Þingræði
- Hópverkefni:
1. Starfshættir þingsins
Hlutverk Alþingis er að setja lög, ræða um pólitísk
mál og veita framkvæmdar- og dómsvaldi aðhald.
Kynnið ykkur hvernig þingið starfar og skoðið sérstaklega
eftirfarandi atriði:
a) Þingsköp.
b) Þingfundi - umræður.
c) Þingsályktunartillögur.
2. Fastanefndir
þingsins
Á Alþingi
starfa fastanefndir um ákveðin málefni. Kynnið ykkur
þessar nefndir og skoðið sérstaklega eftirfarandi
atriði:
a) Fjölda og heiti nefndanna.
b) Verksvið hverrar nefndar.
c) Hvernig þær starfa.
3. Hvernig valið
er á þing
Fyrsta regla
lýðræðisfyrirkomulags okkar eru almennar þingkosningar.
Ákveðnar reglur gilda um hvernig valið er á þing.
Meginreglan er sú að kosið sé til þings á
fjögurra ára fresti. Kynnið ykkur fyrirkomulag þingkosninga
og hvernig unnið er úr niðurstöðum þeirra.
Skoðið eftirfarandi atriði sérstaklega:
a) Frambjóðendur
og kjósendur.
b) Stjórnmálaflokka.
c) Kosningafyrirkomulag.
d) Niðurstaða kosninga -- úthlutun þingsæta
4. Fulltrúar
okkar á þingi
Starf þingmanna er mjög mikilvægt og fjölþætt.
Aflið ykkur upplýsinga um í hverju þetta starf
er fólgið. Gott getur verið að beina sjónum
að eftirfarandi þáttum:
a) Hverjir sitja
á þingi nú og fyrir hvaða flokka?
b) Hvernig starfa þingflokkar?
c) Hver er ábyrgð þingmanna?
d) Hvernig hefur þingmaður samband við kjósendur?
e) Í hverju er starf þingmanns fólgið?
5. Lagasetning
Lög eru leikreglur þjóðfélagsins sem gilda
fyrir alla þegna þess. Þau eru undirstaða í
stjórnun þjóðfélagsins alls sem og í
samskiptum þess við önnur ríki. Aflið ykkur
upplýsinga um hvernig lög verða til og hvað býr
að baki lagasetninga. Í athugun ykkar getið þið
stuðst við eftirfarandi atriði:
a) Af hverju þarf
lög?
b) Hvað kemur hugmynd að lagasetningu af stað?
c) Feril lagafrumvarps.
d) Hvað eru reglugerðir?
e) Á hvern hátt sker stjórnarskráin sig
frá öðrum lögum?
f) Hvernig vitum við hvaða lög eru í gildi?
6. Fjárlög
Ein mikilvægasta umræða í þinginu á
hverju ári er umræðan um fjárlögin. Þar
er tekist á um með hvaða móti öflun og ráðstöfun
fjármuna ríkissjóðs skuli fara fram. Kynnið
ykkur hvernig staðið er að fjárlagagerð.
a) Til hvers eru fjárlög?
b) Af hverju eru fjárlög mikilvæg?
c) Hvernig verða fjárlög til?
d) Hvaðan koma fjármunirnir og hverjir eru helstu liðir
fjárlaga?
|