15.07.02
WD-40 er dót sem virkar. Hvernig væri að fljúga áburðarflugvélum yfir miðausturlönd, dæla WD-40 yfir Arabana og Gyðingana og sjá hvað gerist?
---
Að fara útí videóleigu er píning á við að fara í klamedíutest. Maður stendur fyrir framan rekka fulla af hörmulegu sorpi og finnur gáfnavísitöluna flýta sér niður á mongólítastigið. Ætlaði að vangefnast til að sjá Rock Star, en hún var auðvitað ekki inni svo ég tók Insterstate 84. Hvílík mistök!
---
Afhverju er kominn vetur um mitt sumar? Skiptir ekki máli = Las Vegas/Hawaii eftir 6 og 1/2 viku... 08:01 

14.07.02
Sá hina glæsilegu "gáfuðu tvíbura" Ármann og Sverrir koma út úr Pennanum í gær. Sá ekki betur en þeir væru alveg eins klæddir (í grænum vattúlpum) og við þá krúttlegu sýn saknaði ég þess að eiga ekki tvíbura sjálfur til að nördast með um bæinn. 
---
Var annars að fara að hitta strákana í Mínus til að gera við þá viðtal fyrir Smekkleysu-vefinn. Krummi var of eftir sig til að mæta en hinir komu nema bassaleikarinn (sem er að hætta og fara í HÍ en það má víst ekki tala um það). Það er alltaf saman sagan í rokkinu, alltaf gefast einhverjir upp og snúa sér að einhverju öðru "viturlegra". Strákarnir voru annars hinir hressustu og eru ekki einu sinni byrjaðir að reykja eftir allt rokkið. Fussuðu og veifuðu frá sér eins og kerlingar þegar ég dirfðist að totta hommalegan Café Creme fyrir framan þá.
---
Um kvöldið át ég a.m.k. 1 kg af humri í góðra vina hópi í Austur-Þýskalandi, en humarinn hafði Sleggjan veitt. Var það mál manna að annað eins gómsæti hefði ekki rekið í maga lengi. Síðan kom eftirréttur frá Kris og Br og féllust þá gestum hendur í vímuunaði matarins. Var fólk að lokum leyst út með gjöfum og hreppti ég plötuna "Lög fyrir þig" með Jóni Rafni (útg. 1989 – SÓS1). Hlakkar mig til að hlusta á hana, sérstaklega lagið "Veikur". 
---
Litla ljót, litla systir Lufsunnar, hefur af því þungar áhyggjur að fólk misskilji þetta "Lufsu" nafn og haldi að ég sé í sífellu að vanvirða mína yndislegu verðandi brúði. Þetta er alrangt enda hefur orðið verið í notkun löngu áður en Rottveilerhundar fóru að nota það í frekar neikvæðri merkingu. Þó kemur til greina að breyta yfir í "Skufsuna", sé "Lufsan" ekki nú þegar búin að ná of mikilli fótfestu. 11:40

13.07.02
Sleggjan spyr um klám í Gestabók en ég vil nú ekki ata saur þessari fínu síðu (les: Lufsan verður brjáluð). Þegar Mikki setti nokkra sakleysislega línka á eitthvað viðtal á Strikinu varð allt vitlaust og hann sakaður samstundis um barnaklám og annan viðbjóð því eitthvað af þessum línkum innihélt myndir af ógæfkonum með tíkarspena. En þar sem Sleggjan er nýr alnetsnotandi og veit ekki neitt er ekki úr vegi að greiða honum götu að hressandi fríum klámmyndum. Ég tek þá sénsinn en munið að þið sáuð þetta ekki hér: Húninn er klassískur / Misgott stöff, einum of mikið af gömlu fólki og ungum dýrum fyrir minn smekk, er á hinum hollenska Erotic Live / Allskyns sori er á Worldsex. Annars er bara að leita og þér mundið finna. Staðir eins og t.d. Núlleinn og Tilveran bjóða upp á valinkunna línka og það er auðvitað allt seigfljótandi í þessu rugli. 18:20
---
Vakinn kl. 06:45 af Einari einhverjum á Hvolsvelli, sem telur sig fyrsta pönkara Íslands, ef ekki í heimi. Ágæt vakning – alveg meðal topp 5 fyllibytta sem hafa vakið mig. Hann lofaði að koma í Alætuna í haust með pönkplöturnar sínar og spila gullaldarpönk í tvo tíma. Það verður fokking brill.
---
Fór á BESTA veitingarhús landsins í gærkvöldi – fyrsti "10" dómurinn er fallinn.
---
Ég veit ekki alveg hvar ég stend í umhverfismálum. Til dæmis í sambandi við þessi bílstæði undir tjörninni. Nú er tjörnin drullupollur með mávum og nokkrum skítugum gæsum, en fuglafræðingarnir eru strax byrjaðir að væla um "umhverfisslys" og "einstakt lífríki". Gætu þessir fuglar ekki drullað sér upp á Rauðavatn eða eitthvað? Eru þeir svona vitlausir að þeir kunna ekki að flytjast búferlum og munu bara svelta í hel ef þeir sjá skurðgröfu? Nú eru þeir allra hörðustu í náttúruverndinni að tala um að hætta að veiða fisk og mér er því spurn hvenær við fáum svona fréttir:

Stútungskarli bannað að skipta um gólfefni
Hörð andstaða skordýrafræðingaskors Háskólans hefur hindrað Jón Pálsson, stútungskarl, í að skipta um gólfefni á eldhúsi sínu í íbúð á Þórsgötu. "Fólk verður að gera sér grein fyrir að undir fjölunum var einstakt silfurskottu-lífríki sem hefði riðlast það mikið að dýrin hefðu liðið fyrir", sagði Njáll Proppé, skordýrafræðingur. Jón vildi ekki tjá sig um málið.

En svo á hinn bóginn veit ég náttúrlega að maður og dýr og náttúran öll þarf að svínga í góðum fíling til að þetta fari ekki allt fjandans til eins og það er nú reyndar á hraðri leið með að gera, svo kannski þurfa náttúrufræðingarnir að vera nógu geðveikir til að koma þó allavega nokkrum raunhæfum kröfum í gegn?
---
Gestir alltaf í stuði. Jú, Valdimar, þinn listi var óneitanlega "hreinni" Ladda-listi, en ég veit ekki alveg með snilld Halla. Allskyns rokkmynjar ber á góma en ég á nákvæmlega ekkert slíkt svo ég muni. Kontaktur við frægt fólk: Í mínu tilfelli ber hæst þegar ég brenndi gat á kjól Söruh í St. Etienne á tónleikum á Púlsinum og var í kjölfarið borinn út af fílefldum dyravörðum og þegar ég kom með kókflösku svo Bubbi M gæti drepið í vindlingi í Kópavogsbíói apríl 1980. Annað gott: Drakk úr sömu kaffivél og Elvis Costello 1997. Sá Nick Cave á flóamarkaði í Notting Hill 1999. Andaði sama lofti og Flea og söngvarinn úr Red Hot Chilli Pepper baksviðs á Bjarkartónleikum í París 1996. Það kom mér mjög á óvart hversu dvergvaxnir þeir voru. Sá Sinnead O'Connor tala við Einar Örn í London 1988. Fékk eiginhandaráritun hjá Kurt Vonnegut í Rvk snemma á 9. áratugnum og las aldrei bók eftir hann aftur af því hann var svo þurrkuntulegur. Það er því oftast leiðinlegt og neikvætt að hitta goðin sín, nema í tilfelli Guðbergs Bergssonar, að sjálfssögðu.
---
Ég og Heiða fórum í spjall til Stjána stuð í gær. Hann sagði okkur að hitta sig í Popptv herberginu en þar voru fyrir öðlingspilturinn Jói og einhver Auðunn sem var með í vör. Ég hélt alltaf þegar Gnarr og Grjóni voru að tala um popptv-bjánana og að þeir væru með í vör að það væri bara grín, en svo var gaurinn aksjöllí með í vör og það skyldist ekki orð af því sem hann var að segja. Þarna var líka "pabbi popptivi" (hér vitna ég í heimasíðu popptivi), Bússi, sem viðstaddir vildu meina að væri tvífari minn. Hér er Bússi:

Skollóttur og með sama skegg en ég veit ekki; hann er nú eiginlega líkari Dodda í Trabant en mér.
Jæja Stjáni og kærastan Soffía tóku viðtalið og Jói tók upp. Þetta var mjög gott viðtal hjá Stjána enda þar á ferð einn af topp 10 sjónvarps/útvarpsmönnum Íslandssögunnar. Hann beytir mjög frjórri viðtalstækni, t.d. ættu þeir sem horfa á þetta að taka eftir því að Stjáni ber eina spurninguna upp tveimur áttundum hærra (ss skrækari) en hinar og fæst við það góður broddur. Soffía hélt á mæknum og spurði smá og fékk annað slagið hláturskast til að mýkja upp viðmælendur. Ég get ekki beðið með að sjá þetta en viðtalið verður sýnt á Popp TV á mánudaginn milli 22 og 23. 08:45

12.07.02
Varð afvelta eftir heimsókn í Nammilandið í Hagkaupum og mun nú aldrei borða bland í poka á ný. ALDREI!!! Þessi skán í klósettinu er til merkis um það. Sá videó (sjá "Menningarafurðið")
---
Við strákarnir í Dr. Gunna og vinahljómsveit okkar Rúnk erum að spá í að halda magnaða "innihátíð" um Verslunarmannahelgina og er helst horft til Vítalín í því sambandi. "Innipúkinn 2002". Ætli við förum ekki og tökum upp lag á safnplötu í næstu viku. Ætli það ekki.
---
Nú fara fastagestir hamförum í að gera lista yfir mistök í plötukaupum og finna sig knúna til að ráðast á aldrað fólk á grafarbakkanum sem slegið hefur í gegn á V-löndum. Búónes Vistas hef ég aldrei hlustað á og hef engan áhuga á að gera. Ég á hins vegar hrúgur af rusli sem ég hlusta aldrei á og ber þar í augnablikinu hæst:

Hörður Torfason vælir hundleiðinleg lög við Laxness-texta
D.u.s.t spila lög sem eru eins og það allra leiðinlegasta á Radíó X
Tíbrá - Yfir turninum
Rimlarokk
Alfa Beta - Velkominn í gleðskapinn

Lúlli vill að ég deili stórkostlegum hugmyndum mínum um breikþrú sjónvarpsþátt en það geri ég auðvitað ekki nema Lúlli sé sjónvarpsstjóri og bjóði mér á HHolt. Það er ekki nóg ef Lúlli sé annar feitu bræðranna, en þeir hafa verið að stofna útvarps- eða sjónvarpsstöð síðan ég man eftir mér. Hvað er með þessa bræður enívei? Annað slagið kemur vælgrein eftir þá í Mbl þar sem þeir væla yfir að þurfa að borga Stef-gjöld eins og aðrir og svo eru þeir með signal og gera ekkert nema spila sömu fimm ömurlegu 80s myndböndin frá helvíti. Taka bara pláss frá öðrum aðeins skárri "sjónvarpsstöðvum". Bíddu bíddu bíddu... þarf virkilega sjö sjónvarpsstöðvar fyrir svona míkrósamfélag? Þeim bræðrum gengi eflaust betur með aðra viðskiptahugmynd.
Já Denni það má reyna tálg í skúr en hvað kæmi út úr því? Kofi Annan? (slappur)
Randall magnari hmm? Eitthvað rámar mig í það, rámar í að hafa dregið eitthvað flikki með mér heim. Ef einhver lesandi á Gibson SG gítarinn sem ég átti 1981 má hann endilega hafa samband.
---
Árni Sam gerði það að verkum að nýjar myndir komu á réttum tíma, en ekki 3 árum of seint. Það ber að þakka. Nú fæ ég misvísandi email frá hinum ágæta Filmundi. Fyrst frá einhverjum Guðmundi sem segir að Filmundur sé búinn að vera og það sé allt helvítinu honum Sam að kenna. Svo daginn eftir fæ ég email frá einhverjum Christof og Þorvaldi, en nú allt í blóma og framtíð Filmundar björt enda Sam og kó miklir áhugamenn um listrænar og "öðruvísi" kvikmyndir. Verður maður ekki bara að vona að þeir síðartöldu hafi rétt fyrir sér, en þessar bréfasendingar bera vissulega með sér að eitthvað fiskugt sé á seyði í innstu koppum Filmundar (eins og einhverjum sé ekki sama um það). 08:05

11.07.02
Gengum Lufsan og ég inn í Reykjadal í gær með það markmið að tálga afkvæmi í heita læknum. Fórum snemma af stað til að það yrði fámennt. Auðvitað gekk það ekki eftir og allt fullt af göngugörpum. Til að ferðin yrði þægilegri fór ég að ímynda mér að annað fólk væri dýr – og það var svo sem ekki erfitt því þetta pakk á fjöllum (allt útlendingar) þekkti ekki þá gullnu reglu að heilsa ókunnugum úti í náttúrunni. Strunsaði bara framhjá með fýlusvip í okkar gullfallegu túndru. Haldiði ekki að á bakka heita pottsins hafi svo legið 10 manna unglingahópur í sólbaði og því runnu allar áætlanir um tálgun útí sandinn. Þetta voru svona vandræðaunglingar frá útlöndum sem hafa verið dregnir hingað til að reyna að gera þá að aðeins skárri einstaklingum. Ef þetta hefðu verið rollur hefði áætlun okkar Lufsunnar eflaust gengið eftir en við vorum of siðsöm til að ganga til verka fyrir framan unglingagerið. Það er því erfiðara en margur heldur að ímynda sér að annað fólk sé skynlausar skepnur. Jæja svo var líka alltof heitt vatnið í þessum læk enívei. Ég held líka að áformið um að tálga afkvæmi undir pálmatré á Hawaii sé mun betri kostur. Vonandi verður það sonur = Pálmi Gunnarsson.
---
Gestir láta ljós sitt skína í þeirri innanpíkubleiku og fá illkvittnislega útrás í að dissa sjónvarpsþætti sem ýmsir sakleysingar hafa lagt sál sína í að skapa. Ljótt er til þessa að vita og gestir ættu þá að drullast til að búa til almennilegan þátt fyrst þeir eru svona frábærir. Sjálfur hefi ég á takteinum frábæran þátt en Árni S1 er of mikil gunga til að kýla á það. Í staðinn gefur hann hálfvitum séns út í hið óendanlega með hörmulegum afleiðingum eins og komið hefur fram. Það er rétt hjá "hmm" að þetta er varla gestabók lengur heldur svona "vettvangur sniðugra skoðanaskipta" (les: "lónlí lúserar láta ljós sitt skína") og er alls ekkert nema gott um það að segja. Misheyrn í dægurlaga textum er nýjasta yrkisefni skriffinna og er það vel. Ég man ekkert úr eigin ranni en Lufsan hélt alltaf að "Popplag í G-dúr" væri "Moglar í G-dúr" og beið spennt eftir að fullorðnast til að fá botn í málið. Björn Jörundur sagði mér svo einu sinni að þegar hann var púki (takið eftir hversu máltilfinning mín er orðin menguð af ísfirsku vinum mínum, en eins og allir ættu að vita notar fólk orðið "púki" yfir "krakki" á Vestfjörðum) spáði hann mikið í texta lagsins "Heim í Búðardal", sérstaklega sótti línan "verður þar margt í..." á hann. Hélt BJF að "martí" væri svipað fyrirbæri og "partí" nema bara enn meiriháttar. Bjössi er enn að leita að þessu "martí" síðast þegar spurðist til hans.
---
Valdimar Örn (Flygendring?) spáir svo í bestu lögum Ladda og birtir lista yfir topp 5. Þessum lista er ég algerlega ósammála og birti því minn eigin hér:

5 bestu Ladda-lögin:
1. Austurstræti (stórkostlega klassískt lag)
2. Ég var alinn upp á Patreksfirði (frábær útgáfa af hinu unaðslega Bee-Gees-lagi "Massachusetts")
3. Ég vil fá meira pönk (etv fyrsta pönklag á Íslandi – vilji menn kalla þetta pönk, þ.e.a.s.)
4. Sandalar (klassískur Laddi í rosalegum poppham)
5. Tóti tölvukarl (hér takast á tveir af betri karakterum Ladda, Eiríkur Fjalar og Skrámur og er útkoman unaðsl.)

Tribjút-plötur eru næsti bær við kóver-plötur. Hér hafa Megas, Með allt á hreinu og Villi Vill fengið slíkar plötur í hausinn og nú er tribjút á Hallbjörn í framleiðslu. Ég verð meira að segja með og tek Hundinn Húgó (uppáhalds Hallbjarnar-lagið mitt, sérstaklega hin hómóerótíska/sadómasíska lína: "Hann er vinur á fjórum fótum"). Ég held að gott Ladda-tribjút hljóti að vera næst á dagskrá, með spikfeitum uppl.bæklingi, myndagnótt o.s.frv. Fálkaorðan ætti svo að koma þar á eftir. 09:35

10.07.02
Sigurjón greyið er orðinn hálf utanveltu í sínum eigin þætti eftir að megafríkið Barði kom þar inn á gafl. Þó Barði sé í raun einfaldur karakter (fýlupoki sem gengur fyrir þeirri einföldu en vissulega hárréttu lífsspeki að "ekkert skipti máli"), þá er hann eins og lagkaka sem leynir á sér. Maður á semsé í mesta basli við að finna "flöt á honum". Auðveldast væri náttúrlega að afskrifa fríkið sem leiðinlegan vitleysing, en ef maður gerði það væri maður í raun sjálfur orðinn leiðinlegur vitleysingur, og ekki vill maður það. Það er nebblega ekkert auðvelt að vera eins og Barði og það þarf ekkert annað en ákveðna tegund af snilligáfu til að vera í útvarpi og nöldra stanslaust og tuða út um rassgatið á sér og niðurlægja gesti þangað til þeir eru orðnir skjálfandi reiðir og eiga í mesta basli við að hafa hemil á sér. Með Barða er Sigurjón og kó orðið eins og búktalarasjó, enda minnir rausið úr Barða helst á þrugl sem vellur út úr búktalaradúkku. Sigurjón hefur fundið sinn Konna (þarf reyndar að byrja að tala meira í gegnum hann) og það er engin leið að hætta að hlusta enda hefur þátturinn aldrei verið betri!
---
En að gestabókinni:
Azubi nefnir fimm kóverplötur sem ég hef aldrei heyrt. Spurning um að spá í þeim, þó kóver sé nú reyndar fremur þreytt fyrirbæri.
Gífurleg umræða fer nú fram um leiðinlega sjónvarpsþætti og fær dagskrágerð S1 á baukinn. Jú, "Íslendingar" hlýtur að vera á topp 5, enda afspyrnu slappt þó Fjalar sé ágætur. Göngugarpurinn Helgi Briem sem þolir ekki að að sjá ýturvaxna karlmenn í spandex (oh oh ekki hætta) nefnir til sögunar leiðindin "Spútnik" sem hann verður að útskýra betur hvað er því enginn veit hvað þetta "Spútnik" er. Djúpa laugin og Hausverkur, ja, sú Djúpa getur nú stundum verið skemmtileg á svona aumingjahrolls-legan hátt, eins og t.d. þátturinn sem Heiða sá um síðast. Það var nú meira fríksjóið og meistari Varði ekki beint á heimavelli. Henni Heiðu vantar pening og farðu því og gefðinni 10 í einkun á www.s1.is svo hún geti séð um Djúpu allan næsta vetur (æ æ hvílík tilhusun!) En, allir þættir sem Gunnar Helgason og ekki síður Bjarni Haukur hafa séð um í gegnum tíðina hljóta að skoðast sem vænlegir kandidatar á topp 10 rusl-listana. Rúv helvítin já. Æ. Alveg eins gott að loka í júlí eins og að vera með þetta endurtekna rusl.
Bubbi: Holtavörðuheiði? Þú meinar Öxnadalsheiði. Það kom enginn, ég varð úti.
---
Stjáni stuð hringdi og vill fá mig og Heiðu í viðtal í innslagi sem hann sér um á Popptíví. Hann sagðist samt vita að Unun væri hætt. Stjáni stuð er alger meistari og það er auðvitað toppurinn að komast í viðtal hjá honum. 
---
Ég var að segja einhverjum frá viðtalinu sem Ali G tók við Elton John en var aldrei birt. Í minningu Ali G sem var einu sinni frábær (en missti það í draslmyndinni) er ekki úr vegi að líta á þetta, þó þú sért að öllum líkindum búinn að því nú þegar.  08:15

09.07.02
Viðhorfskönnun nr.2 er lokið. Í þetta skipti var spurt: "Þegar Davíð Oddsson birtist á skjánum langar mig til að..." og var þátttaka þokkaleg, 106 kvikyndi. Þeim sem langaði mest að hrækja á skjáinn voru 19% og ættu að láta líta á munnvatnskirtlana í sér. 18% vildu hringja í Klepp, en ekki kom í ljós hvort þeir vildi láta sækja sjálfa sig eða Dabbið, ekki kom heldur í ljós hvað þessi 13% sem vildu hringja í SÁÁ vildu gera. 12% vildu skrifa harðort mótmælabréf í Mbl, nákvæmlega sama hlutfall og vildi helst faðma skjáinn þegar karltuskan birtist. Enn á ný er meiriháttar að sjá hversu mjög afbrigðilegheitin grassera meðal lesenda því 10% langaði helst að fróa sér þegar hin kynæsandi ásjóna krulludýrsins blasir við. 7% vildu afturámóti skrá sig í Sjálfsstæðisflokkinn en 5% sjá enga aðra leið en að skera sig á púls.
---
Þetta er þá komið á hreint með Dabba og Óla og ég er persónulega búinn að fá hundleið á svona leiðinlegum könnunum um tvo vandræðalegustu menn landsins. Nýjasta könnunin er því komin upp og hún er sko almennileg! Nú fá lesendur að tjá sig um djönkfúdd og tel ég miklar líkur á að nú æsist leikar eftir lognmolluna í kringum stjórnmálaleiðindin. Tékk itt.
---
Fann sjálfan mig í þessum shopology-þætti í gærkvöldi. Ég er algert kaupæðisdýr. Lufsan var að vinna meðan á þættinum stóð en þegar hún kom heim dró ég hana inn í eldhús til að sýn'enni "skápadraugana" okkar, þ.e.a.s. matardrasl í eldhúsinu sem við munum aldrei nota. Hún sagði að ég ætti að hætta að fá maníu í hvert skipti sem ég sé heimildamynd frá BBC og þá vissi ég upp á mig sökina og hrökklaðist úr eldhúsinu.
--- 
Meistari Óli er með sannfærandi lista yfir leiðinlegustu sjónvarpsþætti mannkynssögunnar í Innanpíkubleiku-gestabókinini en gleymir þó draslþættinum með Villa og Rósu. Hvað var aftur þetta Sílikon? Því er gjörsamlega stolið úr mér. Mig minnir nú að Ó með Takafúse og Markúsi hafi verið ókei, en þessi Markús var það fríkaður að auðvelt var að hafa uppi eineltistilburði í nágrenni við hann. Eitt það fyndnasta sem ég hef heyrt var hrekkur sem strákarnir í Stilluppsteypu ætluðu að gera honum (þeir þoldu hann ekki). Einhver vinur þeirra var að vinna í legsteinagerð og þeir ætluðu að fá vininn til að gera legstein með öllum upplýsingum um Markús þar sem kæmi fram að hann myndi deyja einhvern ákveðinn dag. Svo var planið að stilla legsteininum upp við útidyrahurðina hjá Markúsi þennan sama "dánardag" hans og láta grey strákinn alveg fríka út. Aldrei verð af þessu en hugmyndin var góð! 07:35

08.07.02
Hitti Ara Eldon í gær og ræddum framkvæmd á Bless heildarplötu. Ætti að koma út með haustinu. Ekkert kombakk fyrirhugað. Keypti fjórar vínil-plötur hjá Gvendi Dúllara í Kolaportinu: Íslensk kjötsúpa / Cheap Trick Live at Budokan / Shocking Blue Pop Giants / The Motors. Djöfull eru allir með sama viníl-draslið í þessum kössum í Kolaportinu. Alltaf sama helv ógeðið sem allir eru með. Ég kenni óheftum innfluttningi Steinars Berg á 9. áratugnum um ásamt umframframleiðslu í plötupressuninni Alfa. Keypti í bókabúð nýjasta Mojo sem er nú bara eitthvert magnaðasta tbl. sem um getur. David Bowie er gestaritstjóri og þarna er fullt af dóti sem hefur lengi verið uppáhalds hjá mér: Legendary Stardust Cowboy, Os Mutantes, Lovin' Spoonfuls, Lee Hazlewood, Flaming Lips...
---
Ekki eins gott og Audiogalaxy en WinMX forritið er samt orðið nokkuð öflugt. Er að sækja nýjustu Wilco plötuna as we spík. Vertu með í mjólkurferð.
---
Aðsókn að gestabók hefur hrapað eftir að hún varð innanpíkubleik og því spurning um að svissa yfir í eitthvað dannaðra. Gestir veigra sér náttla við kíkja á svona heilagan blett. Örfáir þorðu þó: Elvis2: Til hamingju. Já, það var gaman að Jonna Spens, en djöfull er nýja platan hans mikið rusl. Ég sá samt nokkuð gott myndband við lagið hans frábæra "2kindsa love" inn á Matador síðunni. Óskar: Leonard Cohen lepur lók en þessi Valur er allt annar Valur en Valur "Skiptilykill". Ágæt plata hjá honum engu að síður. 
---
Annars mæli ég alveg sérstaklega með kattamyndbandi sem hægt er að nálgast inn á Huga. Ég kann ekki almennilega að línka á þetta, en þú ferð hingað og finnur svo "Fyndnar klippur" hægra megin og svo "Hí á þig...ég er ungur en ekki þú!" (Þetta gæti reyndar verið komið í "Sjá meira") Ég sver'ða; ég hef horft á þetta u.þ.b. þúsund sinnum en fer alltaf jafn mikið að skellihlæja þegar stóri kötturinn ræðst á þann litla.
---
Upplagt er að fara í sumarferð í Heiðmörk og grilla á almenningsvæði. Grillið meira að segja á svæðinu. Gott er einnig að grilla banana með súkkulaði. Og lýkur þá grillhorninu í dag. 07:20 

07.07.02
Keypti þennan disk í Skífunni í gær:

og fær hann mína hæstu einkunn fyrir þá sem fíla "utangarðs"-popp (aka "Hamfara-popp"), en í þeirri deild eru fyrir t.d. snillingsplötur eins og "Hamfarir" Gunnars Jökuls og nánast óteljandi plötur Sigríðar Níelsdóttur. Það er áþreyfanlegt að Gissur Björn Eiríksson gengur ekki alveg heill til skógar og því sniðug en e.t.v. ómeðvituð ákvörðun að sýna hann með trjám á umslagi meistaraverksins. Ég veit annars lítið um Gissur – fletti honum þó upp í símaskránni og skv. henni býr hann í Hátúni 10 (öryrkjablokk). Lögin eru aðeins átta og allir textarnir samdir árið 1975 (í maí og júní) og má það nánast teljast einstakt afrek að þetta komi út núna, 27 árum síðar. Tónlistin er skemmtarafroða í anda "Hamfara", textarnir steypa á ensku, en það er einstök söngrödd Gissurarar sem er kirsuberið á þessa einstöku köku.
Ég veit það er stranglega bannað en hér er smá hljóðdæmi af þessari plötu, sem þú rýkur vitanlega strax út í búð að kaupa:  Gissur - The Earth is one of Trillion Stars (brot).mp3. "The Beginning"... Já vonandi er þetta bara byrjunin hjá Gissuri!
Þeir sem vilja kynna sér erlent utangarðspopp ættu að drífa sig strax hingað. 10:00

06.07.02
Gott gigg í gær. Nú er maður allur orðinn uppespaður í rokkgeðveiki og hljómsveitin þarf að taka annað gigg sem fyrst og bæta við góðri hrúgu af óskalögum (þitt er valið). Nánar auglýst síðar.
---
Enn á ný vil ég benda lesendum á Doktor Kosmos og Bob Hund sem eru drullugóðir sænskir listamenn og mun betri að mínu mati en þessi mjög svo ófrumlega "Gautaborgarbylgja". 
---
En þá að gestabókinni, sem svoleiðis hrúgast inn á að 2/3 væri nóg.
Nei nei Biggi, ég er ekkert að verða geðveikur, Herbalæfið er bara að virka svona vel.
Hamborgararugl. Jú jú, þessi Vitabarsbúrger er svo sem alveg slafr-hæfur en ég nenni ekki að þurfa að klofa yfir illalyktandi dagdrykkjumenn með skæting til að fá mér að éta. Jú jú, jæja... Fékk mér annars pítzur frá Dominos í gær eftir giggið og neyðist til að gefa þeim betri dóma bráðlega. 
Hrebbna, takk. Ja, ég hata nú kannski ekki Frædeis, en jú, þetta er svona hálfgert skítadæmi.
Maja. Innanpíku bleikt? Bíddu... afhverju fékk ég þennan lit eins og ekkert væri sjálfssagðara? Jæja, innanpíkubleikt skal það þá vera. Innanpíkubleika gestabókin. Gestabók vandlátra.
Fjóla. Ég sá engan með bleika húfu, en allir voru í stöði engu að síður.
Kristján. Takk, en ég verð nú alltaf hálf vandræðalegur yfir svona hóli. Gaman aððí engu að síður.
Elwar - já, erþaggi?!
Jæja, Laugurinn reddar þessu áður en þetta verður of vandræðalegt með smá neikvæðni á léttum nótum. Já, þetta er toppvibbi þetta auglýsingalag en samt ókei að fá þreföld mánaðarlaun Hampiðjuverkamanns fyrir svona drasl, erþaggi? King Diamond, semsé Neil Diamond? Ég veit ekki um það, hef aldrei heyrt í þeim herjólfi. Já, ég vona að Esso hringi (enda Esso besta bensínstöðin. Nei, í alvöru). Ég gæti þetta alveg: "Jæja krakkar. Ég er svona miðlungs duglegur sukkari en 1995 sniffaði ég amfetamíni og varð bandvitlaus og endaði með að drepa á vindli í skallanum á Davíð Þór. Hann var alveg brjálaður og ætlaði að safna liði og berja mig, en ég hló bara af öllu saman og drakk meira romm í kók. Þið viljið ekki að þetta gerist fyrir ykkur, er það nokkuð?" 
---
Týpískt. Komið gott veður aftur... Ísland er: Fokkings óstabílt rokrassgat. 12:20

05.07.02
Góðan dag. Góðan VIÐEYJAR dag. Í dag. Í kvöld. Dr. Gunni kl. 21:00. Kommon, þetta er alveg nógu gott veður. 07:16

04.07.02
Jæja, þá er Rúnk-gengið búið að róta draslinu út í Viðey og allt að verða til reiðu fyrir Viðey2002. Rúnkið týmdi reyndar ekki að kaupa helíum til að setja á blöðrur enda kostaði lágmarksskammtur 13.000 kall og kommon, þetta er nú enginn Galtalækur og bara fjórir í "gæslu". Fékk annars fyrirspurn frá Elvis sem vildi vita hvort Pop Kings verði með í för og svarið er "að sjálfssögðu". Veðrið... ja, það kemur í ljós. Steini "Sleggja" er mættur af sjónum og verður í Viðey og eins gott, því hann er löggiltur rótari Dr. Gunna ásamt SSSka, sem er í Aðalvík þessa dagana með leðursvuntu að þjóna sextugum bræðrum.
---
Gífurleg umferðarteppa ríkir á gestabókinni, sem nú gengur undir nafninu "Bleika síðan". Ég veit ekki hvaða hvað þetta er með þennan bleika lit - ég var aldrei beðinn um að skilgreina hvaða lit ég vildi hafa, þetta kom bara svona. Og svo eretta líka helv töff. Eða þannig. Sjáum nú til hvaða geðveikisóra liðið er með:
Bleiki liturinn já...
Allskonar listar. Gaman að því. Bloggtopp 5 listi frá meistara vekur mikla gremju hjá svokallaðri elítu og er það skiljanlegt með öllu. 
Óli og Óskar rífast við keisarans skegg um tónlist sem er álíka uppbyggilegt og að hlaupa allsber í kringum húsið sitt og álíka skemmtilegt.
Elín lífsorka. Hvað með mega-Kanínu 2002 í Viðey? Pæling.
Gobbitígobb spyr hvort Kalli gamli sé kominn á Addidas Universal strigaskó og ég tel 76% líkur á því. Sjálfur er ég á slíkum skóm (eða allavega á Addidas) og er gamall kall svo kannski var hann að meina það.
Konni? Verður þú ekki bara í Árbæjarsafninu. Baldur dáinn og svona.
---
Eyddi deginum í nýju nammideildinni í Hagkaup í Kringlunni. Mæli með því. Það eru allavega engir djúpsteikt krabbameinsæxli og kjúklingahausar í boði. En bíddu... hét þetta ekki Nýkaup? Reynið að ákveða ykkur þarna. Í tilefni af þessari byltingu hjá nafnadeild ?kaupa hef ég sett inn mp3 af því þegar mér tókst næstum að selja á mér rassgatið. Þetta var fyrir jólin 1997, ári eftir að Bubbi seldi á sér annað eistað og söng að Hagkaup væri góð. Nú vildi auglýsingastofa Hagkaupa fá eitthvað álíka "fríkað" og hringdi í mig, enda var ég aldrei eins frægur með prumpulagið #1. Ég henti einhverju inn fyrir þá og svo gekk þetta fram og til baka vikum saman en loksins komst lokamynd á mitt framlag (slípað auglýsingakjaftæði). Þeir hjá auglýsingastofunni voru þó enn tvístígandi og settu lagið í Gallup-könnun í búðunum. Niðurstaða þeirra könnunar var ekki nógu "jákvæð" – kerlingum yfir 30. þótti lagið ömurlegt og söngurinn ömurlegur, en lagið kom vel út hjá körlum á aldrinum 12-35. Hagkaup gugnaði því á þessu og hættu við allt, ég slapp við að opinbera melluskapinn, en það besta við allt var að ég fékk samt borgað fyrir þetta – helmingi minna en ég átti að fá reyndar, en það var alveg nóg enda fullt af peningum í þessu auglýsingakjaftæði. Mér finnst því sjálfssagt að þeir hjá Hagkaupum fái ókeypis auglýsingu núna, fyrst gamla nafnið er komið aftur. Gjössovel. 22:15

Rosa grein á Pitchforkmedia um dánlódaða músikk og RIAA og það allt. Maður verður allan daginn að lesa þetta, en það er örugglega alveg þess virði. Þetta helst allt í hendur – það að öll "vinsæl" tónlist hljómar því sem næst eins, það að "frjálsar" útvarpsstöðvar spila sama lagið (með mismunandi flytjendum) allan daginn, og að audiogalaxy hefur nú verið lokað. En byltingin verður ekki stöðvuð. Kjúklingabitatónlistin mun deyja. Almenn skynsemi mun sigra. Fólk er kannski fífl, en ekki alveg svona mikil fífl, fjandinn hafiða. 13:15
---
Óskar sendi innlegg í baráttuna gegn kjúklingaógeðinu og er óhætt að segja að sterk bylgjuhreyfing hafi myndast í maganum þegar ÞETTA ÓGEÐ blasti við.

Jæja, nú er bara að setja upp línk til gestabókarinnar á aðalsíðuna, svo ég þurfi ekki að leita að línknum í texta!
Efst til hægri
P.S. Flaming Lips eru snilld sem ávallt, ekkert smáræði hvað þeir voru 239586234 sinnum betri en Suede í Höllinni á Airwaves 2000!!!
Sammála, enda eru Sveit gone daddy gone. 09:58
---
Fjalldrapi er planta af birkiætt. Fjall Dr Api gæti hugsanlega verið alteregó á súperegó. Pæling.
---
Stórkostlegt er til þess að vita að ekkert nema snillingar séu að skoða þetta raus. Gestabókin kemur svona líka geggjaðslega út og þar veltast ekkert nema meistarar um í eigin órum. Er ekki við hæfi að svara fólkinu:

Ömmi vill Elvis. Jú jú, þetta er svo sem ágætur Elvis en kannski ekki alveg jafn ferskur (ungur) og Emmi N.
Lúlli komst í feitt á útsölu en spyr um lagaval hjá Magga Eir. Karlinn er að vinna í Rín ef þú vilt spyrjannaðessu.
Óskar pælir í hollingu eins og hjá Kat, en vonandi verð ég aldrei svo mikill meganörd að ég fatti hvernig á að setja upp svona holl.
Denni = nei, Grímur er ennþá á bassanum og ekki á útleið. Já, Corona þá.
Betunni hefur verið svarað á hennar síðu. Bleikur er litur karlmanna. Þetta vita allir.
Fjóla þolir heldur ekki Frædeis og er það vel.
Bateman leggst á bæn. Fjórar maríuhænur og Hustler Vol.XX tbl. 16 bls 11-13, sonur sæll.
Rúnk stunda heilbrigða sjálfsfróun en ég er einmitt að rúnka mér yfir röffmixinu þeirra as we spík. Þrumudót!
Jonni er líka kominn með topplista. Átt þú (þú lesandi) topplista? Þú hefur orðið!
Erlunni finnst Popæs viðbjóður, en ég sagði það nú aldrei. Ég er reyndar að spá í að hætta að éta kjúklingabita eftir gubbuna þarna hjá SSSka. Ekki skánaði viðhorf mitt til þessara niðurskornu-og-velt-upp-úr-fitu fyrrverandi lifandi hæna-sem-hafa-hýrst-í-þröngu-búri-og-úrkynjast viðbjóðs þegar Freyr sagði mér sögu í gærkvöldi. Var hjá honum að kynna GOÐ og það var stuð. Sagan hans var semsé þannig að kona í útlöndum fór í mál. Hún var nebblega á KFC eða Popæs eða eitthvað og beit í eitthvað á kjúklingabitanum og þá sprakk það upp í henni. Hún hélt að þetta væri fita en þetta reyndist vera KRABBAMEINSÆXLI og þá fór hún í mál. Þetta er auðvitað flökkusaga, en samt svo ógeðsleg að ég held ég stræki á kjúklingabita framvegis. Eða kannski ekki. Við skulum sjá hvað ég er sterkur gagnvart freistingum hænudjöfulsins.
Að lokum var'ða Sparkómatik sem spyr um tjúningu en þar er ég í tómum kofanum.
---
FORSALA á VIÐEY2002 stendur nú í FULLUM blóma í 12tónum og Hljómalind. Miðinn kostar 1000 kall og er miðamagn takmarkað enda komast ekki allir í heimi inn í Viðeyjarstofu þar sem giggið mun ske. Ef veðrið verður spastískur unaður mun giggið undir BERU lofti haldið. Lokaæfing hjá dr.gunna fór fram í gær og ef við verðum í jafn góðu stuði og þá munu okkur engin bönd halda. Hef gert hernaðarplan um að ná maximum stuðstaðli á morgun enda allt lagt undir. MIG hlakkar allavegana til. 09:20

03.07.02
Hef meganördast til að setja upp gestabók. Sit sveittur með kvíðahnút og bíð eftir að einhverjir djöflar komi og verði með leiðindi. Jæja þá tek ég þetta bara úr sambandi aftur.
---
Travis? Ja, svona sæmilegt popp eitthvað. Frekar mikið Sting fyrir minn smekk samt. Ætl'ekki. Framtak? Já já. Einu sinni var ég nú samt í kapphlaupi við þessa skosku vælukjóa. Það var þegar ég var í meikinu með Unun og Andy einhver sem átti Gó-bít ætlaði að gera samning. Svo daginn áður (við samt auðvitað búin að aulast með þetta í öll íslensku blöðin) selur þessi Andy Gó-bít og stofnar nýtt plötufyrirtæki Indípendíantí. Hann ætlaði annað hvort að "sæna" Unun eða Travis (sem voru bara óþekktir Skotaræflar þá) og tók þennan Fran framyfir Heiðu. En svo er maður í Viðey en þeir bara í þessari kúkalegu Laugardalshöll. He he. (nei nei ekkert sár). 
---
Það er annars af Heiðu að frétta að hún verður stjórnandi í Djúpulauginni á morgun og þið kjósið hana náttúrlega á netinu... 17:20
---
Hefí fréttir. Árni í steininn. Hraunið eða Kvía? Björgúlfur með veskið á loftið. Hei Björgúlfur! Ef þú vilt kaupa ráðandi hlut í mér getum við kannski sest niður á Holtinu. Nei í alvöru; hvað gengur þessum gaur til? Og hvernig nennir hann þessu? Er hann hræddur um að enginn muni eftir sér þegar hann deyr eða eitthvað? 12:30
---
Hvorki ég né verðandi brúður mín mundum hvað Osama Bin Laden hét í gær. Því var alveg stolið úr okkur. Það eina sem mér datt í hug var Omar Shariff eða Halim Al. Svona er maður skemmdur. Ósóminn þarf að fara að gera einhvern óskunda svo maður muni hvað hann heitir. Mikill spenningur hvort hann og þetta mussugengi hans takist að gera eitthvað á morgun, 4. júlí. Textavarpið sagði um daginn að þeir félagar ætluðu að láta til skarar skríða í Las Vegas og það væri svo sem alveg eftir þeim að eyðileggja giftinguna fyrir manni. 
---
Jonni stuð kom í te í gær og kom með þá góðu hugmynd að maður þyrfti að fara að koma með topp-lista yfir góðar plötur útgefnar á þessu herrans ári. Hér eru því listar og plöturnar í engri sérstakri röð. Það verður gaman að sjá hvað af þessu tollir inni um áramótin...

INNLENDIS:
Rímnamín
Stjörnukisi - Góðar stundir (þessir kemur ekki út fyrr en 10 júlí en Bogi hent'enni í mig í gær)
Múm - Loksins erum við engin
Kippi Kanínus - H U G G U N
Rými - Unity, for the first time

ERLENDIS:
The Streets - Original Pirate Material
Antipop Consortium - Arrythmia
Doktor Kosmos - Reportage!
The Flaming Lips - Yoshimi Battles the Pink Robots
Capitol K - Island Row
Daedelus - Invention
Eminem - The Eminem Show
Cornershop - Handcream for a Generation
For Stars - We are all Beautiful People
Walkmen - Everyone Who Pretended to Like Me Is Gone 12:05
---
Lærði lexíu um lífið í gær. Hjólaði í Kópavog til að fá mér Popeyes-kjúkling og líta á SSSka. Nennti varla að hjóla og fannst það mikið mál. Hlakkaði hins vegar til að gæða mér á kjúkling. Át skammt nr1 (2 bitar + meðlæti) heima hjá SSSka yfir fréttum og varð bumbult af öllu saman. Það er sérlega varasamt að éta yfir sjónvarpsfréttum því þessi kvikyndi hjá sjónvarpsstöðvunum gera ekki annað en að sýna manni lík eða eitthvað ógeð. Ef það eru ekki milljón dauðir fiskar, eða rotnandi búfénaður í gámum, þá erða dautt og rotnandi fólk í útlöndum. Þeir eru m.a.s. hættir að segja "við vörum við myndunum" svo maður geti flúið inn í eldhús. Jæja, auðvitað var ekkert nema viðbjóður í heimsfréttum og þar sem ég sat og hakkaði í mig dauðann og fitugan kjúklinginn fór ég að hugsa um hversu ógeðslegt dýr þessi úrkynjaði eldiskjúklingur er og hljóp fyrr en varði fram á sett og gubbgusan stóð úr mér. Djöfuls rugl og ætli ég reyni ekki að forðast kjúkling í nokkurn tíma. Viku eða svo. Það var hins vegar ekkert nema gleði og ánægja sem fólst í að hjóla á milli bæjarhluta og ég læðri þá lexíu að það sem manni kvíðir er þakklátast þegar það er búið, en það sem manni hlakkar til vill oft snúast upp í ælu, sérstaklega ef fituhæna frá Popeyes er með í spilinu.
---
Verð með plötukynningu á GOÐá Rás 2 hjá Frey í kvöld kl. 22:10 - 00:00. Eflaust alveg svaðalegt.
---
Nú hafa tvær dúndurbúllur á Borgarnesi verið teknar fyrir í Veitingarhúsadeild, ásamt plebbastað í Smáralind. 08:02

02.07.02
Hinn æsispennandi netmiðill Kistan hefur birt viðtal við mig. Þar kemur reyndar fram að hljómsveitin muni spila á Listarúnki á Akureyri þann 13. júlí en það af því verður að öllum líkindum EKKI þar sem samningar náðust ekki við Listanefndina fyrir norðan. Við (hljómsveitin DR.GUNNI) spilum þó auðvitað í Viðey á föstudaginn og æfum nú stíft fyrir það g(r)ill. Við verðum alveg rosalegir! Eins og áður hefur komið fram verða Rúnk aðal á þessu giggi, en við verðum þarna plús Rassi Prump, DJ Talnapúki og Phil Stadium, sem er einsmanns-hljómsveit (en ekki DJ Fill Stadium) eins og ég hélt einu sinni. Mér sýnist ætla að verða fínt veður svo þetta verður þrumuskuð! Vóóóó!
---
Mér ætlar ekki að takast að horfa á myndina Spy Game. Sofnaði yfir henni á sunnudagskvöldið og sofnaði aftur yfir henni í gærkvöldi. Held samt að Lufsunni hafi tekist að klára þetta ruglrusl. Robert Redford eitthvað 200 ára og eitthvað verið að berja Brad Pitt í kínversku fangelsi. Fullkomlega óáhugavert og nú skulda ég Bónusvideó 500 kall. 08:15

01.07.02
Pavoritti elskar fíla – ofsalega fyndið!
---
Fann góða síðu um snillinginn James Ellroy. 
---
Er að trappa mig niður eftir útilegu á Þverá, Snæfellsnesi. Tveggja kvölda drykkja tekur á en við vorum um 15-20 manns í tjaldborg innan um illvíga nautgripi. Helstu umtalsefni voru hægðir, örabar, fólk frá Ísafirði og samlífi.
Hápunkturinn var án efa þegar Elín leikfimikennari tók sig til ásamt Lufsunni að hlaupa út á tún, týna af sér fötin og taka til við að stunda "Kanínuna", sem eins og allir vita er ævaforn leikfimi upprunin í austurlöndum sem var fundin upp þarna í útlegunni. Sífellt bættist í hóp iðkenda og áður en yfir lauk stóðu 15 manns á túninu á nærbuxunum og iðkuðu hina göfugu list. Í gær var svo horft á Bra vinna Ger 2-0 eins og ég var nú reyndar búinn að segja ykkur hérna einhvers staðar fyrir neðan. 
---
Nú er lokið fyrstu könnun þessarar síðu en í henni voru lesendur spurðir um afstöðu sinnar til Ólafs Ragnars. Spurt var: Hvað viltu gera þegar Ólafur Ragnar birtist í sjónvarpinu? og tóku 119 þátt. Hinir uppþemdu voru í meirihluta því 42% sögðust helst langa til að kasta upp þegar engilbjört og pírð ásjóna Ólafs loðir við skjáinn. Í öðru sæti voru hinir afskiptalausu – 33% fundu enga þörf í sér þegar kóngurinn birtist og sögðust langa til að gera "ekkert sérstakt". 13% af lesendum síðunnar eru óbjargandi öfuguggar því 16 manns langaði helst að fróa sér þegar sameiningartáknið birtist. Er hræðilegt til þess að vita að svona margir gangi um göturnar án hjálpar hins opinbera. Aðeins 13 manns, eða 10%, fundu í sér hina sjálfssögðu hvöt að syngja þjóðsönginn þegar Ólafur sést í kassanum. Nú þegar úrslit liggja fyrir þykir mér augljóst að Ólafur nýtur ekki trausts lesenda minna og ætti því að segja af sér hið fyrsta. Ég er viss um að hin vælandi Dorritt á einhvern kofa utan um hann í útlöndum. Ef ekki, hvernig væri þá að bjóða manni í mat, þarna rassstælta snobbbeygla? 
---
Nú hefur ný könnun hafist og nú er spurt um afstöðu lesenda til sjúklingsins Davíðs Oddssonar.
---
Upplitaða fólkið í GK er ekki ennþá búið að senda mér bol með skjaldamerkinu. Hvílíkir lúserar! 07:45

28.06.02
Einu sinni sat ég með Stefáni Karli leikara á kaffihúsi. Heyrði ekki betur en þetta væri fínn náungi og niðrá jörðinni. Heyrði svo í honum í útvarpsþættinum sínum og hélt ég myndi æla úr mér bæði lungun. Var kominn með einhverja ömurlega rödd og hló uppgerðarhlátri að öllu. Með honum var Edda Björgvins og það þoldi útvarpstækið mitt ekki og beinlínis bráðnaði. Meikaði ekki svona mikla sjálfhverfu í einu. Það er ljótt að segja það, en ef Stefán Karl hefur látið svona í skóla skilur maður mæta vel afhverju hann var lagður í einelti. Meira að segja gæðablóði eins og mér var farið að langa til að dýfa honum oní klósett eftir 2 mínútur af þessum hræðilega hræðilega þætti. 13:05
---
Bassaleikari The Who fékk slag og dó í Las Vegas í fyrradag aðeins tveim dögum áður en Hú-arar áttu að byrja ameríkutúr. John Entwistle var alltaf mjög stöðugur á sviði og sýndi lítil svipbrigði eða takta, en hann skilaði sínu óaðfinnanlega og gekk undir gælunafninu "Uxinn". Ef Pete Townsend væri ekki svona steiktur mynd'ann hringja strax í Rúnna Júl og fá hann beint til Vegas og halda áfram með túrinn. Það er ömurlegt til þess að vita ef Who ganga framhjá Rúnari því Rolling Stones hafa þegar lítilsvirt besta bassaleikara í heimi með því að fá hann ekki í bandið. En hlustið endilega á The Who í dag til heiðurs föllnum meistara.
---
Freyr í Geirfuglum/Miðnesi er með poppsögulegan þátt á Rás 2 á miðvikudögum og vill fá mig í þáttinn 3. júlí nk. Þar ætlum við að ræða plötuna GOÐ með S.H.Draumi, en plötuna getur þú dánlódað ókeypis hér. Þá hefur Jón Ólafsson viðrað þá hugmynd að fá mig í sjónvarpsþáttinn sinn, en það verður tekin upp gomma af slíkum spjall og poppþáttum á næstunni. Maður er því bara á uppleið í lífinu og ekki er það verra.
---
Ekkert fréttablað í dag heldur. Maður vorkennir snillingnum Gunnari Smára að þurfa endalaust að standa í þessu streði. Af hverju geta ekki aðstæður verið þannig að hann fái að halda úti því blaði sem hann vill án þess að einhverjir kauðar með bindi klúðri öllu? Hann hefur alltof oft verið með einhverja slísí glæpamenn á bakvið sig, unga hrokafulla aumingja á kókaínhæi, m.a. man ég eftir einum hálfvita sem lifði eftir mottóinu "Greiddur reikningur = glatað fé". Já já, ha ha, voða kúl – þið getið vonandi hlegið að þessu þegar þið svolgrið í ykkur volgum 1944-rétti í kjallaraíbúð ofarlega á Hverfisgötu. Ekkert er eins ömurlegt og svona pakk.
Fréttablaðið var reyndar hundleiðinlegt og engin söknuður í því en ég vona að BLAÐIÐ hans Gunnars Smára líti dagsins ljós einhvern tímann og lifi lengur en þangað til fjármálastjórinn fer í steininn. Það vantar eitthvað almennilegt við hliðina á Mbldv og Gunnar Smári er alveg maðurinn í djobbið. 07:30

27.06.02
Ég hélt að hinn stórkostlegi safndiskur RÍMNAMÍN ætti að vera tölvuvarinn, en svo bara rúllar þetta eins og ekkert sé í tölvunni minni. Léleg læsing eða á ég svona lúmska tölvu? Þetta er megafínn rappsafndiskur enda rappsumarið í fúllsvíng. Einhverjir vilja meina að þetta séu allt einhver Rottvæler-vannabí, en svo er aldeilis ekki; það er bara einhver tilviljun að þetta ryðjist allt upp núna. Enginn var Bubba Morthens-vannabí í pönkinu þó Bubbi hafi verið ísbrjóturinn sem litlu bátarnir sigldu á eftir. Uppáhaldslögin mín á RÍMNAMÍNI til þessu eru "Drykkja" með meistara Bent og 7berg og svo "Púsl" þar sem Sesar A fær stórsnillinginn Skapta Ólafs til að syngja með sér. Það er akkúrat engin sanngirni í lífinu ef þetta verður ekki metsöludiskur. 13:59 
---
Ég er nú alveg að steypa yfirum varðandi VIÐEY2002 - því diskótekarinn Phil Stadium er ekki hinn eini sanni KJG heldur einhver Kristinn Blöndal sem talar eingöngu útlensku og sendi mér tölvupóst þar að lútandi. Þar hafiði það: Phil Stadium er EKKI Unsound, en örugglega geggjað góður engu að síður.
---
Grími finnst ég svo leiðinlegur og hastur við sig eftir að ég hætti á Herbalæfinu og sterka kaffinu að ég hef ákveðið að hefja inntöku á hinni göróttu blöndu á ný. Ef til vill færist því líf í tuskur bloggsins bráðum. Eitrunin verður þó undir ströngu eftirliti. 
---
Fantalemonhjúkkan er fundin og mun hella þig fulla/n á Viðey2002. 09:00

26.06.02
Ef ég skil hann rétt, þá er Hr. Múzak að biðja mig og fleira "nafntogað" fólk um að vera virkari í báráttunni gegn einræðisherranum Dabba kúk. Hef samt löglega afsökun og hefði eflaust bundið gamlan trefil um kjaftinn á mér og staðið fyrir framan O-ið ef ég hefði ekki verið á Ísafirði. Vitni geta svarið að ég var einmitt múlbundinn þar með leðurgrímu til stuðnings við kínverska Kung Fu hópinn. Nú styttist hinsvegar í að þjóðin hafi tækifæri til að ryðja gamla trölla úr vegi og velji annað, þ.e.a.s. ef einhver almennileg/ur verður í boði (hvað með nýja bæjarstjórann í Hafnarfirði? Mér lýst mun betur á að hann taki við af Össuri en að Ingibjörg fari að svissa um gír). 
Svo að Múzakki hætti að finnast ég liðleskja í heilagri báráttu gegn hinu illa þá hef ég útbúið drög að auglýsingu sem S-listinn má eigna sér og nota í næstu kosningum:

Náttúrlega má finna mun fleiri orð til að berja á hinum tæpgeðja sjúklingi með, en þetta verður að duga því ég mundi ekki fleira í augnablikinu (eins og þetta sé ekki nóg svosem). Svona "öfug" taktík gæti virkað, kannski. Æ ég veit það ekki. Verða ekki allir bara búnir að gleyma öllu eftir ár, Dabbi segir nokkra brandara og fíflin merkja við D á ný? 10:50
---
Strákur er að hlæja að mér fyrir að hafa misskilið og haldið að diskótekarinn Phil Stadium héti Fill Stadium. Auðvitað er "Fill Stadium" miklu betra nafn, þ.e.a.s. sá sem fyllir íþróttaleikvanga. "Phil Stadium" er bara eitthvað of venjulegt grín. Annars er Phil enginn annar en meistarinn KGB sem einnig kallar sig Unsound.
09:21

25.06.02
Hönnunardeild Rúnksins hefur skilað af sér fyrir Viðeyjarhátíðina og er útkoman hreinlega sláandi guðdómleg. Hér má sjá plaggat og t-bol hátíðarinnar:

Betan og Toggi Popp standa að heimasíðu tileinkaðri Viðey 2002, en allt útlit er fyrir að góður slatti af bloggandi grillpinnum mæti í sveittum sjúss á skerið. Eitthvað hef ég misskilið skilaboð um að fyrir þúsarann fengist partur af dauðu dýri til að skella á kolin, en aftur á móti hafa nú öðlingarnir hjá Carlsberg komið til móts við mótshaldara með sverum spons. "Blogg-bollan" mun einnig í bígerð en hún samanstendur af spíra og fantalemon að mér skilst. Sérstök hjúkka með blæðandi magasár sem sérsvið hefur því verið ráðin á vakt þetta kvöld. 
---
Nú hef ég læst Herbalæf dollurnar inn í skáp og látið Lufsuna fela lykilinn enda var hin banvæna blanda herbalæfs, kaffis og 3tíma svefns á sólarhring á góðri leið með að koma mér æpandi í gröfina. Manían sem ég var í um helgina samhliða hinni lífshættulegu blöndu hafði þó góð áhrif á blogggetu (já, alltaf falleg þessi 3ja-g-ja orð), eins og sjá má á málæðinu hér að neðan. Nú er ég hins vegar orðinn aðeins rólegri og má því búast við örlítið minna bloggi.
---
Í blaðið Núkynslóð frá 1968 skrifuðu Sigurður Guðmundsson og Þórarinn Eldjárn grein um orð þar sem sami stafur kemur fyrir þrisvar í röð. Þeir kölluðu fyrirbærið "Radddálka". Hér eru nokkur sýnishorn með skýringum (birt með alls engu leyfi höfunda):

Dogggjarn - gjarn á að rísa upp við dogg
Lakkklár - slunginn við að lakka
Prógrammmæltur - líkt máli farinn og höfundar kvikmyndaprógramma
Vafffúll - leiður á að heita nafni sem byrjar á vaffi

og að lokum:

Rasssár smekkkarl - smekkvíst gamalmenni
---
22:59

24.06.02
Viðeyjarhátíðin mikla gengur nú undir gælunafninu Blogggrill (gaman þegar koma þrír eins stafir í röð) og er aldeilis gaman að því. Offisíelt nafn verður þó líklegast VIÐEY 2002.
Katrín er með könnun þar sem nördarnir sem lesa bloggið hennar eru í óða önn að bera af sér nördismann. Undirbúningur fyrir glensið er í fullum gangi og rétt að minna á heimasíðu Rúnkara, sem standa í raun á bakvið þessa dúndurgóðu hugmynd. Ég ligg þó mitt á vogarskálar plöggsins og heimsæki Sigurjón og kó í fyrramálið. Verð þar um kl. níu. 14:27

23.06.02

22.06.02

21.06.02
Blogg-geðveikin heldur áfram. Grímur bassadjöfull er kominn með málæði í puttana og ljóstrar upp innanhúsleyndarmálum af hljómsveitinni Dr. Gunni. Þá er Helga Vala konan hans líka komin á fullt. Kötturinn í númer 9 segist vera á leiðinni með síðu og trén í garðinum eru komin á treeblog.com. Hvar endar þetta?
---
Ég var fullfljótur að drulla yfir bloggheiminn og hef uppskorið eftir því. Þess vegna dreg ég allt til baka og segi að allir þeir sem blogga séu snillingar og öðlingar sem ég elska og virði út af lífinu. Fyrir utan stelpurnar þrjár að neðan (þá meina ég hér að neðan í blogginu, ekki að þær séu eitthvað betri að neðan en aðrir - úbbs, Sverrir Aulasker farðu úr mér!) má auðvitað týna til sérstaka meistara sem eru vitanlega Nonni í Nýdönsk, Siggi mótmælandi, Lubbi, Jonni og lófæheimdellingurinn. Allir hinir eru auðvitað frábærir líka og má nálgast á Naggi eða Klani.
---
Taktu frá föstudagskvöldið 5 júlí. Já-há því þá verður þrumustuðball og skrall og pulsur og kjaftæði í Viðey! Hinir eldhressu krakkar í RÚNK standa að þessu svakalega geimi og hafa boðið hljómsveitinni DR. GUNNI að spila með og auðvitað sagði hljómsveitin já! Fyrsta giggið mitt í helvíti langan tíma verður því semsé í VIÐEY FÖSTUDAGSKVÖLDIÐ 5 JÚLÍ! Á efnisskránni verða ný lög og svo eitthvað gamalt stuð ef áhorfendur bjóða í svoleiðis. Auk Rúnk og Dr. Gunna verða á eyjunni plötusnúðarnir Fill Stadium og Dj Talnapúki og kántríboltinn Rassi Prump mun syngja sitt kántrí. Ein hljómsveit mun líklegast bætast við. Það verður selt eitthvað smá inn á dæmið - þúsund kall topps, skilst mér, og fá gestir auk ljúfra tóna; siglingu (báðar leiðir), grillmat og bjór. Er þetta æði eða er þetta hvítblæði? Æði, maður! Nú er eins gott að Trausti veðurfræðingur verði hress þann 5. júlí!!!
---
Álpaðist til að sjá nokkrar mínútur af hinum hörmulega Íslandsþætti Villa í Naglbítum og þessarar Rósu ömurlegu. Þau tvö eitthvað alveg klúless og óspontant og vonlaus að borða egg. Kommon! Hvaða hálfvita datt í hug að fjármagna þetta drasl með mínum peningum? (Það er jú skylduáskrift). Villi er fínn náungi og 200.000 er toppband og hann var ágætur í hinum þættinum en Rósa greyið er alveg glötuð þó hún sé eflaust frábær á einhverju öðru sviði - léttbláum leðurklámmyndum kannski? 
En það má nú gefa Rúv prik fyrir að sýna nýjustu AbFab seríuna. Frábært stöff. Eftir hina úldnu Smack the Pony þætti gæti maður haldið að breskar kerlingar gætu ekki verið fyndnar en svo er nú aldeilis ekki. AbFab (Tildurrófurnar) eru frábærar. Og þessi ástralski framhaldsþáttur um ungt fólk á uppleið er alveg ágætur líka - Síkret læf of ös. Ég játa að ég horfi stundum á það bull, en í gær var mér öllum lokið og fattaði að þetta er bara Leiðarljós unga fólksins. Já og hvað með það? Ég horfi líka eftir viku.
---
Ég var í heita pottinum í Vesturbæjarlauginni og þá kom Sigurður Skúlason sem lék ökukennarann í Gemsum. Hann spurði mig hvort ég hefði fengið einhver viðbrögð á frammistöðu mína í Cherrios-auglýsingunni? Ha, hváði ég og kom af fjöllum. Ég hafði nebblilega ekki leikið í neinni auglýsingu fyrir Chíríos. Siggi hélt ég væri að djóka með sig og staðhæfði að ég hefði leikið í þessari auglýsingu. Ég þvertók fyrir það. Nú var kallinn orðinn brjálaður og þetta var orðið eins og sjúkrabílasenan í Gemsum svo ég forðaði mér áður en allt yrði vitlaust en Siggi gaf mér fokkmerki og sagði að ég væri lygari og fáviti. Þetta var orðið eins og sena úr Hitchcock-mynd svo ég fór heim í þungum þönkum og skrifaði Árna Zúra email, þar sem hann er eini maðurinn sem ég veit að er í þessum augl-bransa:

> Mér var sagt að ég léki mann sem gleymir að fara í sundskýlu í Cherrios
> auglýsingu. Ég
> kannast ekkert við þetta. Var ég etv í blakkáti eða voru mér gefin eiturlyf? Kannski einhver tvífari? Veistu eitthvað um þetta?

Zá Zúri var með á nótunum og svaraði:
já sæll. ég kannast sko vel við það enda gerði ég hana. en ég get fullvissað
þig um það að það varst ekki þú. hann er jú reyndar mjög líkur þér. þó ekki
eins mikill töffari.

Púff vá! Sem betur fer. Og augl er meira að segja til á netinu, hér. Tékk it. Það sést ekki mikið framan í gaurinn en vaxtarlega séð er þessi huldumaður líkur mér - eða eins og ég var fyrir 1 ári áður en ég fór að massa mig upp (je, ræt).
---
Gott hjá Brössum að taka þessa ensku bjána í görnina. Taglhnítingurinn í rusli og Bekkham grenjandi. Gott mál!

20.06.02
Madonna er fremur óþolandi en "Beautiful Stranger" er frábært lag.
---
Cuntney Love (eins og Sverrir Fávitasker myndi eflaust segja) er þó enn verri. Malibu er þó gott lag. Það ætti að þræða þessa belju upp á tein og steikja yfir hægum eldi í beinni á MTV og svo ætti að dæla Nirvana-bútleggum á markaðinn. Helvítis gráðuga tík.
---
Talandi um græðgi: Hinn fullkomni heimur músikáhugamannsins er búinn að vera - í bili að minnsta kosti. Fyrst drap "maðurinn" (e. "The Man") Napster, en þá kom bara hið frábæra Audiogalaxy og maður var í sælu ókeypis tónlistar í nokkur misseri. Ekki það að ég hafi ekki keypt meira af diskum en vanalega á því tímabili - jú, þetta var sem blóm í eggi, maður var alltaf að uppgötva eitthvað nýtt og kaupandi dót. Þetta gráðuga hyski sem hefur nú lokað fyrir Audiogalaxy skildi ekki að þetta var útvarp vorra tíma. Að Audiogalaxy sé dautt eru verstu fréttir sumarsins.
---
En er einhver nýr möguleiki í stöðunni? Enginn nærri því eins góður, því miður. Hef prófað Limewire sem tottar gölt. Byggir á þessu glataða Gnutella-systemi sem er handónýtt og allt fyllist af upppoppandi auglýsingum. Hef prófað WinMX sem er sæmilegt en þar eru endalausar biðraðir eftir öllu og úrvalið sláandi lélegt eftir gleðina hjá Audiogalaxy. Hef reynt að prófa Edonkey2000 en ekki einu sinni náð sambandi við þjóninn. Hef líka reynt að prófa Blubster en næ ekki heldur sambandi. Hvílík leiðindi! Ef lesendur vita um eitthvað almennilegt mega þeir láta mig vita.
---
Bassaleikari Dr. Gunna, Hr. Grímur Atlason, skrifar í mbl í dag og er alveg óður og vill að Davíð Oddsson segi af sér. Hei - meðan fífilin kjósa þetta yfir sig hvað er svo sem hægt að gera? Er þetta ekki lýðræðið? Annars er ég of lífsglaður (les: áhugalaus) til að nenna að velta mér upp úr Davíð Oddssyni. Tek bara undir það sem öldruð móðir mín segir. Hún vorkennir aumingja manninum að eiga ekki séns á erfingjum. Leiðinlegt að karlgarmurinn taki það vandræðaástand út á okkur. 
---
Sumir eru allir út á við og hugsa um umbúðir allan daginn. Eins og t.d. tískuplebbinn Oddur Þórisson sem lítur út eins og ofsoðin SS-pulsa. Hann og Arnar Gauti (sem Mikki Tott gerði frægan á einni nótt í æsilegu Fókus-viðtali) og Ari Magg ljósmyndari eru gengi og svo kemur Árni Vigfússon hjá Skjá 1 sterkur inn í gengið. Þetta gæti næstum verið rottu-pakk (e. rat pack) Íslands, ef þeir væru aðeins meira kúl og ekki alveg svona vitlausir (án þess að ég viti svo sem mikið um það og þess vegna gætu þeir allir verið meðlimir í Mensa on ðe sæd). Þegar Árni Vigúss var bara Hellisbúi og ekki Skjár 1 villtist ég einu sinni í eftirpartí heima hjá honum þegar hann bjó á Grettisgötu. Blessaður drengurinn var ekkert nema almennilegheitin og vildi allt fyrir mig (eins og aðra gesti) gera. Þetta var nú ekkert villt - á svæðinu bara nokkrar ofbrúnar stelpuskjátur, nokkrir jakkafataplebbar og svo leit Eyþór Arnalds inn með remúlaði á bindinu. Ég tók eftir því að Árni átti risastórt sjónvarp og svo var hann með nokkrar artífartí s/h ljósmyndir af snobbuðum Íslendingum (vinur minn Thor og eitthvað svoleiðis ofmetið pakk) upp á vegg sem Ari hafði tekið og Oddur eflaust "stíliserað". Ég þurfti auðvitað að þusa eitthvað um hvað þetta væri lummó hjá honum en Árni brosti bara skilningsríkur og leiddi rausið eðlilega hjá sér. Svo stal fylgiskona mín rauðvínsflösku úr myndarlegum rekka Árna (ég vissi það ekki og skammaði hana, enda aumingjalegt að stela) og við hurfum á braut enda eftirpartíið varla til staðar lengur.
---
Eftir þetta hef ég heilsað Árna á förnum vegi. Ég hef hins vegar ekkert gert til að verðskulda það að fá að heilsa Oddi og Ara og er það miður. Ég hef þó oft séð þá á förnum vegi og verð alltaf jafn "fashion concious" þegar ég mæti þeim. Fer að hugsa - æ, sjitt, hvað ætli Oddi finnist um larfana sem ég er í núna - honum finnst ég örugglega algjör fáviti og hallærislegasti maður í heimi. Þá herði ég mig upp og hugsa: Æ hann getur bara étið skít helvítis tískuhomminn. 
Ég er náttúrlega alltaf eins og fábjáni til fara enda of lífsglaður (les: átvagl) til að passa í einhver kúl föt. Dressman er mín búð of choice og nú held ég að Oddur sé farinn að æla af örvæntingu, ef hann er að lesa þetta. Einu sinni var ég með manni í hljómsveit sem sagði að ég mætti skjót'ann ef ég sæi hann fara inn í Dressman og jú jú, auðvitað er þetta hallærið uppmálað. En flíspeysurnar maður, ú la la la.
---
Fyndnar annars þessar auglýsingar frá Dressman. Alltaf þessir sömu þrír hnakkar sem spóka sig í Dressman-tuskunum í sló mó og gellurnar alveg óðar. Einu sinni var það tekið fram í þessum auglýsingum að fötin væru annaðhvort Battistútí eða Makkgordon en nú eru þeir hættir því - hafa líklega fattað að öllum var skítsama. 
Það er verst að hér eru engar almennilegar Gap eða Old Navy búðir. Í ferðum mínum í erlend moll hef ég lært að þar fást bestu fötin. Leiðinlegt að þetta hörmulega morðmál um árið verði til þess að þessi gæðamerki verði alltaf tengd viðbjóði í hugum Íslendinga.
---
Ég mun aldrei fara inn í verslunina GK en hef tekið eftir því að þeir eru með boli með íslenska skjaldarmerkinu. Þetta er nokkuð flott verð ég að segja, eða a.m.k. þar til ég sé Gunnar Óla eða einhvern álíka mel í svona bol. Þið þarna í GK megið gjarnan senda mér svona bol (sé hann til í XL). Ég er skránni. Ég segi bara eins og vinkona mín Dóra Einars sagði við mig þegar ég var 20 ára bakksteids í Casablanca. "Þú átt að gefa mér eintak (af fyrstu plötu S/H Draums). Það er betri kynning en auglýsing á Rás 2."

18.06.02
Þá er komið skítaveður á ný og því löglegt að hanga inni og "blogga". Nú eru allir í bænum farnir að halda úti dagbók á netinu og ég verð að játa að þetta er allt frekar leiðinlegt þvaður um ekki rassgat. Erða Sigurjón og kó sem eru ábyrgir fyrir þessu þvaðri öllu? Nú bíða allir spenntir og tilbúnir á lyklaborðinu því hér er Topp 10 í best of netþvaðri (engin sérstök röð).

Heimasíða Helgu
Katrín
Beta

Æi, mundi bara eftir 3 sem ég nennti að mæla með - og allt stelpur. Ef ykkur finnst þær leiðinlegar getiði þá að minnsta kosti skoðað myndirnar af þeim. Og föndrað við ykkur ef þið eruð þannig þenkjandi.
---
Djöfuls smáland er þetta sem maður býr í. Ef það vantar gesti í Kastljós er alltaf talað við þá sömu. Ég trúi varla að þetta sé að gerast - Baldur stjórnmálafræðingur og eiginmaður Felixar Bergssonar mættur enn og aftur (er hann til á lager hjá Rúv?), annar gáfaði tvíburinn (sem má nú eiga það að hann gaf Eru ekki allir í stuði góða dóma) og svo Ásgeir Friðgeirsson, sem er út um allt þessa dagana - þykist meira að segja hafa vit á fótbolta. Ég bjó nú við hliðina á Ásgeiri í u.þ.b. 20 ár og þá var hann engin sérstök mannvitsbrekka. Hann er svona 6 árum eldri en ég og tók mig einu sinni hálstaki og hélt mér á lofti þar til ég var næstum dauður. Eftir þá meðferð hef ég haft sérstakt auga með Ásgeiri og forðast hann. Nú er hann alls staðar og þykir ægilega snjall - svona er að vera ritsjóri hjá einhverjum fretvef sem er búinn að vera stanslaust á hausnum í 2 ár.
---
Allt á hausnum þessa dagana. Edda, DV, allir þessir vefir og svo Fréttablaðið sem gerir ekki annað en að segja frá öðrum sem eru á leið á hausinn en eru svo á hvínandi rassgatinu sjálfir og borga ekki útburðarfólki. Ég hef tekið eftir að blaðburðabörnin eru byrjuð að vera með uppsteit því út um allan bæ má sjá stafla af óútbornu Fréttablaði sem krakkarnir hafa strækað á að dreifa. Afhverju segja þeir ekki fréttir á því hjá Fréttablaðinu?
---
Annað með Rasskastljós sem ég hef tekið eftir. Ef þeim vantar einhver "hressan" í föstudagsþátt draga þeir Thor Vilhjálmsson inn og hrúga í sófann og látann þusa eitthvað sem enginn skilur. Hvað er svona "hresst" við elliærann hundleiðinlegan hálfvita sem getur ekki rassgat? Ég næ þessu ekki.
---
Skrýtið þetta nýja Stuðmannalag, ekki gott, en ekki beint ömurlegt. Hvenær ætli það verði komið í auglýsingu?
---
Senegal verða heimsmeistarar. Eða Kórea. Eða Brasilía. Ég nenni ekki að einhverjir aðrir vinni.
---
Jonni kom með 2 cdr diska frá Eddu. Rímnamín-rappsafndiskurinn sem Sesar A hefur verið að týna saman á og fyrsta offisíal plata meistara Kippa Kanínus. Það mætti segja mér að þetta verði á fóninum næstu daga.
---
Hljómsveitin Dr. Gunni spilar sitt fyrsta gigg Á AKUREYRI 13. JÚLÍ!
Sætaferðir verða etv í boði úr Rvk. Nú hefur bandið æft átta sinnum og er orðið nokkuð þétt. Ég hef ákveðið að bíða fram á næsta vor (2003) til þess að gefa sólóplötuna út. Það koma þó líklega 1-2 lög á safnplötum áður.

07.06.02
Keypti mér fyrstu Hljómaplötuna í dag á disk. Lengi hefur mig langað að vita hvað þetta öfuga-bull væri í byrjun plötunar (byrjunin á laginu "Heyrðu mig góða") og nú hefur mér tekist með nútímatækni (Sound Forge) að leysa gátuna. Hér er hinn öfugi bútur orðinn réttur og sannleikanum samkvæmur.
---
Fyndið að sjá Arafat leiða Dóra Ásgríms út um allt eins og þær séu litlar stelpur í mömmuleik. Sætt. Svona er nú Homo Sapiens inn við beinið þrátt fyrir öll mannalæti - lítil vesæl og hrædd smástelpa. Óþarfi samt að fara að væla út af þessari miskunnarlausu staðreynd og byrja að trúa á einhverja yfirnáttúrulega veru.
---
Dee Dee Ramones er dáinn, grey kallinn. Fannst á miðvikudaginn í íbúð sinni úr því sem lítur út fyrir að vera heróín óverdós. Fyrir þá sem ekki vita var Dídí í Ramones á gullaldarárunum og samdi megnið af snilldinni. Fíkill. Skál í botn í heróínsprautu fyrir Dee Dee og vonandi færðu stóra heróínsprautu í rassinn í pönkvalhalla.
---
Fótbolti og svona. Hef verið á Glaumbar að horfa á þetta rugl, stundum einn með barþjóninum (sem hellir upp á fyrir mig ilmandi góðum svaladrykk). Stundum slæðast nokkrir karlar inn og æpa móðir og rallhálfir og þykjast hafa voðalegt vit á þessu og nöldra yfir meintu getuleysi leikmanna. Gætu þó ekki sjálfir gengið þvert yfir völlinn án þess að leka niður með blóðtappa. Fullt hús í dag þegar England vann slappar Argentínur. Ægileg svitafýla í lofti og hormónaflóð. Öskur og gól og mikið fagnað. Held að flestir hafa haldið með Beckham og félögum. Jú jú það er gaman að þessu rugli. Þarna endurspeglast tilgangsleysi lífsins glæsilega. Ég held að Brian Eno hafi sagt að án fótbolta væru uppreisnir meðal hvítra karla mun algengari en þær eru í dag. Hvað hefði þetta fólk ef það hefði ekki fótbolta? Lítið. Þá yrði það órólegt og færu að spyrja sig nagandi spurninga um samfélagið o.s.frv. Eins gott að það gerist ekki. Áfram Írland!

03.06.02
Discovery með Daft Punk er góð plata. Alveg upp á 9.5. Úti er sól og svaka stuð. Hvað er ég að hanga inni að skrifa bull? Og hvað ert þú að hanga inni og lesa þetta!? Rokk!
 

VAR EITTHVAÐ AÐ GERAST í apríl og maí 2002?