu á vinstri
vænginn eins og allt eðlilegt fólk. Bara verst að
það er ekkert sem höfðar almennilega til manns. Kannski
af því maður er svo laus við hugsjónamennsku
og þolir ekki lið sem er svo ægilega visst í sinni
sök þótt undir niðri sé þetta lið
bara að hugsa um að næla sér í gott djobb næstu
4 árin. Ég held ég hafi aldrei verið almennilega
sáttur við það sem ég hef kosið. Alltaf
skammast mín og þótt ég hafa gert mistök.
Einu sinni kaus ég Allaballa og sá svo Svavar Gestsson keyra
snobblegan aftan í svörtum ráðherrabíl skömmu
síðar. Fannst ég hafa verið svikinn – afhverju var
mannhelvítið ekki á hjóli? Ég sagði
hér um daginn að ég ætlaði að kjósa
VG. Ég er hættur við. Samfylkingin er aðeins skárri.
Er maður ekki bara samfokkari? Miðaldra millistéttarblesi?
Dagur og Steinunn eru ágæt, svona léttleikandi dressmanlið
á meðan VG er nú meira fatabúð Hjálpræðishersins.
Svo eru þrír aðrir möguleikar. Nei ég er ekki
að tala um að kjósa Exbé, F eða Dé (ég
þyrfti að vera með heilaæxli til að detta það
í hug), heldur eru það möguleikarnir 1. mæta
ekki á kjörstað, 2. skila auða eða, 3. gera ógilt.
Af þessum kostum er skemmtilegast að gera ógilt. Ég
gerði einmitt ógilt í kosningunum Vigdís/Sigrún
og það var mjög ánægjuleg upplifun á
lýðræðinu. Það eru eiginlega einu kosningarnar
sem ég hef tekið þátt í og ekki séð
eftir. Ég teiknaði mjög glæsilega klámmynd
af frambjóðendunum á kjörseðilinn og skammast
mín ekki neitt fyrir það. Semsé, mér sýnist
þetta vera 50/50 ógilt eða Samfylkingin, en ætli
Samfylkingin verði ekki ofan á enda Felix vinur minn númer
13 á listanum. Þessari skoðun má þó
breyta, segjum, fyrir 8000 kr á borðið (Exbé 80.000)
eða með loforði um feitan "styrk".
22.05.06
Helsinki maí 2007. Eurovision. Meðal laga í keppninni
verða "To hell and back" með úkraínsku hljómsveitinni
The Zoviet Zombies, "Flames of hell" með Monsters frá Moldóvu,
"Hard cock hot rock" með Hvítrússanum Boris the Bat og
"Devils and Angels", sem flutt er af hinni vörpulegu sveit Skeletor
frá Slóveníu. Regína Ósk (snoðrökuð
og náhvít í svartri hempu) fer fyrir Íslands
hönd með lag Hallgríms Óskarssonar við texta
Kristjáns Hreinssonar, "Kiss me in the graveyard". Við komumst
ekki upp úr undankeppninni.
21.05.06
Þokkalega fyndið að finnska dótið vann – gaman
fyrir Finna, það eðal fólk. Sjálfur kaus ég
uppáhaldslagið hans Dagbjarts, We are the winners, enda leitun
að öðru eins rugli. En Topp fimm er ekkert rugl:
Powersolo
- Knucklehead: Næst á dagskrá tónleikagóðærisins
er rokkabillípakki ársins á NASA næsta föstudag
(26.05). Þar mætir Jon Spencer með Heavy trashið sitt
og tvö dönsk bönd, þetta
og Tremolo beer gut. Til að klóna hnossið ætlar FRÆ
að spila líka, en eins og kunnugt er er væntanleg fyrsta
plata FRÆ sem jafnframt er besta plata ársins só far.
Powersolo hafa víst spilað hérna margoft en ég
náttúrlega aldrei séð þá enda með
mosavaxið rassgat. Nýjasta platan þeirra er EGG og þar
má finna þetta ýkt gerðarlega lag sem kemur öllum
í gott skap. Kannski maður skelli sér?
Metric
- Monster Hospital: Frá Kanada og töffrokk. Emily Haines
heitir söngkonan og þetta band hefur víst starfað
árum saman. Þetta góða lag er á síðustu
plötu, Live It Out, sem kom út í fyrra.
Snakefinger
- The man in the dark sedan: Gítarleikari sem vann mikið
með The Residents, en á tímabili fannst mér sú
útúrflippaða tilraunasveit það besta í
heimi. Snákfingur gerði nokkrar sólóplötur
og þetta flotta popp er af þeirri fyrstu, Greener Postures
síðan 1980. Karl greyið dó 1987, 38 ára gamall.
Red
Krayola - Wives in orbit: Hljómsveit sem Mayo Thompson er búinn
að reka síðan 1966. Tilraunagrúv og flipp og hrúga
af stöffi. Ekki band sem ég hef sett mig ýkja mikið
inn í (þetta er í Captain Beefheart deildinni og ég
hef litla viðdvöl þar), en þetta lag er helv gott.
El
Perro de mar - God knows: Sara frá Gautaborg kallar sig El Perro
de mar og gaf nýlega út plötu með sama nafni. Hún
minnir á einhverja dramadívu frá 1960 og eitthvað
nema með nútímablæ, einnig er smá Julee
Cruise þarna í pottinum líka. Svalt.
---
Svo minni ég á Tónlistarþátt Dr.
Gunna í dag kl. 14 á XFM. Klikkar ekki!
19.05.06
Þetta er náttúrulega vangefið þetta lið
sem kýs í Evróruslinu! Tattúveruð tyrknesk
ýsa og We are the winners - WE ARE! WE ARE! komust áfram
(Litháen reyndar uppáhaldslag sonar míns, en hann
er 2 ára), en við sátum eftir, rammfölsk og sjúklega
fyndin (nei í alvöru). Ekki nenni ég allavega að
horfa á þessa drullu á laugardaginn, enda ljóst
að vindþurrkaða sænska beljan tekur þetta. Ég
hef annars heyrt að það eigi að gera enn eina seríuna
með Silvíu
Nótt næsta haust en maður spyr samt, er þetta
ekki orðið ágætt bara?
18.05.06
Ef ég væri í ríkisstjórn Ísland
gengi ég með hauspoka:
* Helmingi dýrara að kaupa í matinn hér en
annars staðar og vöruúrvalið lélegt (ok kannski
ekki Ríkisstjórninni að kenna).
* Vaxtageðveiki og verðtrygging - leigubransinn ónýtur
svo þú verður helst að kaupa þér íbúð
og þá ertu með það á bakinu í
40 árum á lánum sem lækka aldrei.
* Dýrasta bensín í heimi
* Heilbrigðiskerfið í rúst
* Gamlingjar að missa vitið
* Fólk í ummönunarstörfum að missa vitið
Svo ekki sé talað um allt hitt (launamisrétti kynjanna
mest í Evrópu, náttúruskandalar o.s.frv). Ég
segi það enn og aftur, þetta er hryllileg staðreynd
en Ísland er ekki besta land í heimi. Stjórnarandstaða
sem getur ekki notað þessa punkta til að komast til valda
á næsta ári er rusl.
---
Stóra stundin er runnin upp. Hvert ætla Ágústa
og Gaukur eiginlega með þetta Silvíu grín?! Verður
kúkað á sviðið? Aðkallandi spurning er: Hvað
á manni eiginlega að finnast, hvaða skoðun er mest kúl
að hafa á Silvíu? Hér er mjög áríðandi
könnun fyrir fólk sem vill vera á tánum í
kúlinu og með vaðið fyrir neðan sig og ekki eiga
það á hættu að vera tekið í landhelgi
plebbismans. Jafn áríðandi könnun hefur sjaldan
verið gerð.
Svara þarf af fullri einlægni og bannað er að feika
sig meira kúl en maður er.
---
Ég ætla allavega að grilla.
17.05.06
Fríkirkjan er ágæt til hávaðasnauðra
tónleika. Slowblow fluttu ósungið stöff, hljómaði
eins og sándtrakk. Minnti Heiðu á Tindersticks. Smoggurinn
mætti með Musicman gítar og sló takt með löpp
á tambórín. Svakalega svæfandi Velvet Underground-legt
moð en líklega mun betra með fullu bandi. Hörpukrútta
Newsom mætti og sló á létta strengi. Svaka flink
á hörpunni (og hlýtur að vera með sterka putta)
og galaði eins og Kate Bush á helíumi. Spilaði eitthvað
af nýju plötunni sem hún gerir nú með Van
Dyke Parks. Sumt af því minnti á stöffið hans
Parks af Song Cycle. Óheyrilega langt sumt, en annað sæluþrungið
himneskt hnoss. Gaman aððí.
---
Morfínfíklarnir Jói og Gugga (sem NFS fylgist
nú með af vandræðalegum áhuga) afsaka aumingjaskapinn
með því að það sé "fíkillinn"
í þeim sem ráði. Eyþór afsakar aumingjaskapinn
með því að "dómgreindarleysið er "nokkrum
rauðvínsglösum" að kenna" (Hvernig ætlaði
hann að komast til baka og var hann ekki edrú áður
en hann byrjaði að drekka?) Það er alltaf best að
kenna öðru um, sérstaklega er gott að finna upp "sjúkdóm"
til að klína öllu á. Þegar leti verður
skilgreindur sem sjúkdómur verð ég fyrstur í
röðinni með resept.
16.05.06
Voðaleg lúðasól er þetta sem hangir yfir
karlgarminum honum Eyþóri Arnalds. Maður hélt hann
væri loksins að meika það á Selfossi en nei
nei, allt í megasteik. Ég nenni ekki að jarma eins og
púki á fjósbitanum yfir óförum annara,
nóg er nú úrvalið í þeim hópi,
en þetta minnir allt á eitthvað spillt stjórnmálaplott
úr bók eftir Carl Hiassen. Fyrst glossí plögg
í öllum glansblöðum um yfirvegaða jarðbundna
manninn á sveitabænum og svo þetta fylliríis-stinga-af
dæmi. Passar ekki alveg.
---
Eyþór var annars bara voða almennilegur og góður
að vinna með þegar hann var pródúser á
Ununarplötunni æ svo ég hef ekkert nema gott um hann
að segja, þannig, en líklega uppskera menn bara eins og
þeir sá.
---
Sit við skriftir á söngleiknum Abbababb (áætluð
frumsýning janúar 2007). Það er dálítið
erfitt að skrifa söngleik þegar maður hefur aldrei gert
það áður, og eiginlega aldrei séð söngleik
einu sinni. Kannski verður þetta þá bara frumlegra
fyrir vikið. Lögin af plötunni verða notuð í
þessu + ný lög og lagabútar. Nú þegar
eru komin nokkur ný lög, "Hr. Rokk kynnir sig" og "Pála
spáir" sem dæmi. Verst hvað veðrið er gott. Erfiðara
að beita sig aga við lyklaborðið ef það er ekki
rigning og rok úti.
14.05.06
Hvað á maður að kjósa í þessu
drulli? Ekki Exbé, það segir sig nú algjörlega
sjálft og ekki exdé, því þeir vinna hvort
eð er og það er hallærislegt að styðja vinnera.
Ólafur Eff er nú langt í frá eitthvað sexí
enda bara gamall sjalli sem fór í fýlu eins og allur
þessi asnalegi Efflisti. Samfylkingin er ekkert sexí heldur,
ægilega næntís eitthvað, það er einhver
smeðjulegur leiðinablær yfir þessum flokki og maður
sér alltaf hinn smeðjulega ræfil Tony Blair fyrir sér,
enda er Samfokk bara vonnabí Tony Blair þó þeir
vilji endilega sverja það af sér núna. Þetta
er svo sem ekkert vont lið, þannig, bara óspennandi. Dagur
hleypur eins og kona með fótboltan á undan sér
í myndskeiði úr þætti Jóns Ársæls
og Stefán Jón er nú bara eitthvað hármódel
frá 1986. Frú borgarstýra er reyndar ágæt
(hafði vit á að hækka lægstu laun og svona)
en það var ekki trúað á hana áfram heldur
sáu allir framtíðarmöguleika í litla Kennedy.
En Samfylkingin verður aldrei neitt neitt, trúðu mér,
flokkurinn kemst ekki í stjórn landsmála 2007, nó
vei. Ingibjörg er alveg búin að vera eftir að hún
laug sig úr borgarstjórastóli og Össur er óttalegur
vindbelgur. VG er skást, eins og ég hef áður bent
á, og þetta verður örugglega bara eitthvað samkrull
VG og Dé í borginni og í landinu síðan.
Mér sýnist það rakið. Sjallahækjan Exbé
er að verða sjálfdauð og því koma kommarnir
í VG og verða sjallahækjan í staðinn. En hvað
veit ég svo sem.
---
Nú er tími fótboltaauglýsinga og fáar
toppa þessa nýju frá Landsbankanum. Hún hefur
það allt: Vidda og Björgólf á lyftara, Krumma
í Mínus og blótandi fótboltahelmút frá
Akranesi, Einar Kárason, Halla holdgerfing fótboltafávitismans
og allan pakkann. Æpandi spurning er þó, Hvar er Tóti
úr Íslenska draumnum?
---
Ég brýt odd af antisportistaoflæti mínu
þegar HM byrjar og glápi
á eitthvað. Að sjálfssögðu vona ég
að montrassgötin í Englandi tapi sem flestu og að einhver
lúserlið frá Afríku vinni sem mest. Mér
líst ágætlega á að halda með Tógó
og Ástralíu.
---
Í dag kl. 14 er stórfenglegur útvarpsþáttur
sem ég myndi ekki missa af. Hann er á XFM. En nú,
nýr og brakandi ferskur hátækni Topp Fimm!
Gylfi
Ægisson - Í stuði: Ég var að keyra og kveikti
á útvarpinu og þá var verið að spila
þetta lag af nýjustu plötu meistara Gylfa. Ég
komst undir eins í rokna stuð og var glaður og hamingjusamur
á meðan lagið stóð yfir. Besta lag sem ég
hef heyrt lengi! Það eru ekki margir sem ennþá hafa
þor til að ríma "ball" við "rall" en Gylfi gerir það
með hvílíkum bravúr að maður klökknar
næstum því. Á þessu augnabliki ákvað
ég að næstu Dr. Gunna plötu verður hægt
að lýsa sem "Gylfi Ægisson "á sýru"" og
ég fór strax heim og samdi lagið "Meira stuð" undir
bullandi áhrifum frá Gylfa. Annars væri margt vitlausara
en að stefna að því að komplítera útgáfur
meistarans, hann hefur gert einhverjar 20 plötu á síðustu
20 árum og gefur þetta allt úr sjálfur. Sannur
öndergránd listamaður. Pródúsjónin
í þessu lagi er spennandi, þetta píanó
minnir mig einhverra hluta vegna á Joe Meek.
The
Go-Betweens - Cattle and Cane: Fallinn er frá bassaleikari og
annar aðalmaður þessarar áströlsku hljómsveitar,
Grant McLennan (48 ára). Hann og Robert Forster höfðu starfrækt
bandið í um þrjátíu ár (reyndar með
hléii frá 1988 til 2000) og gáfu síðast
út plötu í fyrra. Alltaf góðir, eðal
fullorðins indie popp og mörg snilldin á ferð á
mörgum plötum. Hér er lag eftir Grant af annarri plötu
sveitarinnar, Before Hollywood, sem kom út 1983.
Phoenix
- Long Distance Call: Franskir popparar af plötu #3. Ég
myndi halda að þetta yrði komið í magnspilun innan
skamms, enda drullugrípandi og frans-kúl.
Danielson
- Did I Step On Your Trumpet: Ný plata, Ships, frá þessu
skræka stórmenni. Ekki ólíkur Syfjan, bara flippaðri
og trúaðri, skilst mér.
Morðingjarnir
- Lest það ekki í bók: Út er komin 12
laga plata Morðingjana, Í götunni minni. Hér kveður
við hráan drullupungtón með meitluðu melódíulími
í þéttum pakka fyrir heiðursmenn og konur. Reddaðu
þér eintaki.
13.05.06
Það skemmtilegasta í blöðunum í dag
er tvímælalaust þetta:
Sigurdís safnar öllu milli himins og jarðar, þar
á meðal skeggjuðum körlum.
---
Dettur engum sama orðið og mér í hug um "Silvíu
Nótt": Þreytt?
12.05.06
Til sölu er Gibson SG Junior árg. 1970 með öllu
upprunalegu. Fæst á gjafverði (tilboð óskast),
upplýsingar gefur undirritaður.
Ég og þessi gítar eigum ekki skap saman og þess
vegna vil ég losna við hann.
---
Það er eitthvað trist við það að Kaninn
sé að fara. Jafn trist og við allar breytingar yfirleitt,
ætli það ekki. Dauði og breytingar, ekki gott. Það
er best að allt sé alltaf eins, nei kannski ekki. Þegar
ég rekst á takka í stýrinu í bílnum
mínum dettur útvarpið stundum á AM skalann og
þar er stillt á 1530 sem er Kanaútvarpið. Oftast
er eitthvað röfl en stundum alveg glötuð tónlist,
sykurkántrí eða gufulegt AM-popp. Svona hefur þetta
verið lengi. Maður var eitthvað að reyna að hlusta
á þetta á uppvaxtarárum sínum, ég
man að það voru þættir til skiptis, kántrí
eða popp, aldrei pönk, það skásta var eitthvað
iðnaðarrokk. Casey Countdown var eitthvað Topp 10 dæmi
sem maður hlustaði stundum á.
---
Bráðum kemur bara suð þegar maður rekst á
takkann. Trist. En hvarmar mínir eru þurrir.
---
Sala varnarliðseigna var annað dæmi, mjög furðuleg
búð á Grensásveginum. Reyndar er búið
að loka henni fyrir nokkrum árum. Karlar með brilljantín-rokkgreiðslu
seldu manni kanadrasl. Úrvalið fór hríðversnandi,
síðustu árin var þetta bara orðið vandræðalega
lélegt. En þegar ég var svona 12 var þetta spennandi,
sérstaklega þar sem kommarnir foreldrar mínir hefðu
orðið klikk ef þeir vissu að ég væri að
hanga þarna. Úrval af vinýlplötum var ágætt,
KISS, SUPERTRAMP, BOSTON, ELO og fleira í þeim dúr
ef maður var heppinn (aldrei SEX PISTOLS náttúrlega,
þrátt fyrir mikla leit). Á Grensásvegi var líka
leiktækjasjoppa sem hægt var að hanga í. Ég
var einhversstaðar um daginn og fann lykt sem minnti mig á þessa
leiktækjasjoppu, eða kannski leiktækjasjoppuna sem var
í Þverholti. Djöfull skrýtið þegar maður
fær lyktar-flassbakk og mjög skemmtilegt. Ákveðin
tegund af strokleðri fær mig alltaf til að fá flassbakk
í pakka sem systir míns endi mér frá Danmörku
þegar ég var barn. Að sjá þetta: Gamall maður
með ekkert nema minningar!
10.05.06
Hverjum finnst flott að keyra um á Hömmer? Nú
öllum ríku köllunum. Bæði Jón Ásgeir
og Björgólfur eiga, eða hafa átt, Hömmera.
Kosningabíll Exbé bjálfana er Hömmer. Segir sitt.
Og nú er DAS farið að bjóða Hömmer sem fyrsta
vinning. Djíses kræst hverjum langar í þetta
ferlíki? Afhverju ekki bara að hafa fyrsta vinning skriðdreka
frekar? Þetta eyðir 14-17 lítrum á hundraðið
og líklega mun meira innanbæjar. Ofsasniðugt að vera
á svona þegar bensínið er í 125 kalli og
á leiðinni í 180 kall (hefur maður heyrt). Hömmer
er bömmer. Mæli þá frekar með Toyota Aygo.
Eyðir 4.9/100.
---
Svona heyrist mér kosningabaráttan vera: Bla bla Sundabraut.
Bla bla flugvöllur. Bla bla agalegt að þurfa alltaf að
vera að skutla öllum allt. Bla bla botngöng. Bla bla bla.
Djöfulsins leiðindi.
---
Mark E Smith er alveg að spila út á FALL-túr
um USA núna. Það má lesa fréttaskýringar
á Pitchforkmedia. Hér
er heimasíða hljómsveitarinnar,
hvers söngvari henti bananahýði í gamla skúnk.
Leiðinlegt fyrir þá að þetta atvik verður
það eina sem sveitin verður þekkt fyrir í sögubókum
tímans.
07.05.06
Mér datt í hug smásagnakverið Þrettán
sögur um mannskít. Að rekast á gamlan mannaskít
á víðavangi er nefnilega eitthvað það asnalegasta,
svo ekki sé talað um ógeðslegasta (ef hann er nýr),
sem maður getur lent í. Kveikjan er saga sem ég heyrði
af fólki sem var á fylliríi og fékk þá
snilldarhugmynd að fara upp í gólfvöll og skíta
í allar holurnar. Það varð ekkert af þessu enda
komið undir morgun og fólkið að þynnast upp.
---
Datt líka í hug plötutitillinn Um áhrif
4.5 milljarða ára eldkúlu á mig og allt hitt fólkið
á
eitthvað, kannski plötu. Ýmislegt sem maður hugsar
í tölti á fjalli. Var einmitt kominn upp á Esjuna
(#2) kl. 07:38 í morgun (fyrstur í dag) en mætti svo
urmli fólks á leið niður. Annar hver maður í
engu nema stuttbuxum. Mætti m.a. uppskrílaðri konu sem
leit út eins og vinkonan í Ab Fab. Hún var þó
ekki á pinnahælum.
---
Feðgar fórum á "Vestfirska Perlan". Vestfirðingar
eru yfirleitt frábært lið og mun afslappaðra sýnist
manni en margir. Við fengum að smakka kjöt og fisk og heyrðum
óminn af eina leikararnum á Vestfjörðum sem tróð
upp. Það er gaurinn þarna sem er alltaf með sólóleikhús.
---
Í þágu almannahagsmuna er nú boðið
upp á Topp 5!
Clor
- Stuck in a tight spot: Fimmmanna breskt band frá Brixtonhverfi
Lundúna. Gerðu fyrstu plötuna sína í fyrra
og segja Gary Numan og Devo helstu áhrifavalda. Eiga nokkur dúndurlög,
eins og t.d. þetta.
Inspiral
Carpets - I Want You (með Mark E Smith): Farfísubandið
ægilega með gamla grána úr Fall í svaka
stuðlagi frá 1994.
x
My
Latest Novel - The Reputation of Ross Francis: Skoskt og í Sufjan,
Arcade, Belle-fílingi. Árennilegt. Af plötu #1, Wolves.
Melt
Banana - Faint heart: Þegar ég var sirka 17 til 21 árs
fannst mér Birthday Party besta hljómsveit í heimi.
Þetta byrjaði þegar ég fékk "Prayers on Fire"
í Safnarabúðinni og endaði líklega þegar
Nick Cave var farinn að syngja einum of mikið um Guð og hljóma
einum of mikið eins og Leonard Cohen. Eða kannski bara þegar
Pixies mættu á svæðið. En allavega, út
er komin tribjútplatan Release the bats þar sem 18 bönd
riðlast á BP lögum (og Boys next door lögum). Ég
er enginn sérstakur tribjútplötu aðdáandi,
en þetta er alltaf ágætt. Megnið af þessum
böndum þarna hefur maður aldrei heyrt um áður,
en eitt besta framlagið er frá þessum hressilegu Japönum.
Franz
Ferdinand & Jane Birkin - A song for sorry angel: Af öðru
tribjúti, nú um Serge Gainsbourg. Hér riðlast
stórmenni eins og Jarvis Cocker, Michael Stipe, Portishead... á
lögum meistarans og allt á ensku, en það verður
þó að segjast alveg eins og er, að bæði
á þessari plötu og á BP tribjútinu, að
orginalarnir eru nokkur hundruð sinnum betri. Eitt besta lagið
er þetta þar sem gamla mein-skvísan hans Gainsbourg
(sú sem er með honum á umslaginu) og skoska Joy Division-rokkfjörið
FF leiða saman "hesta" sína.
06.05.06
Ef Exbé nær manni inn á froðulegu kosningaherferðinni
sinni er það endanleg sönnun á hálfvitaskap
Íslendinga. Reyndar héldum við Lufsan að auglýsingaherferðin
"Jón og Gunna Group" væri frá exbé, en þá
var það bara frá Sparisjóð (eða einhverju
álíka). Þar sem DV er ekki lengur til að hundelta
bjána sem leggja í stæði fatlafóla verð
ég víst að taka það að mér að
birta þessa fallegu mynd sem finna má hjá rannsóknarblaðamanninum
Bjarna
Má:
---
Annars er ég að hugsa um að kjósa bara Vinstri
græna af því það er réttast (og bæði
Erpur, Villi naglbítur og Dóri Dna gera það – howsabátitt?)
VG er eins og að éta gulrætur en ekki kókosbollu.
Það er náttúrlega skemmtilegra að éta
kókosbollu en til lengri tíma litið eru gulrætur
betri. Þessir forpokuðu kommadurtar eru allavega heilir í
sínu.
05.05.06
Svo mikið er framundan af tónleikum að hér er
yfirlit:
* Manchester-giggið er á laugardaginn (morgun)! Illa teiknaður
strákur, Olnbogi, Bergmál og kanínumenn og bassaleikarinn
úr Smiðunum + íslenskt!
* 16 og 18. maí: Ofurkrúttið Joanna Newsom og kærastinn
hennar, Hr. Smog í Frík-irkjunni.
* 17 maí: Krútt-systurnar Coco Rosie í Nasa.
* 23. maí: Gamli maðurinn með flautuna, Ian Anderson,
í Laugardalshöll.
* 26. maí: Heavy Trash (Jon Spencer og einhver gaur) + hin dönsku
Tremolo Beer Gut og Powersolo (að spila hérlendis í þriðja
skipti sýnist mér). Í Nasa.
* 2-4 júní: Reykjavík
Trópík með sæg íslenskra hljómsveita
plús Girls in Hawaii og ESG og Supergrass.
* 4. júní: Megarokkstelpurnar Sleater-Kinney á
Nasa.
* 9. júní: Synir Zappa rifja upp helstu verk pabba síns
í Laugardalshöll.
* 12. júní: Bassaleikarinn úr Pink Floyd mætir
með dolbí steríó í Egilshöll.
* mánaðarmót júní/júlí:
Mötörhead, The Darkness og David Grey á þriggja
kvölda Reykjavík rokkar í Höllinni.
---
Eins og sjá má er þetta sturlingslega mikið
framboð og eins og best gerist erlendis. Ég held að þetta
slái nú bara öll met á framboði, sérstaklega
maí, en þar bætist Listahátíð við
með allskyns miðaldrakerlingalegu stöffi. Ég er viss
um að þetta er kúfurinn á línuritinu því
það er augljóst að þetta á ekki allt
eftir að ganga upp. Þá fer fólk að sjá
að sér og framboðið minnkar aftur. Það er
því um að gera að njóta framkvæmdagleðinnar
á meðan síðustu blóðdropar góðærisins
drjúpa úr nautinu.
---
Eins og komið hefur fram er enginn í almennilegu stuði
nema hann sé með mæspeis síðu. Samkvæmt
nýjustu talningu eru 1380 íslenskar hljómsveitir á
Mæspeis. Hér eru nokkrar þeirra:
* Donna Mess er svaka
gott band en eiginlega bara sólóið hennar Bjargar. Hún
hefur nú opnað veftitið Konur
eru konur bestar sem tekur á konum í tónlist.
Ekki vanþörf á því. Ég varð var
við smá kvennastuð þarna um árið þegar
það
voru haldnir tónleikar í Kling og Bank og Peaches mætti
skömmu síðar á svæðið og það
var allt að gerast, en svo varð eiginlega ekkert úr þessu.
Þannig. Eða kannski ekkert frekar en gengur og gerist í
þessu harki.
* Eberg er Einar Tönsberg
og tilbúinn með plötu númer 2, Voff voff. "Love
your bum" er hittari.
* Morðingjarnir
eru frábært pönk. Handan við hornið er 12 laga
plata með þeim sem er 25 mínútur enda algjör
óþarfi að hanga yfir þessu.
* Benny's Crespos
gang er ein af þessum íslensku undir-áhrifum frá
Muse, Radiohead o.s.frv. hljómsveitum, en kannski bara betri en
flestar þeirra. Lovísa
sem er í bandinu er með sóló sem Lay
Low og er líka í kántríbandinu Starlight
Motels. Svaka magn hæfileika.
* KGB er bæði Unsound
og Bob Justman. Sem ætla
báðir að gera plötu í ár!
* Tunaphone er Halli
að dútla góða hluti.
* Mongoose er svefniherbergis
lág-tækja.
Þetta er nokkuð gott í bili. En það er semsé
hægt að hanga á þessu tímum saman og flakka
á milli heimasíðna. Verst að Mæspeis er ekkert
sérlega gott tæknilega séð, hægt og oft leiðinlegt
og lögin eru lengi að detta í gang.
---
FTT hélt aðalfund í
gær en ég mætti ekki frekar en vanalega. Þó
hringdu tveir menn í mig (EÖB og VG sem aldrei hafa spilað
saman í hljómsveit en ættu nú eiginlega að
gera það!) og báðu mig að mæta til að
kjósa Jakob Magnússon. Það átti að koma
Magnúsi Kjartanssyni frá, en hann hefur verið yfir þessu
batteríi í 14 ár. Á hans væng voru svo
menn að smala, Skerjafjarðarskáldið fremstur í
flokki enda hann búinn að vera besti vinur aðal lengi. Popplandsliðið
var víst mjög klofið í þessu máli og
kannski hefði verið gaman að mæta, áreiðanlega
mikill hitafundur. En ég nennti því ekki enda
svo mikill félagsskítur að það ætti að
banna mig. Ég er hins vegar nokkuð spenntur að vita hvernig
þetta fór.
---
Esja#1 í gær. Drulla í Einarsmýri. Fór
að Steininum en þar brást á með grenjandi roki
og rigningu. Heyktist á tindinum en fór lengri leiðina
niður í staðinn. Helvíti fúlt að 10 mínútum
síðar var komið sólskin og Þverfellstindur
stóð í rjómabláma. Heyrði í
hrossagauk og lóu og ánni og niðurinn frá þjóðvegi
1 hverfur meira að segja þegar maður kemur ákveðið
langt upp. Helvíti gaman alltaf af þessari náttúru.
03.05.06
Igurður Poppari djöflaðist eins óður væri
og hver Stogges-snilldin rak aðra í bland við nokkur leiðinleg
hjökk. Því miður vantaði besta lagið, Search
and destroy. Og reyndar Shake appeal líka. Óskiljanlegt því
bandið hjakkaðist á nálægt öllu sem það
kann, Ég vil vera hundurinn þinn tvisvar meira að segja.
Igurður dró lið upp á svið sem skakaði sér
í rokklátum og minnti á Götuleikhúsið
að leika rokk. Ég þurfti að halda fyrir eyrun í
mestu drununum, þá orðið óbærilegt. Gamlir
jálkar í sal + nýtt kjöt. Gaman aððí.
---
Fréttir NFS um það að helstu eigendur þeirra
séu á einhverjum voða fínum bílum að
slefa utan í b-klassa selbryta í þessum hallærislega
Gömbollkappakstri minnir á bómullarekruþræla
að sleikja sér upp við húsbændur sína.
Hvað kemur okkur það við þó þetta
nýríka pakk eigi 5.9 milljónir til að splæsa
í hugsanlegt tott á búgarði Hjú Hefner?
02.05.06
Urmull fólks í Esjuhlíðum í gær
og fyrradag. Við feðgar fórum aðeins af stað, en
beygðum fljótlega af Þverfellshornsleiðinni og í
gegnum smá skóg sem er þarna. Maður er búinn
að vera í óttalegu hangsi en þarf að fara að
semja eitt stk ódauðlegan barnasöngleik. Manchester Popppunkturinn
var þrælfínn, fannst mér, enda spennandi. XFM
vann á lokasprettinum.
30.04.06
TOPP Fimm, dimmalimmalimm:
The Stooges
- Shake appeal: Sléttuúlfurinn Igurður Popp og Stúsés
eru á miðvikudaginn og miði í húsi. Þó
ég hafi vitað af bandinu frelsaðist ég seint til
Stúsés trúar, eiginlega bara svona 1996 þegar
einhver sándmaður spilaði þetta undursamlega lag af
Raw Power þegar hann var að stilla sándið fyrir eitthvað
Ununargigg í London. Mér varð svo mikið um að
ég rauk út í búð og keypti plötuna
og síðan hinar tvær. Allt saman urgandi snilld. Sá
Igurð sóló á Hróarskeldu 1997 eða 98
sem var drullugott. Á von á því feitu í
Höllinni. STOP THE PRESS: Tónleikarnir hafa verið færðir
í Hafnarhúsið!
Bonde
do role - Melo do tabaco: Brasilískir krakkar með heimskulega
stuðtónlist og enn heimskulegri texta. Í þessum
texta segir m.a. eitthvað á þessa leið: "Ég
var í partíi / ég sá hóru / ég
sleikti á henni endaþarminn / það kom skítabragð
upp í mig." Framtíðin!
Som Imaginario
- Super-god: Brasilísk sólskinssýra frá
1970. Som Imaginario var ekki eitt af höfuðvígjum Tropicalíunnar
en þetta lag er gífurlega upplífgandi.
Juana
Molina - Malherido: "Argentíska Björk" að gera góða
hluti. Af glænýjustu plötu hennar, "Son".
The
Zombies - This will be our year: Tónlistarmóment í
útlöndum: Ég í Aberdeen við eldhúsborð
tengdapabba míns. Þetta lag kemur á BBC og ég
er nokkra stund að koma því fyrir mig hvað þetta
sé og svo bingó: The Zombies. Þessi plata er algjör
snilld og á heima í sama pakka og Sgt Peppers og Pet Sounds.
Mösthaf.
---
Innipúkinn verður enn og aftur nú um Verslunarmannahelgina
og lítur vel út. Grímur er að bóka nokkur
slefandi áhugaverð útlend nöfn, bæði glænýja
stórtalenta og eldgamla legenda. Varir mínar eru síld,
en eitt hint: Eitt lag hinnar legendísku hljómsveitar kom
af stað kópavogsíska slanguryrðinu "Bazól".
---
Svo eru háskólastúdentar að færa sig
upp á skaftið og tilkynna nú um stórhátíð
í byrjun júní. Veit lítið um hljómsveitina
Girls
in Hawaii en ESG er náttúrlega legend og undursamlegt
að þetta Martin Hannett-pródúseraða nýbylgjufönk
sé að fara að spila hérna við hliðina á
manni. Ég vissi nú ekki einu sinni að þetta band
væri til ennþá. Þær hljóta að
vera orðnar eldgamlar stúlkurnar. Minna er ég spenntur
fyrir framtaki Kára Sturlusonar, þótt ég vilji
á engan hátt níða af því skóinn.
Margir munu eflaust vilja á Mötörhedd, enda gífurlega
þéttur pakki þar á ferð; HAM, Mínus
og líklega 9/11s hita upp (þess má geta að allir
meðlimir 9/11s eru með spaða tatúveraða á
öxlinni og því hneyksli ef bandið fær ekki
að spila þarna. Reyndar hafa þeir stundum verið spurðir
af því hvort þeir séu svona miklir aðdáendur
hinni ástsælu Spaða, en það er önnur saga...)
Darkness og Davíð Grái eru dáldið í
gær, hefðu eflaust fyllt höllinni í góðæri
fyrir svona 2 árum, en ég myndi a.m.k. ekki stóla
á Hallarfyllingu með þessum töppum núna. Það
er ákveðin "ofhitnun" fyrirséð í tónleikahaldi
og ekki allir sem riðlast á feitum hestum frá slíku.
HVANNDALSBRÆÐUR
ríða reyndar feitum hesti á nýrri plötu en
það er enn önnur saga.
29.04.06
Létum loksins verða að því að fara
á heimaveitingarstaðinn hans Boga "í Bogarúllum"
og eiginkonu hans Nok í Hlið á
Álfranesi. Þau búa á friðuðu eiði
þar sem útsýnið og fílingurinn er hreint
andardráttartakandi. Pláss er fyrir 12 en við vorum 6
og ein á svæðinu. Frábært. Nok eldaði
hvílíkar kræsingar, forréttasúpu, 3xaðalrétti,
kaffi og kökur og 3500 á kjaft. Ég mæli með
þessu fyrir fólk sem vill gera sér magnaðan dagamun.
Meistari Bogi bjó á Auðbrekkunni á árum
áður (nema það hafi verið Nýbýlavegur)
og er bróðir Beddu (eða Beddí eða Beggu, man
ekki) sem við vorum stundum í partíum hjá. Ég
man alltaf eftir því að Bogi málaði Volkswagen
bjölluna sína eins og hnöttinn og mátti ekki aka
bílnum um göturnar því á þessum fornaldartíma
máttu bílar ekki vera í fleiri en 3 litum (forræðishyggjan
taldi að ef fólk sæi bíl í fjórum
litum þá myndi það tjúllast og keyra út
af, hvað þá ef það sæi bjöllu sem
var máluð eins og jörðin, það var líklega
talið valda stórslysi). Um feril Boga má lesa á
heimasíðunni en hann var m.a. með kínarúlluvagninn
sem maður fékk sér stundum kínarúllu í
þunnildi undir morgun og svo var það veitingarhúsið
Thailandi sem Jónasi Kristjánssyni
var kennt um að hafa rústað með harkalegri gagnrýni.
Heimaveitingahúsið Hlið er magnað fyrirbæri og
nú er Bogi enn að bæta við sig og í sumar verður
spa opnað þarna. Þá getur maður líklegra
byrjað á spainu og dúllað við sig þar og
svo étið á sig gat eftir á. Nema maður éti
fyrst og fari svo í dúllið, hvað veit ég.
Ég ætla sko að panta um leið og það er hægt.
---
Það besta í blöðunum í dag var grein
Ármanns
Jakobssonar um "einfara". Simmi í Kastljósi er með
ágætis blogg hér.
Við feðgar fórum í Tómstundahúsið
í dag. Það er tvímælalaust besta dótabúðin.
---
Merkilegt hvað helvítis stjórnmálaleiðindaliðið
étur orðfærið upp úr hvort öðru. Ég
sver það að ef ég heyri eitthvað af þessu
hyski tala enn einu sinni um að "slá póltískar
keilur" þá missi ég vitið. Eða fría
mig undan því í eitt skipti fyrir öll að þurfa
að líta þetta lið augum og hætti einfaldlega
að hlusta og horfa á þætti þar sem þetta
dót heldur sig. Hversu ljúft yrði ekki líf manns
ef maður hætti bara að hlusta á fréttir. Tja,
ljúft en leiðinlegra kannski.
---
Kannski væri gáfulegra að leggja bara DV nafninu og
kalla helgarblaðið eitthvað annað, t.d. Helgarblaðið.
Eftir geðveikina í janúar var vörumerkið DV
algjörlega ónýtt og ekki viðbjargandi, eins og nú
hefur komið á daginn. Gamla hljómsveitin hans Gary Glitters
myndi a.m.k. kalla sig eitthvað annað en Glitter Band ef þeir
byrjuðu
að spila saman aftur, ekki satt?
28.04.06
Jæja DV farið yfir um og dapurlegt ástand á
blaðamarkaðinum. Þó forsíður eins og "Tott
fyrir tíu þúsund" eða "Rúnkaði sér
fyrir framan lífvörð" hafi látið mann læðast
með veggjum og ekki beint verið til að auka gúddvill
þá hefur blaðið lengi verið lang skemmtilegasta
blað landsins, það sem maður les undantekningalaust fyrst.
Það sem eftir stendur, Blaðið/Fbl/Mbl, er nokkurn veginn
sama tóbakið, fullt af gráum eintóna leiðindum
og lítið fútt yfirleitt; Fbl og Blaðið dreift
í hvert hús og mega því ekki vera annað
en dönnuð (segja menn) og Mbl dannað frá fornu fari,
nema það má skíta á stjórnmálafólk,
eðlilega, og segja frá hrakförum útlendinga. Dannaða
tímabilið er runnið upp. Það er ágætt.
Ég er kominn á svo dannaðan aldur hvort eð er. Dannað
eða bannað, þar liggur efinn.
---
Hlekkir dagsins eru í boði Tívolísins í
Hveragerði. Gleði og fjör í skemmu.
Hvað ertu rík(ur)?
Svaka smart bjórauglýsing.
---
Ég lét hafa mig út í það að
skrifa í kosningablað Heimdellinga. Nakinn Heimdellingur í
sturtunni í World Class spurði hvort ég gæti ekki
skrifað í blaðið og ég gat auðvitað ekki
sagt annað en já, enda Heimdellingurinn með handklæði
utan um sig. Afhverju haldiði að ég styðji Sjálfsstæðisflokkinn,
sagði ég og reyndi að vera harður, en hann sagði
að þetta væri bara svona allskonar fólk sem væri
að skrifa í þetta blað. Svo ég skrifaði
greinina X-Dr. Gunni.
---
Ég hef lært það að maður á alltaf
að taka þátt í öllu sem fjölmiðlar
biðja mann um. Ef blaðamaður hringir og biður mig um að
velja eitthvað í dagskrárliðinn "helgin mín",
"ómissandi" eða "spurt og svarað", er það vitlausasta
sem maður gerir að segja nei. Seinna á maður náttúrlega
hönk upp í bakið á þessu liði þegar
maður þarf að fá plögg. Hrokafyllst er að
fyllast frægðarþreytu og segja andvarpandi: Ah, ég
er nú bara búinn að vera svo mikið í fjölmiðlun
að ég er búinn að setja sjálfan mig í
fjölmiðlabann.
---
Ég er náttúrlega stundum hinum megin borðins
og veit að það getur verið ógeðslega leiðinlegt
að eltast við eitthvað pakk og fá það til
að koma með eitthvað hnyttið í dálkinn "helgin
mín" eða "hvernig var?" Semsé: Alltaf að vera með.
---
Málefni sem ég nenni ekki hafa skoðun á eru
m.a. nýja fjölmiðlafrumvarpið, lögin um Rúv,
aðförin gegn Baugi og borgarstjórakosningarnar. Til helvítis
með þetta allt! Aftur á móti vil ég að
konurnar á elliheimilunum fái rífandi há laun
og að komið verði upp gapastokk á Arnarhóli.
Fyrstir í hann: Olíuforstjórarnir sem rændu
þjóðina.
---
Ég ætla að drullast til að kaupa mér miða
á The Stooges í dag.
24.04.06
Það bregst varla að þegar við Lufsan förum
til útlanda þá hækkar gengið upp úr
öllu valdi. Einu sinni vorum við í USA þegar helv
dollar var 110 kall en núna vorum við í Skotlandi og
helv pund fór í 140 kall. Tengdapabbi býr í
Aberdeen og er þekktur fyrir sjávarútveg. Við vorum
þar í mjög góða yfirlæti í viku.
Brjálað að gera auðvitað. Eftir flugið til Glasgow
fórum við í sædýrasafn í Edinborg
sem er ekkert sérstakt. Þaðan til Aberdeen, þar
sem fólk er áberandi ljótara og feitara en víða
annars staðar. Genetík Breta er yfirhöfuð léleg
og þegar svona norðarlega er komið versnar þetta bara.
Það er ljóst að kerlingin með krákuandlitið,
þarna Gillian You are what you eat, á mikið verk fyrir
höndum því liðið þarna étur hveiti
og smjör í flest mál og djúpsteikta fitu í
eftirmat. Mikið étið af hveitihringjum í tómatsósu
eða einhverju hvítu hveitiuppstúfi. Maður er náttúrlega
búinn að taka sig hvílíkt á í átinu
að maður tók eftir þessu.
---
Ég las Draumalandið hans Andra Snæs á meðan
ég var þarna. Nennti því alveg og kom gallharður
náttúrukarl út úr þeirri lesningu. Áhrif
mikil og helst þessi:
a. Langaði til að taka dag í að týna upp rusl
í nágrenninu (nóg var nú af því,
Skotar eru helv sóðar, jafnvel meiri en Íslendingar)
en nennti því auðvitað ekki enda bara viku í
Aberdeen.
b. Þeir sem bera ábyrgð á Kárahnjúkavirkjun
eru geðveikir landráðamenn og myndu rotna í helvíti
til eilífðarnóns ef það væri eitthvað
helvíti.
c. Andri Snær á að taka alla stjórn þjóðarinnar
í sínar hendur og við lifum hamingjusöm það
sem eftir er.
---
Mikið af ferðinni fór í að láta litla
Lufsa sitja í ýmiskonar leikfangabílum:
Hann eipaði í tívolíunu og fór fyrir
20 Pund í bílahringekju. Fórum í Storybook
Glen þar sem búið er að koma fyrir allskonar ævintýradóti
á stóru svæði. Bíllinn hans póstsins
Páls, Stubbarnir og fleira, allt frekar illa gert og ekkert ægilega
líkt fyrirmyndinni. En Lufsi var nú aldeilis sáttur
engu að síður. Ég tók eftirmiðdegi í
að labba á hólinn Scolty sem ber við Banchory. Þar
uppi er 20 M turn sem hægt var að labba upp:
Nánar í fjallarýninni.
Smakkaði 3 nýja gosdrykki.
Borðaði humar og töskukrabba sem tengdapabbi sauð lifandi.
Fórum til Findhorn sem er
íhugunar-eco-hippaþorp í nágrenni við Invernes.
Þar voru áhugaverð íbúðarhús
og allir í góðu hippa-tjilli. Eina sem raskaði rónni
var stanslaus þotuniður frá herflugvelli í nágrenninu
og sá grunur og etv væri þetta eitthvað vafasamt
költ. Síðasta kvöldið fórum við á
Morrissey sem var að spila í Aberdeen. Lufsan er hvílíkt
fan. Sons and Daughters voru að hita upp. 2/2 skoskar stelpur/strákar
= hljómar eins og mitt á milli Gun Club og Gang of Four.
Ágætt, en dáldið alltaf sama lagið. Hjakk.
Morrisey var fínn, aðallega gaman að sjá Lufsuna
glaða, sjálfur er ég hvorki Smiths né Morrisey
fan. Hann tók 3 Smiths lög (How soon is now, Still ill, Girlfriend
in a coma), restin sóló. Liðið var algjörlega
með á nótunum og söng með í öllu.
Hann var í gráum karlabuxum og í karlaskyrtu og dáldið
skrýtin gaur. Einhver henti tyggjói á sviðið
sem hann steig óvart í. Eitt lagið fór í
að hann reyndi að ná því undan skónum.
Endaði með að hann tók af sér ítalskar
mokkasíurnar, setti þær á trommupallinn og rótari
kom og fór í djobbið. Bandið lítur út
eins og aukaleikarar í Sopranos. Allir í eins fötum
(brúnum skyrtum, karlabuxum). Þeir stóðu sig mjög
vel og þetta var gott gigg.
---
Gott að koma heim. Er í launalausu leyfi frá DV til
að sinna ritstörfum, söngleiknum ABBABAB aðallega (stefnan
er frumsýning jan 2007). Fyrst þarf ég þó
að henda í einn Popppunkts-þátt. Já, það
verður einn auka Popppunktur á sunnudaginn næsta (30.
apríl). Xfm og Rás 2 keppa og það verða eintómar
spurningar um Manchester og nágrenni. Þetta er útaf
Manchester gigginu 6. maí. Prómodæmi svona, vei!
16.04.06
Roger Ballen tók þessa
mynd. Hann er svakalegur. Bræðurnir segja GLEÐILEGA PÁSKA!!!
15.04.06
Ray Davies var góður. Spilaði lengi og var hress. Gaman
að heyra alla þessa Kinks snilld þarna í Háskólabíói.
Dead End Street, I'm not like everybody else, Sunny afternoon... líklega
hápunktarnir hvað mig varðar. Þreytt Lola með
dejó-allir-syngja-með kafla og nýju lögin ekkert
sérlega spennandi, en hva, gaman að þessu. Fullt hús
og allir í stuði.
---
Jæja. Ég er skroppinn að heimsækja tengdapabba
til Aberdeen. Enginn topp 5 á morgun og enginn topp 5 þann
23. apríl. Heldur enginn tónlistarþáttur á
morgun (það hlustar enginn á útvarp á páskunum
skilst mér) en alveg dúndurgóður tónlistarþáttur
næsta sunnudag, 23. apríl. Vegna þessarar fjarveru kemur
hér spikfeitur pakki:
10 bestu plötur í heimi
utan alfaraleiðar bestu platna í heimi listana:
10. Christmas - Ultraprophets of Thee Psykick Revolution (1989)
Amerískt rokkband sem ég vissi ekkert um þegar
ég sá þau á tónleikum í CBGBs
1989. Varð svona líka hrifinn og keypti þessa plötu
(þeirra önnur plata af þrem). Tveir aðal meðlimirnir
Michael Cudahy og Liz Cox stofnuðu síðar Combustible Edison,
sem var eitt aðal bandið í þessu lounge-dæmi
sem gekk yfir á síðustu öld. En hér eru þau
í góðu leit eitís rokkstuði, pre-Nirvana.
* Christmas
- This is not a test
9. Latvijas Gaaze - Saule saule spidi spozi (1999)
Ambient döbb frá Lettlandi. Þetta er mér svona
minnisstætt því þegar Unun spilaði í
Rígu vorum við keyrð eftir giggið í svarta myrkri
og inn í einhverja blokk til að sofa. Er ég vaknaði
voru lettnesku krakkarnir sem sáu um okkur að elda sér
súpu og að hlusta á þetta á fullu blasti.
Þetta er ein eftirminnilegasta "vöknun" lífs míns;
tónlistin, súpulyktin og svo þegar ég leit út
um gluggann og sá að við vorum í miðri sovét-blokka-sturlun
(alveg eins blokkar í allar áttir út í hið
óendanlega).
* Latvijas
Gaaze - Saule saule
8. Klaatu - 3:47 EST (1976)
Þegar þetta kom út var því látið
leka út að hér væru Bítlarnir komnir saman
aftur. Vakti þetta nokkra athygli í smá stund. Um var
að ræða kanadískt band og þessi fína
plata var þeirra fyrsta verk. Kannski er þessi plata frægust
fyrir að innihalda "Calling occupants of interplan" sem Carpenters
tóku síðar, en hún er engu að síður
full af úrvalsgóðu sólskyns/70s/hippadjamm/pávar
poppi. Tékk itt...
* Klaatu
- California Jam
7. Big Dipper - Heavens (1987)
Skínandi gott power pop post punk frá Boston. Skínandi
góð plata.
* Big
Dipper - All going out together
6. Millenium - Begin (1968)
Hinn þrælsamkynhneigði Curt Boettcher var mikill snillingur
sem uppskar ekki eins og hann átti skilið. Millenium-bandið
hans var hálfgert stúdíódæmi og platan
Begin sú dýrasta sem Columbia útgáfan hafði
gert þegar hún kom út. Hún floppaði biggtæm
á sínum tíma en hefur lifað og er í dag
talin til allra bestu sólskyns-popp-platnanna frá LA. Fyrir
þá sem fíla Smælið hans Brian Wilsons er
þessi plata skilduhlustun og sumt minnir líka á hljómsveitina
Big Star. Úr sarpi Curts kom líka hljómsveitin Sagittarius
og platan Present Tense árið áður (1967) og hún
er
líka möst.
* Millennium
- The know it all
5. JJ Burnell - Euroman cometh (1979)
Sólóplata bassaleikarans í Stranglers. Skrítin
og framtíðarleg, innísig og vélræn. Mér
sýnist líklegt að Damon Albarn hafi hlustað á
þessa plötu þegar hann samdi nýju Gorillaz plötuna,
lagið Kids with guns minnir mig a.m.k. alltaf á fílinginn
í plötu JJ.
* JJ Burnell
- Euroman
4. Black Box Recorder - England made me (1999)
Luke Haines er náttúrlega algjör snillingur. The
Auteurs er snilld, platan Baader Mainhof er geðveik snilld, en líklega
toppaði meistarinn sig á þessari, fyrstu plötu Black
Box Recorder. Dapurlegt meistaraverk um steríla barnæsku og
sálrænar flækjur. Söngkonan Sarah Nixey er alveg
að svínvirka. Luke hefur fráleitt uppskorið í
samræmi við snilld. Kannski kemur það. Kannski ekki.
* Black
Box Recorder - Girl singing in the wreckage
3. The Go-Bang's - TV Show (1989)
Þetta er fyrsta platan sem ég eignaðist með þessu
japanska kvennatríói og ég varð húkkt á
kartúnísku gleðipoppinu. Þessar stelpur voru hin
illatennta Kaori Moriwaka,
sem söng (og hefur gert sólóplötur eftir dauða
Go Bangs 1994), hin risavaxna Mitsuko Saito á trommum og Misa Tanishima
á bassa. Þetta er pönkað tyggjópopp og ég
er ekki frá því að þetta hafi haft smá
áhrif á Unun.
* The Go-Bang's
- Lag númer 9 (Super shiny boyfriend?)
2. The Lighthouse Keepers - Tales of the Unexpected (1984)
Mögnuð popphljómsveit frá Sydney, Ástralíu,
með hinni frábæru söngkonu Juliet Ward í fararbroddi.
Flott hvernig þau vitna í hljómsveitina The Saints
í laginu sem ég læt fylgja hér með. Frábært
band, frábær plata, en enginn þekkir þetta utan
nokkrir miðaldra rokkarar í Sydney.
* The
Lighthouse Keepers - We've got a gig
1. Bikini - Hova lett... (1983)
Og þá erða besta plata í heimi utan hinna hefðbundnu
bestu platna í heimi-lista, og ástæðan fyrir því
að mér datt í hug að gera þennan lista. Bikini
er ungverskt band og þessi plata kom út 1983. Aðalgaurinn
var víst Feró Nagy sem var stjarna í ungverska pönkinu.
Það sem gerir plötuna svona góða er hversu fjölbreytt
hún er og yndislega öðruvísi eitthvað. Geysiþétt
spilamennska, óskiljnalegir textar sungnir af þykkum Ungverja,
hljóðeffektar, frábærar melódíur,
óvæntar stefnur sem lögin taka... allt sullast þetta
saman og gerir magnaða plötu. Ég átti þetta
á kasettu lengi vel, hef líklega fengið hana í
skiptum frá einhverjum austur-evrópubúanum fyrir hrun
járntjaldsins (einhvers staðar er kannski fertugur Ungverji
að dásama Purrk Pillnikk). Reddaði mér nýlega
verkinu á stafrænu og það yljar mér enn.
Get ekki betur séð hér
að hljómsveitin sé enn í fullu fjöri en ég
er nokkuð viss um að aðrar plötur séu drasl, nema
hugsanlega næsta plata á eftir þessari. Ég fékk
allavega plötu frá 1987 sem var algjört rusl og hef ekki
athugað þetta mál betur.
* Bikini
- Nem leszek sohasem
13.04.06
Þá er það komið á hreint: Góðærið
er búið. Tryggvi Þór Herbertsson forstöðumaður
Hagfræðistofnunar Íslands segir að komið sé
að endalokum góðu áranna í íslensku
efnahagslífi. Kaupmáttur almennings í landinu muni
minnka næstu mánuði. Verðbólga hefur ekki verið
meiri á Íslandi í fjögur ár, segir
Rúv. Hér er mynd af Tryggva:
Hann var einu sinni upptökumaður í Mjöt stúdíó
og var eitthvað að flækjast þar þegar S.H.Draumur
tók upp 10 tommuna Bensín skrímslið skríður.
Held hann hafi þó ekkert verið á tökkunum,
heldur var það Kjartan Kjartansson. Ég man að Kjartan
heimtaði að fá pítu til viðbótar við
það sem við borguðum honum, sem mér fannst helvítis
frekja en lét engu að síður undan. En allavega, Tryggvi
góðærisbani. Ég man greinilega eftir því
að ég og Haukur trommari hittum hann á BSÍ (höfum
líklega verið að hengja þar upp plaggöt) og þá
bað Tryggvi okkur um að skutla sér eitthvað. Haukur
vissi ekkert hver þetta var og spurði mig: Afhverju eigum við
að skutla þessum róna eitthvað? Þetta er ekkert
róni maður, þetta er upptökumaður í Mjöt!,
segi ég og við skutluðum honum eitthvað. Svo hvarf Tryggvi
í nokkur ár og mætti svo aftur sem aðalhagfæðingur
landsins. En hann gæti víst alveg eins spáð í
telauf, skilst mér á Agli Helgasyni alfræðingi.
---
En semsé krakkar, góðærið er búið.
Dollari og bensínverð í geðveiki og allt í
rugli. Skilið því pallbílunum og flatsjánum
og kaupið ykkur grænakortið. Nú kemur kannski eitthvað
gott kreppupönk.
12.04.06
Ég hef verið neyddur til að keppa fyrir DV hönd
í spurningakeppni fjölmiðlanna sem hefst kl. 13 á
morgun á Rás 2. Ég treysti á að félagi
minn í liðinu, Arnór
í próförkinni, viti eitthvað í sinn haus
því annars verður þetta opinber niðurlæging...
09.04.06
Það er eftir engu að bíða. Það er
blíða. Og hér: Topp 5!
The
Soviettes - Paranoia cha cha cha: Nútímapönk frá
Minneapolis, af 3ju plötunni The Soviettes III.
Be
your own pet - Fuuuuuun: Meira nútímapönk, nú
frá Nashville. Krakkar. Af 1stu plötunni. Var að koma út.
Seawhores
- Sweaty men, attack: Eðalskítur, enn frá Minneapolis.
Taktfast skítahávaðapönk. Af 1stu plötunni
Forest. Sæhórur eru að gera góða hluti.
Loose
fur - Hey chicken: Seventísið er nýja sixtísið.
Lausi pelsinn er Tvíddí þarna úr Wilco og O'Rourke.
Af plötu 2, Born again in the USA.
Young
and sexy - Conventional lullabies: Næpuhúfuindí
frá Kanada. Glimrandi. Af 3ju plötu sveitarinnar, Panic When
You Find It.
---
Ég vil svo vekja athygli sjófaranda á lögum
Pönkbandsins Fjölnis sem má nálgast hér
og hljómsveitunum Poni Hoax
(franskt og frakt) og Gnarls
Barkley (soul nútímans).
Í dag kl 14 - Tónlistarþátturinn á
XFM! Og kl. 22 á sömu stöð: Karate, nú í
umsjón Óskars Péturs.
07.04.06
Vá æðislegt... komin Idolstjarna sem lítur
út eins og Stebbi Hilmars og syngur eins og Kalli Bjarni.
05.04.06
Spænskur félagi, MIGUEL ANGEL MARTIN, er nú með
sýningu í ítölsku
galleríi. Hann teiknaði Bless-Gums umslagið og plaggat
innan í Goð með S/H Draumi. Onlæn má sjá
stöffið hans + fullt af öðrum góðum.
---
Gamli geðveiki Daniel Johnston er nú á leið upp
stjörnuhiminn enda búið að gera margverðlaunaða
heimildamynd
um hann. Það má enn kaupa
myndir eftir meistarann en verðin á þeim fara hríðhækkandi.
---
Fyrsti drykkurinn til að fá núll stjörnu í
hinni geysivinsælu gos-gagnrýni
hefur litið dagsins ljós. Núll stjörnu fá
aðeins drykkir sem ég get ekki klárað.
---
Formið og innihaldið
Ekki dettur mér í hug að skrifa um tónlist,
af því að ég hef ekki vit á henni. En dr.
Gunna dettur í hug að skrifa ítrekað um matargerðarlist,
þótt hann sé þar greinilega úti að
aka. Hann er hrifinn af sushi á efri hæði Iðu, þótt
þar aki réttirnir á færibandi um borðið,
hring eftir hring, klukkustund eftir klukkustund. Hins vegar er eðli
sushi, að það er ekki búið til fyrr en eftir pöntun.
Dr. Gunni hrífst af forminu, en skilur ekki innihaldið. Hann
getur fengið gott sushi í næstu götu, á Maru
í Aðalstræti, þar sem sushi er alltaf búið
til eftir pöntun. Prófaðu silungshrognin, skrifar Jónas
Kristjánsson á heimasíðu
sinni. Þetta er auðvitað hárrétt athugað
hjá meistaranum enda hef ég aldrei gefið mig út
fyrir að hafa "vit á" einhverju þótt ég
viti stundum hvað mér finnst gott og hvað vont. Það
að hafa "vit á" einhverju er auðvitað stórlega
ofmetið fyrirbæri eins og sést bersýnilega á
ríkisstjórn Íslands og almennu ástandi heimsins.
Annars væri auðvitað frábært að sjá
Jónas skrifa um tónlist. Prófaðu lagið "Sweaty
men, attack" með Seawhores (væntanlegt topp 5 lag).
---
Ég hef þó etið á Maru og m.a.s. silungahrognin
og fann ekki fyrir teljandi ferskleikamun enda er svo mikið étið
af Iðu-færibandinu að réttirnir ná aldrei að
snúast þar tímunum saman.
---
Hallgrímur Helgason er að semja diskó/pönk-söngleik,
en núningur diskófríka/pönkara í kringum
1980 er vitaskuld upplagður í söngleik. Ég benti
á þetta hér í blogginu fyrir nokkru. Hallgrímur
var að væflast á DV í dag en þvertók
fyrir það að hafa fengið hugmyndina hér, sagði
reyndar að sér hefði verið bent á bloggið
seinna. É ræt. Nei ég segi svona..
---
Annars er helvítis luðra í manni í þessu
foki og fokki. Þeyttumst feðgar um allan bæ að leita
að millistykki í heddfónsnúru áðan.
Hún fannst í fjórðu búðinni, HljóðX,
en þar fæst líka sápukúluvél á
9500 kr. Þá veistu það.
02.04.06
Topp fimm er ekkert krapp:
Mammút
- Ekki sofa núna: Platan er komin út og heitir Mammút.
Hún er í meltingu as ví spík og lofar góðu.
Sinpare
- Jina langu: Hipp hopp frá Kenýa. Sjaldan hefur langdregið
ba-rrrrrrrrrrrr-e hljómað eins vel.
Sci-Fi
Skane - Känslan Av Att Jorden Krymper, Växer: Titillag af
fyrstu plötu þessa sænska dúetts. Þetta eru
söngvari og hljómborðsleikari þeirrar á köflum
æðisgengnu sveitar Bob Hund.
About
- Think Niles drink: About er Rutger Hoedemaekers, Hollendingur, sem
gefur út hjá hinu blóðmikla fyrirtæki
Cock
rock disco. Klippt og skorið hávaðapopp.
Echo
& The Bunnymen - Pictures on my wall: Sá þá
í Höllinni 1983. Eina sem ég man eftir því
var að Trausti reif í sundur franskan 10 franka seðil sem
ég var með í vasanum og sýndi honum. Ég
hef örugglega límt hann saman síðar. Nú er
bandið skráð til leiks í Höllinni 6. maí
ásamt Badly Drawn Boy og fleira sælgæti á Madchester
giggi aldarinnar! Þetta er aftur á móti fyrsti singull,
frá 1979.
01.04.06
Sit hér á stuttbuxum og hlusta á sigursveit MT
í ár, The Foreign Monkeys heita þeir og eru frá
Vestmannaeyjum. Fyrsta sigurbandið þaðan, held ég.
Ljómandi hressandi Nirvana/Botnleðju-skröggrokk. #2 voru
Ultra Mega Technobandið Stefán og #3 We Made God. Til hamingju! |