Fegurðin við Langasjó
4 daga trúss og fullt
fæði
Yoga kvölds og morgna
Brottför 21. júlí frá Reykjavík
MIKILVÆGT MÆTING 7.30 á BSÍ
Leiðsögn og yoga Ásta Arnardóttir
Matráðskona Brynhildur Þorgeirsdóttir
Langisjór - Breiðbak – Grashagi – Útfall
- Ást - Fögrufjöll – Sveinstindur – Skafá
1. DAGUR:
Brottför frá Reykjavík kl. 8.00 og ekið að Langasjó og á Breiðbak ef
veður leyfir. Gengið á Breiðbak en þar er fagurt útsýni yfir
tignarleg öræfin umhverfis Langasjó. Í norðri Jökulheimar og
Tungnáröræfin en Fögrufjöll í suðri og víðsýni yfir Skaftáröræfi og
Torfajökulssvæðið. Jöklasýn mikil og jökulskildir blasa við í góðu
veðri. Gengið að Langasjó og eftir norðurströnd vatnsins í náttstað
móts við Skjaldmeyjarvík. Tjaldað til tveggja nátta.
2. DAGUR
Við njótum öræfakyrrðar og fjölbreytileika í landslagi í nánd við
Vatnajökul, stærsta jökul Evrópu. Gengið um Mosa og austanverð
Fögrufjöll að Útfalli og sem leið liggur í hlíðum fjalla með útsýni að
upptökum Skaftár og til baka í náttstað þar sem Brynhildur býður
okkar með heita máltíð.
3. DAGUR
Siglt um margbreytilegar eyjar Langasjós í Fagrafjörð að eyjunni Ást og
gengið í land sunnan við fjörðinn. Gengið þaðan um fagurlendi
Fögrufjalla í gróðursælu og formfögru landslagi meðfram vötnum og
fjallshlíðum að Sveinstindi. Tjaldað við rætur fjallsins við vesturenda
vatnsins. Hátíðarkvöldverður í fjallasal, söngur og gleði.
4. DAGUR
Gengið á Sveinstind en þar er víðsýni mikið yfir tignarleg
öræfin. Landslagsheild og jarðminjar eru einstakar á þessu svæði. Við
blasir samspil jökla og jökulelfa, gróðurlendis og steinaríkis í
eldfjallalandslagi með heimsþekktum jarðminjum s.s. Lakagígum sem bera
vitni um mesta eldgos á sögulegum tíma 1783 en þá runnu 12 km3 af
hrauni úr iðrum jarðar. Ekið til byggða.
Ferðin hefst í Reykjavík brottför frá BSÍ kl. 8.00 og keyrt að
Langasjó. Þetta er trússferð .þe. farangur er fluttur á milli
náttstaða og þarf því aðeins að bera dagspoka með nesti og
hlífðarfötum. Dagleiðir eru mislangar en ávalt farið fremur hægt yfir.
Verð 76000
Innifalið í ferð er akstur, farangurstrúss, sigling, leiðsögn, yoga,
fullt fæði
Ath. Allur matur er innifalin, líka nesti.
Leiðsögn og yoga: Ásta Arnardóttir og Ingibjörg Guðmundsdóttir
Matráðskona: Brynhildur Þorgeirsdóttir
Bílstjóri: Victor Melsted
Sigling Björgunarsveitin Stjarnan ásamt Brodda Hilmarssyni
Skráning asta@this.is
Sími: 8626098
Undirbúningsfundur verður haldinn í júní í
Lótus jógasetri, Borgartúni 20
|