31.12.04
Jæja þetta er að verða búið. Árið.
Næsta 7. okt verð ég 40tugur. Uss það er svakalegt.
Stefni eindregið að því að verða að heiman.
Kannski með Flugleiðum í San Fransisco. Kom þangað
einu sinni 1990 sem var magnað. Túr með Bless. Át
Meskal-orm og reykti ægilegt hass. Mikið rokk. Ef ég fer
aftur mun ég hvorugt gera. Viltu árin að baki. Espaði
mig samt upp í að kaupa mér smá brennivín
fyrir kvöldið, en það er reyndar bara til málamynda,
enda finnst mér leiðinlegt að finna á mér.
Hvað þá að verða fullur. Maður bíður
ekki smábörnum upp á sig svoleiðis. Gífurleg
ábyrgð. Keypti einhverja vodka-smástelpu flöskur
og einn áfengan cider. Ég er algjör fermingatelpa í
drykkju þessi dægrin. Sem er gott. Fór í Ríkið
í Austurstræti. Þarna í miðbænum er
eins og Wall Street. Allt fullt af köllum í fínum jakkafötum
og konum í skrifstofufötum. Svona sex in ðe city stemming
og allir tottandi alla á Rex. Ímynda ég mér.
Allavega allt að gerast. Rosa útrás bla bla bla. Mikið
"hverjir voru hvað". Sá Jón Ólafsson vonda. Sá
Árna Þór Vigfússon. Sá Gunnar Smára
vera að tala við Ólaf Hannibalsson. Fór svo með
bullandi samviskubit að kaupa flugelda. Endaði með því
að eyða 5000 kalli en hefði auðvitað átt að
eyða því í Rauða krossinn og hjálparstarf
vegna þessara heimsendalegu flóða. Sagði þó
við sjálfan mig að Skátarnir þyrftu líka
á peningnum að halda. Ég gæti meira að segja
fótbrotnað á fjalli og þá væri gott
að eiga innlegg hjá Skátunum. Sprengi þetta upp
ef veðrið verður sæmilegt.
---
Loksins búinn að koma öllum geisladiskunum mínum
saman á einn vegg:
Fyrstu 4 hillurnar fara í íslensku deildina í
stafrósröð. Reyndar þurfti G-ið og H-ið að
vera upp á rönd. Svo koma 8 raðir af útlendu dóti
í stafrósröð. Reyndar er eitt annað svona Ikea-únit
undir erlenda safndiska annars staðar á skrifstofuna svo það
er lýgi að allir diskarnir komist á einn vegg. Já
og svo eru klassísku diskarnir oní kassa í geymslu,
sem sýnir kannski vel vægi klassískrar tónlistar
á þessu heimili. Á myndinni má sjá verðlaunagripinn
"Sunnuna", sem ég fékk að launum í dorgveiðikeppni
í steggjun Steina sleggju í sumar. Einnig Canon skanner og
aumingjalegu steríógræjurnar mínar (Sanyo -
fékk þær að launum fyrir að skrifa viðtal
við Kristin Jón Guðmundsson í "O"-ið 1989 eða
eitthvað.) Sé enga ástæðu til að fá
mér nýjar græjur fyrr en þessar hreinlega drepast.
---
Þar sem ég verð ekki þunnur á morgun
ætla ég að rífa mig upp (vakna kl. 7 hvort eð
er) og keyra upp á Skonrokk og sjá um 3ja tíma Doktor
Doktor þátt á milli 12 og 15. Taka árið
2004 og pakka því snyrtilega inn. Spila lög af 15 bestu
erlendu og 15 bestu innlendu plötum ársins + eitthvað bla
bla. Ég vona að þú hlustir enda ekkert annað
um að vera nema þynnka og eitthvað röfl í Ólafi
Ragnari.
---
Já og gleðilegt ár! Vonum að 2005 verði gott,
hér verði áfram offramboð á peningum og allt
fari eins lítið og hægt er til helvítis. Verum
góð 2005.
29.12.04
Ég er svona að komast að niðurstöðu um
hvernig ég á að koma geisladiskunum mínum saman
á einn stað. Óhentugar Ikea hillurnar eru löngu
brostnar og diskar flæða nú um öll gólf. Fór
í Ísold eftir að hafa séð Bibba leysa sín
diskavandamál með hillurekka frá þeim, en snérist
svo hugur og er að spá í að kaupa bara nokkrar Ikea
hillur í viðbót en því miður þýðir
það ferð í Ikea, helvíti á jörð.
Ef ég fer snemma þá verður kannski ekki allt orðið
geðveikt. Útsala og svona.
---
Ég hélt að þetta vandamál myndi leysast
með mp3-væðingunni en það er nú síður
en svo. Ein leið er að henda nokkur hundruð diskum eða
selja þá, en af biturri reynslu hef ég komist að
því að það er ekki leiðin.
---
Hringdu í 9072020 og gefðu 1000 kall til Rauða krossins
v/ hamfarasvæðanna við Súmötru. Þig munar
ekkert um það. Rosalegt dæmi. Spurning um að flytja
upp í fjöll? Biggi skrifar athyglisverða grein um þetta
á vantrú sem ber fyrirsögnina Terroristinn
guð.
---
Hér er nýjasta nýtt: Náttúruvernd
og klám í einum pakka: Fuck
for forest. Hvenær kemur Riðið gegn Kárahnjúkavirkjun?
Ómar og Elísabet í hörku... nei, uss! Annars
skilst mér að aðeins örfáir Íslendingar
hafi sótt um vinnu í þessu djöfulsins álveri
í Reiðarfirði. Þetta fer því þannig
að álverið verður fyllt af Pólverjum og Kínverjum
(og auðvitað ekkert að því - það vantar
að hræra aðeins í genapollinum) en Íslendingarnir
verða með sjoppurnar og videóleigurnar.
---
Það birtist nýr
kjallari eftir mig í DV í dag. Hann er nú frekar
lélegur enda er maður hálf eftir sig eftir allt reykta
kjötið og konfektið.
27.12.04
Ég sverða: Það lekur Nóa konfekt út
úr mér, og mér finnst það ekki einu sinni
gott! Hamborgarhryggurinn var rosalegur og frómasið frá
Dagnýju systur æðislegt. Svo varða hangikjöt
hjá Mapa og leifar í gær. Þessari átveislu
er þá blessunarlega lokið í bili og ekkert nema
skyr og harðfiskur framundan. Dagbjartur fékk hrúgurnar
af dóti, en sjálfur fékk ég t.d. 4ðu Simpsons-seríuna,
Belladonna-skjölin, nýjan safndisk Curvers, Austur-þýskt
hlaup, inniskó, sérstakan gönguvatnsbrúsa með
slöngu, töff bol og eggjasuðutæki auðvitað.
---
Nú verða allir í fyrsta gír fram eftir viku
því það er enn eftir Gamlárskvöld og
það allt. Þessi vika, milli jóla og gamlárs,
var rosalegur tími einu sinni því maður klikkaðist
yfir öllum flugeldunum. Keypti eins og maður gat og mixaði
svo fram og til baka. Var að teipa og experimenta í bráðri
lífshættu auðvitað. Strákurinn í næsta
húsi missti auga en það kom ekki niðrá honum
og hann er þingmaður í dag. Ég slapp, enda varkár,
en samt engin hlífðargleraugu. Mig hlakkar til að fá
þennan æsing aftur þegar Dagbjartur verður orðinn
aðeins eldri. En ætli maður kaupi ekki eitthvað og prófi
hvort hann fríki út þegar lætin byrja. Á
nú ekki von á því enda pilturinn með stáltaugar
líkt og ég.
24.12.04
Gleðileg jól!
23.12.04
Jólakjallarinn.
---
Þorláksmessa: Nei ég borða ekki skötu
og fæ heldur ekki kikk út úr því að
láta míga upp í mig. Það er hins vegar stutt
í áramótin og því alveg við hæfi
að birta uppgjörslista:
Bestu innlendu plöturnar 2004
1. Mugison - Mugimama is this monkeymusic?
2. Singapore Sling - Life is killing my rock n roll
3. Jan Mayen - Home of the free indeed
4. Pornopop - And the slow songs about the dead calm in your hands
5. Fræbbblarnir - Dót
6. Slowblow - Slowblow
7. Þórir - I belive in this
8. Hæsta hendin - Hæsta hendin
9. Stafrænn hákon - Ventill / Poki
10. Björk - Medúlla
Annað ágætt: Hjálmar - Hljóðlega
af stað, Hvanndalsbræður - Hrútleiðinlegir, Ceres
4 - C4, Vonbrigði - Eðli annarra, Stranger - Paint peace, Mugison
- Niceland, Brain police - Electric Fungus, Ske - Feelings are great, Búdrýgindi
- Juxtapos, Maus - Tónlyst / Lystaukandi, Geir Harðarson - Landnám,
Jagúar - Hello Somebody!, Ölvis - Ölvis, Brúðarbandið
- Meira!, Hljómar - Hljómar, Dj Musician - My friend is a
record player, Jóhann Jóhannsson - Dís, Gísli
- How about that, Quarashi - Guerilla disco, Skátar - Heimsfriður
í Chile, Amina - AnimaminA
Bestu erlendu plöturnar 2004:
1. Brian Wilson - Smile
2. Hot Chip - Coming on Strong
3. Tv on the radio - Desperate youth, blood thirsty babes
4. The Futureheads - The Futureheads
5. !!! - Louden up now
6. Franz Ferdinand - Franz Ferdinand
7. Air - Talkie walkie
8. The Brunettes - Mars loves Venus
9. The Cops - Stomp on heywires
10. Graham Coxon - Happiness in magazines
Annað ágætt: The Go! Team - Thunder lightning
strike, Fiery Furnaces - Blueberry Boat, Streets - A grand don't come for
free, Scissior sisters - Scissior sisters, The Hives - Tyrannosaurus Hives,
The Arcade Fire - Funeral, RJD2 - Since We Last Spoke, Mylo - Destroy Rock
n roll, Lorette Lynn - Van Leer Rose, Aberfeldy - Young forever, Dungen
- Ta det lungt, Blonde Redhead - Mystery is a butterfly, Shitmat - Full
english breakfast, Animal Collective - Song tungs, K.I.M. - Miyage, Arcitecture
in Helsinki - Fingers crossed, Annie - Anniemal, The Owls - Our hopes and
dreams, The Black Keys - Rubber Factory, Ratarat - Ratatat, The Earlies
- These were, Jason Forrest - Unrelenting songs of the 1979 post disco
crash, Sufjan Stevens - Seven swans, The Secret Machines - Now here is
nowhere, The Beastie Boys - To the 5 boroughs, Of Montreal - Satanic panic
in the attic, Soft Pink Truth - Do you want new wave or do you want the
soft pink truth, Ted Leo - Shake the sheets, Dizzee Rascal - Showtime
Bestu gömlu plöturnar (eða safnplötur með
gömlu stöffi) sem ég uppgötvaði 2004:
1. The Fall - The Real new Fall LP (Formely Country on the click)
2. V/A - So young but so cold (Underground french music 1977-1983)
3. MC5 - Back in the USA
4. Millennium - Begin
5. The Zombies - Odessey & Oracle
6. Serge Gainsbourg - Melody Nelson
7. Klaatu - 3:47 EST
8. The Sound - Jeopardy
9. Sagittarius - Present tense
10. V/A - Strawberry Bubblegum (a collection of pre-10cc Strawberry
studios recordings 1969-1972)
Annað ágætt: Four Seasons - The Genuine Imitation
Life Gazette, V/A - The American Song-poem anthology, Bee Gees - Odessa,
Moondog - in Europe, New York Dolls - New York Dolls, Giorgio Moroder -
From here to Eternity, Thunderclap Newman - Hollywood dream, Brian Eno
- Here come the warm jets, The United States of America - The United States
of America, The Kinks - The Village Green Preservation society, Richard
Hell & The Voidoids - Blank generation, The Electric Prunes - Mass
in F minor, V/A - My girlfriend was a punk (18 gems from around the world),
Vive la fete - Nuit blanche, V/A - Ugly things, Super Furry Animals - Songbook,
Kas Product - Try out, V/A - Wild Things (Wyld Kiwi Garage 1966-1969),
V/A - Cambodian Rocks, The Pretty Things - S.F. Sorrow og Parachute, V/A
- Destination Bomp, V/A - Saint Etienne presents Songs for Mario's Cafe,
Robin Gibb - Robin's Reign, Hybrid Kids - 1 og Claws
Harmafregn ársins: Dauði Péturs Kristjánssonar
og Johns Peel
Bestu gigg ársins: Brian Wilson í Glasgow í
vor / The Fall í Austurbæ
Breyting ársins: Albúm-formatið er á
leiðinni út. Ég hlustaði persónulega miklu
meira á hin ýmsu lög (oftast í shuffle á
Winampinum) frekar en heilu albúmin. Kannski að maður velji
því bestu lög ársins frekar en bestu plöturnar
um næstu áramót.
Staðreynd ársins: Dánlódaði meira
af músik en ég komst yfir að hlusta á. Ég
er dánlód djönkí.
Besti hnakkinn: Love Guru - Gúrú djamm / Mousse
T - Is it cos I'm cool / Gwen Stefani - What you waiting for / J-Kwon -
Tipsy / Britney Spears - Toxic
Bestu myndirnar 2004:
1. Touching the Void
2. Pönkið og Fræbbblarnir
3. Capturing the Friedmans
4. Eternal Sunshine of the Spotless Mind
5. A Mighty Wind
6. 21 Grams
7. Fahrenheit 9/11
8. Dodgeball
9. American Splendor
10. Kill Bill 2
19.12.04
Jólalög hafa jarmað yfir eyrum okkar síðan
í október. Þetta truflar mig ekkert, en sumt er auðvitað
alveg óþolandi af þessu stöffi, á meðan
annað er ókei. Intróið í "Ég kemst
í hátíðarskap" með Helgu Möller, eða
Þú og ég, er t.d. alltaf jafn flott og greinilegt handbragð
meistara G.Þórðarsonar þar á ferðinni.
Ég kemst alltaf í hátíðarskap þótt
úti séu snjór og krap. Jólalag Kúng
Fú sem vann í jólalagakeppni Rásar 2 í
fyrra er ágætis popp, sem dæmi. Á meðan er
t.d. ákall Eika Hauks um "jól alla daga" pirrandi (eins og
frumútgáfa Wizzard) og ekki alveg að dansa í kringum
jólatréð með mér. Jólahjól hringsólar
svo á hlutlausu svæði eins og flest önnur jólalög.
Öðrum kann að finnast eitthvað allt annað, og jafnvel
þola ekki jólalög yfir höfuð, og verða þá
bara að lifa með þeirri áþján eins og
kristur á krossinum.
---
En það eru semsé að koma jól og Topp 5
er að sjálfssögðu eingöngu jólalög:
Alli
Rúts - Grýlupopp: Ég kemst alltaf í
jólastuð þegar ég dreg þessa 7" frá
1972 út úr skápnum. Umslagið er snilld og öll
lögin fjögur líka. Sérstaklega þetta sem
er byggt á hinu ofurvinsæla Popcorn lagi.
Hybrid
Kids - Deck the halls: Claws með "Hybrid Kids" er frísandi
góð jólaflippplata í nýbylgjustíl.
Hybrid Kids er Morgan Fischer og þetta kom út 1980.
Tiny
Tim - White christmas: Pabbi Tiny úr Quarashi og mikill
snillingur!
El
Vez - Feliz Navidad: Hinn mexíkóski Elvis er dúndur
hress gaur. Hér tekur hann þennan smell Kötlu Maríu
á nýpönkaðan hátt svo unun er af. Þess
má geta að El Vez hékk aðeins utan í Sykurmolunum
á sínum tíma og tróð upp með þeim.
Hörður
Bragason - Heimsumból: Orgelleikari Grafarvogskirkju og
Apparat gerði jólaspóluna "Nýmjól" sirka
árið 1983. Spólan er hörku flippuð og skemmtileg
og auðvitað mikið raríte. Ég fékk að
kópera eintak af henni hjá honum þegar ég bjó
fyrir ofan Hörð einu sinni á Njálsgötu. Hér
hefur einu lagi verið breytt í stafrænt form.
---
Þá er lokahelgi megaplöggs runnin upp. Mun standa
mína pligt við hliðina á milljónamæringi
frá New York í dag. Kl. 15 í Máli og menningu
laugarvegi og svo kl. 16 í Pennanum, Smáralind. Spilið
hefur nú verið auglýst á tæpan 3000 kall
lægst, eins og t.d. í Máli og menningu í dag.
Hér er um að ræða svokallað "verðstríð".
17.12.04
Allejúja! Útvarpsþátturinn Doktor Doktor
verður í hátíðarskapi á morgun á
milli 12 og 15 á Skonrokki FM90.9. Nú nægir ekkert
nema að fá stórskotalið í "óskalög
sjúklinga" og því mæta lærifeður rokksins
á Íslandi, Gunnar Þ og Rúnar J úr HLJÓMUM,
á slaginu 12 í tónlistarlega krufningu með óskalaga-ívafi.
Þegar því er lokið verða leikin jólalög
til kl. 15 - og þá sjaldgæf og stórfurðuleg
jólalög að mestu. Sum sé, topp þáttur
á leiðinni.
---
Hef gert jólainnkaupin og það í Fjarðarkaupum.
Verðið ekki svo mikið hærra en í Bónus
en úrvalið sambærilegt við Hagkaup. Mæli með
þeirri búð. Svo er líka Hafnarfjörður
frábær bær sem alltaf er unaðslegt að komast
til. Flyt þangað örugglega á endanum.
---
Íslenskan er frík mál. Þótt fólk
sé hætt að þéra er enn gerður greinarmunur
á dýrum og mönnum. Dýr éta og drepast,
fólk borðar og deyr, samt er sama efni í báðum
en fólk telur sér trú um að það hafi
"sál" fyrst það hefur sjálfsvitund, og því
verður greinilega að nota fínna mál á okkur.
Mér skilst að þetta hafi ekki alltaf verið svona og
snemma á síðustu öld gat maður séð
í blöðunum fyrirsagnir á borð við "Geir
Njálsson er dauður".
---
Vondar fréttir,
engar fréttir og góðar fréttir er kjallagrein
vikunnar.
14.12.04
Horfði á Dís sem er svona la la. Byrjar á
að graðir útlendingar eru niðurlægðir á
Sólon og mér skilst að fólk hafi blístrað
og klappað í bíó yfir því atriði.
Ekkert smá þjóðremba. Frekar leiðinlega hallærislegt
þetta tuð um að "í Reykjavík séu allir
listamenn og snillingar" og verið að ala á jafn mikilli
klisju og að allar íslenskar stelpur séu spólgraðar
í útlendinga.
---
Þarf að redda mér þessum bókum:
Hugleikur Dagsson - Ríðið okkur
Íslenska stjörnukortabókin
Bókin um eskimóadvergsvikahrappinn
Annað má mæta afgangi.
---
Er annars að lesa ævisögu Ronnie Spector sem hún
skrifar sjálf með einhverjum gaur. Í bókinni er
hún núna búin að giftast Phil Spector. Sá
löngu útbrunni snillingur er gyðingur og átti ráðríka
mömmu sem hefur fokkað honum illilega upp. Kerlingin óð
oft inn í hljóðverið þar sem hann var að
vinna og eyðilagði rándýrar tökur til að
færa syni sínum, milljónamæringnum, súpu.
Á brúðkaupsnóttinni fór Phil að heimsækja
mömmu og kom svo heim alveg trylltur enda mamma búin að
segja honum að gellan vildi bara peningana hans. Ronnie endaði
á að eyða nóttinni inn á klósetti en
Phil var bankandi og æpandi fyrir utan. Stórkostleg lesning.
Phil Spector var geðveikislega afbrýðisamur og vildi helst
halda Ronnie innandyra allan sólarhringinn. Hann keypti þó
bíl handa henni fyrir rest en sá böggull fylgdi skammrifi
að hann heimtaði að uppblásin eftirlíking af
sjálfum sér væri alltaf frammí við hliðina
á henni. Hmm, góð hugmynd. Annars byggði Phil líf
sitt á myndinni Citizen Kane og glápti á hana trekk
í trekk og fór alltaf að grenja þegar sleðinn
var brenndur í lokin. Eiginlega bara skrýtið að hann
hafi ekki drepið einhvern fyrr...
---
Fór til tannlæknis í morgun. Alltaf jafn skrýtið
að hafa mann hangandi ofan í munninum á sér. Hafði
reyndar tekið trylling með munnskolið til að vera settlegur.
Fáránlegt samt að þetta djobb sé eftirsótt.
13.12.04
Það virðist vera ágætt að plögga
í Pennanum. Allavega í gær og síðast þegar
ég var þar. Stóð við borð með opið
spil og sýndi fólkinu. Þónokkrir sem sýndu
þessu áhuga. Var í Smáralind og gaurinn sem
gerir bifhjólabókina var líka á svæðinu.
Klukkan 15 mættu Nylon-stelpurnar og urðu fagnaðarfundir
því við höfðum aldrei sést áður.
Voðalega almennilegar stelpur. Á sama tíma mætti
á plöggsvæðið sjálfur Árni Johnsen
og það var ekkert smá helvítis plöggveldi
á honum. Hann mætti með einhverja kerru sem hann hefur
líklega smíðað sjálfur og í kerrunni
var söngkerfi því meistarinn tók nokkur lög.
Hann var með þrennt til sölu, nýju bókina
sína, Stórhöfðasvítuna og nýjasta
nýtt í Árna Johnsens-línunni, holaða steina
fyrir friðarkerti. Ægilega lekkert. Mitt á milli Nylon
og Árna fannst mér líkingin krækiber í
helvíti eiga ágætlega við og hafði mig á
brott.
---
Annars gerði Árni enga tilraun til að leggja hendur
á mig, sem hefði kannski verið möguleiki sé
miðað við þann gífurlega hita sem er í
Vestmannaeyingum út af eitthverju froðusnakksbulli sem ég
lét hafa eftir mér í Fbl. Það er risavaxinn
spjallþráður um þetta á málefnin.com
og á eyjar.net er sérstök
skoðanakönnun: "Geta Eyjamenn fyrirgefið Dr. Gunna eftir afsökunargrein
hans?" Nú standa stigin þannig að 56% sýna kristilegt
hugarfar en 44% vilja grýta mig. Ég held það sé
ekki mikill séns á Eyjaferð í bráð.
---
Það er annars hálf fáránlegt að
ég sé orðin aðalmaðurinn í þessu
göng-til-eyjar-máli því ég hef jafn mikin
áhuga og jafn miklar skoðanir á þessum göngum
og t.d. hafnarmannvirkjum á Bíldudal eða hvort
strætóleiðum á Akureyri eigi eða fjölga
eða fækka (Plís Bíldælingar og Akureyri,
þetta var bara dæmi). Það er alveg á hreinu
að ég hugsa mig tvisvar, ef ekki þrisvar, um áður
en einhver blaðadrjóli hringir í mig næst til að
fá "skoðun" á einhverjum andskotanum. Ef það
er eitthvað í sambandi við Vestmannaeyjar segi ég
helvítis manninum að éta skít og skelli á.
12.12.04
Sunnudagur þýðir TOPP 5!
Larry
Jon Wilson - Sheldon Church Yard : Frábært lag sem Mugison
mætti með í þáttinn í gær. Af
safnplötunni "Country got Soul" (næsta mál á slsk)
Plastic
Bertrand - Tout petit la planete : Belginn sem Hemmi Gunn kóveraði.
Grúví eurodiskó frá 1979, en auðvitað
ekki eins æðislegt og "Ca plane pour moi".
The
Owls - Do ya : Amerískt sæt-indí-popp sem minnir
á Belle & Sebastien os.frv. Gott stöff (af ep-plötunni
"Our hopes & dreams")
Hybrid
Kids - God save the Queen : Fíflakóver frá Hybrid
Kids, aka Morgan Fischer, ca 1980.
Katchafire
- Bounce : Gæða frum- og eyjaskeggja-raggae frá Nýja
sjálandi.
11.12.04
Heimsmeistarakeppnin tókst gríðarvel. Keppt var á
fjórum borðum:
Sigurvegari hvers borðs komst áfram í úslitaleikinn
sjálfan. Hinir fjórir fræknu voru Ölvir Gíslason,
Kjartan Guðmundsson, Bertel ?son og Kristinn Pálsson. Allir
nema Bertel höfðu komist í svokallað "nörda-lið"
í sjónvarpsþáttunum og því til
alls líklegir.
Hér má sjá úrslitaleikinn í fúll
svíng, ég er dómari, en þarna má að
auki sjá meðlimi úr Utangarðsmönnum og Brímkló.
Sögulegir sættir? Einnig má sjá góðkunnan
blaðamann og fleiri snillinga. Eftir þokkalega harða keppni,
þar sem Kjartan og Ölvir voru hnífjafnir en hinir aðeins
síðri, tók Kjartan þetta og telst fyrsti HEIMSMEISTARI
Í POPPPUNKTI í heiminum.
Hér fagnar hann sigri ásamt unnustu sinni. Heimsmeistarinn
Kjartan fékk glæsileg verðlaun, PPspilið auðvitað,
kassa af Sol og hnausþykkan bókapakka frá Máli
og menningu. TIL HAMINGJU!
---
Plögg á morgun: Ég í Pennanum Smáralind
að kynna spilið kl. 14-15, en þá koma Nylon. Jakob
skrifar ágætan fítjör um þetta plöggdæmi
allt saman og hefur greinilega fengið hugmyndina af þessum
kjallara.
---
Hér eru grínarar
sem pakka saman tónlist. Hér
er jólaplata sem er niðurstaða allra jólalaga í
heimi. Frekar leiðinlegt en hugmyndin góð.
---
Egill Helgason skrifar, eins og hann hefur gert oft áður,
um það hvað bíóúrvalið sé
slappt hérna. Ég held það sé einhver jóladoði
í gangi og þetta muni skána. Ástandið hefur
oft verið ágætt og einhverjar 2-3 spennandi myndir í
bíó. Mig hefur dauðlangað til að komast í
bíó upp á síðkastið, t.d. þegar
fólkið á heimilinu vill horfa á Idol, en í
gær fann ég ekkert sem ég nennti á. Maður
gæti kannski séð stöff eins og Paparazzi, Bridget
Jones eða Bad Santa í videó en glætan að maður
nenni á þetta í bíó.
---
Já og svo erða DOKTOR DOKTOR á eftir kl. 12. Þátturinn
er endurtekinn á sunnudögum kl. 15. Mugison mætir með
músik og ég ætla að spila helling af allskonar
stöffi en bara eitt jólalag.
10.12.04
Skálda-popp-punktur á Súfistanum tókst
vel. Þorsteinn Guðmundsson vann, enda grísaðist hann
á létt hraðaspurningaspjald sem gaf honum 4 stig. Sindri
og Huldar komu næstir, en Auður og Sigmundur ráku lestina.
Sigmundur kom reyndar seint til leiks. Að auki lásu þau
úr bókum sínum sem mér heyrðist vera algjör
snilld upp til hópa. 3/4 af hinum dularfulla Baggalúts-hóp
mætti að auki og tók hið unaðslega lag Barry Gibb,
Island in the stream á íslensku. Mér skilst að
þeir verði hjá Gísla Marteini á morgun.
---
Tekið er við skráningum
í heimsmeistarakeppnina í PP í dag en þá
er það komið. Klukkan 16 á morgun byrjar svo hin hrikalega
spennandi keppni og ætli við fáum ekki heimsmeistara um
kl. 19.
---
Þátturinn Doktor doktor er á Skonrokki á
morgun á milli 12 og 15. Stórkostleg tónlist og svo
óskalagagestur sem er engin annar en Mugison,
sem mun hirða megnið af þessum íslensku tónlistarverðlaunum
í febrúar.
---
Djöfuls gúrkutíð er þetta. Búið
að vera að tala um þessi hross á Vatnsleysuströnd
alla vikuna. Og ekki einu sagt hvað hrossin hétu. Sörli,
Skjóni, Blesi og Faxi kannski? Það vantaði alveg að
gera þessar fréttir "hest-legri". Ég er með stórkostlegt
skúbb í anda allra þessara sóttvarnar-Haraldur
Briem-hræðilegir sjúkdómar-frétta: Allir
drepast á endanum.
09.12.04
Megaplögg í kvöld á Súfistanum, Laugarvegi.
Sex rithöfundar lesa úr nýjum verkum sínum og
spila Popppunkts-spilið að auki. Snillingarnir sem lesa og keppa
eru: Auður Jónsdóttir, Birna Anna Björnsdóttir,
Þorsteinn Guðmundsson, Sigmundur Ernir, Huldar Breiðfjörð
og Sindri Freysson. Byrjar kl. 20.
08.12.04
Valdimar Örn spyr í gestabók: Ég vildi
forvitnast örlítið frekar um fyrirkomulag heimsmeistaramótsins.
Verður keppt í sjálfu spilinu með einhverskonar félagsvistarfyrirkomulagi?
Eða verður þetta hefðbundin spurningakeppni með sérútbúnum
spurningum?
Svarið er: Keppt verður í spilinu sjálfu. Tvær
umferðir. Sigurvegarar fyrri umferðar fara áfram í
úrslitaleikinn. Sigurvegari þess leiks verður krýndur
fyrsti alþjóðlegi heimsmeistarinn í Popppunktsspili
í heimi. Skráning er með ágætum en alveg
opið ennþá. Aðeins skráðir keppendur fá
að vera með, nema það verði mikið um skróp.
Skráning fer enn fram í ppspil@hotmail.com.
---
Sannleikurinn um Ísland, alfræði Baggalúts
--> bók XXX
Þeir spruttu upp fyrir nokkrum árum, karlarnir í
Baggalút, með spéspegil á íslenskan raunveruleika
í dulargervi vísindamanna á 19.öld. Mjög
sniðug nálgun, oft helvíti fyndið hjá þeim
og allt í sjálfboðavinnu. Svo kom niðurlægingartímabilið
á Rás 2, frekar slappt glens og bitlaust þegar maður
nennti að hlusta (maður setti það ekki á stundarskrána
eins og að heimsækja heimasíðuna), en þar eru
þeir blessunarlega hættir og byrjaðir aftur að snillingast
á heimasíðunni sinni.
Nú er komin fyrsta bók (ISBN 9979-2-1811-8) þeirra
í fullri stærð (224 bls í Demy broti) og er hún
miklu betri en ég þorði að vona, enda engin hundleiðinleg
lög eða vísur í bókinni.
Bókinni er skipt í 5 hluta: Íslendingar / Íslensk
arfleifð / Framfarir og atvinnulíf / Lífríkið
Ísland / Dulheimar. Í hverjum kafla er fjöldi lítilli
pistla, oft með mynd, ekki ósvipað fyrirkomulag og á
heimasíðunni góðu, nema hvað hér er oft
notast við neðanmálsgreinar. Margt er hér dillandi
skemmtilegt og bráðsniðugt, en ekki alveg allt, eins og
gengur og gerist. Þetta rennsli er brotið upp með "blaðaúrklippum"
og drepfyndnum listum, sem eru hæglega það best heppnaðasta
í bókinni. Bókina góðu les maður varla
í einum rikk nema maður sé eitthvað skrýtinn,
en gott er að hafa hana t.d. á klósetti og glugga í
henni þar eða á kaffiborði, sbr. vísindaheitið
"coffee table book". Sannleikurinn um Ísland er svo sannarlega jólagjöfin
í ár og ætti að hitta í mark hjá
öllum með þokkalega kímnigáfu. Karlarnir á
Baggalút eiga greinilega mikið eftir sem er geðsýkislega
unaðsleg staðreynd.
06.12.04
Það var ágætt að standa við borð
í Kringlunni fyrir utan Pennann í 1 tíma á
föstudaginn. Seldi meira að segja 3 spil. Hagkaup var hins vegar
algjört rugl. Sat fyrst við hliðina á Ómari
og Tiny úr Quarashi á meðan kringlufólk gekk framhjá.
Þeir þurftu eitthvað að skrifa en það var
varla að ég væri böggaður. Svo komu Í
svörtum fötum og smástelpur spruttu upp úr þurru
til að glápa á Jónsa. Þá fór
ég nú bara. Í Smáralind var mér plantað
í dótadeildinni og sat þar að mestu afskiptalaus
nema einhver DJ Árni af sambýli kom og sagði mér
allt um tónlistarferil sinn. Aftur og aftur. Ég bíð
eftir spólu, Árni, ef þú lest þetta. Birgitta
Haukdal var þarna eitthvað að plögga dúkkuna
og diskinn og krakkagerið sveimaði í kringum hana. Held
samt að engin hafi keypt dúkku, en fólk hló mikið
af dúkkunni og hvað hún er allsekkert lík Birgittu
heldur sláandi lík annað hvort Rut Reginalds eða
Dorrit Mússajeff. Ég átti að endurtaka leikinn
á sunnudag en sló mig í hausinn með rörbúti
til að sleppa.
---
Í tilefni fjögurra ára af innheimtu Símans
fyrir erlent niðurhal þann 10. desember n.k. ætlar Netfrelsi
að safna saman undirskriftum undir mótmælaskjal og færa
forsvarsmönnum Símans. Ég skora á sem flesta
að undirrita eftirfarandi yfirlýsingu: "Við undirrituð
mótmælum langvarandi og óbreyttri gjaldtöku fyrir
erlent niðurhal um Netið. Við krefjumst úrbóta
sem fyrst, hvort sem slík úrbót væri í
formi niðurfellingar slíkrar gjaldtöku eða umtalsverðrar
lækkunar á henni." Mótmælin má finna
hér: http://www.netfrelsi.is/motmaeli/
og það er ekki spurning um að fólk á að
kvitta undir þetta enda fáránlegt rugl að við
séum að greiða svona dýrum dómi fyrir sæstrengsnotkunina.
05.12.04
Mp3-blogg er stuð. Gaman er að sveima og tékka áðí
hvað menn eru að pósta og pæla. Til dæmis:
Þessi nefnir
sig eftir Throbbing Gristle plötu og póstar þessu glæsilega
kvóti: "Whenever a Ramone dies, I always think of Phil Collins".
Hann er líka með fullt af spennandi dóti í dans/industríal/tigerbeat-geiranum.
Þessi
nefnir sig eftir FALL-lagi og póstar ýmsum góðskít
og er með flott lúkk.
Þessi kallar sig Númer
1 í Belgíu og er með skemmtilegan frans/benelúx
vínkil á málið. Gott.
Þessi
er góður sé maður í stuði fyrir tyggjópopp.
Margt sniðugt og frískandi.
Þessi heitir Lost
bands of the New Wave era og nafnið segir allt. Skemmtilegt.
Margan undraskít má fá hér enda eru úthverfin
að drepa okkur.
Aðallega gamall og undinn skítur hér.
Zúri er zvo
á zínum ztað með eðal mp3-blogg.
Hver og einn bloggari línkar svo á ótal staði
svo það er hægt að hanga yfir þessu endalaust
og dánlóda þar til sæstrengurinn springur (sem
mér skilst reyndar að gerist ekki enda er verið að taka
okkur öll í rassgatið af helvítis símafyrirtækjunum!!!)
---
Stranglers voru skemmtilegir og Fræbbblar sömuleiðis.
Áhorfendur afturgengnir af Melarokki eða Hótel Borg en
krakkar í bland. Stranglerar tóku flest hittin (nema Nice
n sleazy) og voru þéttir þótt trommarinn sé
sjúklingur og notist við rafpumpur til að ná höggþunga.
"Nýji söngvarinn" (sl. 14 ár) frekar asnalegur þó
með vöðvabúntin og stælana. Svona eins og ef
Jói Fel væri alltíeinu kominn í The Fall í
staðinn fyrir Mark E... eða næstum því. Nei
nei, mjög fínt og húrra!
---
Rjd2
& Ric Ocasek - Through The Walls - Gamli Cars-kallinn láir
hér ungviðinu rödd sína í extra-lagi sem
fæst á i-eitthvað en frítt hér.
JJ
Burnel - Freddie Laker (Concorde & Eurobus) - Hinn glæsilegi
BASSALEIKARI Stranglers með lag af hinni dúndrandi hressu sólóplötu
Euroman Cometh (1979) sem ég enduruppgötvaði í vikunni.
Gruff
Rhys - Gwn mi wn - Söngvari Super Furry Animals með lag af
sólóplötunni sinni nýju. Gæðamínímalrokk.
Skátar
- Halldór Ásgrímsson - Skrollandi skítsmellur
af EP-plötunni Heimsfriður í Chile: Hverju má
breyta, bæta við og laga? sem ku loksins komin út.
Búdrýgindi
- Orgelínufrat - Strákarnir sarga og sáldra á
plötu #2, Juxtapos.
03.12.04
Popppunkts-plöggið í fúll svíng. Mjög
gott á plöggkvarðanum að fá smettið á
sér framan á Birtu, næstum því eins og
að fá aðalgestinn í Gísla Martein. Kjallari
dagsins er einmitt um þetta stórskemmtilega mál.
---
Talandi um plögg þá er hluti af því
að standa í búðum og vera með kynningu. Ég
er auðvitað kominn með stress-og-kvíðaskitu útaf
þessu enda hef ég aldrei gert svona áður og á
von á því versta (að enginn sýni þessu
áhuga og ég standi eins og fábjáni út
á miðju gólfi í búðunum). Prógramm
helgarinnar er svona:
Í dag kl. 17 í Pennanum í
Kringlunni
Á morgun, laugardag, kl. 15 í
Hagkaup, Kringlunni
Á morgun. laugardag, kl. 17 í
Hagkaup, Smáralind
Á sunnudaginn kl. 15 í Hagkaup,
Kringlunni
Á sunnudaginn kl. 17 í Hagkaup,
Smáralind
Sé þig... plís!
---
Útvarpsþátturinn Doktor doktor er líka á
morgun á milli 12 & 15, eins og vanalega. Metnaðarfull Stranglers
kynning verður um miðbik þáttarins og óskalagasjúklingurinn
Biggi í Maus mætir í spjall. Aldeilis stórfenglegt,
sem sagt.
02.12.04
Múrinn í Kína e. Huldar Breiðfjörð
--> bók XXX
Las "Góðir Íslendingar" í honeymooninu mínu
á Hawaii. Það var ágætis bók. Hér
er Huldar með ferðasögu af því þegar hann
gekk, fór með rútum, hjólaði o.s.frv. meðfram
megninu af Kínamúrnum. Kína er manni frekar hulin
en bók Huldars lýsir aðeins upp fyrir manni landinu.
Fátækt, óþrifnaður, flokkshollustuheilaþvottur,
karókí. Eitthvað er um listrænt rugl í Huldari,
eitthvað taut um dreka sem ég skyldi ekki og fleira, líklega
til að lyfta bókinni upp á eitthvað plan. Það
er þessi listræni rembingur sem gerði einmitt illt verra
í Niceland og hinni myndinni sem hann skrifaði og betra væri
ef hann hætti þessu rúnki og tæki bara raunveruleikann
á það. Yrði miklu skemmtilegra. Þessi bók
er engu að síður hin fínasta lesning og Kína
verður nær en áður. Get samt ómögulega
sagt að mig langi mikið þangað. Spurning um að tékka
á geðsjúklingalandinu Norður
Kóreu frekar.
---
Andri Freyr er hinn vænsti piltur og djúpþenkjandi
snillingur þegar betur er að gáð. Ávalt var
hressandi að skutlast með honum í vinnuna þegar við
vorum báðir á morgunvaktinni hjá Helstirninu.
Get þó ekki sagt að ég nenni að hlusta á
hann fávitast á Xinu, enda væri það auðvitað
óeðlilegt miðað við minn aldur og fyrri störf.
En þessi hinn gaur þarna, sem er voðalega ánægður
með "unglingamenninguna", eins lengi og það er unglingamenning
sem hann er samþykktur, var ekki alveg að tala til mín
og Andri því ótvíræður sigurvegari
debattsins í Kastljósinu. Það er reyndar athyglisvert
að Simmi í Kastljósinu er sá eini sem ég
man eftir í svipinn sem hefur þróast (þroskast?)
úr því að vera rokkfífl af Xinu, en kannski
verða Matti og Andri með Kastljós eftir 10 ár og
Þossi kannski með þeim. Hmm?
01.12.04
Hinn ljúfi Kristján Jóhannsson sló í
gegn í Kastljósi og skýrði mál sitt af
fágaðri smekkvísi. Sérstaklega fannst mér
þetta um rauðu brjóstin á spyrlinum til eftirbreytni.
Það hlýtur að vera réttmæt krafa hér
eftir að þeir sem mæta til að plögga fái
að halda á dótinu sínu allan þáttinn
og veifa. Ég pant allavega halda á Popppunktskassanum ef
ég fer í þáttinn.
---
Annars er maður feginn að karlinn búi í útlöndum
því það væri svakalegt að hafa hann baulandi
hérna í hverri viku í fjölmiðlum eða
á tónleikum. Þetta er náttúrlega heimsklassa
frík og algjör snillingur á einhverju mjög furðulegu
sviði, allavega ekki í óperusöng. Sá hann
fyrst svona 1984 þegar klukkan var 3 og allir að koma út
af balli á Hótel Borg. Að vanda myndaðist sorglegur
hópur fólks fyrir utan sem reyndi við hvort annað
eða leitaðist eftir að komast í eftirpartí. Það
var vitanlega bölvaður hávaði í liðinu,
flöskur að brotna, hróp og köll. Birtist þá
ekki óperasöngvarinn út um glugga á sirka 4.
hæð með nátthúfu og fer að öskra á
liðið að það sé ekki svefnfriður og hvort
þið þarna helvítis pakk getið ekki haldið
kjafti og drullað ykkur heim og bla bla bla. Fullapakkið fór
að öskra á móti og einn klifraði upp á
svalir og ætlaði að toga óperusöngvarann niður.
Myndaðist gríðargott sjónarspil úr þessu
öllu saman, óperusöngvarinn orðinn rauður og hás
og fulla liðið æpandi og gólandi. Minnir þetta
einna helst í minningunni á sniðugt atriði í
skandinavískri gamanmynd, e.t.v. frá árunum eftir
seinna stríð. Sagan endaði náttúrlega á
að Kristján gafst upp og bytturnar dröttuðust í
burtu.
30.11.04
Ég fékk ælupestina og niðurganginn
eins og annar hver maður. Hafði étið Jóa Fel
ís með Mars-sósu svo þetta var brúnt í
báðar áttir. Unaðslega ógeðslegt. Lá
svo í móki og sótthitadraumar sóttu í
sig veðrið. Óútskýranlegt rugl en gaman, einkenndist
af þráðum eða ormum sem mögnuðust eins og
endalaust margföldunardæmi. Var niðursokkinn í þetta
alla nóttina á milli þess sem ég spúði
Jóa Fel og Mars. Glápti á ensku knattspyrnuna á
sunnudag og margfaldaði orma. Las í bland Múrinn í
Kína e. Huldar Breiðfjörð, en í þeirri
bók skjögrar hann með sótthita eftir Kínamúrnum
og því samkennd í huga. Nú er maður að
ná sér, en eins og komið hefur fram er fátt unaðslegra
en að ná sér. Að ná sér af veikindum
er lífsfyllandi gleðitími. Ónefndur félagi
komst að þessu á fylliríi og vildi að allir
í samkvæminu spörkuðu í rassinn á sér
svo hann gæti upplifað þá gleði að ná
sér af rasssærindunum. Menn voru tregir í spörkin
enda hvorki Jackass né 70 mínútur á markaðnum
og menn svona almennt lítið fyrir að dangla í hvern
annan.
---
Ég fór svo í Árbæjarlaugina
í morgun og hlustaði á gamla liðið, sem eitt
allra getur chillað, enda á síðustu metrunum í
gröfina.
---
Aldrei þessu vant er ég nokkuð
sáttur við síðustu
kjallaragrein.
---
Boðið er upp glænýjan Topp
5!
The
Soft Pink Truth - Do they owe us a living Annar gaurinn úr
Matmos (sem Björk fékk með sér á Vespertine)
með sólóverkefni. Af plötunni Do you want New Wave
or do you want the truth? – hér er gamli Crass-smellurinn endurhannaður
á undursamlegan hátt.
Klark
Kent - Don't care Trommari Police fékk nóg af frekjunni
í Sting enda fékk hann aldrei að semja lög fyrir
Police. Gaf því út sólóplötu undir
þessu nafni. Fínasta nýbylgjupönk finnst mér.
Polysics
- My Sherona Japanageðveiki. Fer líklega í
sögubækurnar fyrir að vera síðasta bandið
til að gera session fyrir John Peel.
The
Stranglers - 5 Minutes Lagið sem breytti öllu á Íslandi
1978. Enn jafn ferskt og þegar maður heyrði það
og sá videóíð í sjónvarpinu 1978.
Skyldumæting í Kópavoginn á laugardaginn.
Pornopop
- Centre Íslenskir snillingar, ósýnilegir bræður.
Gerðu algjöran undergránd disk 1996, "Blue", en eru nú
mættir aftur með " ...AND THE SLOW SONGS ABOUT THE DEAD CALM
IN YOUR ARMS", sem væri diskur ársins ef einhver myndi heyra
hann. (Fæst í 12 tónum). Fleiri lög má
svo dánlóda á heimasíðu
Pornopop.
25.11.04
Fyrsta opna íslandsmeistaramótið í Popppunkti
– Íslenska tónlistarspilinu – verður haldið á
efri hæð Grand Rokks laugardaginn 11. desember kl. 16. Þetta
er útsláttarkeppni og keppt í einstaklingsflokki –
þ.e.
menn eru einir "í liði". Sigurvegarinn fær stórfengleg
verðlaun, Poppunktsspilið auðvitað og svo glæsileg
verðlaun frá Mál og menningu og Grand rokki. Skráning
er hafin í ppspil@hotmail.com.
Í emali skulu keppendur tilgreina nafn, gsm-númer og netfang.
Keppnin er öllum opin, en mótsnefnd tekur sér það
bessaleyfi að hafna keppendum séu þær skuggalegir.
Nei nei.
---
Erpur Eyvindarson í Hæstu hendinni er óskalagasjúklingur
þáttarins DOKTOR DOKTOR sem Skonrokk sendir út á
morgun, laugardag, á milli 12-15 og verður svo endurtekinn á
sunnudaginn kl. 15-18. Auk þess: haugur af góðu stöffi
og mikið af Stranglers enda bara vika í það sögufræga
snilldarband á klakanum.
---
Það eru allir búnir að fá ælupest
hér á heimilinu. Ég er dauðhræddur um að
ég byrji næstur að gubba úr mér lungun.
Skerí. Og ekki er það upplífgandi að Haraldur
Briem er á hverjum degi í fréttum Stöðvar
2 að segja að fuglaflensan muni skella á bráðlega.
3000 deyja bara svei mér þá ef ég skil hann
rétt.
23.11.04
Hékk á Austurvelli lungan úr deginum að taka
upp auglýsingar fyrir Popppunktsspilið. Skítaveður
og ennþá hrollur í mér. Vorum með PP-settið
fyrir framan Jón Sig og svona "PP fer til fólksins" eitthvað.
Næstum búnir að ná Halldóri Ásgrímssyni
til að leika í einni auglýsingunni. Hann og aðstoðarmaðurinn
komu smælandi og Felix ætlaði að spyrja þá
"Hver söng Traustur vinur?" en þá var batteríið
akkúrat búið í tökuvélinni. Dóri
var kumpánlegur og hristi á mér ískalda höndina.
Landsföðurlegur mjög og ég gleymdi alveg að hann
og Davíð eru morðingjar í Írak, siðferðilega
séð. Kristinn sleggja kom þarna líka. Hvað
heita systurnar í Sister Sledge vildi ég að hann væri
spurður en hann slapp. Nema hann er kannski ekki kallaður Stenni
Sleggja. Annars verða þetta glæsilegar auglýsingar
og ekki síst fyrir það að í þeim leika
bæði pabbi og amma bræðranna Sindra, Sveins og Sigurjóns
Kjartanssonar og stóðu sig frábærlega. Ætli
þær byrji ekki að berja á landsmönnum um helgina.
---
Hér
eru glæsilegar myndir af Fallgigginu í boði Óskars
P. Þau í Fall skyldu eftir nokkra stórglæsilega
t-boli í stærðinni L og ef þú hefur áhuga
á bol skaltu skrifa hingað...
21.11.04
Topp 5 er með "erlendar hljómsveitir og listamenn á
Íslandi-ívafi".
The
Other Half - Mr. Pharmacist: Hér er kominn orginallinn af þessu
stuðlagi The Fall. The Other Half var obskjúr bílskúrssýruband
frá San Fransisco og þetta kom upphaflega út 1967.
Shitmat
- Day O: Hér er tekið innan úr smelli mannvinarins
Harry Belafonte af hinum stórkostlega Shitmat.
Stranglers
- Norfolk Coast: Titillag nýjustu plötu Kyrkjaranna. "Hafa
engu gleymt". Á Íslandi 4. des.
The
Beach Boys - The little girl I once knew: Einn mest obskjúr
síngull Beach Boys á 7. áratugnum. Kom út um
haustið 1965 og hljómar eins og brú á milli fyrstu
stuðlaga sveitarinnar og "dýpri" pælinga sem fóru
að grassera upp úr þessu og sprungu út á
Pet Sounds. Þetta frábæra lag náði bara 20.
sæti í USA sem þótti slappt. Helst var um kennt
hinum framúrstefnulegu þögnum í miðju laginu,
sem dj-um þess tíma fannst bara "dead-air". Efast um að
Beach Boys Band taki þetta í kvöld. Enn til miðar
á Esso stöðvum. Eitthvað um 4000 kall tveir miðar
í setti ef greitt er með Visa.
B.A.
Robertson - Bang Bang: (úr bókinni "Eru ekki allir í
stuði"): Í tilefni af 15 ára afmæli Karnabæjar
í maí 1981 kom skoski pöbbarokkspopparinn Brian Alexander
Robertson til landsins. Hann hafði komið laginu "Bang Bang" í
annað sæti breska vinsældalistans árið áður.
B.A.Robertson, eins og hann kallaði sig, var 29 ára og manna
ólíkastur poppstjörnu; stór og luralegur með
skúffu, og gaf sig enda sjálfur út fyrir að vera
lagasmiður fremur en söngvari. Hann ætlaði að kanna
aðstæður til tónleikahalds hér og árita
plötur. Vel hafði verið kynnt undir komu popparans, nýjasta
platan Bully for you var mest selda plata landsins, og lagið "Flight
19" vinsælasta lagið. BAR, eins og hann var kallaður hér,
kom að morgni og var strax drifinn til Akureyrar, þar sem hann
áritaði eins og vitlaus maður í tískubúðinni
Cesar. Í Reykjavík átti BAR að árita í
Karnabæ í Austurstræti, en þar var plötubúð
Steina til húsa. Áritunin átti að hefjast klukkan
15., en flugferðinni seinkaði svo BAR kom ekki fyrr en rúmum
klukkutíma síðar. Þá var ekki bara plötubúðin
og fatabúðin við hliðina orðin full af æstum
unglingum, heldur var Lækjartorgið allt undirlagt af spenntum
krökkum sem höfðu byrjað að bíða stjörnunnar
klukkutímum áður en hún átti að mæta.
Mörg hundruð eintök höfðu þá selst
af nýju plötunni, því allir vildu áritun
og ströng fyrirmæli höfðu verið gefin út
að BAR myndi eingöngu árita þá plötu.
Starfsmenn í fatabúðinni andvörpuðu þungan
því það var enginn vinnufriður fyrir múgnum
sem varð órólegri með hverri mínútunni
sem leið án þess að poppstjarnan sæist. Voru
margir farnir að tauta um hneyksli þegar stjarnan með skúffuna
birtist loks um klukkan hálf fimm. Margir krakkar voru þá
orðnir fölir og ræfilslegir af loftleysinu í þvögunni,
en gátu þó stunið upp viðeigandi aðdáunarveini
þegar BAR fór að krota á plöturnar í
gríð og erg. Hann áritaði á allt sem fyrir
var -- jakka, bækur, bindi og hendur -- en hafði ekki undan og
margir litlir krakkar snéru grenjandi heim til sín án
áritunar. Eftir lætin á Lækjartorgi fór
BAR á Naustið á blaðamannafund og flaug svo heim
daginn eftir.
Koma popparans vakti gríðarlega athygli -- "Hundruð
unglinga biðu í marga tíma" sló Tíminn
upp daginn eftir á forsíðu. B.A.Robertson kom hins vegar
aldrei til tónleikahaldsins og hvarf hratt af sjónarsviðinu
eftir að hafa gert þriðju sólóplötuna
sína 1982. Hann lifir þó eflaust enn á deginum
þegar hann var stórstjarna á Íslandi, enda fullyrti
hann að þetta hefði verið "einhver stórkostlegasti
dagur í lífi mínu" í viðtali við Vísi.
19.11.04
Fallerað í gær. Gamli kallinn í stuði.
Fallegt að sjá þegar Kalli á Grand rokk leiddi
hann upp á svið eins og kalkaða ömmu sína. Öfugt
við ímyndina er Mark E ægilega næs bakkstage en
svo sem paranoid eins og vill verða með amfetamínætur.
Brosti tannlaust framan í alla sem vildu drekka með honum. Þessi
kona hans er eitthvað geðsýkisbrak, sýndist mér,
en litlu strákarnir bara svona einhverjir rokkstrákar að
hafa gaman að því. Mér fannst nú skemmtilegra
í Austurbæ, betra sánd þar og svona, og kallinn
með gott sjó, en hann gerði lítið hressilegt
í gær, eða allavega þar til tvö lög voru
eftir en þá fór ég heim. Prógrammið
hjá þeim í gær var svona: Clasp hands, Bo Doodak,
Box, Mountain, Mad Mock, Sparta, Wrong place/Grass grow!, Pharmacist, Green
eyed, Janet Johnny, Blindness + What about us, White light, Touch, Foldin.
Rosalegt drullusánd líka, kraftlaust, enda Mark snemma búinn
að kippa trommumækunum úr sambandi. Fall flugu heim í
morgun. Ég veit um nokkra sem eru gríðarlega fegnir!
---
Besti útvarpsþáttur landsins, DOKTOR
DOKTOR, er á morgun kl. 12-3 og nú erða Gunnlaugur
úr Brain Police (skv DV með flottasta umslagið í
ár) sem mætir með óskalögin. Einnig tryllingslega
mikið af ógeðslega góðri mússik (að
vanda).
---
Hmmm... Hin mjög svo frambærilega rokkhljómsveit
Brian Johnstown Massacre bíður upp á allar plöturnar
sínar ókeypis hér!
Svo erða hljómsveitin Delicia Mini sem er dönsk með
einum íslendingi innanborðs, Kristjáni Eggertssyni, veit
svo sem ekki hver það er. Bandið er víst að gera
allt vitlaust í Danmörku, en það spilar fínt
indí popp. Leibellinn
þeirra bíður upp á nokkur ókeypis lög.
18.11.04
The Fall var ansi magnað í gær. Sviðframkoma og
stælar Mark E Smiths eru nú "ðe talk of ðe town" enda
mikið rugl á karlinum en samt allt bara "act", svona næstum
því. Mikið pönk. Ellimanna pönk. Og meira pönk
í kvöld á GRAND ROKKI á milli 10-01 því
þá verður allt stuðið í gær endurtekið
en nú í svitabaði. Vonbrigði urðu svo uppveðraðir
að spila í gær að þeir ætla að spila
aftur, Dr. Gunni tekur allt annað og lengra sett en í gær
og svo mun The Fall gera eitthvað magnað. 1000 kall inn og bjór
með. Ekki spurning!
17.11.04
16.11.04
Hei, Fall á morgun. Þú mætir, þaggi?
---
Held að Rúv hafi toppað leiðindin sem þeir
voru með um daginn þegar þeir sýndu heimildarmyndina
um bókasöfn. Í kvöld eru þeir nefnilega með
heimildarmyndina "Langvinn lungnateppa".
---
Birgir Örn, aka Curver, tekur nú til heima hjá sér
undir formerkjum listarinnar. Æsispennandi bein útsending
hér
og myndablogg hér.
---
JÁ! Hið magnþrungna POPPPUNKTSSPIL
er komið út! Hef opnað síðu tileinkaða fyrirbærinu
hér.
Nú hefst plöggið maður... Plögg til jóla.
Keyptu spil! Þetta er frábært spil fyrir alla fjölskylduna!
Nei í alvöru!
15.11.04
Popppunktsspilið er komið til landsins. Það er verið
að keyra það í búðir. Meira síðar.
12.11.04
Það styttist í tónleika The Fall á Íslandi.
Sá bandið bæði 1981 og 1983. Hvoru tveggja frábær
gigg í minningunni og höfðu mikil áhrif. Var virkilega
spenntur og uppveðraður. Tónleikarnir 1981 voru í
Austurbæ um miðjan dag á laugardegi. Svona kl. 15. Fallarar
höfðu verið daginn áður á Borginni fyrir
fólk sem hafði aldur. Purrkur Pillnikk hitaði upp og gekk
svo vel í Fallara að bandið var tekið með á
Englandstúr. Sjarmi The Fall er illskýranlegur. Bandið
leitt af Mark E Smith, sem er goðsögn í lifanda lífi,
sérlundaður, dópisti og bytta, asnalegur útlits,
hálfgerður krypplingur, grindhoraður og tekinn. Í
sama flokki og snillingar eins og Serge Gainsbourg og Megas. Menn segja
að hann hafi komið hérna fyrir nokkrum árum og Bragi
Ólafsson hafi fundið hann dauðann undir Hallgrímskirkjuvegg.
Hann muldrar/tautar/syngur oní hjakksama tónlistina sem þrátt
fyrir þessa lýsingu er snilld, illskýranleg snilld.
Maður þarf að vera inn á tónlistinni til að
fíla hana, hún kemur ekki til manns af sjálfsdáðum,
maður þarf að bera sig eftir henni. Acquired taste eins og
sushi.
1981 var "Slates" nýjasta platan. 6-laga 10" EP og alveg frábær.
Líklega uppáhaldsverk The Fall í mínum huga.
Fyrsta lagið á Fall-spesíal Topp 5 er af henni:
The
Fall - Leave the capitol
Þegar bandið kom 1983 var það að spila stöff
sem kom á plötunni Hex Education Hour, súrt hjakk en
algjör snilld. Þeir tóku nokkur lög upp í
Hljóðrita þar á meðal
The
Fall - Iceland
sem segir frá dvölinni hér, m.a. þegar Mark
E Smith hitti Megas. Annars má lesa nánar um ferðir The
Fall á Íslandi hér.
Ég var í Austurbæ enn og aftur 1983. Man það
helst að ég kynntist Jóa í 12 tónum á
þessum tónleikum og "dansaði við hann" eftir göngunum
í landavímu og almennu stuði, enda ekki á hverjum
degi sem hér spiluðu góð bönd á þessum
árum.
Næst segir af Fall þegar hinn ljóti Mark hefur krækt
sér í píkulega kanastelpu, Brix, og er barasta giftur
henni. Þetta kveikti vonir í brjósti ungra rokklúða,
en tónlist The Fall verður poppuð á tíma enda
Brix byrjuð að spila með bandinu og semja lög. Út
úr þessu kemur m.a. poppaðasta lag The Fall 1984:
The
Fall - C.R.E.E.P.
Bandið pumpar út músik en leiðir skilja að
hluta. Ég er ekkert svo rosalega að fylgjast með þeim,
en tékka þó iðulega á bandinu, fæ
mér flestar plöturnar og svona. Árið 1987 kemur
t.d. hittarinn
The
Fall - Hit the North part 1
sem er gífurlegur. Bandið hjakkar og hjakkar. Mark E Smith
skiptir um meðlimi eins og nærbuxur og gefur út og gefur
út. Ég missi þráðinn, en tékka á
bandinu 1996 eða svo út í London. Finnst ferlega slappt.
Greinilega niðurlægingatímabil. En það gleðilegasta
er að Mark er í þrusustuði í dag, með gott
band sem hann er búinn að vera með í nokkurn tíma
og nýjasta platan, The Real New Fall LP (formely Country on the
Click), er drullufín.
The
Fall - Open the boxoctosis #2
er lag af henni. Samkvæmt heimildum eru Fallarar að spila
lög af henni, óútgefin lög og hina og þessa
hittara úr fortíðinni. Er auðvitað gríðarlega
spenntur fyrir þessu. Lýk þá Fall-hjali en vonandi
lætur þú sjá þig á miðvikudaginn
í Austurbæ. Ekki er verra að Vonbrigði hita upp (mögnuð
plata frá þeim loksins að koma út) og við strákarnir
í Dr. Gunna tökum nokkur lög, þ.á.m. verður
frumflutningur á laginu "Mjallhvít" sem ég þarf
að drífa mig að semja texta við. Eitthvað um að
Mjallhvít sé tík af því hún æsti
bara dvergana sjö upp en gerði ekkert fyrir þá kynferðislega
af því þeir eru minnihlutahópur en var svo öll
útglennt og slefandi þegar sæti prinsinn mætti.
Týpískt.
---
p.s.
Heimasíða
The Fall
Hér
eru
textar Mark E Smith. Stórkostleg uppspretta alveg hreint.
---
Á morgun í DOKTOR DOKTOR!: Fullt
af Fall og annað gott stöff á alla kanta og óskalagasjúklingurinn
hinn kumpánlegi Þórir
sem er að gera það gott með nýrri plötu. |