mánudagurinn 5. janúar

kl. 10:00

Bwagh! Mér hefur enn ekki tekist að koma dúr á auga!! o_O


kl. 02:33

Þið verðið að afsaka, en mér finnst Þetta vera svolítið fyndið. :)
Annars þá er sólarhringurinn gersamlega á kvolfi hjá mér. Ég vaknaði um kl. 00:00 og ég verð orðinn dauðþreyttur og óvinnufær um kl. 17:00 seinna í dag takist mér ekki að sofna aftur á eftir... Á eftir þarf ég að tæma gám fullan af breskum, massífum húsgögnum og mér á ekki eftir að takast það lekandi útaf sökum þreytu þannig að ég ætla að skella mér í háttinn núna, góða nótt.


Fimmtudagurinn 1. janúar

kl. 19:53

Gleðilegt ár dömur mínar og herrar! :)
Ég get án nokkurs efa fullyrt að í gær var mitt versta nýársdjamm til þessa, allir á bömmer eða of fullir. Mér leið eins og ég væri í jarðarför. Í dag vaknaði ég mjög undarlega þunnur, mér leið eins og blóð væri að þrýstast út í báða handleggi mína í gegn um æðar sem að báru það ekki. Þetta var vitaskuld mjög óþægilegt og ég komst að því að þetta var ekki afleiðing þynnku, heldur hafði ég sofið ofan á báðum handleggjunum og var þetta eftirskjálfti náladofa af versta tagi. Ég glápti á Tomma og Jenna maraþonið á Cartoon Network og skreið síðan aftur í háttinn.
Þegar ég svo vaknaði aftur fór ég inn í eldhús að leita eftir nokkru matarkyns. Ég rakst á Kötlu Kakao "Notist í bollan eða baksturinn", ég skellti slatta af þessu í bollann og bætti mjólk út í. Svo tók ég stóóóran sopa... Þetta var það viðbjóðslegasta sem ég hef nokkru sinni smakkað, kakóið blandaðist ekki við mjólkina, heldur varð að svona drullu sem að settist efst í bollan og bragðaðist hörmulega... Átti ég kanski að nota heitt vatn?


mánudagurinn 29. desember

kl. 03:12

Þá er vin mín í eyðimörk andvökunar að sandi orðin. En þá vin kallaði ég DC++, þar var fínt að fara og spjalla við fólk í rólegheitunum þar til þreytan sagði til sín, en ekki lengur:

[stjani-thedragon!] mundiru vilja vera ósýnilegur reload?
[ReLoad] nei
[Hjálmar_1] reLoad afi þinn er töff
[ReLoad] takk
[stjani-thedragon!] af hverju ekki reload?
[stjani-thedragon!] af hverju mundiru ekki vilja vera ósýnilegur?
[Hjálmar_1] reload áttu handbók fyrir blinda ?
[stjani-thedragon!] en í einn dag?
[stjani-thedragon!] en í 2 daga?
[stjani-thedragon!] en í viku??
[Hjálmar_1] er reload farinn ?
[stjani-thedragon!] áttu gæludýr reload?
[ReLoad] ég á alfræðiorðahandbók úr leðri fyrir blinda
[stjani-thedragon!] reload ertu hér?
[ReLoad] já ég á bifur
[stjani-thedragon!] reload áttu ískáp?
[Hjálmar_1] hvar er reload ?
[ReLoad] ég á ískáp já
[Hjálmar_1] þarna ertu
[Hjálmar_1] hæ
[stjani-thedragon!] er frystir á honum?
.
.
.

Svona heldur þetta áfram þangað til fórnarlambið (í þessu tilfelli er það ReLoad) gefst upp og yfirgefur spjallið. Þá breyta spyrlarnir um nafn og velja sér nýtt fórnarlamb samstundis. Þetta var fyndið í svona 2 mínútur, en nú eru þeir búnir að vera að þessu í tvo daga. :S

Annars gerði ég þau mistök að hreyfa við bílnum mínum í dag. Ég fór með Tótu í kringluna. Allt gekk nokkuð vel þangað til að við hugðum á brottför. Ég valdi mína venjulegu leið heim úr kringlunni og festi bílinn minn alloft, en verst var það þegar ég var kominn á gatnamótin við Kringlumýrarbrautina. Þá festist bíllinn virkilega, við vorum fjögur að ýta bílnum, en ekkert gekk og flautandi bílar stopp í langri línu fyrir aftan okkur. Loksins gafst ég upp, setti á hazard-ljósin og ók á móti umferð, stöðvaði önnur gatnamót og ók á brott, pirraður... Já, bíllinn minn er á nagladekkjum, spurning um hvort það sé hægt að fá keðjur undir hann?


mánudagurinn 29. desember

Jæja, þá er snjódagur í höfuðborginni og ég kemst ekki langt brúkandi þennan bíl. :S
Elli er allavega stiltur, hann opnaði búrið sitt sjálfur og skreið út í gluggakistuna til að fylgjast með littlum krökkum leika sér úti í garðinum á móti.


kl. 03:12

Þetta var virkilega undarlegt og asnalegt... Ég var að skutla Agga heim áðan og stoppuðum við á Select til að skella bensíni á bílinn. Ég lagði við bilaða dælu og smá vesin, en það sem mér þótti mest truflandi var að á meðan ég var að dæla kom gaur upp að mér og tók mynd(ir?) af mér með Nokia símanum sínum algerlega upp úr því þurrasta. Ég settist ringlaður inn í bíl og ók á brott.


kl. 00:03

Jæja, það hlaut að koma að því fyrr eða síðar, Bandaríkjamenn hafa þróað svona James Bond F-22 vél sem að sést ekki með berum augum... Hér er svo mynd af fyrirbærinu.


Fimmtudagurinn 25. desember

kl. 04:54

Ég tók eftir því þegar ég opnaði eitt af tónlistarforritunum mínum að efst í hægra horninu mátti lesa "Dear Santa, you are fat.". Þessi setning verður eflaust farin á morgun. :Þ

Jæja, þá er komið að því að telja upp jólagjafirnar mínar (ekki í neinni sérstakri röð)! :D
- svona fjarstýrðan bíl frá litla bróður. Gargandi snilld!
- Nýjasta Korn diskinn... Er ekki alveg viss um hvað ég á að gera við hann... Finnst þetta svona frekar slapt þegar ég er edrú og svona la-la þegar ég er fullur.
- MIDI lyklaborð með fullt af tæknilegu aukadrasli! Ég er búinn að vera að fikta í þessu non-stop síðan ég komst í tölvuna! :)
- 3 GameCube fjarstýringar, vantaði bara tvær, en ég get skilað þeirri þriðju og látið hana ganga upp í Need for Speed: Underground seinna.
- SOUL CALIBUR 2!!!!!!!! :D :D Heirirðu þetta, Aggi!? o_O :D
- Gangs of New york, DVD
- Bónus ljóð (snilldar kvæði!)
- Terminator 3, DVD
- Jean Paul rakspýri (nota ekki annað)
- Tvo nokkuð netta boli
- Ekta munnhörpu! [Alliat raular Klaufabárðalagið] :D
- Hinn hefðbundna Nóa konfektkassa frá vinnunni, nema nú fyldu heilar 5.000kr. með! :D

Einkar truflandi fannst mér sá fjöldi Clay Aiken geisladiska er tættu sig nánast sjálfir upp úr gjafapappír grunlausra ættingja minna... Leoncie hefur fengið öflugan keppinaut!

Ég fékk slatta af SMS-um frá nokkrum vinum mínum á meðan á hátíðahöldunum stóð sem að mörg hver innihéldu tilboð um fyllerí, að hanga og gera eitthvað, vídjó o.fl... Kannist þið ekki við þennan texta: "Nei-nei. -Ekki um jólin!..."?


Miðvikudagurinn 24. desember

kl. 03:51

Jæja, þá eru jólin komin! Pakkar og góður matur, dýrindis afsökun fyrir að bruðla pínu með peninga og dekra við sjálfan sig og aðra í kring! -En þennan svokallaða Guð og annað yfirnáttúrulegt mun ég seint viðurkenna. :P
Ég fékk að kaupa jólagjöfina handa mér frá ömmu og afa sjálfur því að mig langað í eitthvað sem að var knúið rafurmagni, nefnilega tvö stykki GameCube stýripinnar. Nú geta allt að fjórir spilað í einu og Kjallararottugengið getur hafið gleði sína upp um tuttugu stig! :D


Sunnudagurinn 21. desember

kl. 21:34

Ég skrapp til helvítis í gær og djammaði þar, týndi öllum og fraus nærri í hel því að síminn minn hafði læst og ég hafði ekki efni á leigubíl... Ég veit ekki hvort ég er í stuði til að djamma mikið á næstunni. :S


Laugardagurinn 20. desember

kl. 18:30

ÚFF!! Ég er kominn með dellu í lag eftir meistara Aphex sem að inniheldur m.a. skerandi hátíðnihljóð frá upphafi til enda. Mér fynnst þetta lag svo yndislegt, en ég á pottþétt eftir að skemma á mér eyrun. :S
Elli er enn samur við sig, styggur sem hjörð vísunda og ekki er hægt að nálgast hann með góðu móti slysalaust.
Ég fékk einkunnirnar loksins, ég náði önninni en þarf þó að sitja íslenskutíma 493 í þriðja skiptið í röð. Mér líður sem ég mæli ekki á vorri tungu. :/


Þriðjudagurinn 16. desember

kl. 11:46

Það er helst frá því að segja að ég mun seint bakka frá því að hann Matti littli hefur mælt sitt fyrsta orð aðeins þriggja mánaða að aldri. Ég hélt á honum og sneri honum að Brynju systur hennar mömmu, hann horfði stýft á hana og sagði hátt og skýrt "Halló!" svo skellti hann upp úr í smá stund. :D

Ég var síðan að sjóða saman annað lag um daginn. Ég var að búa til hljóð fyrir lagið og hafði tekið upp á því að mixa til svona þyrluhljóð. Ég dýpkaði það slatta niður og setti bassa í það o.fl. og varð nokkuð sáttur við útkomuna, en þegar ég bjó til laglínu úr þessu hljóði og spilaði hana, þá gerðist hryllingurinn... Mér fannst sem að eyrun á mér væru að ganga inn í hausinn á mér á mikilli ferð, ég táraðist á fullu (svona svipað og þegar að maður fær salt í augun) og gat mig hvergi hrært. Það varð mér til lífs að mér tókst að gera ofurspassaða hreyfingu sem að fjarlægði heyrnatólin af höfði mínu. Þetta þótti mér undarlegt því að ég var ekkert með tónlistina hátt stillta eða neitt, en ég gat gleymt því að reyna að halda áfram með lagið. Ég ætla rétt að vona að þetta gerist ekki aftur! :S


Föstudagurinn 12. desember

kl. 20:15

Jæja, þá er Michael Jackson sofnaður svefninum langa... Hann framdi víst sjálfsmorð með því að taka inn of mikið af svenftöflum. Lesa má meira um málið hérna... Ekki gleima að athuga hvaðan þeir fengu þessar fréttir.
Ég breytti fyrirsögninni enn einusinni, sá sem sér ekki húmorinn í þessu er blindur... Sá sem sér húmorinn í þessu er siðblindur. :Þ

Einnig ber að minnast á tvífara dagsins! :)
Fimmtudagurinn 11. desember

kl. 08:27

Ég var andvaka aftur í nótt og datt því í hug að gramsa á netinu og rakst þannig á þetta efni um eftirlætis teiknimyndafígúruna mína, Taz.
Ekki allir vita af því að þetta dýr er til í alvörunni og teiknimyndin er byggð á þessu dýri. Alvöru tasmaníu skollanum var útrýmt á meginlandi Ástralíu vegna áráttu hanst til að nærast á búfénaði og akuryrkju ástralskra bænda og má nú eingöngu finna hann eyjunni Tasmaníu. Tasmaníuskollinn getur hæglega étið upp til agna fugla og miðlungs stór spendýr, þar með talin beinin.
Tasmaníu skollinn er ekki mjög stórt dýr, en greinilega mjög skapstyggt og gráðugt. Ég man eftir því að hafa séð stutta klippu á Discovery stöðinni þar sem einn slíklur var að reyna að éta myndavélina, en hún var um það bil fimm sinnum stærri en hann sjálfur! Ég kemst ekki hjá því að hlæja þegar að ég sé hvað þessi vera er virkilega pirruð út í allt og alla. :)

-Hér má svo heyra í pirruðum Tasmaníu skolla.


kl. 03:31

Ég stóðst ekki mátið þegar ég rak augun í litla diggital myndavél er ég var að rápa í hádeginu í vinnunni og keypti hana. Hún er 4,5cm á hæð, 3,5cm á lengd og 1cm á breidd. Það er hægt að rölta um og smella stills myndum, eða tengja hana við tölvuna og nota hana sem webcam. :)
Nú get ég farið að perrast á netinu og grætt helling af pening... Ég efast samt um að ég geri það þótt að ég vita að ég geti það. :Þ Snefa frænka er búin að redda sér netinu aftur!!! Gleði!! En hún var að hætta með kærastanum sínum... Sorg... :S
En nú þegar hún er komin aftur með netið þá getur hún sent mér skondnar myndir sem að hún hefur tekið í gegn um tíðina... og það gerði hún... Ég fékk meðal annars langþráða mynd af eðlunni minni, honum Ella dúlla. Þetta er pínu gömul mynd og hann er orðinn miklu stærri núna (einn meter á lengd) og passar því ekki lengur í lófann á mér eins og á myndinni. Algjör dúlli, en stórhættulegur... :/


Þriðjudagurinn 9. desember

kl. 06:01

Klukkan er orðin sex og ég er ekki enn farinn í háttinn þrátt fyrir að eiga að mæta í próf eldsnemma á morgun... Ég vona að þetta hafi ekki mikil áhrif á útkomuna, en þetta er samt ekkert svakalega mikilvægt próf.
Annars var ég að muna eftir frekar vandræðalegu atviki sem að átti sér stað í bláa lóninu. Í byggingunni eru fullt af sjónvörpum, í anddyrinu og einnig í sturtuklefunum. Þessi sjónvörp sýna gaur og gellu í sundfötum í sturtu og svo fara þau útí. Klippan endurtekur sig síðan endalaust.
Þannig var að ég var að skríða upp úr lóninu og var í sturtu. Ég rak augun í sjónvarpstækið og sá gaurinn að gera það sama. Þarna hélt ég sem snöggvast að þetta væri mynd af mér í sturtu, sem að væri þá væntanlega sýnd um allt húsið. Mér brá svo við að ég snarstoppaði, rann á sleipu gólfinu og datt. Ég hafði ekki hugmynd um hvað ég átti að gera við hendurnar á mér; stoppa fallið, hylja kynfærin, eða hylja andlitið. Ég gerði sitt lítið að hverju, lenti frekar asnalega og meiddi mig pínu í rófubeininu... Sem betur fer sá þetta enginn. :P


Laugardagurinn 6. desember

kl. 04:34

Úff dagurinn byrjaði asnalega hjá mér um þrjú leytið (að degi til), en þá var hringt í mig og mér var sagt að drulla mér samstundis út í vinnu. Ég var sóttur af Atla frænda sem að skutlaði mér út í Garðabæ að ná í bílinn minn, þar sem að ég skildi hann eftir vegna þess að þar hafði ég lent á örlittlu djammi með ensku stelpunum o.fl. eftir bláalónsferðina um daginn. Þegar að í vinnuna var komið fékk ég að heyra þrumuræðu sem að endaði á spurningunni: "Af hverju kemurðu svona seint!?". Ég svaraði að ég enginn hefði látið mig vita að ég ætti að vinna í dag, en ég hef ekki mætt í vinnu sökum skólagöngu í allnokkra mánði (með einstaka undantekningum). Svarið sem ég fékk var svona: "Já, en þú áttir samt að koma á réttum tíma." Ég er EKKI skyggn og nem ekki slík hugboð!!!
Ég komst að því að ég hef verið bannaður af file-sharing dótaríinu á DC sökum dreyfingar á klámefni. Umrætt klámefni var hreyfimynd af Ken og Barbí (margar ljósmyndir af venjulegum barbídúkkum spilaðar hratt) að slást nakin (já, slást: kýla hvort annað - Ekki að hafa samfarir)! Nú hef ég verið bendlaður við dreyfingu kláms á DC og ætla mér ekki að snúa þangað aftur... Ekki það að það hrjái þeim eitthvað, en mér líður betur ef ég hef þetta svona.
Jæja, ég kíkti í pool með Atla félaga (ekki frænda) beint eftir vinnu og það var hreint ekki slæmt. Ég vann flesta leikina, en ástæða þess var ávalt að svarta kúlan rataði ótímabært niður hjá Atla, greyinu... Eða svo sagði hann... Kannski hélt hann að ég væri að fara taka mig á, skjóta niður fjórum kúlum í röð og þannig jafna hann og síðan sigra hann, svo að hann skaut svörtu alltaf viljandi ofaní? :P
Eftir að Atli fór, þá fór mér að leiðast aðeins svo að ég fór að fikta við tvær myndir. Þessi er önnur þeirra og er upprunalega af þeim dásamlega tónlistarmanni, Aphex Twin. Og svo fór ég að fikta við Þessa, en þetta er myndin af mér er prýddi forsíðuna.
Svo datt Silja vínkona óvænt inn á MSN sem að var nokkuð gaman, enda er hún stödd fjarri góðu gamni langt úti í sveit, greyið.
Á meðan ég var að tala við Silju vínkonu var mamma inni í stofu að stunda imbagláp. Allt í einu yrðir mamma á mig: "Mér finnst þessi gaur vera svakalega líkur þér!!"... Hún var að tala um Jay úr því fræga tvíeyki "Jay and Silent Bob". Silja var ekki sammála, svo að ég ákvað að gera örlítinn samanburð og ég er sammála Silju, en mamma bakkar hvergi. Hvað finnst ykkur? o_O
Annars er Jay kærkomin tilbreyting frá e-um Toad úr Neighbours. :P


Föstudagurinn 5. desember

kl. 06:06

Jibbííí!!! Það er kominn Föstudagur!! ...En bíðið við, allir eru í prófum og ég hef engan til að lepja bjór með. :(
Áhugasamir gefi sig fram á spjallinu hér að ofan! :)


Miðvikudagurinn 3. desember

kl. 18:55

Þess ber að geta að báðar ensku stelpurnar eiga haglabyssur og hafa leyfi fyrir þeim... Betra að hafa varann á. :Þ


kl. 01:55

Já, ég steingleimti að minnast á, í síðustu færslu, eitt af glappaskotunum sem ég gerði er ég vakti svona lengi, en ég fór í sturtu í öllum fötunum. Ekki bara upp á flippið, heldur vegna þess að ég einfaldlega steingleimdi að taka þau af mér... Afraksturinn var alls ekki ósvipaður og að vakna upp af vondum draumi.... Í rennvotum fötum. :P
Ég skellti mér í Bláa Lónið með Ensku stelpunum sem ég minntist á hér áður og áttu að koma fyrir nokkrum vikum, en frestuðu komu sinni. Tóta vinkona kíkti með, enda illa leikin sökum harðræðis bekkjakerfis MR og andsetinna kennara og í brýnni þörf fyrir afslöppun. Hún gegndi hlutverki prakkara og leiðsögumanns. :)
Sólin skein í heiði og fuglarnir tístu yndislega í logninu. Alliat slasaði sig ekkert og ekkert amaði að bílnum. *Á meðan, nálægt leynilegri eyju í Karíbahafinu:
"Herra, sástu þetta!? o_O "
-"Já! Svo virðist sem að eyjan okkar sé að sökkva í sæ sökum annarar risastórrar sprengingar! Við verðum að gera eitthvað í þessum bölvaða Kópavogsbúa, en nú skaltu halda áfram að spyrna, kanski náum við í land innan nokkura daga þar sem að við getum haldið vinnu okkar áfram ótrauðir!"

Eftir Bláa Lónið var Tótu skutlað heim og haldið var áleiðis á fyllerí heima hjá ömmu og afa. Þetta var nokkuð skemmtilegt og allir þar höfðu frá eitthverju snyðugu að segja. Sýndar voru myndir frá síðustu heimsókn (fyrir 13 árum) og ég hef víst "ekkert" breyst síðan þá. :Þ


Þriðjudagurinn 2. desember

kl. 18:21

Ég sofnaði ekki fyrr en um tíu í morgun þrátt fyrir að hafa vakað alla nóttina fyrir hið hörmulega íslenskupróf. Það gerir það að verkum að ég vakti samfleitt í yfir 56 klukkustundir og það getur ekki verið hollt. Annars er það ekki neitt persónulegt met, því að mér hefur tekist að vaka í næstum fimm daga án nokkurs svefns, eða rétt undir 120 klst! o_O
Á dögum 4 og 5 var ég orðinn svo ruglaður í hausnum að ég veit ekki hvað. Ég át m.a. eina sígarettu, eyddi löngum tíma í það að reyna að troða vídeóspólum í prentarann minn og gera um 40 tilraunir til að telja krónurnar í krónusafninu mínu... Án árangurs. Þetta ætla ég mér ekki að leika eftir aftur. :P

Þess ber að geta að Vísindamennirnir tveir í færslunni hér á undan eru tilvísun í það sem ég skrifaði hér inn á Föstudaginn 20. nóvember. :)


mánudagurinn 1. desember

kl. 09:31

Ég var að koma úr umfangsmiklu ísleskuprófi, ég vakti í alla nótt og lærði. Ég dúxaði svo rosalega að ég á örugglega eftir að fá eitthver verðlaun!
*Á meðan, nálægt leynilegri eyju í Karíbahafinu fljóta tveir illa leiknir vísindamenn um eins og korktappar og halda dauðahaldi í fljótandi brak furðandi sig á því hvað skeði...*


Föstudagurinn 28. nóvember

kl. 05:40

Jæja, þá er leyfilegt að gefa upp nafnið á honum syni mínum: Mattías Máni!! :) Svo er hann með heimasíðu með fullt af myndum af sér hérna. Stuðbolti í tíunda veldi! :D


mánudagurinn 24. nóvember

kl. 19:49

Jæja, þá er það orðið opinbert, Ella, eðlan mín, er karlkyn... Og ekki nóg með það, heldur er hún karlkyn á fengitímanum, svona smávaxin er hún hættulítil, en þetta á eftir að koma upp einu sinni á ári það sem eftir er. Það verður ekki snyðugt að hafa yfir tveggja metra langt úrillt skriðdýr með yfir 120 tennur inni í herberginu sínu. :S


kl. 13:24

Eitt sem að ég steingleimdi að minnast á varðandi Matrix 3. Ég fór á hana með Bjarka félaga og eitthvern vegin tókst okkur að villast inn í vitlausan sal, settumst niður og byrjuðum að glápa. Þetta varð til þess að ég sá bláendinn af myndinni áður en að við áttuðum okkur á því hvað gengi á. Nú vissi ég hvernig myndin endaði (þ.e. hverjir lifðu af og hvort góðu kallarnir eða vondu kallarnir ynnu) sem að, auðvitað, skemmdi myndina rosalega fyrir mér. :S


kl. 01:46

Ég skellti mér á Matrix 3 áðan og mér fannst hún átta sinnum betri en nr.2, en helmingi verri en nr.1... Af hverju er þessi tæknilega borg ekki með svona EMP eins og öll skipin? o_O


Sunnudagurinn 23. nóvember

kl. 04:29

Hmm... Ég var svona að pæla, hvað ætli verðu um kjöltuna á manni þegar að maður stendur upp? o_O
Ég skellti mér á djammið á föstudaginn. Ég var með Agga félaga og við flökkuðum á milli u.þ.b. 20 skemmtistaða. Við fórum inn á Ara í Ögri og rákumst þar á tvær stelpur, ég sagði eitthvað við aðra þeirra sem að leiddi til þess að hún beitti hinu fræga "ástríðufullt faðmlag-lostafullur koss" kombói, blikkaði mig brosandi og fór inn á klósett... Ekki veit ég hvað í ósköpunum vakti fyrir mér, en það næsta sem ég sagði við Agga var: "Eigum við að koma?" Aggi kinkaði kolli ringlaður og svo yfirgáfum við staðinn. Ekki var minnst mikið meira á stelpuna. :/
Restin af djamminu fór í að flakka á milli pöbba röfla í fólki og sýna þeim töfrabrögð. Svo tókst mér auðvitað að gabba Agga inn á Kapital, þar sem að ég fékk mér að dansa. :)


Föstudagurinn 20. nóvember

kl. 17:25

Það er gaman í blakíþróttatímum í skólanum. Ekki aðeins vegna þess að mér finnst gaman í blaki, heldur finnst mér einnig forvitnilegt að sjá hvernig ég mun slasa mig hverju sinni. Í dag hafði einhver skilið eftir opið svona gat í gólfinu (eins og má finna í öllum íþróttahúsum) og ég var ekki í íþróttaskóm. Boltinn kom þjótandi í áttina að mér, ég sendi misheppnaða sendingu sem var hetjulega bjargað af liðsfélaga mínum og aftur stefndi boltinn á mig, en þegar að boltinn flaug sem hæðst á lofti, steig ég ofan í umrædda holu og festi þrjár tær ofan í henni. Það kom eitthvað fát á mig og ég vissi ekki alveg hvað ég átti að gera; bjarga boltanum og rústa dýrmætu tánum mínum eða klúðra boltanum og bjarga táslunum. Að sjálfsögðu fékk ég boltan í hausinn, datt og skemmilagði tærnar á mér tímabundið.
Þetta var ekki nóg fyrir óhappadjöfulinn minn, ónei. Ég var staðsettur aftarlega á vellinum og boltinn var á leiðinni í jörðina sökum þess að stelpan fyrir framan mig þorði ekki í hann. Ég sparkaði í boltan í hugsunarleysi og bjargaði þessu, en auðvitað hafði boltin hafnað framan á illa farinni stóru-tá minni og sársaukinn var ólýsanlegur. Eitthverra hluta vegna ætla ég samt aftur í blak á næstu önn. :S

Ég var að komast að því að ég þarf ekki að ná nema 7,5 til að standast íslenskuáfangann. Ég fer létt með það... *Á meðan, á leynilegri eyju í Karíbahafinu: "Herra, herra!!!"
-"Hvað er að?"
"Kaldhæðnismælirinn sprakk í loftupp!!"
-"HVAÐSEGIRÐU!? Hvernig gat þetta skeð!?"
"Tjah, það síðasta sem ég sá var eitthvað sem að einhver fáviti úr Kópavogi, Íslandi sagði varðandi íslenskupróf!"


kl. 02:39

Úff!!! Nú var ég heppinn, svona til tilbreytingar. Maðurinn sem að býr á móti mér á stigaganginum bankaði upp á og tilkynnti mér að hann hafi fundið myndavél á bílaplaninu fyrir utan. Mikið rétt, þetta var myndavélin fyrir símann minn! Hvernig hann vissi að ég ætti hanna er hins vegar ofar mínum skilningi. :/
Michael Jackson virðist hafa hleypt villanum sínum á kreik enn á ný og líkur eru á því að hann þurfi að borga tveggja klst. laun fyrir vikið... Annars er ég nokkuð viss um að greyið sé alsaklaus og þetta séu bara gráðugir Bandaríkjamenn á höttunum eftir peningunum hans.
Hmm... ég virðist hafa verið bitinn af vampíru og er nú dæmdur til þess að borða fólk og ræna peningunum þeirra.
Ég tók allsvakalega syrpu á quizilla og henti öllu saman inn á kannanasíðuna.


Fimmtudagurinn 20. nóvember

kl. 14:36

Ég hékk með Agga til kl. hálf fjögur í nótt að vinna að Nova stækkununni. Við smíðuðum nýtt geimskip og plottuðum söguþráðin aðeins, en á endanum festumst við í öðrum snilldar leik - King Of Parking.
Eðlan mín er komin á fengitímann... Það einfaldlega hlýtur að vera. Þetta næstum heila ár sem farið hefur í tamningu hennar er runið í vaskinn. Hún klórar ægilega mikið og djúpt og hleypur í burtu um leið og ég geri mig líklegan til þess að taka hana upp og knúsa hana... Jæja, það er bara tvent sem hægt er að gera við þessu, láta stoppa hana upp eða byrja tamninguna upp á nýtt. Þar sem að ég er mikill dýravinur þá tek ég seinni kostinn. :Þ


Þriðjudagurinn 18. nóvember

kl. 18:52

Jæja, þá er það orðið ljóst, ég er fallinn í íslensku annað skiptið í röð. Með þessa einkunn þarf ég að ná 8,75 eða hærra á lokaprófi til þess að standast áfangann... Jæja, það er svo gaman í skólanum að það er um að gera að teygja lopann eins og unnt er. :Þ
Sko minn síma! Hann ákvað að virka allt í einu eftir að ég beitti nokkrum "sannfærandi" viðgerðum á honum. Myndirnar af stráknum mínum eru nú konar upp! :D
Hmm... Ég á líklega ekki eftir að hafa mikinn frítíma aflögu á næstunni því að nú eru að koma til landsins tvær stúlkur frá Bretlandi og ég á að sýna þeim hitt og þetta. Þetta verðu vonandi gaman og spennandi og ég ætla mér að nýta tækifærið og líta í Bláa Lónið í fyrsta skiptið. :P

GAH!! Brjálaða 3D forrit!!! Alltaf þegar ég ætla að gera 3D kvikmynd, þá vinnur forritið hana þannig að hún spilast bara afturábak!! (svona til fróðleiks, þá tekur hver sekúnda af svona klippum 15 mín. ef glugginn er lítill). Ég er búinn að gera fleiri skip fyrir Nova og á eftir að senda þær hingað innan fárra daga.


mánudagurinn 17. nóvember

kl. 13:25

Ég kíkti í afmælisveislu til Sigrúnar á laugardaginn, en hún er staðsett í Verahvergi þannig að ég fékk að vera nætó. Áður en í partýið var haldið kíkti ég örlítið á hann son minn og horfði á The Drew Carrey Show. Í þessum þætti var sena þar sem að Drew datt um hund og ég hló að þessu og sagði: "hver dettur um hund!?" ... Í partýinu var hundur... Þið getið giskað á restina. :Þ
Ég náði rosalega flottum myndum af syni mínum skellihlæjandi á símann minn, en eins og áður sagði þá grýtti ég símanum mínum í einhvern ógæfusaman einstakling (hann var dyravörður og átti þetta skilið) fyrir nokkru og ég get ekki sent myndirnar í tölvuna lengur. :C
Þetta er vafalítið ein sú langfyndnasta ljósmynd sem að ég hef á æfi minni séð! :D


Laugardagurinn 15. nóvember

kl. 05:45

Phobophobia = sjúkleg hræðsla við það að vera haldin fóbíu... Djöfull voru læknarnir nastí að skilgreina þetta sem fóbíu. :Þ
Ég hef tekið eftir því að ekkert blogg er blogg án þess að hafa latneskan frasa á áberandi stað, þannig að ég skellti einum slíkum á forsíðuna. ;)


kl. 02:29

Úff... Þessi dagur varð ekki eins góður og ég ætlaði. Ég vaknaði veikur, fór í skólann, fór í blaktíma (vann reyndar alla 15 leikina) en hafði gleymt íþróttadótinu mínu enn einusinni og komst því ekki í sturtu eftir tímann. Sveittur, illa lyktandi, úfinn og úrillur lagði ég nú leið mína út í vinnu, þar sem að ég ætlaði mér að ná í barnarúm sem ég ætlaði að láta Sigrúnu og litla kallinn fá. Þegar hér var komið við sögu þá var mér farið að líða mjög illa og var kominn með svima. Um leið og ég gekk inn á lager þá var ég bara settur í fullt starf við að bera sófasett hingað og þangað! Ég fann síðan barnarúmmið, en það hafði verið í láni áður og var þakið matarleyfum og flagnaðri málningu... ég hálf skammast mín fyrir þetta skran... Ég fann mér rólegan stað inni á lager og sofnaði þar, enda gat ég ekki haldið jafnvægi lengur sökum svima. Þegar ég vaknaði þá var allt slökkt og allir farnir heim, ég hafði sofið of lengi... :S
Hmm... Hrekkurinn minn komst upp frekar snemma og virkaði ekki sem slíkur. Ég komst að því að Aggi er með massífa teigjufóbíu. Ég ætlaði að rétta honum teigju eftir að hafa gert heiðarlega tilraun til að sýna honum smá trikk með henni, en greyið hnipraðist allur saman og baðst vægðar þegar ég rétti út hendina. Hrekkurinn fólst í því að á síðunni hans Agga er fídus sem að nefnist "What's my potion" og samanstendur af lista yfir allt það óholla sem að Aggi umgengst. Ég fann á netinu þessa allmyndarlegu teyjuhríðskotabyssu og setti í stað listans. Þessi byssa dritar um 120 teigjum á 10-12 sekúndum og það væri næstum 30.000kr. virði að stilla henni upp fyrir framan klósetthurðina hér heima og hrekkja eitt stykki grunlausan Agga. :Þ
Eðlan mín er komin í fýlu... Eins og langflestar iguana eðlur, þá skilur hún ekki gler. Ef það sést í gegn um eitthvað, þá á hún að komast í gegn um það. Hún eyddi kveldinu brjótandi heilann um hvers vegna "loftið" var svona hart í kring um hana og hver vegna hún komst ekki út úr búrinu sínu. Hún horfði bónaraugum á mig, en ég var nýbúinn að kæla herbergið niður og hleypti henni ekki út... Hún skreið fúllynd inn í hellinn sinn og sofnaði þar... Vonandi verður hún búin að jafna sig á morgun.


Miðvikudagurinn 12. nóvember

kl. 22:43

Það kom upp pæling í vinnunni varðandi hana Björk "okkar". Fyrir þá sem vita hver hún er, þá er hún stolt Íslendinga, söngkonan sjálf.
Þegar að hún var að byrja, blessunin, þá vildi engin gefa út tónlistina hennar og engin banki gefa henni styrk til að gefa út plötu. Nú í dag vilja allir bankar fá hana og allir vilja gefa út tónlistina hennar. Hún er nú hjá erlendu plötufyrirtæki og geymir peningana sína í Bretlandi... Gott hjá henni, stinga upp í þetta lið, bara!
Björk Guðmundsdóttir manneskja er jú vissulega Íslendingur í húð og hár, en Björk söngkona er Breti hvort sem að okkur líkar betur eða verr. Hún er Björk "þeirra", ekki "okkar".

... Ég ákvað að gerast hrekkjóttur... meira um það síðar... Múhahahahaha! :Þ


kl. 11:09

Silja kom í heimsókn!!! :D :D :D
Það var alveg fáránlega gaman að sjá hana aftur, en ég hef ekki hitt hana í háa herrans tíð! o_O
Athugulir gætu hafa tekið eftir nýja undirtitli óhappabloggsins: "Ekki setja blóð í húsgögnin". -Hvað meina ég með þessu? Ég meina einfaldlega það að þessi setning er ávalt tuggin ofan í mig er ég læt sjá mig út í vinnu.

Ó, og eitt enn, ég er búinn að föndra nýja teiknimynd, en ég gleimdi skólatöskunni úti í bíl og nenni ekki að ná í hana að svo stöddu. :S


Sunnudagurinn 9. nóvember

kl. 05:24

Þorgeir, vinur hennar mömmu var að tala um svona nýja síma sem að eru væntanlegir á markaðinn. Þessir símar eru takkalausir og er stýrt með raddskipunum. Þeir eru í formi armbands og til þess að tala í hann þarf maður að stinga einum fingri í eyrað á sér (síminn sendir nettar víbrur í gegn um beinið). Ég fór svona að pæla... Hvað ef einhver vill fá að hringja hjá manni? Stingur maður þá puttanum í eyrað á honum? Er þetta framtíðin, fólk standandi úti á götu með fingurna í eyrunum á hvort öðru? :Þ


Laugardagurinn 8. nóvember

kl. 11:55

ARG!!!!!! Ég skrapp í ríkið í gær. Ég var að flýta mér. Ég tók vitlausa tegund af Faxe. Þessi var 7.7% og bragðaðist eins og landi út í bjór. Mér líður eins og geimflaug hafi lostið mig á fullri ferð.
Ég HATA tískutónlistina í dag. R&B sökkar feitast og hún verður hvergi flúin niðri í bæ. Á öllum skemmtistöðum dynur þessi tónlist, á öllum útvarpsrásum dynur þessi tónlist, á öllum sjónvarpsstöðum dynur þessi tónlist! Ég ætla aldrei niður í bæ aftur, altént ekki á meðan þetta píkupopp ræður ríkjum. Skemmtistaðir sem að gerðu sig út á að vera dansstaðir spila nú bara R&B. Ég spyr: Hvernig í andskotanum getur nokkur manneskja tekið feil á tónlist sem er venjulega undir 60 slögum á mínútu og danstónlist!?!?!? Er þetta fólk þroskaheft eða!?
Ég get þó huggað mig við það að eftir aðeins fjóra mánuði verður þessi tónlist horfin og eitthvað vonandi skemmtilegra (vonandi hraðara) verður komið í staðinn.


Föstudagurinn 7. nóvember

kl. 17:56

ÚFF!!! Ég var í blaki áðan og lenti í liði með 6 stelpum og einum öðrum strák. Hér er smávegis staðreynd: Aðeins 1 af þessum stelpum lokaði aldrei augunum þegar að hún sá boltan koma í áttina að sér í stað þess að slá hann til baka. Þetta leiddi til þess að ég og hinn strákurinn vorum á hlaupum út um allan völl að reyna að vera alsstaðar á sama tíma. Við töpuðum öllum 3 leikjunum og ég slasaðist við það að reyna að hindra að liðið okkar fengi úrslitastigið á sig.
Yfirleitt er þetta kærkomið, en helst ekki svona harkalega... Ég fékk stelpu í klofið og haltraði út af. :S


Fimmtudagurinn 6. nóvember

kl. 19:46

Ég var svona að rifja upp þá gömlu tíma þegar að ég var á gelgjunni og stundaði menntaskólaböll af miklum eldmóð. Það stendur mér ofarlega í mynni hvað það var ávalt leitað sérstaklega vel á mér... Lít ég út fyrir að vera svona rosalega krimmalegur?


kl. 16:20

Ég kíkti með Bjarka, vini mínum, í Tekken 4 í gær. Ég hef spilað hann tvisvar áður, en þau skipti voru stutt og ég gat ekki spilað við neinn annan en tölvuna. Nú, hins vegar, fékk ég að spreyta mig í 4 klst. törn af þessum leik og mér gekk svona skítsæmilega en kom auga á slatta af nokkrum ógeðfeldum göllum í leiknum. Einn helsti gallinn var sá að bardagakerfið hefur verið fært nánast óbreytt úr Tekken 3 yfir í Tekken 4. Ekkert að því, nema hvað að borðin í nr. 4 innihalda brekkur, tröppur, árfarvegi og fleiri misfellur í jörðinni. Það er eins og þeir sem að stóðu að leiknum hafi ekki nennt að gera ráð fyrir þessu og bara látið leikinn flakka því að ef að andstæðingurinn stendur ofar/neðar en maður sjálfur, þá hætta einstaka högg að hitta í mark sem hefður annars gert það (Mjööög pirrandi).
Svo er líka búið að skella inn veggjum og öðrum hindrunum inn í borðinn... Þegar ég sá sýnt úr þessum leik, þá vour alls konar trikk sem að kallarnir gátu gert þegar þeir voru komnir út í vegg (wallkicks, hlaupa upp vegginn o.fl.), þetta virðist hafa verið tekið blákalt úr leiknum án nokkurar augljósrar ástæðu. Eins og áður var sagt, þá hefur bardagakerfinu ekkert verið breytt og það verður mjög pirrandi þegar að veggjunum kemur: Ef að maður dettur þegar að maður er kominn út í vegg, þá er maður dauður og ekkert sem að maður getur gert af því (með það að hliðsjón að andstæðingurinn hætti ekki að sparka).
Þær fáu breytingar sem hafa verið gerðar eru þær að gripin hafa verið færð (aðrir takkar til þess að nota þau), maður þarf að ýta á ská-niður-afturábak til þess að verjast höggum undir beltisstað (mjög erfitt að venjast þessu, finnst mér) og í stað venjulegu griptakkanna er komið bragð til þess að skipta um stað við andstæðinginn og er það meinlaust með öllu og leiðinlegt þegar að maður gerir þetta óvart.
Ég vona að þetta verði allt saman lagað í næsta leik.

Nýja myndasagan er komin upp og önnur er á leiðinni.


Þriðjudagurinn 4. nóvember

kl. 06:15

Jæja, þá er karlinn bara kominn með kreditkort! Aðallega til þess eins að geta hafið innkaup í gegn um hið svokallaða internet. Nú er bara spurning hvernig mér takist að tapa pin-kóðanum. :S
Ég er nú þegar búinn að hafa mín fyrstu viðskipti á netinu, og þau voru: skemmtileg partýspil og partýgaldrar handa sjálfum mér og svo afmælisgjöf handa Snefu frænku og Agga félaga. -Ég vona að þau verði ánægð! :)
Annars á ég líka eftir að kaupa gjöf handa litla bróður, en hann átti líka afmæli um daginn. Hann vill að ég kaupi þriðju seríu af Simpsons, en hún kemur út á morgun. Spurning hvort að ég nái þessu áður en þetta selst upp? :S
Allt í einu mundi ég eftir að kíkja undir húddið á blessuðum bílnum mínum og viti menn, hefði ég ekið svona tíu-tuttugu metra í viðbót þá hefði hann brætt úr sér því að vatnskassinn var hérumbil tómur! o_O
Ég er alveg að verða búinn með aðra myndasögu, kemur á eftir eða á morgun.


mánudagurinn 3. nóvember

kl. 00:42

Svefnvenjur mínar eru vægast sagt undarlegar þessa dagana: vakna kl. 08:00 vaka til svona 15:00, sofa til um 19:00 vaka til 04:00, sofa til 08:00. . .
Ég veit ekki hvort þetta er ohollt eða ekki. Þetta er jú reglulegt og ég sef meira en átta klst. lágmarkið. Satt að segja hentar þessar svefnvenjur mér bara ágætlega. ég vakna á réttum tíma í skólann, svo vakna ég í kvöldmat og svo get ég hitt vini mína á kaffihúsi eða eitthvað og haft nægan tíma til að nátthrafnast (ég elska að nátthrafnast).
Ég er búinn að skipta óhappablogginu í tvo hluta til að minka biðtíma. Hlekkur á hina síðuna bíður ykkar neðst á þessari síðu.


Miðvikudagurinn 29. oktober

kl. 10:39

GAAH!!! NEEEIIII!!! Löggan má EKKI eiga alveg eins bíl og ég! o_O


mánudagurinn 27. oktober

kl. 20:32

Ég vakti í alla gærnótt með Bjarka, vini mínum. Það var síðan "sprungið" (kanski bara loftlítið?) á bílnum mínum þegar ég ætlaði að skutla honum heimleiðis. Ég náði að skella lofti í dekkið í tæka tíð... Alltaf sama dekkið... :(
Sökum vökustunda minna í gærnótt sofnaði ég svo um leið og ég kom heim úr skólanum. Ég vaknaði síðan við þetta líka rosalegasta haglél sem ég hef nokkurn tíman séð: höglin voru á stærð við meðaltyggjókúlur!! o_O
Þegar ég svo kom fram, þá voru mamma og litli bróðir komin í sparifötin og voru á leiðinni út að borða á Rauðará. Ég var einfaldega allt of nývaknaður og úldinn til að sprikla í sparifötin og drattast með þótt að mig dauðlangaði til þess. :S
Ó, og á meðan ég man: nýja myndasagan er komin upp! :D


Sunnudagurinn 26. oktober

kl. 05:26

Ég kíkti til Agga í dag og tókst að labba á kaktus á ganginum hjá honum... Ég ætla ekki að gera það aftur.
Ég fann yndislegan leik á netinu, en vegna þess hve mikið ég er búinn að spila hann, er ég að farast úr áhyggjum yfir því að eitthvað af orðum mínum myndi enskt orð og allur textinn hverfi burt :S
Smá pæling: ef að vampýrur myndu smíða bíl, myndi hann þá sjást í spegli? :Þ


Föstudagurinn 24. oktober

kl. 04:08

AAAAARG!!! Nú er ég virkilega fokkíngs pirraður!!
Ég eyddi rúmlega einni og hálfri klukkustund í að skrifa svaka grein á jaðarsport áhugamálið á huga.is áðan og, auðvitað, crashar Hugi og greinin steyptist til glötunar eins og hendi væri veifað!
Fyrir forvitnar sálir þá fjallaði greinin um græju sem að ef til vill á eftir að leiða af sér nýtt jaðarsport í framtíðinni. Lesa má um græjuna hérna.
Þetta er vafalítið það mest pirrandi sem að fyrir mig hefur komið í lengri tíma (fyrir utan í dag, þá trítlaði ég berfættur inn í eldhús og steig á kaffiduft: böggböggbögg...)
:(

Annars er orðið voðalega stutt í nýju myndasögunna, bara einn rammi eftir.


Miðvikudagurinn 22. oktober

kl. 18:34

... Oh, ég kláraði Zelda, hvað á ég nú að taka til bragðs? ... Jú, bíddu við! -Ég á tvo Zelda leiki í viðbót sem eru alveg jafnlangir og sá sem ég var að klára! :Þ


kl. 16:49

Úff, eins og áður sagði þá tókst mér að endurvekja áhuga minn á Zelda tölvuleiknum og segi líklega þar með skilið við allt mitt félagslíf í bráð. Í ljós kom að ég átti ekkert svo rosalega mikið eftir af leiknum þegar ég missti áhugan síðast. Ekki þarf að minnast á það að ég svaf ekkert í nótt sökum leikjaspilunar og mætti í íslensku í morgun án nokkurs svefns og til að bæta smá salti í morgunsárið, þá var munnlegt próf úr bók sem að ég vissi ekki einu sinni að væri til!! o_O


Þriðjudagurinn 21. oktober

kl. 23:23

Ég glápti á þá snilldarræmu, Jaws, áðan með Bjarka félaga. Ég sat og upplifði gamla tíma á meðan Bjarki, sem hafði ekki séð hana áður, bölvaði tæknibrellunum... Í ljós kom við eftirgrenslan að þessi mynd er frá 1975! o_O
-Ég Á SVOOO eftir að gleyma að skila henni... :S
Ég er einnig búinn að átta mig á leið til þess að redda mér úr kvennavesininu sem ég hef látið ónefnt hér á blogginu: Ég ætla að byrja að spila Zelda aftur. :Þ


mánudagurinn 20. oktober

kl. 17:59

Hmm... Ég fékk lögreglufylgd aftur í skólann í dag... Hafa þessir menn ekkert annað að gera!? Þetta sýnir bara það að þeir hafa allt of mikinn pening til umráða og vita ekkert hvað þeir eiga að gera við hann! ... Reyndar fór ég engar krókaleiðir til að ganga úr skugga um eftirförina að þessu sinni, þannig að þetta gæti vel verið tilviljun, en þeir biðu fyrir utan húsið mitt og tóku af stað um leið og ég fór framhjá þeim og eltu mig svo upp í Breiðholt... Frekar krípí... :S
ÚFF!!! Nú er ég að horfa á á DR.Phil, þann súra þátt... og þar er maður á stærð við meðal VW bjöllu sem er að hvarta undan því að "flugvélasæti séu allt of lítil"(!) -Farðu í megrun!! o_O
Svo kemur annar maður á eftir honum sem er enn stærri en sá fyrri og hvartar undan heilbrigðiskerfinu, að það splæsi ekki í svona catscan vél sem hann getur passað í!! Btw. hér er verið að setja heilt risaeðlubein í normal sized cat scan vél! o_O


Meira óhappablogg...
Aftur á aðalsíðu...